المساعد الشخصي الرقمي

مشاهدة النسخة كاملة : الحقو علينا بسرعه يا جماعة الخير ...


محمد العنزي
21/01/2004, 09:52 PM
السلام عليكم ...

ياخوان تعرفون هالبانزين غالي .... والمشاوير كثيره ... ؟؟

ودي بطريقه تركيب تانكب بنزين اضافي للباترول اللي مايصدق بريحة البانزين

ابي طريقه تكون فعاله ويكون التانكي من التشليح ..

يعني تانكي سياره ثانيه ... والمشكله كيف يتم توصيله بحيث يكون زي الشاص يحول على طول للتنك الثاني

من دون وقفه وعب ولا وصل اللي

والله لايهينكم وجهونااااااااااااا

واللي عنده فكره احسن يدلنا عليها ... ويجزاه الف خير
الاجودي
22/01/2004, 10:06 AM
وعليكم السلام ورحمة الله


اخوي الغالي اذكر مرة شفت واحد معه باترول مديل 94

وفيه تانكيين وسألته وين مركبه قال عند الوكاله في الرس

لكن ترى الرجال هذا مهوب موثوق (يعني راعي ارانب)

اذا كان في احد من اهل الرس ممكن يفيدنا او احد مركبه
صقر
22/01/2004, 02:07 PM
أخي محمد العنزي

حياك الله

واذا كان الباترول اللي معك من موديلات 97 ودون فإنه يركب له تانكي ترهيم ومعه طرمبة وطفاي يمكن التحكم فيه من الداخل.

مكان التانكي طولي تحت الراكب الخلفي الأيمن ويقع على يمين العمود....

التانكي هذا يركب في ورش بالرس كامل ومجرب ومضمون وسبق ان تكلموا الشباب في المنتدى عن الموضوع وفيه ارقام الورشة.

ارجو ان اكون افدتك....
محمد العنزي
22/01/2004, 08:30 PM
اخوي الاجودي

وعليكم السلام ورحمة الله وبركاته

ويعطيك العافية على الرد

وماقصرت
محمد العنزي
22/01/2004, 08:37 PM
اخوي صقر ... لاهنت

موتري اللي بالتوقيع ....

وفكرت بالموقع اللي تقول .. لكن المهم التركيب السليم اللي ما يصير مش حالك

لأن دروبي وعره .. وبعض الاحيان عسره بعد .. ومثلك عارف الديره تبي لها بعض الاحيان ثلاث توانك .. هههههه


وتسلم والله على توجيهك لي .. وبامرهم واشوف .. ايش رايح يسوون

واذكر واحد فتحوله فتحه بالجنب للتنك الثاني والله ياهو اكلها خاااااابور



والف شكر ..

وحياك ربي
كاشــت
04/02/2004, 02:43 AM
السلام عليكم ورحمة الله وبركاته

اخي فيه حل ملائم أنك تشيل التانكي كله وتركب تانكي جديد بسعة أكبر

وهذا تحصله في الصناعية وعند بعض محلات أكسسوارات الجيوب

والله أعلم