أنصحوني يانشما تايوتا ولا نيسان

[F7L]

السلام عليكم

أخواني أنا قررت أني أشتري جيب ربع بس محتار مادري أشتري تايوتا ولا نيسان..؟؟ ؟

وتراني أطلع للبر كثير ..

وشرايكم تايوتا ولا نيسان من ناحيت كل شيء

وشكراً:rolleyes:

[جب هآت ود عط]

انا من ناحيتي تيوتا وخصه اذا كنت ابي ربع ولا شاص ولا هايلكس كلهن حقات بر 100%

[شمالات نجد]

بشكل عام

خذ نيسان

[ساري 111]

والله ياخوي النيسان الربع زين بس تأكد لايصير مثل الـvtc لأنه تمسك معه بعض الأحيان ينقطع كتاوت الطرمبه .. وبعده دور احد يجرك

فهو اذا هو سالم من هالمشكله فهو زين رغم عزمه الضعيف

وإذا انت تاصل التويوتا الربع وتصبر على مطبه ومركبه فهو مايحتاج ماعقبه حسافه (سمعت انه وصل 120 جديد)

[البيـــــراوي]

انا لو اني بمحلك كان خذت ربع الباترول
لانه حلو وشكله جديد وقوي
هذا رايي والراي الاخير لك
عسى الله يعطيك من خيره ويكفيك من شره (سواء نيسان او تايوتا )
وتقبل تحياتي

[راعي انيسان]

اخوي نصيحه لك



طقلك شاص وخل على قولتهم ا*****



انا معي ربع نيسان


الحذر ثم الحذر صح انه قوي وبنفود بلمسا يف يطرب ولا ينقلب اما التا يوتا على قفاها على طول ينقلب


نصيحه لا تا خذ الا شا ص انشهد انه موتر


يقولون النيسان الجديد فيه مشكله تنقط مويت الثلا جه على الفيوز اضنها مدري والله


المهم اعرف نا س من اخويانا 2 وقف عليهم واحد بسا حل واحد بصمان



والله يوفق -

-تم تعديل الرد بواسطة المشرف
بدوي جنوبي

[إعصار]

التايوتا أنشط .. متماسك أكثر بدي وأيضا سعر .. القطع الغيار أرخص ومتوفر اكثر .. السمعه دماررررر ... هههه



النيسان أريح وبقوة .. متماسك لكن ليس مثل التايوتا سوى السعر او البدي .. قطع الغيار متواجده لكن فيه مشكلة في الوكيل ليس كل القطع يوفرها باستمرار وكذلك أغلى بس بشي بسيط .. السمعه أحسن من نظيره ..





ولو تبي شوري .. خذ لك اف جي .. ولا اكستير حول السعر .. وثلاث مراتب .. والسمعه أصرف بواجد .. :good2:





والله يكتب لك الخير ..

[سوبر VTC]

انا اقول اذا تبي الراحة خذ ربع سفاري او سلقة و انواع الراحة بالبر و الديرة و السفر
و السفاري الربع فل كامل اكيد ارخص من الربع
اما الربع الله يعينك عليه غالي على ما اعتقد ب 127000الف
و مطبه قبيح جدا و الله ما ترتاح لا بسفر و لا بالديرة يكرهك بالسفر بس يناقز :mad:
احد الزملاء على وقت الربع م2003 فاكه جديد ضرب هوية خفيفة بعد طلعت الغاط و انكبت بيالة الشاهي على ثوبه :)
تقل و انتم بكرامه راكب حمار زود على كذا توجعك كلوتك من المناقز بالخط و اذا لف من عند اشارة و هو ما اسرع قلب لان شاصيه قصير و توجد مواتر جدد ما مشت الا اقل من 20000الف و قالبه
اهم شي
الاستخارة
تحياتي

[وقيان]

ان كانك تبي راحة البدن و سعة الصدر..خذ لك نيسان...
و ان كانك تبي راحة البال وتجلد جلد بدون حساب...خذ لك تويوتا....

وفي راي أعتقد انه بالنص...خذ لك اف جي...

[برادو vx]

ابقولك شي واحد . .اذا انت تبي عزم وقوه وهبال فما فيها مجال تويوتا لكن مشكلته يبيله قيادة شوي زي ما قالوا في جديد منقلب لكن عز الله انه عز ويرفع راسك ولا يقول اي . .غير كذا نيسان لكن مشكلته الوحيد العزم وانا مجربهم كلهم بالنفوذ والله الفرق كبييييييير . .

[ولد العويني]

اكيد ربع تويوتا وانت ناااااااااااااااااااااااااااااااااايم


بالتوفيق

[هولوكس2005]

والله ياخوي النيسان الربع زين بس تأكد لايصير مثل الـvtc لأنه تمسك معه بعض الأحيان ينقطع كتاوت الطرمبه .. وبعده دور احد يجرك

فهو اذا هو سالم من هالمشكله فهو زين رغم عزمه الضعيف

وإذا انت تاصل التويوتا الربع وتصبر على مطبه ومركبه فهو مايحتاج ماعقبه حسافه (سمعت انه وصل 120 جديد)



مايحتاج يجره احد

كلها كتاوت الي فوق يمين افصله وركب بدالها الكتاوت الاوسك وخلصت المشكله ماتاخذ عليك ولا عشر دقايق

[GX2007]

والله يالغالي اذا تبي الراحه والسعر المناسب خذ ربع نيسان وبدون مشاور :)
واذا تبي العزم خذ ربع التيوتا بس مشكلته ربع التيوتا غالي وثاني شي غير موريح :(

**انا سمعت فيه ربع نيسان مكينته فتكــ 4800 اذا لقيت مثله خذ ولا تشاور والله من العزم والقوه وصدقني راح يطربك تخيل صغير ومكينه بطرانه :good: ;) :good:

[أبوطارق الذيب]

الموتر اللي لك ولزمن الربع التايوت والربع النيسان فيه حقه لكن ما يجي مثل التايوت والله يكتب لك اللي فيه الخير تقبل مروري.............

[AMAZ]

تبي العلم مانت محصل شي يفيدك الكل يمدح السياره التي جربتها يعني لكن قرر على واحد منهم وخذه وقبل كل شي دراهمك هي التي تحدد مسارك .
لكن بصفه عامه كل السيارتين ممتازات .....

[أبوسعد 511]

تويوتا فقط لاغير

[F7L]

مشكورين كلكم على جوابكلي بس :

أنا جربت الربع التايوتا بالبر ومثل ماتقولون أجلدة جلد وصراحت جلدة بس وش المشكلة أنها أنكسرت الكرونة
والموتر كان مو لي وصلحت على حسابي أخاف أشتري ربع تايوتا ويصر مثل ماصار..

أم الربع النيسان مادري عنة ..

[شاص2006]

خذ لك ربع تايوتا وارقد وامن.................

[فاطر]

فتك وبس
والله يوفقك

[فاطر]

حسب علمي ان النيسان بالنفود اقوى من التيوتا اذا كان فيه طعس طويل وقف النيسان والجيب وحركو جميع النيسان يمشي التيوتا يحفر في محله ولا يمشي

[النحيف]

لا يفوتك الاف جي تراوه شيييييييييييييييي ...

[شامخ ألهيلا]

اخوي شف المنتدى قدامك مليان من اعطال السيارات

وانت قارن واعرف الفرق

شف وش الي يكد ويمد وشف وش الي يبي كتوات وحراره وشغلات توجع الراس

[القبقب]

لا يفوتك الاف جي تراوه شيييييييييييييييي ...

لاتفوتك اكستيرا من نيسان شي شي عجيب .

[عاشق الرفاليو]

تويوتا اقوي ويكفيك المكينه 24 بلف والباترول 12 بلف الباترول تسمع صوت المكينه عند تشغيل المكيف ويضيع عزمه في الطعوس الباترول تطلع لك حراره من القير عند الاستخدام لفتره طويله تسمع اصوات للباب الخلفي يعيب التويوتا هو المطب القاسي نوعا ما اما ما ناحية العزل الصوتي فيما يخص صوت الكفرات وصوت الهوا وصوت المكينه التويوتا افضل بمراحل وضع الجلوس داخل السياره عند السفر لفتره طويله التويوتا افضل حيث المراتب رفيعه ويعطي مجال روايه افضل بعكس الباترول المراتب نازله وتحس الطبلون والدركسون مرتفعه فوق عن المراتب

[الجندي2005]

اخوي خذ ربع نيسان أو شاص وانا افضل الشاص رزه ومهابه فصل عليه شد حائل والحق هللك ، واليا بعت كل بيبه ،،،،،،،،،،،،،،،،،

[al-wa7eed]

حبيبي اذا تبي القوة والنشاط في السحب والتطعيس والدخلات بالشعبان والجبال اللي مايدخلها لا الشاص

والصالون .. خذ جيب ربع .. لكن متعب بالمطب ....

بس راح اوضح لك نقاط :-

اولاً :- اذا بتاخذ جيب ربع تويوتا خله يمشي 5000 كيلو ولا تسحب اي سيارة مغرزه وذلك علشان ماينعدم

عندك الدزق والكلتش ..

ثانياً :- اذا طلعت طعس وحسيته بيغرزلا ترده بنمره وتجر عليه لانه راح يخرط الكارونه ..

ونصيحة مني اتبع النصايح اللي ذكرتها لك وخذه وصدقني ماراح تخسر لا فالبيع ولا فالقوه ...


اما بالنسبة للنيسان بصراحة مريح ولكن ليس بقوة التويوتا ....

والله يكتب لك اللي فيه الخير ..

[سحاااب تبوك]

يعطيكم العافيه على الردود بس اشوف الزين نيساني

[التعـ King ـديل]

تبي نصيحه مجرب خذلك نيسان والله انه موتر راحه وقوه وقطع غيار رخيصه وانا اكلمك عن تجربه وانا راعي سفر

سافرت على نيسان سياحي والله اني مرتاح وسافرت على جيكسار انغثيت يالله وصلت

[F7L]

مشكورين كل من ساهم بالمشاركة

وأنا أبصلي صلات الاستخارة أنشاء الله إلى بيكتب علية الخير أباخذه

ومشكورين

[الخيال2006]

انت مقتنع بتويوتا...لانك ذكرتها اولا مرتين ... تحيتي

[مشاغب شوي]

انصحك نيسان ربع مريح وسعرة معقول ويبيض الوجه

واذا كان مكينة فتكـ لايعلى علية

[مواسي الطعوس]

اعطني وصف البر الصحيح اللي تروح له . واعطيك الموتر اللي يصلح لك منهم .

(لانك مارايح تحصل كلام يرسيك على بر/ اللي معه باترول يقول اشتر باترول واللي معه تايوتا يقول تايوتا )

** ان قصدك البر : الارض المستويه والجبال والنفود تمشي مع دروب الناس فلا تتعدى السفاري .

** اما ان قصدك بالبر الطعوس الطويله فقط , فعليك بالربع التويوتا لانه اخف .

** الان نسبة 95 % من اللي يشترون الربع التويوتا مايطاعسون ابد , واذا راحو للنفود مع طريق الناس اللي تمشي معه الهايلكس والددسن اللي مافيها دبل .

** واذا كان يهمك البنزين : الباترول افضل لانه انسيابي .اما اذا كنت سرعتك في الديره والخطوط 100 فقط . فيكون بالبنزين مثل بعض .

**اما (السعه) (الراحه) لصالح الباترول ولا احد يعترض .

[سيف الظفير]

خذلك شااااص 2008 احسن من الاثنين

[أبو أسامة]

خذلك شااااص 2008 احسن من الاثنين


مثل ما قال لك أخوي سيف الظفير .......... عز الله أن شاص التايوتا تحطه على الجرح يبرى ..... لكن عيبه مطبه ......... يصلح لك إذا أنت عزوبي أما عائله صعبه ...........

[شاهين عمان]

مع احترامي للكل ....لكن في القوه خذ النيسان وفي الجوده خذ تيوتا،، نظره شخصيه
تقبل مروري يالغالي

[سهم VTC]

اخوي ..السلام عليكم..

تبي موتر صح س/اتوقع انك رجال عاقل وانت منتب راعي هبال...

علشان كذا خذلك سلقه نيسان وبعدين اخلف اخوي اعصار ان الوكيل مايوفر قطع غيار يحليلك يا اعصار قطع الغيار النيسان في البقاله اللي جنب بيتنا..
وبعدين خل عنك ذي المواتر الضيقه شوي..
خذلك سلقه نيسان اربع بيبان..وتراه نشيط..

ولا فورتشنر اذاكنت بتعدا المية الف..طبعا 6 سلندر لان 4 خجمه <<<استعمال شخصي..

ولا اكستيرا وتراه هبال..
ولا برادو <<قير عايدي ابعد عن التماتيك..

هذا موجز...

طبعا معك فلوس كثيرة
(vxr.gxr.vtc)


اخوك ـ
سهم vtc

[إعصار]

علشان كذا خذلك سلقه نيسان وبعدين اخلف اخوي اعصار ان الوكيل مايوفر قطع غيار يحليلك يا اعصار قطع الغيار النيسان في البقاله اللي جنب بيتنا..


يالطيب ما اتكلم من فراغ ..


هذا مثال بسيط .. تفضل ..
http://www.mekshat.com/vb/showthread.php?t=155290


يعني توفر قط الغيار لايمكن يقارن ..

[مواسي الطعوس]

ونزل له رابط راعي (التويوتا الفورتنر ) اللي عجز يلقى مرايه

** والا رفيقي اللي عجز يلقى طبلون وهو على الضمان له شهر الان .

(تويوتا والوعود الكاذبه)

[هدير الموج]

تويوتا وبس

[أبو LAMeS]

إذا كان لابد من الاثنين فالباترول الربع حطه تحت الوسادة وأرقد وأمن وعليك بالسلقة وقيمته فيه ولو بعد عشر سنين

[Abu Saad]

خذ الاثنين :)
وش رايكم في الحل يرضي الجميع:good:

يا اخي العزيز كلها سيارات ماعليها الكلام وكلها لها ميزات وعيوب وميزاتها تغطي عيوبها تماما .
المسالة فقط مسالة راحة نفسية ورغبة ... واستخارة ..
خذ الي تميل له اكثر ، بالعربي اشتر على مزاجك وليس على مزاج غيرك وخصوصا انهن كلهن طيبات والباقي هو مسالة مزاجية وذوقية فقط لاغير ..
وبالتوفيق

[فارس العمور]

اصحك بالاكستيرا

قوووه مافيها كلام خصوصا الشاص حقه

اما العزم فبدرررررررررررررررررري على جيوب تويوتا تصف جنبه

[HILOX2006]

أقول ونا أخوك النيسان لا يقربك الحذر ثم الحذر خربات وقطع غيار غالي وغير متوفر ووكيل أزفت من الزفت ويطيح سعرة وحرام تحط دراهمك فية تبي النصيحة خذ تايوتا ورتح وريح بالك من الخرابات بإذن الله وقطع غيارة سعرة معقول ومتوفر ووكيله أفضل من وكيل نيسان وذا جيت تبي تبيعة بعدين موتر ماسك سعرة على قولة الشباب تايوتا شيك مايطيح سعرة

[ضرماوي مووت]

نصيحه خذ نيسان
النيسان مريح وقوي
صح التويوتا يروح قومه بس اذا جا الخط مع بعض
وخويي معه ربع نيسان والله يكرفه
تطمير ارصفه وتفتفه و نفود وطرد جرابيع
وتمسك معه احيانا يرد وجه
والله ماضره والموتر للحين على حالة وكالته <<مع كل هالكرف
واتوقع ان استعمالك استعمال حشمه
عشان كذا خذ لك نيسان والله ويوفقك

[F7L]

السلام عليكم

أخواني انا قرت أني ابشتري ربع تايوتا لقوتة ونشاط ولاني أنا البر اللذي أروحلة بر نفود وأبي شيء قوي..

وللنسبة للشاص التايوتا هو زين وممتاز جداً بس أذا أبركب أهلي مشوار قريب وين أركبهم..؟

وللنسبة للباترول النيسان هو مريح جداً ويمسك خط بس أنه ليسى مثل نشاط التايوتا ..

وشكراً

يأخواني هل تعرفون ربع تايوتا من 2002 ألى 2006 نضيف جداً ويكون سعرة أحليوا..!

[إعصار]

ونزل له رابط راعي (التويوتا الفورتنر ) اللي عجز يلقى مرايه



الفورشنر متى نازل الله يحيك له ثلاث سنين .. يعني سيارة تقريبآ جديدة ..


السفاري من طلعنا على الدنيا وهو موجود .. ومع ذلك تبحل بعض الاحيان ..



الموهم انا ما ادافع عن الوكلات ..


كلهم حرامية ..


لكن شي ارحم من شي ..


:)