المساعد الشخصي الرقمي

مشاهدة النسخة كاملة : السلام عليكم بخصوص تركيب شاشه وكميرة خلفية للفكسار من التشليح !!!


الربذي
19/09/2008, 10:50 PM
اخواني شفت بتشليح القصيم شاشات نفقيشن حقات الفي اكس ار
هل ممكن اركبها لجيب في اكسار وتصير مثل الوكاله تعمل بالمس وايضا الكميرة الخلفيه
وهل احد يعرف او سمع ان احد ركبهن وكم اقيامهن

ماعليش طولنا عليكم
اخوكم
البرحه
20/09/2008, 05:08 AM
لا اعرف شيء عن الشاشه

بس التشليح أغلى من الوكاله .... معروف
الربذي
20/09/2008, 02:31 PM
شكرا على المرور لكن معقوله اغلى
ننتظر تجارب الشباب
ممتر البران
20/09/2008, 05:35 PM
لازم الخلفيه لكزس عشان تركب الكمره هذا ما لدي ويطبقها كهربائي جيد
تحيتي لكم
ابو سعد
الربذي
22/09/2008, 04:57 PM
لازم الخلفيه لكزس عشان تركب الكمره هذا ما لدي ويطبقها كهربائي جيد
تحيتي لكم
ابو سعد
ابو سعد اسعدك الله
شكرا على الاضافه ننتظر التجارب0
أبو مسفر
22/09/2008, 05:15 PM
كم لقيت الشاشة فيه ؟
صراحة انا اقول لك مر الغرابي فالرياض ونظرة واحدة تكفيك عن التشاليح وجشعهم
وتتلقى عندهم شاشة تويوتا اصلية وتلقى شاشات صينية جديدة مع الضمان وايضا كمرات خلفية ومع التركيب
يمكن نصف السعر عند التشاليح
الشهابة
22/09/2008, 07:04 PM
اخوي الربذي ..

انا عندي جي اكس ار 2003 و شايل المسجل ومركب عليه شاشه صينيه عليها ضمان سنه من الغرابيمقاسها 6.5 انش و فيها دي في دي و سي دي و تلفزيون (القنوات الأرضيه) و بلوتوث و كاميرا خلفيه و كلفتني 2000 ريال مع التركيب . بس بصراحه الكاميرا الخلفيه تشوش و مجالها صغير بس يمكن لأن الخلفيه عندي استبنه تعليق ماهو خلفية لكزس .. و بعد فترة صارت الكاميرا بعض الاحيان تشتغل و بعض الأحيان لا و في الاخير الغيت الكاميرا
الربذي
22/09/2008, 09:43 PM
[quote=أبو مسفر;1900853]كم لقيت الشاشة فيه ؟
صراحة انا اقول لك مر الغرابي فالرياض ونظرة واحدة تكفيك عن التشاليح وجشعهم
وتتلقى عندهم شاشة تويوتا اصلية وتلقى شاشات صينية جديدة مع الضمان وايضا كمرات خلفية ومع التركيب
يمكن

كنت ادور غرض ثاني وماسالت مشغول وجاء ببالي بعدين اركبها وحبيت اعرف
شكرا لمرورك
الربذي
22/09/2008, 09:45 PM
اخوي الربذي ..

انا عندي جي اكس ار 2003 و شايل المسجل ومركب عليه شاشه صينيه عليها ضمان سنه من الغرابيمقاسها 6.5 انش و فيها دي في دي و سي دي و تلفزيون (القنوات الأرضيه) و بلوتوث و كاميرا خلفيه و كلفتني 2000 ريال مع التركيب . بس بصراحه الكاميرا الخلفيه تشوش و مجالها صغير بس يمكن لأن الخلفيه عندي استبنه تعليق ماهو خلفية لكزس .. و بعد فترة صارت الكاميرا بعض الاحيان تشتغل و بعض الأحيان لا و في الاخير الغيت الكاميرا
شي طيب هذي احد التجارب
شف اخوي الغالي اثر غير الاصلي انا قصدي انها اصلية حقت الوكاله وتريحك ماتبلشك0 على فكرا انا احسبها صناعه يابانيه هي وش صناعتها لان قيمتها وكاله كانت حول 10000 ريال
أبو مسفر
23/09/2008, 02:50 AM
اخوي الربذي شاهد الاعلان هذا
يمكن يفيدك
DVD بمواصفات خاصة لتويوتا FJ كروزر ولاند كروزر
http://www.mstaml.com/imagesData/450438.jpg
موديل FJ كروزر و لاند كروزر
شاشة LCD حجم 6.5 بوصة بوضوح tft
قاري USB
DVD/VCD/CD/MP4/MP3/CD-R/CD-RW يشغل
مدمج تلفزيون داخلي
راديو AM/FM بتخزين 30 محطة
PAL/NTSC, تحويل اوتوماتيكي من
مانع اهتزازات
ريموت كنترول صغير بكامل التحكم
يقبل تحكم الدركسون
مدخل AUX
مدخل كاميرة خلفية
امبيليفاير داخلي بقوة 45 * 4 واط
DVD/VCD Changer يدعم
شاشة لمس
مدعم بلوتوث داخلي للجوال
مدعم ب GPS خارجي مع خريطة الخليج

( ولفترة محدودة خريطة السعودية + الكاميرة الخلفية برؤيه ليلية ) مجانا

السعر 2800 ريال شامل الشحن من الصين
fusion
23/09/2008, 03:14 AM
ماشاء الله اعلان مغري جدا
ولا كن الملاحه لازم سي دي؟؟؟
الربذي
23/09/2008, 06:34 AM
اخوي الربذي شاهد الاعلان هذا

يمكن يفيدك
DVD بمواصفات خاصة لتويوتا FJ كروزر ولاند كروزر
http://www.mstaml.com/imagesData/450438.jpg
موديل FJ كروزر و لاند كروزر
شاشة LCD حجم 6.5 بوصة بوضوح tft
قاري USB
DVD/VCD/CD/MP4/MP3/CD-R/CD-RW يشغل
مدمج تلفزيون داخلي
راديو AM/FM بتخزين 30 محطة
PAL/NTSC, تحويل اوتوماتيكي من
مانع اهتزازات
ريموت كنترول صغير بكامل التحكم
يقبل تحكم الدركسون
مدخل AUX
مدخل كاميرة خلفية
امبيليفاير داخلي بقوة 45 * 4 واط
DVD/VCD Changer يدعم
شاشة لمس
مدعم بلوتوث داخلي للجوال
مدعم ب GPS خارجي مع خريطة الخليج

( ولفترة محدودة خريطة السعودية + الكاميرة الخلفية برؤيه ليلية ) مجانا

السعر 2800 ريال شامل الشحن من الصين
اعلان فعلا مغري بس ياترى الصينيه كيفها
تبي تقول شاشة كبوترك صينيه فعلا فلاترون صينيه
ولها الحمد لله فوق خمس سنوات احيانا تكمل 12 ساعه شغاله ولا السياره اقل بكثير صح انا احاول اقنع نفسي هههههههههههه
بس وين الي يركبها
وهل الصناعه حقت التويتا وكاله فعلا ولا صيني 0
shal10
23/09/2008, 10:01 PM
الشهابة
ما اسم المحل الله لايهينك
الشهابة
24/09/2008, 02:23 AM
اخوي shal10 .. و الله يا طويل العمر مادري وش اسم المحل .. بس تراه في شارع داخلي ماهو من المحلات اللي على شارع الغرابي نفسه .. في الحواري اللي ورى الغرابي ..
أبو مسفر
24/09/2008, 04:29 AM
ترى السعر هذا شامل التركيب

والتركيب سهل جداً فقط افصل الفيش من المسجل القديم واشبكة في الشاشة الجديدة
لكن الكمرة الخلفية مدري عنها
وعندهم شاشات لجميع السيارات
وبنفس السعر تقريباً
الربذي
24/09/2008, 05:46 AM
شكرا على الاضافه بارك الله بكم
غارب النملة
05/07/2009, 01:08 PM
من زمان ادور مثل هذا الموضوع بس ياترى سوالين

1- هل شاشة الفي اكس ار صينية

2- كم سعرها بالتشليح ....
الربذي
06/07/2009, 10:46 AM
من زمان ادور مثل هذا الموضوع بس ياترى سوالين

1- هل شاشة الفي اكس ار صينية

2- كم سعرها بالتشليح ....
ياهلا مااعرف بس يمكن الشباب يفيدوننا ..............
تحية لابو مها
31/05/2010, 10:28 PM
اييييييييييه يا قصتي قصتة مع هالشاشة وانا اخوك ..

عندي في اكس ار 2004 فل كامل وحبيت اصير شاطر واركب الشاشة هذي وانقز للتشليح واخذ لي شاشة اخت الجديدة من التشليح بـ 1200 ريال لان قيمتها بالوكالة اكثر من 5000 ريال ..

ورحت للوكالة ودفعت عربون قيمة مسجل لان المسجل يختلف وصاير تحت .. وطلبته قال يجي بعد يومين قلت زين .

وانا اجيك واروح للاكترونيات قلت لك ركب الشاشة يا صديق وبسرعة هههههه .

قال وش قالولك شريط كاست هو ..

يحتاج امبي فاير ويحتاج ضفيرة اسلاك مربوطة بالكمبيوتر .. قلت هههه سهلة بكرة عندك ان شاء الله ..

وانا انقز للوكالة واقول للموضف بالله اطلب لي مع الطلبية زيادة ( امبي فير وضفيرة كاملة ( جيب 2007 شاشة ) هههههه والله ويقص لي الفاتورة قال ادفع عربون المبلغ اخذت الفاتورة وانا رايح اسددها .. واقراها إلا مكتوب عشرة آلاف ريال ( عربووووووووووون ) قلت ههههه شكل الرجال كاتب 100 وحط صفرين زيادة وارجع له قال يا حبيبي الجهاز قيمته 14000 ريال والضفاير 6500 ريال والمجموع فوق العشرين يا عسل .. ههه قلت اجل الله لا يهينك كنسل المسجل لابو من شراه منكم ..

وانا اروح للغرابي بالرياض على بالي يضبطون اللي ابغاه ولا حولك احد .. لا الحوشاني ولا احد ولا حصلت من يفيدني ورجعت ركبت المسجل مكانة . والله المستعان وهذي قصتي ..


ملاحظة .. الكهرابائي يقول ان حتى لو جبت الجهاز والضفيرة ممكن كمبوتر السيارة ما يقبل وروح يا عسل غير الكمبيوتر ليكون اضاقة شاشة بما يفوق 50 ألف ريال وشكرا ..

لا تتعب روحك


نصيحة / محل ( أحد ) في الرياض يأخذ ديكور شاشة الوكالة ويركب عليها شاشة كنود رائعة بقيمة 5000 ريال ولكنها غير مربوطة بكمبوتر السيارة وهي شاشة ملاحة عربية وايضا مسجل سيدي وصلى الله وبارك ..
ابو جود444
07/06/2010, 01:55 AM
الله يوفقك يا اخ تحية لابو مها

الصراحة كفيت ووفيت انا معي مثل مونرك وموجعني راسي لي كم شهر وانا حاط شاشة الفكسار 2007 حقت الوكالة في راسي ، زين انك علمتنا عن هالتفاصيل كلها .

لكن ليش ماخذت الامبي فاير واسلاك الضفيرة من التشليح بعد يمكن تضبط معك