استفسار ضروري عن استيراد سيارة من الخارج

[قناص شمير]

قوة يا الربع
اخوكم طالبكم طلبه عنده كم من استفسار وحاب احصل عليه رد من الأخوان
أصحاب الخبرة واللي استوردوا سيارات من قبل بأسرع وقت لو سمحتوا
أخوكم يبي يجيب سيارة من برع من دولة خليجية
طيب ، أولا هل مسموح لأي مواطن جلب سيارة من الخارج أو لابد أنه يكون شركة أو مؤسسة ( السيارة للاستعمال الشخصي )
وشنو الإجراءات اللي راح تصير لي من بدء إجراءات الجمارك إلى الحصول على الأرقام والاستمارة
وهل في فحص فني وتدقيق معقد على السيارة المستورة أو لا
وماهي الأمور التي يدقوون فيها إن وجد هذا الفحص
وكم هل التكلفة المتوقعة لرسوم هذه الإجراءات غير رسوم الجمرك
وآسف ثم آسف مليون على الإطالة بس تخبرون أول مرة ومالي خبرة ابدا في هذا المجال

ومشكورين وأرجو تفاعلكم

[قناص شمير]

up
up
up
up
up
up
up
up

[هدير الموج]

أخي قناص شمير السلام عليكم

اعتقد ان قصدك انك تستورد سيارة من الامارات

انا استوردت سيارة لكزس الماني مستعمل كنه جديد من الامارات الشارقه واستخرجت لها ورقة

مواصفات ومقاييس من دبي ورجعت فيها بالبر الين جده طبعاً في اجراءات بالجمرك

تلاقي مخلصين يساعدونك في تخليص الاوراق اللازمه ولما تدخل الحدود السعودية البطحا

يشوفون الاوراق وعندهم يقدرون الرسوم الجمركيه بحسابات خاصه فيهم تقريبا خمس بالميه

تدفعها وتاخذ اوراق الجمرك والسياره وتتوكل على ديرتك وخل في بالك انك ماتقدر كفرد تدخل الا

سياره وحده باسمك من الخارج في السنه واذا تبي اكثر خذ صور جوازات ناس تثق فيهم وتجيب سيارات باسمائهم

وبعدين يحولونها باسمك هذا العلم وسلامتك ترى الشغله بسيطه

والشي اللي يخلي الناس يرغبون السيارات المستعمله من الامارات هو ان عندهم سيارات نظيفه مرره

ولكن فرق السعر بين المستعمل السعودي والخليجي بسيط يمكن بعد دفع الجمرك ما تلاقي فرق غير

خمسه او بالكثير عشرة الاف لكن النظافة تفرق واجد

دمت بحفظ الله ورعايته والله يوفقك بالموتر المزيون ومبررروك مقدماً

[بـلـيـهـان 1]

انظر إلى موضوعي .. يفيدك إن شاء الله

[بـلـيـهـان 1]

http://mekshat.com/vb/showthread.php?t=151614


الأستيراد من أمريكا

[قناص شمير]

هدير الموج : مشكور وما قصرت يا ولد الأياويد
وعساك سالم إن شاء الله

- s h a g r a n : تسلم على مشاركتك يا الغالي وموضوعك استفدت منه حيل
اشكرك وما قصرت

[قناص شمير]

طيب يا جماعة الخير طولتها شويه هههههههههه
لكن استحملوني
السيارة اللي ابي اجيبها كانت مصدومة وانا محصل فرق كبيــــــــــــــــــــر بين سعرها هنا وبرع
الشاصي مافيه شي والصدمة تصلحت فمن كذا سعرها رخيص
ولكن السؤال الأهم والي مخوفني
هل يمررونها لي في الفحص الفني وما بيصعبونها علي
أرجو الرد والتفاعل معي لو سمحتوا

[ابو زكي]

اخوي قناص برايي مادام انك بتاخذلك موتر من برا والشغله فيها رسوم وجمرك ومن هالكلام دورلك نظيف فعلا السعر ممكن يزيد عليك شوي ولا راح يكون بالسعر الموجود هنا بعد اريح لك حتى مستقبلاً اذا فكرت بالبيع والف شكر على طرح الموضوع وعلى توضيح الاعضاء وتجاوبهم بطريقه الاستيراد
لتعم الفائده
تقبلو مروري

[قناص شمير]

تسلم يا بو زكي على ردك الحلو ونصيحتك الاحلى
نبي ردود يا شياب
شلون اجرائت الفحص مصعبينها او سهالات

[تلسكوب 1]

اهم شي لايكون مقلوب الدركسون من اليمين لليسار لانه لا يقبل في الجمارك .

ثانيا عند استيرادك لسيارة من احد دول الخليج وتكون داخلة لهذه الدولة بعد تاريخ معين( اضن احد الاشهر في عام 2004 ) تحضر ورقة من الشركة التي استوردتها
هذه تفيدك انك ماراح تدفع جمارك على السيارة في المملكة

الفحص ما عندي خبرة فيه لكن اذا كانت سيارتك مثل سيارات السعودية ومافيها إضافات على المكينة تدخل بكل سهولة

[قناص شمير]

بيض الله وجهك يا التلسكوب
والحمد لله الدركسون مو مقلوب
وتسلم يالغالي على ردك