(سكود)
20/09/2008, 12:31 AM
الاخوة الاعزاء السلام عليكم ورحمة الله وبركاته السالفه ومافيها اني شريت جيب صالون شبه جديد ماشي 21الف فقط لاغير والله يالربع ان اكياس الوكاله باقي علي مراتبه gxrلونه لؤلؤي مديل 2007 بحدود 165000الف ريال طبعأ الموتر شريته من رجال عزيزعلي بالحيل ونا وياه نعمل في منطقة في صحراء الربع الخالي ولمنطقه هاذي فيها ناس عندهم بزارين نسئل الله السلامه اي سياره يشوفونهاجديده يستلمونها من الصدام الى الصدام بالمسامير ويمشخونها مالكم في تطويل السالفه اخذت الموتر وقرشته عند الباب قبل الافطار بعشردقايق الا والوراعين قدهم متجمهرين حوله بلافي ذيك الخشش قمت حطيت اثنين من العيال واحد عند الصدام لول والثاني عند الصدام لخير وزودتهم بكامل الاسلحة والعتاد من عصي .....الخ ودخلت البيت
وماتهنيت الفطور وكني على نار اخاف يشوهونه اكلت تمرتين وشربت مويه واستاذنت من العيال واتجهت الى خميس مشيط ابي احطة بالبايكه هناك والمسافه حوالي 700كم مشيت عليه حدود 200كيلو الا والموتر تطلع علي منه ريحة زيت جربقس وكتمتني الريحة في السيار فتحت القزاز ماراحت قلت ياولد اكيد اني طبيت في منطقه فيها ريحة زيوت ان شاء الله ان ماهي منه وبعد ماقطعت 450كيلو الا والله الريحة رجعت علي بعدها اشمأزيت من الموتر وواصلت مشواري وصلت الساعة وحده ونص وشربت مويه وعقدت عليها صومي ورقدت زعلان اصبح الله بالصباح قمت مريت اخوي الله يوفقه ونتو وهد علي وقال ويش تاخذ الموتر بالقيمه ذي وهو قير ايدي ويش تبيبه ليش ماخذت قير تماتيك قلت ابشر ابا ارجعه ولو علمته بمشكلته كان رحنا في خرايطها والله ونا ارجع على طريقي اليوم الثاني ونا زعلان وكاره الموتر وافكرفي المبلغ الي دفعته فيه هل بيرجع ولايبدا التحليق الى المجهول ويرجع فقران في فقره الي هو انا وصلت الرجال ودقيت عليه وينك يالحبيب قال في البيت قلت انا جايك والله الرجال انخض بطنه في بداية الامر لاكن جيته وناقشته بنوع من عبارات العتاب وشرحت له الوضع وواحرجني بطيبته وقال ابد والله لو انك جيتني بالدركسون فقط ان ترجع عليك فلوسك وبالفعل قام الرجال وكتب لي شيك بالمبلغ وخذا موتره وباعه الله يوفقه وانتوبمبلغ 168000الف ريال والله يرزقنا وياه وكل مسلم حبيت اطلعكم على موضوع هذا الموتر الجديد وسئلته قال هاذي تجي في السيارات كلها من مديل 2004وطالع فهل هذا الكلام صحيح ام عكس ذالك ودمتم تقبلوتقديري وفايق احترامي اخوكم ومحبكم ســــــــــــــــكود
وماتهنيت الفطور وكني على نار اخاف يشوهونه اكلت تمرتين وشربت مويه واستاذنت من العيال واتجهت الى خميس مشيط ابي احطة بالبايكه هناك والمسافه حوالي 700كم مشيت عليه حدود 200كيلو الا والموتر تطلع علي منه ريحة زيت جربقس وكتمتني الريحة في السيار فتحت القزاز ماراحت قلت ياولد اكيد اني طبيت في منطقه فيها ريحة زيوت ان شاء الله ان ماهي منه وبعد ماقطعت 450كيلو الا والله الريحة رجعت علي بعدها اشمأزيت من الموتر وواصلت مشواري وصلت الساعة وحده ونص وشربت مويه وعقدت عليها صومي ورقدت زعلان اصبح الله بالصباح قمت مريت اخوي الله يوفقه ونتو وهد علي وقال ويش تاخذ الموتر بالقيمه ذي وهو قير ايدي ويش تبيبه ليش ماخذت قير تماتيك قلت ابشر ابا ارجعه ولو علمته بمشكلته كان رحنا في خرايطها والله ونا ارجع على طريقي اليوم الثاني ونا زعلان وكاره الموتر وافكرفي المبلغ الي دفعته فيه هل بيرجع ولايبدا التحليق الى المجهول ويرجع فقران في فقره الي هو انا وصلت الرجال ودقيت عليه وينك يالحبيب قال في البيت قلت انا جايك والله الرجال انخض بطنه في بداية الامر لاكن جيته وناقشته بنوع من عبارات العتاب وشرحت له الوضع وواحرجني بطيبته وقال ابد والله لو انك جيتني بالدركسون فقط ان ترجع عليك فلوسك وبالفعل قام الرجال وكتب لي شيك بالمبلغ وخذا موتره وباعه الله يوفقه وانتوبمبلغ 168000الف ريال والله يرزقنا وياه وكل مسلم حبيت اطلعكم على موضوع هذا الموتر الجديد وسئلته قال هاذي تجي في السيارات كلها من مديل 2004وطالع فهل هذا الكلام صحيح ام عكس ذالك ودمتم تقبلوتقديري وفايق احترامي اخوكم ومحبكم ســــــــــــــــكود