كشته مع الست الوالدة...شعيب المحارق

[عليان الليل]

السلام عليكم ورحمة الله وبركاته
يوم الخميس 30 -11 بعد صلاة الفجر جت الوالدة وانا بالفراش
قالت يا وليدي قم ودنا نكشت للبر:looney: انا احسبه حلم ... الا اللي ينغزن مع رجلي
وانتبه من النوم .. وهذي امي تقول قم خنكشت من زمان ما طلعت بي
قلت ياميميتي وين تبين نروح بهالبرد خلين انام ... قالت قم انا اعلمك
وين نكشت ..قلت وين بالصمان والا تبين الدهنا:p:p قالت قم ودنا لشعيب
المحارق:confused::confused: قلت وشو هالشعيب
منين تعرفينه قالت اخوك معلمن قم ازهم عليه خل يوصف لك
قلت طيب وين ابوي قالت كاشت ابوك.. لاحول ولاقوة الا بالله
ماباليد حيله هذي الوالده على العين والراس..
واترككم مع الصور... لكن انظروا الى اخر صورة للاسف منظر
محزن..ولا حول ولا قوة الابالله...
http://www.mekshat.com/pix/upload/images3/non1.jpg

http://www.mekshat.com/pix/upload/images3/non2.jpg

http://www.mekshat.com/pix/upload/images3/non3.jpg

http://www.mekshat.com/pix/upload/images3/non4.jpg

تابع

[عليان الليل]

http://www.mekshat.com/pix/upload/images3/non5.jpg

http://www.mekshat.com/pix/upload/images3/non6.jpg

http://www.mekshat.com/pix/upload/images3/non7.jpg

وارجو ان نعمل يدا واحدة للمحافظة على البيئة
لانها لنا اولا واخرا ..ولنجعل عنوان هدفنا اترك المكان كما كان
او احسن مما كان...
تحياتي..

[ابو شكاع]

تسسسسسسسسسسسسسسسلم ياعليان الليل

صور جميلة

ولكن الأخيرة تنغص الحياة


طيب وانا اخوك ممكن توصف لنا منين نطلع لهالشعيب من القصيم ؟؟

واذا ممكن احداثيات

وهلابك

[حفرلوجيا]

أقول الخميس ذا السمح كاشت بعياله وطارح موضوع وصور .. وهذا عليان الليل كاشت بـ(اميمته الله يوفقه ) وأيضا جايب صور جميلة .. والأجمل تلبية طلب الوالدة .. وقبلها شقردي والمسفهل ..والخبير كذلك
من هو عليه السرى الأسبوع الجاي .. إذا استثنينا الشعار ( لأنه لو كشت الموضوع لو ماتهيض ماجاء ) ..وإذا قلنا إن المري وميراج يمكنهم لاهين يدربون صقاره جدد ..
أيمن .. أقول :
يمدحون الكشتات بالصمان الشرقي :good:;)

[صقر]

أخي عليان الليل

خدمك المال والبنون والله يخلي لك والدتك ويجعلك من البارين فيها وفي والدك..

بس ما قلت لنا وين هو فيه شعيب المحارق هذا اللي يدلنه الحريم وحنا ما ندله :D

والحقيقة صورك رائعة وجميلة

ومع الاسف ان أغلب الكشاته هذا طبعهم يتركون المكان وكأن ماحدن نازل فيه غيرهم.

شكرا مرة أخرى على هالموضوع... وبارك الله فيك....

[حد السيف]

عليان الليل
اسعد اللة ايامك ولياليك مثل مااسعدة امك
هذي الوالدة اللة يطول بعمرة اللة لايحرمك دعاة ولايحرمك برة ان شاء اللة
الكبيرين عندهم شي ولافي الاحلام بس انت فتش وبتلقى بس لاتخبي علينا
اللة يحفظة لك ولايحرمك من شوفتة ودعاة للك



محبك اخيك
حد السيف

[عليان الليل]

حياكم الله جميعا..
اخوي ابو شكاع ..اهلا وسهلا تبي اوصف لك
من الرياض انا حاظر والاحداثية اخوك غشيم بالاجهزة..
___
اخوي حفرلوجيا.. زارتنا البركة والسرى مادري منهو عليه
الحين..
___
اخوي صقر .. وانت رايح للصمان يجك مفرق هجرة الطيري على اليسار
رح معه وطول شوي الشعيب ورا الهجره..
___
اخوي حد السيف.. ابشر بسعدك والله..

تحياتي..

[السمح]

يامال العافية والله عليان الليل

ولو ما يجيك من هالطلعة إلا براً بوالدتك حفظها الله لكانت مكسباً

الله الله بالوالدين هم الأول وكل أمور الدنيا تجي بعدهم

ما قصرت على هالصور الجميلة من محارق

يقولون الناس فيها واجد هو صحيح ؟؟

وهل هي محمية كالعادة .. أم لا ؟

أحلى تحية

[جبل كميت]

الغالي عليان الليل
تم إذا نغزك أمك أطمر وقل سمي
الله من واحد وده إن عنده مثل أميمتك ( الله يطول عمرها ويخليها لكم ) تدعي له وتورد عليه
الله يجزاك بالخير على برك بوالدتك وتراها تستاهل أكثر
وألف شكر لك يالغالي على هالصور الحلوة
تقبل تحياتي وتقديري
أخوك
جبل كميت

[عاشق الصفاري]

مشكور ياعليان الليل على الموضوع الي تشكر عليه ..

[الطبيب]

وعودا حميدا

ترا من مبطي وحنا فاقدينك

اخوك الطبيب

[عليان الليل]

شكرا لكم جميعا
اخوي السمح.. لا تخاف الناس شويين داخل الشعيب
وهو مفتوح الى الحين ما حطوه محميه..
__
جبل كمت .. حياك الله هذا الامر ما فيه شك..
__
عاشق الصفاري..يخليك ربي
__
الطبيب.. حياك الله وانا من من المعجبين بكتاباتك
وعلى فكرة انا يوميا ادخل مكشات ثلاث مرات..

تحياتي..

[abos3d]

الله يعافيك على برك بوالدتك الله يخليها لك و يخلي لنا امهاتنا وامهات المسلمين وجعل عيالك يبرون بك مثل ما انت بار بوالديك والله يعافيك على الصور الرائعه وسلامتكم

[ابو عايد]

يامال العافية والله عليان الليل

ولو ما يجيك من هالطلعة إلا براً بوالدتك حفظها الله لكانت مكسباً

الله الله بالوالدين هم الأول وكل أمور الدنيا تجي بعدهم

ما قصرت على هالصور الجميلة


مشكور والله ويعطيك العافيه على هذه الصور الرائعه يالغالي

الي توسع الصدر والخاطر ......... وتفتح النفس وما قصرت000وبيض الله وجهك

تقبل تحياتي // العاشق الولهان

[الحاتمي]

عليان الليل الغالي
ماشاء الله على امك
راعية بر الله يجزاه خير اللي نبزتك
من فجر الله وخلتنا نشوف هالصور
ليته والله كل خميس تقعد لك وتقومك من النوم:D
سلام عليان.....

[بواردي الروضة]

بيض الله وجهك والله يا ابو محمد ومشكووووور على الصور والله يخليلك أميمتك

[عليان الليل]

حياكم الله جميعا
ابوسعد انست وشرفت..
--
ابو عايد هذي الساعة المباركة اللي نشوفك
--
الحاتمي هلا بك والله ...وين اللي يبي يجي للمسنجر..احتريك
--
بواردي الروضة..حياك ربي ..والرسالة وصلت لكن مثلك عارف
الجمارك والبزنس..
تحياتي..

[عبدالعزيز الدباسي]

الحمد لله على السلامة يا عليان الليل ،،، والله يخلي لك اميمك يالغالي .

صور رائعة وجميلة ،،، بارك الله فيك وما قصرت

[عبد الله الفايز]

الله يجزاك خير ياعليان من ذا وازود الله الله بوالديك
صور جميلة سيجعلنا نتذكر شعبان محارق عام 409 ياألله وشلون كانت هاك الشعبان الله يعيده
ماوصلوا هاك الوقت اللي يخلون الارض مقرفة مثل أهل المكان اللي بالصورة الأخيرة
الله يجزاك الخير مرة ثانية

[عليان الليل]

حياكم الله جميعا..
اخوي شقردي ... امين يارب العالمين
عبد الله الفايز... الشعيب جنة الله في ارضه لكن
لو يسلم من ايدي المخربين كان حنا بالف خير.
تحياتي..

[طرثوث]

الله يخليها لك ويخليك لها
ويجعلنا ممن يبرون بوالديهم

[ابوحماد]

الله يجزاك خير يا عليان الليل وعلى الصور الجميله والله يسعد أيامك ويطول بعمر الوالده والشايب اهم الخير و البركه

عندي ملاحظه انت تقول شعيب المحارق الذي شمال شرق هجرة الطيري والاسم الصحيح للشعيب على قول

الوالد أهو شعيب محرقه والله اعلم,,,,,,,,,,,,,,,,,,,,,,,,,,,,,

أخوكم

ابو حماد

[عليان الليل]

حياكم الله جميعا
ابو حماد منكم نستفيد ..

[الهدد]

مشكور والله يعطيك العافيه على هذه الصور الجميله ونسأل الله عز وجل ان يقر عين والدتك بك ويحفظها من كل مكروه