المساعد الشخصي الرقمي

مشاهدة النسخة كاملة : كفرات وجنوط الجمس Gmc


ضحية صمت
19/09/2008, 09:17 PM
السلام عليكم ورحمة الله وبركاته
مبارك عليكم العشر الاخيره مقدما والله يجعلني واياكم ممن قام ليلة القدر ايمانا واحتسابا
والله يرزقنا رحمته والعتق من نيرانه


اخواني الكرام

ياليت لو كل واحد يتكلم عن وجهة نظره في انسب جنوط وكفرات للجمس الصحن سواء الغماره او الغمارتين

انا بيني وبينكم الجنوط اللي بسيارتي شنبر مقاس 15 والكفرات شاهين وبيني وبينكم افكر اركب جنوط تكون

نقشتها حلوه واهم شئ عندي تكون عريضه مثل الجنوط الشنبر اللي هي الان على سيارتي بس للاسف مالقيت

شئ يسوى ....والشئ الثاني لا حصل ان شاء الله ولقيت الجنوط المناسبه من ناحية العرض والارتفاع

ابي نوعية الكفرات نقشه حلوه + تحمل وقوه .....ولو حصل السعر واذا فيه صور تدعم الموضوع فهذا

شئ طيب واللي عنده جنوط للبيع يصورها ويوريني الله لا يهينه يمكن نستفيد والا يمكن نشتري
عاشق z71
19/09/2008, 09:54 PM
ماله داعي احكي انت عارف الي بقوله :) خخخخخخخخخ
ضحية صمت
20/09/2008, 12:04 AM
هههههههههههههههههه

لا والله ياعاشق انما الاعمال بالنيات لا تدخل بنياتي الله يعطيك من خيرهم ويكفيك شرهم يالله يارب
مهوب القصد والله ياعاشق بس والله انا لاني مليت من من الشنبر يخوي تصدق اليوم طلعت بصلي التراويح
بمسجد الملك خالد لقيت الكفر يقول لي انسى مالك الا مسجدكم اللي جمب بيتكم انقهرت والله والمشكله ليتك
تلقى الكفر لا انفقع ورحت تدور كفر الشنبر الشاهين منقطع من السوق الله ياخذ وكالة خاتم الخاتم يخوي لو
اننا في دولة ثانيه كان صكو وكالته من زماااااااااااااااان يخوي غريبه والله وين وزراة التجاره والنوم
والله انهم نايمين من جد والا بشهر عسل يخوي استغرب موب الوكاله ملزمه تامن اي شئ من بضاعتها
تصدق ان كفرات الشاهين لها شهر منقطعه من السوق وتخيل بعد لا لقيتها عند بنشري مخزنه يقول لك
بسبعمية ريال مع ان سعر الحقيقي بالوكاله 450 ريال شفت القهر ....

والله عشان كذا ابي اغير كفراتي وجنوط السياره بس والله يا عاشق مليت مالقيت جنوط تجي عريضه
مثل جنوط الشنبر ليتتني القى تدري عاد بيني وبينك افكر اركب كفرات حجريه لا لقيت جنوط تدري ليه
عشان انسى شوي مشكلة الكفرات قسما بالله انها صارت مشكله بالنسبه لي الله يعين بس يا عاشق

دلني يا عاشق على جنوط مثل مقاس كفرات الشنبر يعني تجي عريضه مابيها تجي سخيفه
وتراني والله صادق جنوطك ما شاء الله تبارك الله حتى نقشة الكفرات ماشاء الله تبارك الله عز الله
انك ذوق .....

لكن الله يبارك لك فيها ويحرسك من كل مكروه وشر يالله يارب
ضحية صمت
20/09/2008, 12:40 AM
شف يخوي عاشق الله يرحم اللي جابك تدري ليه ابي الجنوط عريضه مثل الشنبر اقول لك ليه
انا الجنوط ست مسامير شنبر وعريضه ولا ركبتها تطلع مثل الجمس اللي على اليسار بالصوره
شف كيف تطلع بروز الكفرات فيه على جمب

http://up5.m5zn.com/photos/00260/zasnsssw9eo1.jpg



واخخخخخخخخ لو القى لي جنوط مثل هالجنوط اللي على هالسياره ومثل نقشة هالكفرات ياوالله اني بدعي
لك كل ماشفتها اخخخخخخخخ بس ياعاشق متى القى مثل هالشئ

http://up3.m5zn.com/wap-9-2008-t9wuh5wmuez.jpg







http://up5.m5zn.com/photos/00260/oexsl8zwqroc.jpg
عاشق z71
20/09/2008, 01:47 AM
شف يابعدي كانك معزم وعندك دراهم
صدقني بتلقى الي تبي ونا بساعدك ومالك الا الي يرظيك حنا عندنا عندي وعند خوالي وربعي جموس واجد ونفك ونركب يعني عارف تمام وش الشكل الي بيطلع

بس انت ماعرفتلك تدري ليش ؟:confused:

لاني ماعرفت اتجاهك وشهو

اشوف ان الشنبر معجبك
وشوي اشوفك عاجبتك الحجريه :D

بس ال يفهمته منك انك خلاص ودعت الشنبر << بيني وبينك ازين


بقولك شغله وابيك تفهما زين وتتخيلها بنفس الوقت << بيقولك قصه الاخ :D

شف الشنبر اذا عرظت تطلع اوكي حلوه

لاكن !
الجنوط العاديه زي الي عندي وزي الي فوق بالصور الي انت حاطها هذي تجي عرظها عشره انش يعني بتطلع نفس الشنبر ويمكن اعرض لاكن المشكله مي هنا .

المشكله سلمك الله ان عرظ الكفر على رفعة بلده مايصلح ابد ابد
يعني لو تركب عشره انش جنط على كفرات حجريه على نفس رفعة موترك صدقني بيطلع شكله حلو من قدام بس .

اما مع الجنب بيطلع بايخ جدا

انت تخيلها كفرات عريظه مره والموتر طايح شوي <<< صدقني مي حلوه

نصيحتي لك اذا انت ناوي تخلي نفس الرفعه ذي الي على موترك ركب جنط ثمانيه انش زي مانا مسوي . يعني زي ماتقول الشغله تناسب موب بس عرظ

وركب كفرات الي تبيها : تي حجريه تبي عاديه براحتك

بس بقولك شغله ترا الكفرات الحجريه زي الي عندي تراه يعيبها مزعجه جدا بالخط

عموما بنزلك صوره لوجهية موتري بالجنط 8 انش اذا عجبتك كان بها واذا ماعجبتك عاد ركب العشره انش << وبراحتك يالغالي


انت شف الصوره بعد شوي بنزلها وقرر واذا قررت ذيك الساعه مالك الا الي يطلعلك جنط حلو ونادر مافي مثله واجد :D


لي عوده يالغالي
ضحية صمت
20/09/2008, 02:07 AM
ما اقول اخوي عاشق الا الله يرحم اللي جابك

والله انك ذيب الله يخليك يارب

خلاص بنتظر اشوف موترك وبعدها اقول لك وش استويت عليه

بس هاه ترى يا اخوي عاشق انا جمسي غماره ونص يعني يمكن مايركب عليه مثل جنطك

لكن تدري خلني اشوف الصوره وبعدها اعطيك الراي
عاشق z71
20/09/2008, 02:35 AM
شف سلمك الله هذا موتري مع الوجهيه ولاتنسى ان الجنط 8 انش والكفرات انا منقيها ميب عريظه مره << ماشي على القاعده الي قلتلك يااها فوق


http://www.cars-club.com/up/8-2-1/carsclub_76048022.jpg

وهذي جانبيه بكفراتي القديمه ولاكن على نفس الجنوط اخترت هذي الصوره عشان ابينلك العرظ

http://www.cars-club.com/up/8-2-1/carsclub_26037972.jpg


وهذي صور مشطوفه عشان تشوف بروزها قد ايش بالكفرات الاخيره الحجريه :


http://www.cars-club.com/up/8-2-1/carsclub_38911801.jpg


وهذي لجمس اخو الي عندي لاكنه مركب جنط عشره انش :

http://www.cars-club.com/up/8-2-1/carsclub_13258338.jpg


ركز تلاقي الي بالعشره انش الموتر يطلع شكله مرتخي وطامن بعكس الثمانيه انش تحس الموتر مشدود


لاكن اذا تبي ترفع موترك ذيك الساعه ركب 10 انش

طبعا في صوره خامسه لاخو موترك رحمتك ماحبيت انزلها اخاف تتعذب هههههههه

وايظا لي عوده

انتظر رايك
ضحية صمت
20/09/2008, 03:15 AM
لا تكفى يخوك نزلها هي راس المال على مايقولون
انت نزلها عشان اشرح لك على ضوئها <<<اعجبتني كلمة ضوئها :d
ناوي نيه
20/09/2008, 04:13 AM
طيب ركب بااااااااااالون والله العظيم ان شكلها عندي على الشنابر احسن من الشواااهين
ولا عاااد انت تبريزه يعني بيطلع الباااالون بلونه صدق والحين في الفتره الاخيره الي انا اشوف صارو
يركبون بالون على الشنااابر
طارق الحربي
20/09/2008, 05:38 AM
متابع للاستفاده :)
ضحية صمت
20/09/2008, 05:43 AM
طيب ركب بااااااااااالون والله العظيم ان شكلها عندي على الشنابر احسن من الشواااهين
ولا عاااد انت تبريزه يعني بيطلع الباااالون بلونه صدق والحين في الفتره الاخيره الي انا اشوف صارو
يركبون بالون على الشنااابر



اخوي ليتك قريت الموضوع صح عشان تفهم الفكره ترى السالفه مهيب على الكفرات وبس
انا ادور جنوط تدري بقول لك شئ رح اطلع فوق شف صورة الجمس اللي على اليسار الجمسين اللي واقفات جمب بعض شفتهم شف الجمس الجمس اللي على اليسار انا ابي مثل تبريزته وهو واقف كذا هذا واحد

ثاني شئ ادري ان البالون بيطلع شئ بس انا ما انحشت من الشاهين عشان اطيح بدحديرة البالون
انا ابي اركب جنوط ياعالم وبعدها نتفاهم على الكفرات
ناوي نيه
20/09/2008, 08:35 AM
اخوي ليتك قريت الموضوع صح عشان تفهم الفكره ترى السالفه مهيب على الكفرات وبس

انا ادور جنوط تدري بقول لك شئ رح اطلع فوق شف صورة الجمس اللي على اليسار الجمسين اللي واقفات جمب بعض شفتهم شف الجمس الجمس اللي على اليسار انا ابي مثل تبريزته وهو واقف كذا هذا واحد


ثاني شئ ادري ان البالون بيطلع شئ بس انا ما انحشت من الشاهين عشان اطيح بدحديرة البالون

انا ابي اركب جنوط ياعالم وبعدها نتفاهم على الكفرات

بس انا متابع ردودك كلها في المنتدى ;) وافهم من كلامكم انك ودك بشنابر وتمدحه بس الي يعوقك كفرات الشاهين فكذا حاولت افيدك وقلتلك البالون :confused: بلا افهم منكلامك انه مايركب على الشنابر الا الشواهين
بس ان شاءلله بنزلكم صوره لموتري يوم كنت مركب عليه شنابر بس انا طبعا ما اتعامل مع التبريزه :D
سوبر VTC
20/09/2008, 08:58 AM
متابع للاستفاده :)





منتب لم الامور :)

و هي مهيب لمك :D

يا طارق
انت جنوط موترك
شد بلد و كفرات يا ميشلان و الا برجستون :p
***
منتب سهل يا عاشق :)
سجل عندك براءة مخ :D
خبرة ما شاء الله
تحياتي
Ibrahim.O
20/09/2008, 09:44 PM
طيب ياشباب جنوط البلد وش فيها ؟

ركبها على موترك + كفرات بالون
ضحية صمت
21/09/2008, 01:14 AM
جنوط البلد مال امها داعي لو ماصنوعها اصرف

يخوي افهم انا منحاش من الشاهين عشان اطيح بالبالون انا راعي روحات بران مابين رمل ووعر
واكثر شئ الوعر وابي كفر يصبر على الوعر موب كفر من اطب فيه كم شعيب يبنشر

وجنوط الوكاله مالها داعي سخيفه ولا هيب عريضه شف الجنوط اللي فوق تفهم قصدي
شف عرضها كيف

والله يعطيك العافيه ويجعلك وكل السامعين
من العتقاء من النار في هالشهر الفضيل يالله يارب
وجميع المسلمين
عاشق z71
21/09/2008, 03:33 PM
معليش يالغالي ظحية الصمت مانزلتك الصوره بس والله جهازي ودع الملاعب ظرب عندي الهارديسك بس لاتخاف الصوره مووجوده خخخخخخخخ

انشالله اليومين ذي بنزلها بس ماقلتلي وش صار معك وش نويت عليه
عاشق z71
21/09/2008, 03:36 PM
:D

منتب لم الامور :)



و هي مهيب لمك :D

يا طارق

انت جنوط موترك
شد بلد و كفرات يا ميشلان و الا برجستون :p
***
منتب سهل يا عاشق :)
سجل عندك براءة مخ :D
خبرة ما شاء الله
تحياتي






اووووما براءة مخ :D
ضحية صمت
21/09/2008, 07:04 PM
معليش يالغالي ظحية الصمت مانزلتك الصوره بس والله جهازي ودع الملاعب ظرب عندي الهارديسك بس لاتخاف الصوره مووجوده خخخخخخخخ

انشالله اليومين ذي بنزلها بس ماقلتلي وش صار معك وش نويت عليه


كفووووووووووو والله ماتقصر ورايتك بيضاء

عساك سالم بس انت الله يخليك يارب
طارق الحربي
21/09/2008, 07:08 PM
منتب لم الامور :)

و هي مهيب لمك :D

يا طارق
انت جنوط موترك
شد بلد و كفرات يا ميشلان و الا برجستون :p




ههههههههههههههههههه

هذا اللي ذب علي من جد خخخخخ

عناد يافتك ابروح اركب جنوط 10 انش خخخخخخ
عاشق z71
22/09/2008, 08:09 PM
هذي سلمك الصوره الي اقولك عليها

http://www.cars-club.com/up/8-2-1/carsclub_18296841.bmp
ضحية صمت
22/09/2008, 08:22 PM
اخوي عاشق اول شئ الجمس هذا غريب شف بيبانه اللي ورى كيف تنفتح
هذا مهوب غماره ونص هذا غمارتين كامل بس ما قد شفته مثله هنا بالسعوديه
احس شكله صدقي ..............

طيب هذا جنوطه كم انش تتوقع
عاشق z71
22/09/2008, 08:24 PM
هذي ثمانه انش ولاكن كفر عريظ
عاشق z71
23/09/2008, 04:21 PM
الا صح بسالك يالغالي

الحين انت تقول جموطي معجبتك ومالقيت زيها ؟ طيب ورا ماتركب جي تي تراها شبيهه جدا لجنوطي
عاشق z71
24/09/2008, 08:57 PM
اقول والله يانت سحبت علينا سحبه ميب صاحيه !


وينك وش صار معك ركبت ولا لا يالله نبي نشوف الموتر عقب الجنوط خخخخخخ