رجة في الكفرات (( البالون )) [الأرشيف]

مشاغب شوي

20/09/2008, 05:44 AM

السلام عليكم

عند واحد من الشباب رجه بالسيارة باترول 2005

ركب عليه بالون وجنوط (( مثل Oz ))

وصار فالموتر رجة قوية اذا مشى فوق الـ 90

راح لمحلات الترصيص وقالوا ماتضبط معها

وسمعت ان البالون اذا وزنت الهواء فيه مايرج

مع العلم ان خويي حاط ضغط الهواء (( 40 ))

نوع الكفرات ماكسس 900 والجنط 16

حرب

20/09/2008, 06:59 AM

الرجه طبيعيه مع البالون لان الجنط مو اصلي ولاهذا السبب يرج
بس ممكن تخف اشوي اذا ركب مساعد دركسون استرالي
وانصحه بترصيص لاصق
والله يوفق00

مكتف الكدري

20/09/2008, 07:00 AM

انا مجرب كل انواع البالون كله يرج بس الماكسس الي نجح معي بدون رجه مركبه على جنط الحديد الوكالة الحمدلله الهواء بالديرة 30 بالبر 20

معوكس

20/09/2008, 07:01 AM

فيه ترصيص ارضي

باذن الله وترووح الرجه

والماكسس ما نصح فيه عليك بالسيام تاير

الله يوفقك

الجندي2005

20/09/2008, 07:06 AM

البالون يرج مهما سويت ،،،،،،،،،،،،،،،،،،،،،،،

بـلـيـهـان 1

20/09/2008, 07:07 AM

يا بعدي .. رصص ترصيص أرضي و ليس إلكتروني.. و يضبط .. :)

و اذا ما ضبط معناها الجنط تعبان .. < :) :)

سوبر VTC

20/09/2008, 07:39 AM

واحد من الربع نفس موترك لكنه سوبر
جنوط شد بلد و كفرات ماكسس 17
عنده رجه حول السرعة اللي انت ذكرت لكنه خفيفة ماتذكر
طيب احتمال لو تدبل مساعد الدركسون يمكن يضبط
تحياتي

ناوي نيه

20/09/2008, 08:12 AM

والله شف البالون الي يحطه يتحمل الرجه
مهما سويت مااترووح ترصص ارضي تروح وترجع بعد فتره
(وتيتي تيتي زي مارحتي جيتي)

باترول للأبد

20/09/2008, 02:14 PM

وعليكم السلام ورحمة الله وبركاته

أخوي مشاغب أشوي أسئلني عن البالون أنا أكثر واحد مجربه والرجه فيني فيني

ركبتهم على جنوط الوكاله ورصصتهم ويرجون ورصصتهم أرضي وزادت رجتهم

ركبت مساعد أسترالي ومازالت الرجه موجوده خففت الهوا وبعدها زدت الهوا لاكن لافائده

وركبت جنوط ثانيين ونفس الوضع .. والبالون يبي لهم واحد مثلي يصبر عليهم بعلتهم

والله يكون بعونا على البالون .. والمشكله أنهم رزه وماودك تغيرهم

مشاغب شوي

20/09/2008, 03:05 PM

حرب
مكتف الكدري
معوكس
الجندي2005
s h a g r a n
سوبر فتك
ناوي نية
باترول للابد

الله يعطيكم عافيه ويجزاكم الف خير

وماقصرتوا

ابو جنى 2005

20/09/2008, 04:19 PM

انا بقترح عليك اقتراح وان شاء يضبط معك لأني انا جربت إلى الليل بس تقريبا اعتبر الطريقة هذي ناجحة وهي كالتالي
عب الكفرات على 40 ورصص وخلها لمدة اسبوع وبعد كذا نقص الهواء على ثلاثين ورصص وان شاء تروح الرجه .
بس اهم شي ترصص ارضي واذا الموتر باترول شيك على الرمان
تقبل مروري
سلاااااااااام

القيصوم 815

20/09/2008, 05:46 PM

والله يا لطيب سبق وأني عنيت من هذه المشكله وتوجهت الى ورشه في مدينة بريده وحل هذه المصيبه اللي تكرهك في سيارك لو هي 2008

الجندي2005

20/09/2008, 06:00 PM

البالون ما ياطا على جميع الدعسه ( سطح الكفر حيث التطاقة بالأرض مقعر) يعني مكرش ، هذا في نظري سبب الرجه ن يعني مهما سويت ما راح ينفع لان السبب بالكفر، بدليل نزل البالون وركب كفرات عادية على نفس الجنوط تجد ليس هناك رجه ، مما يدل على ان الرجه بالكفرــ الله يرج اللي صنعه .

adil33

20/09/2008, 06:39 PM

روح للميكانيكي وبلغه انه الرمانات تحتاج وزن وعشان تتاكد ارفع الكفر عند اي بنشر وهزه للداخل والخارج اذا اهتز معاك فيبغاله وزن واذا ما اهتز راجع الترصيص ولو الكفر تعبان غيره والله اعلى واعلم

رجل كريم

20/09/2008, 06:54 PM

انا كنت مركب ماكسيس مثل اللي عندك في موتري ومرصصه ارضي ولا فيه رجة الا ماندر وبسيطة جدا لاتذكر ..

انصحك بجنط اصلي وترصيص ارضي وضغط هواء 40 في المدينة و25 في البر .

صورة الموتر بالماكسيس 900 جنط 16
URL=http://up3.m5zn.com/showimage-9-2008-k0u5ewd2zdj.jpg]http://up3.m5zn.com/get-9-2008-k0u5ewd2zdj.jpg[/URL]

قرم العيال

20/09/2008, 09:55 PM

الرجه طبيعيه اسأل مجرب

ما هما سويت

هذي طبيعه البالون

بعدين الرجه عند سرعات معينه

من 80 حتى 120 بس

يقلون خل الهواء (( 55 )) وحوله

وما ادري عن هالكلام

الشراع

20/09/2008, 10:14 PM

السلام علايكم ورحمة الله وبركاته

في طريقة بسيطة وهي كبس على الروداة الموجود امام دفريشن وخلفه

وهي طريقة انا مجربه 100/100

عاشق النفود 111

20/09/2008, 11:28 PM

مركبات عندنا على جمس الحوض جنط شنبر لارجه ولاهم يحزنون

العله وأنا اخوك في هل باترول
ما أدري وش سالفت مصنعيه
ما يتلافون هذا العيب
حسبي الله عليهم ... حسبي الله عليهم

ناوي اركبها على الباترول والله يعين على الرجه مجبورين عليها لين بعد الربيع إن شاء الله

والاخ الي يقول حلها في بريده
ياليت يوضح لنا أكثر

دمتم بود

GMC79

21/09/2008, 12:20 AM

مركبات عندنا على جمس الحوض جنط شنبر لارجه ولاهم يحزنون

العله وأنا اخوك في هل باترول
ما أدري وش سالفت مصنعيه
ما يتلافون هذا العيب
حسبي الله عليهم ... حسبي الله عليهم

كلام سليم ميه بالميه

انا عندي في الجمس حوض كفرات بالون دنلوب 255/90/16

مافيها رجه نهائي

ABO AL-HESH

21/09/2008, 02:40 AM

غريبه عند ولد عمي شنابر مركب عليهن بوالين على جمس .. ويرجن ,, والجي اكس يرج .. البلا من البالون ماهو من الموتر او الجنوط

حرب

21/09/2008, 04:25 AM

على فكره يا أخوان
البالون الياباني والماكسس وسيام تاير هم اخف رجه من الي غيره
وسئل مجرب
ركبت مره بالون مخيس وبدا يلف الكفر من شدة الرجه
00والله يعيننا00

ساري 111

21/09/2008, 05:24 AM

اكثر البناشر مايرصصون من برا يقولون تخرب شكل الجنط !!! <<<انتبه للنقطه ذي

انا زيك كد عنيت من هالمشكله ذي ورحت لمحل اليحيى للكفرات بشارع الأربعين قلت له رصصه من برا ومن داخل لو يصر الجنط كله ترصيص ماعندي مشكله والحمدلله بعده ضبط الموتر

اذا انت ببريده رح لورشه الصفاء بصناعيه السليم عنده(تركي)يرصص ترصيص ارضي جيد
وفيه ايضاً بنقالي بنفس الصناعيه بس لايهمك شغله مهب بالحيل

سوبر VTC

21/09/2008, 05:32 AM

ابو فهد 1

21/09/2008, 05:37 AM

الا وين الاشتراك :) :director:

لا يكون ضاع او طاح عليه الجدار :D

ذكرتن تراء الاشتراك عندي

والا ناااااااااااااسي من كثر الاشتراكات

والا نسيه
:D :D :D :D :D :D :D

سوبر VTC

21/09/2008, 06:01 AM

ذكرتن تراء الاشتراك عندي

والا ناااااااااااااسي من كثر الاشتراكات

والا نسيه
:D :D :D

زاد انا اقول يارب فاقد شي من زمان و عجزت اتذكر :D :)
خلك عند الباب جيتك اباخذه ;)
حتى العده ما سلمت كل يوم تنقص
من اخذ شي ما رجع :mad:
و انا بس اشري و اكمل اللي ينقص :p

ساري 111

21/09/2008, 06:15 AM

ههههههههههههههههههههههه

<<<هذا المستخدم فاطس من الضحك

اقول سوبر دور احد ماعندي لك شي(انت ومالك لـ ابيك) خخخخ

<<<اقلبو الموضوع شات ههههه

سوبر VTC

21/09/2008, 06:23 AM

ههههههههههههههههههههههه

<<<هذا المستخدم فاطس من الضحك

اقول سوبر دور احد ماعندي لك شي(انت ومالك لـ ابيك) خخخخ

<<<اقلبو الموضوع شات ههههه

هذا ابو فهد جده---> ش-->صالح
اشتراك + واير
هين يسهلك ربي

H I T L E R

21/09/2008, 06:29 AM

البالوووون ماله حل

ساري 111

21/09/2008, 06:42 AM

هذا ابو فهد جده---> ش-->صالح

ياشيخ ارفق على العالم وش هالتشفير هههههه

يالله حي ابوفهد وينك يالقطوع قسم لو اقابلك بالشارع مااعرفتك سير خل نشوف خشيشك ..

أمير الكشته

20/12/2009, 01:55 PM

السلام عليكم ....
هذا الموضوع (( موضوع رجة كفرات البالون )) موضوع مهـــم جـــدير بالقراءه بالتــــذكير لأخواننا الذين لديهم نيـة لتركيب أي نوع من أنواع كفــــر البالـون فليأخذو بالإعـــتبار هذه الرجة المقلقة للنفس وخاصة الشخص الحساس أو الذي يكــره شي إسمـــه دركســون ينتفض .....................

هويدي

20/12/2009, 02:52 PM

البالون اكيد له دور بالرجه ولكن ممكن السبب اللي زاد من الرجه

الجنوط ـ شد الرمان الامامي

اذا كانت الجنوط اصليه وترصيص ارضي مضبوط مايرج الموتر

والترصيص الارضي لازم تاقف على راس العامل ولين يظهرله الرقم ( صفر ) بالمكينه

fj44

20/12/2009, 03:01 PM

عزيزي اتبع التعليمات
الجنوط ضروري تكون اصليه
ركب مكسس 8 غاط
رصص عند العضيب ارضي لصق
وان شاء الله تنسى الرجه

فهد بن مشبب العاصمي

20/12/2009, 03:15 PM

موتري باترول ربع

عليه جنوط استراليه اصليه وبوالين هيرو 900

كان فيه رجه خفيفه .. الجنوط بدون ترصيص . .

كان فيه تهريب بصوفة العكس الاماميه يمين ويسار وغيرتها وغيرت مساعد الدركسون والحمد لله الان مافيه اي رجه من 0 الى 170 الله يتمم على خير

والهواء 25

xx1414xx

20/12/2009, 05:28 PM

بعد التحية على الجميع
من واقع تجربة إذا ركبت كفرات بالون على أي جنط وكالة ، هلل ، استرالي ، أو زد أو غيره
لا ترصص إلا بعد تقريبا خمسة أيام أو أكثر حتى يتك الكفر على الجنط صح ويفرش الكفر بعدها رصص
ولتأكيد إذا ركبت الكفرات خل العامل ياخذ مقدار الترصيص على الماكينة ثم ليا جيت ترصص بعد اسبوع راح تلاحظ الفرق

أمير الكشته

22/12/2009, 01:36 PM

والله أنا أقول مادام الدعوة صعبه ماله داعي بالون ...
والواحد مهوب ناقص تفكير ومشاكل ......

مقلع الرمث

22/12/2009, 02:01 PM

اخوي انا ركبت اول بالون لكن مارج معي ولا شي وتوقعي الرجه عندك ممكن بسبب الجنوط مع ان الجنوط عندي انا او زد على قولتك والحمدلله الموتر تمام

توقعاتي عندك السياره بحاجه الى كبس ربلات او تغييرها واتوقع الموتر يضبط

والمقصود الركب لانه مع الوقت والبر تخلخل اشوي ووبعدين بحاجه الى كبس بالمخرطه

بدون تغييير مع التشحيم وبالتوفيق

ذووق001

26/12/2009, 02:51 AM

اذا الرجه قووويه قله لخويك يغير مساعد الدركسون لانه يسبب رجه

ونا صارت معي لدرجه ان تحس الموتر يرجف رجفه قوووويه

آل زايد502

26/12/2009, 08:13 AM

وانا مثلك والله رجه قويه موب طبيعيه لازم اوقف علشان تروح وبعدين احرك
ياشباب وش السواة انا اول كنت ماحس فالرجه كثير بس ذاك اليوم وادخل فطين ويغطس الموتر يوم طلعته وهو يرج ويبهذل الواحد هل الطين له دخل؟؟؟

ذووق001

28/12/2009, 04:04 AM

ال زايد شف ردى وابشر با الخير اذا موترك فتك

وللعلم قيمت القطعه وكاله 300 ريال

ALBDRANE

28/12/2009, 07:42 AM

يا جماعة يا اصحاب السفاريات عطيناكم الحل الي يخليك تدعي لي وتنسى شي أسمه رجة الدركسون في النياسين وانا مجربها على فتك جديد والحمدلله أفضل ما يكون فقط ادخل على الرابط وتلقى كل شي :
http://www.mekshat.com/vb/showthread.php?t=251739

قطمان المحازم

28/12/2009, 11:47 AM

انا معي باتروول 99 ركبت كفر بالون شاهين على جنووط الوكاله وقالي اليماني اللي ركبلي البالون لا ترصص الكفرات اللى بعد اسبوع وسمعت كلامه وبعد اسبوع رصصته في ميزان الباديه اللي في مخرج 18 طريق الخرج ترصيص ارضي ومشا معي زي الحلاوه اسبوعين جت رجه مو طبيعيه وارجع للصاحب الميزان سووري قال حللك عندي وانا ابوو هندي وقال تعاال بوكرا قلت ابشر واجيه وعطيته حقه 300 رياال على الضمان 6 شهور ان مافيه رجه وقلتله وش سويت با الموتر قال سر المهنا والله يا جماعه ان الرجه راااحت اللي 4 شهوور ما جت رجه

فتى البر

28/12/2009, 11:52 AM

السلام عليكم
اخوي انا نفس حالتك
وسويت ميزانيه للرودات وميزانيت تواير وضبط الامر
وراحت الرجه

ابومشخص

28/12/2009, 01:13 PM

خذ العلم كانت عندي وراحت بالترصيص الارضي
البالون لازم ترصيص ارضي اذا مانفع الترصيص العادي

الميل1

28/12/2009, 01:49 PM

السلام عليكم

اذا رج الموتر وانت علي سرعة 90 انزل من القار علي سرعتك

يعني الكفرات اليمين علي الكتاف صحراء والكفرات اليسار على الازفلت

مدة دقيقة وانت على نفس السرعة تروح الرجة من الموتر

حل مؤقت واحيانا تضبط معاك

آل زايد502

28/12/2009, 06:39 PM

ال زايد شف ردى وابشر با الخير اذا موترك فتك

وللعلم قيمت القطعه وكاله 300 ريال

لا والله مهوب فتك الموتر الوحش الي فالتوقيع

~ V T A C ~

28/12/2009, 06:53 PM

يازين البالون ورجتة

والرجة اذا هي اول ماتمشي

طبيعي

وحلها

انك اول ماتحمي الموتر

رجعه شوي ورى الين يحمى الموتر

ثم توكل على الله

ابومشخص

23/08/2010, 12:08 PM

ترصيص ارضي

ابوصالح77

23/08/2010, 04:45 PM

نقص الهواء إلى 30
رصص ترصيص عادي وخارجي ، ولا يقربك الليزر من واقع تجربة
أما الرجة فقد يكون عدة أسباب مجتمعة أولهن البالون الجنوط ربل الرباط مساعد الدركسون
ولكن أول شيء رصص زين ودبل مساعد الدركسون
بالتوفيق

خبير كفرات

23/08/2010, 05:09 PM

السلام عليكم

عند واحد من الشباب رجه بالسيارة باترول 2005

ركب عليه بالون وجنوط (( مثل oz ))

وصار فالموتر رجة قوية اذا مشى فوق الـ 90

راح لمحلات الترصيص وقالوا ماتضبط معها

وسمعت ان البالون اذا وزنت الهواء فيه مايرج

مع العلم ان خويي حاط ضغط الهواء (( 40 ))

نوع الكفرات ماكسس 900 والجنط 16

وعليكم السلام
المشكله عند خويك من الجنوط عريضه 8 انش او اكثر ما راح تضبط معه الا اذا غير الجنوط الي 7 انش او اقل والسبب ان البالون يتحرك من مكانه اذا كان الجنط عريض وما ينفع معه الترصيص