باث فايندر 2006 وفوق!!!!

[النحيف]

السلام عليكم ورحمة الله وبركاته


تقبل الله منكم الصلاة والصيام وسائر الطاعات



الموضوع باختصار



هذا يا جماعة الخير فيه رجل عزيز علي يبي يشري باثفايندر نيسان 2006 وفوق وطلب معلومات عن الموتر
فاللي عنده أي علم عن الموتر لا يبخل علينا ... :D :good:


بالله لا تخلوني أتفشل عنده تراي قايل له أهل مكشات ما يقصرون ... :j :j




والشكر لكل من زار أوأضاف مقدما ً ...

[النحيف]

وينكم يا جماعة !!!! :confused: :confused:

[مواسي الطعوس]

الموتر مع ثلاثه من الربع ولا اشتكوا من شي ابد . لكن ترى اكثرهم ممشى ماشي 155000 الف ,

وفيه موضوع لفارس العمور اظنه بعد 20 صفحه منزله اخبر فيه كل المعلومات .

** اللي اعرف عيبه انه مع الحمل ينزل ورى لازم تغير الياي الى ياي استرالي رقم (384) هو الوسط لانها ثلاث انواع . وتحصله عند الرمايه 550 الاثنين . وعند السنيدي ب 480 ريال.

وذا ما جاوبك احد اجيب لك عامه من الالف للياء .

[سفير الديره]

حياك الله


الموتر مع الوالد باثفندر موديل 2006
الموتر من ناحية العزم ماشاء الله ممتاز
ولكن اذا كنت راعي بر ونفود لابس به لان الموتر قريب شوي من الارض
من ناحية عام الموتر جيد وممتاز بالخطوط
والحمد لله مافيه اي خلل الا المكيف بعض الاحيان تصنف معه ويطفى

هذا ما عندي وان شاء الله ما يقصرون الشباب

[مخاوي نجد]

هذا الرابط يفيدك
http://www.mekshat.com/vb/showthread.php?t=143674&highlight=%D1%C7%C8%D8%C9

[سوبر VTC]

بالله لا تخلوني أتفشل عنده تراي قايل له أهل مكشات ما يقصرون


اضحك الله سنك :d
***
الباث مركبه زين
لكن لو يحصل باترول فتك احسن :)
انا اشوف ان الباث مكينته معقدة شوي
لو ما يجيك الا ان به بلفين2 للماء
***
اهم شي الاستخارة

[.أبوعبدالرحمن]

وانا اخوك ودي انه ما يستعجل لانه لو يحول الى الفتك اشوف انه افضل


اوسع واريح وافضل


والباث الجديد ما عليه كلام في عزمه ومركبه لكن اذا ركبوا ثلاثة ورا على طول يزل بقوة ويصير يهابد في المطبات

ايضا صوت الهواء في الخطوط شوي مزعج وفيه انه قريب من الارض شوي ما هو مثل الباث القديم



ولا ينسى الاستخارة وترى سعر الفل يجيب له فتك تماتيك

[اول 111]

ايضا صوت الهواء في الخطوط شوي مزعج
معليش بهذا انا اتحداك توني راجع من سفر وباث 2007 مانزلنا 160 وما سمعنا صوت الهواء عكس القديم انواع الازعاج

[سوبر VTC]

معليش بهذا انا اتحداك توني راجع من سفر وباث 2007 مانزلنا 160 وما سمعنا صوت الهواء عكس القديم انواع الازعاج


يا رجال مصدقينك
بدون ما تحلف :) :)

[سفير الديره]

صدقت اخوي اول 111
ماشاء الله مافيه اي صوت هواء ومريح جدا
باثفندر 2006

[مواسي الطعوس]

المفروض الواحد مايكتب عن الموتر اذا ركبه مشوار ساعه او اقل ويجيك يتكلم عن السياره .

وذا السياره ماهي مع الشخص المفروض يقول باعتقادي ان السياره فيها كذا لكني ماني متاكد .لايصير معزم على الشي كانه معه له سنه او اكثر .

والكاتب اللي يقول فيه صوت هواء له شطحات ومايعرف له الا اخونا(ابو اسامه) ولو مسموح التوطي والسخره خليته يعاف المنتدى .وتراي متابع كتاباته .

[اول 111]

يا رجال مصدقينك


بدون ما تحلف :) :)


وين الحلف:D :D :D :D :D

[سوبر VTC]

وين الحلف:D :D :D :D :D




لان كلامك يوم تقول (اتحداك)
هذا يقود الى -------> الحلف :)
يعني بغيت تصيح الا شوي ;)
فهمت و الا اجيب قلم و سبورة :D

[النحيف]

الشكر لكل من أضاف وزار وبانتظار المزيد ...:good: :good:

وبعدين يا جماعة تعوذوا من ابليس ...:no2:

[النحيف]

اللي اقترح الفتك الرجال الحين معه فتك 2005 لكن يقول عجزت أتأقلم عليه !!!

[الربذي]

بصراحه يقولي واحد انه مع قريب له في شركه وله سفرات كثيره رايح جاي ع الجنوب وماشي 127الف وماشكى منه بالرغم انه تبع الشركه يعني يقول الصيانه صفر ادق سلف وامشي 0
طيب خله يستاجره ويشوفه يمكن نمدحه واذا شرا باعه من اول يوم ويمكن نسبه واذا جربه نصير نسب الزين

[سوبر VTC]

العذر و السموحه اخوي النحيف :)
على الكلام اللي صار فوق
لكن كلام اخوي الربذي صحيح انت خله يستاجر نفس الموتر و يجربه يمكن ما يجوز له و في نفس الوقت عشان ما يتحسف لا قدر الله بعدين
تحياتي

[النحيف]

الله يعطيكم العفية جميعا ً ...

[فارس العمور]

انا معي 2008

والسيارة 100% وخصوصا مقارنه بالي بالسوق بحول سعرها تعتبر الافضلللل

[فاطر]

فتك وبس .. وان كانك مطفوق انتبه تاخذ ربع تراك على التنده على طول الله يستر عليك

ولله يطعمك من خيره ويكفيك شره

[الجندي2005]

اذا وصل لقيمه الباث فل كامل اصرف له فتك قيمته حوله 142الف ريال

[ابو وافي 444]

البركه بالشباب