سوم عجيب

[راعي صدام]

لاحظت في خيمةالبيع
ان بعض الخوان يعرض طيورة للبيع وماينزل صور لها
ويجي بعض الاخوان ويسومها وهو ماشاف الطير؟؟؟؟؟ ويقول اسوم الطير بــ --- بشرط الشوف
سؤال هل تجي السومة قبل الشوف او الشوف قبل السوم؟؟؟ :confused: :confused:

[روووح]

انا ملاحظ هالشي بكثره حتى تخليك تشك بانها خطه لرفع السعر
بالنسبه لي ما سمت ولا اسوم الا فيه صوره للطير ومواطيه وظهره

[GX2007]

والله انا اقول الشوف اول ثم السومه تليها ......
بس بعض اللي يعرضون الطيور للبيع يذكر علوم الطير كامله ومايبقى الا الصوره واغلب الاخوان يسوم على علوم الطير ....... وتقبل مروري

[العمراني]

لا وبعد يرفع السوم من 2000 إلى اربعه واحيان لا سبعه ومااهو بشرااي والله ودناا حل للمشكله

[راعي صدام]

والله انا اقول الشوف اول ثم السومه تليها ......
بس بعض اللي يعرضون الطيور للبيع يذكر علوم الطير كامله ومايبقى الا الصوره واغلب الاخوان يسوم على علوم الطير ....... وتقبل مروري
اخوي GX هذا كلام مايعقل ان الواحد يسوم بمجرد الذكر ترى النظير غير الذكر
وشاكر لك على مرورك

[راعي صدام]

انا ملاحظ هالشي بكثره حتى تخليك تشك بانها خطه لرفع السعر
بالنسبه لي ما سمت ولا اسوم الا فيه صوره للطير ومواطيه وظهره
اخوي روووح شاكر لك على مرورك

لا وبعد يرفع السوم من 2000 إلى اربعه واحيان لا سبعه ومااهو بشرااي والله ودناا حل للمشكله
اخوي العمراني شاكرلك على مرورك

[حريب الياس]

السلام عليكم ورحمة الله و بركاته

تدرون ليه ؟؟؟؟؟؟؟


يبي يثبث حضوره بعضهم باي شكل


و انا ابي لي طير و عجزت القى كل ما جاز لي شيء طيروا سومه بالهبل الى درجه خياليه و المشكله ما ندري هل بيع الطير او مجرد لعب بلعب


و ربكم يعين

[..@القناص@..]

اخوي ..,, اكثر الصقاقير
يسومون على علوم الطير وعمر الطير
ونوعه وشباقي من الريش ووش صاد .. الخ ؟؟
لاكن رايي ان الي يبي يبيع طير يحط على الاقل 3 صور للطير
هذا الافضل ,,,, والمفروض مايسوم الا الي صامل
هذي وجهت نضري

[راعي الفلوجه]

فعلاً اللي يسووووووم الطير ويعطيه فووووق حقه ماااااله داااااعي ,,,,,, ولكن انا سمت طير وانا ما شفته بس على كلام راااعيه وعلوووووم الطير اذا شفت الطير واختلف الكلام مع النظر طيررررررره مرجوووووووع ...

[المان العرب]

فعلاً اللي يسووووووم الطير ويعطيه فووووق حقه ماااااله داااااعي ,,,,,, ولكن انا سمت طير وانا ما شفته بس على كلام راااعيه وعلوووووم الطير اذا شفت الطير واختلف الكلام مع النظر طيررررررره مرجوووووووع ...

:good: :good: :good: :good: :good:

[قلب ضبع]

قصدكم راعي شلهوب
حتى انا لاحظتها فيه

[التميمي 2009]

السلام عليكم ورحمة الله وبركاته:ـ
موضوع ممتاز يارعي صدام ومشكور
كثير من الناس يسوم ولا يشتري يقول انا صامل في المنتدى ويطلب رقم جوالك ويرسل رسائل ويقول ارجوا الرد بسرعة وذا شاف الطير وقلبة علي يدة يدور اي شيء يعذرب في الطير ويهج بينما العيب مذقور في الموضوع يعني ما له كلام بس نقول الرزق عند موزع الارزاق ,,,
انصح الجميع عدم التسرع والتركد في السومة واذا ماكنت تعرف لا تسوم لانك تخرب على الي يبي يشري واذا كانت من الي يبي يقلب الطير وينظر على اليد لا تسوم الا وانت مناظر الطير بعينك وشكراَ ,,,,:no2:

[خيال الغلبا]

وش فيها اسوم واشرط

مافيها شي

[راعي شلهوب]

الله لا يهينك على طرح الموضوع

[راعي شلهوب]

قصدكم راعي شلهوب
حتى انا لاحظتها فيه
والله ماودي ارد عليك رد يجوزلك لكن
انا ان سمت اقدح من راسي ولا على منك ولامن غيرك
اذا بالنسبه لذاالطير الي انا سايمه 110000 كانت نازله صوره وشافوها الي كانو حاضرين وقت السوم
وخلصت مع راعي الطيربالتلفون وشريته على الشروط الي مذكوره
وقلت له شل صور الطير لان ماودي كل من جى شافه
ورحت له البحرين اليوم واختلفنا لاسباب ماودي اذكرها ومعي رياجيل شهود
على الطير وعلى كلامي وانشد راعي الطير ورقمه موجود في موضوعه
ليه اختلفنا ورح للطير وشوفه وهذا الكلام للجميع

[مطامر]

كلام سليم ياراعي صدام
اللي بالنفس قلته انت وبعض الشباب جزاهم الله خير
الله يوفق الجميع
اخوك:j مطامر

[راعي صدام]

كلام سليم ياراعي صدام
اللي بالنفس قلته انت وبعض الشباب جزاهم الله خير
الله يوفق الجميع
اخوك:j مطامر


السلام عليكم ورحمة الله و بركاته

تدرون ليه ؟؟؟؟؟؟؟


يبي يثبث حضوره بعضهم باي شكل


و انا ابي لي طير و عجزت القى كل ما جاز لي شيء طيروا سومه بالهبل الى درجه خياليه و المشكله ما ندري هل بيع الطير او مجرد لعب بلعب


و ربكم يعين


اخوي ..,, اكثر الصقاقير
يسومون على علوم الطير وعمر الطير
ونوعه وشباقي من الريش ووش صاد .. الخ ؟؟
لاكن رايي ان الي يبي يبيع طير يحط على الاقل 3 صور للطير
هذا الافضل ,,,, والمفروض مايسوم الا الي صامل
هذي وجهت نضري


السلام عليكم ورحمة الله وبركاته:ـ
موضوع ممتاز يارعي صدام ومشكور
كثير من الناس يسوم ولا يشتري يقول انا صامل في المنتدى ويطلب رقم جوالك ويرسل رسائل ويقول ارجوا الرد بسرعة وذا شاف الطير وقلبة علي يدة يدور اي شيء يعذرب في الطير ويهج بينما العيب مذقور في الموضوع يعني ما له كلام بس نقول الرزق عند موزع الارزاق ,,,
انصح الجميع عدم التسرع والتركد في السومة واذا ماكنت تعرف لا تسوم لانك تخرب على الي يبي يشري واذا كانت من الي يبي يقلب الطير وينظر على اليد لا تسوم الا وانت مناظر الطير بعينك وشكراَ ,,,,:no2:
الله لايهينكم على الردود كلن بسمة

[راعي صدام]

وش فيها اسوم واشرط

مافيها شي
كلن حر في تصرفة لكن اقول ليش ماتشوف بعينك ووتسوم افضل لك

قصدكم راعي شلهوب
حتى انا لاحظتها فيه
انا ماذكرت اسامي والاخوان كلهم على راسي

والله ماودي ارد عليك رد يجوزلك لكن
انا ان سمت اقدح من راسي ولا على منك ولامن غيرك
اذا بالنسبه لذاالطير الي انا سايمه 110000 كانت نازله صوره وشافوها الي كانو حاضرين وقت السوم
وخلصت مع راعي الطيربالتلفون وشريته على الشروط الي مذكوره
وقلت له شل صور الطير لان ماودي كل من جى شافه
ورحت له البحرين اليوم واختلفنا لاسباب ماودي اذكرها ومعي رياجيل شهود
على الطير وعلى كلامي وانشد راعي الطير ورقمه موجود في موضوعه
ليه اختلفنا ورح للطير وشوفه وهذا الكلام للجميع
اخوي راعي شلهوب مصدق وانا ماجبت طاري حد لكن انا طارح الموضوع للكل ولست مخصص به احد وذلك من اجل ارتقاء المنتدى ومصاقيته وارجو منك ومن كل الاخوان العذر والسموحة وعيد وكرر انا ماقصدت شخص محدد

[طارق الحربي]

قصدكم راعي شلهوب
حتى انا لاحظتها فيه


سبحان الله

ياخي اسلوبك يذكرني بواحد معنا بالمنتدى !

ولا يمكن تشابه اسماء قصدي تشابه اسلوب !

[الباتريوت]

السلام عليكم ياخوان بالنسبة للاخوان اللي يسومون خلوهم يسومون الرجال الصامل صامل ويعرف وراعي الطير برضة يعرف اللي بيصرفة لكن اللي مو معقول ويجرح ويزعل اللي جالسين يكسرون في قيمة الطيور واحد يوقف طيرة بالمنتدي ب8000 الاف ريال يجي واحد من هالشلة ويقول الطير عندي ب6200 هذا اللي يقهر ويزعل بنفس الوقت
لكن والله انا مااعرف الاخ راعي شلهوب وكنت متابع للطير اللي وقف علية بالمبلغ المذكور وبعدها شفت تنوية انه سحب سومتة للطير في المنتدي واحب اقولة بيض الله وجهك علي التنوية لانه حق واجب
ولكن مثل هذا الطير اللي عرض ماكان المفروض انه يطيرونة الزملاء بالقيمة اللي شفناها وهي بداية من احدي الاخوان بمائة الف والطيور هذه تجي علي انسياق عدة اتجاهات الطير اذا كان بهذه المواصفات وانه سيكون غالي يجب ان نبحث عن قيود معينة قبل المجازفة بمبلغ كبير الا بشروط معينة وهي فحص الطير ومربط الطير ومعاينة الطير واحب اقول للكل مافية طير ابيض بهذا الشكل يوجد بالعالم قاطبة الا سيكون حتما تفريخ او مصاب بمرض البهاق او مصبوغ والاحري دائما هو التفريخ وربنا يوفق الجميع
بخصوص البيع والشراء يجب ان يكون هناك ضوابط وقيود وذكرتها في اكثر من موضوع ياليت الادارة الموقرة تأخذ بها وهي كالتالي
1- يقفل متصفح البيع والشراء للطيور ويعمل برقم سري لكل عضو لدية الرغبة بالبيع او الشراء بعد تدوين اسمه الحقيقي ورقم جوالة وصورة من البطاقة المدنية ويصرف له رقم سري يقدر من خلاله تصفح القسم بحرية كاملة
2- يوقع علي اتفاقية خاصة بالبيع والشراء وحسب ماتراه الادارة ليكون ملزما في حالة السوم او البيع علي ان يقدم السلعة بدون تدليس او غش ويفضل اذا كان عارض سلعة للبيع تبليغ الادارة بحدة فيها وكم سعر البيع لها
3- ياليت يكون هالمنتدي تعرض به طيور وحسب المواصفات التي تكتب للابتعاد عن الكذب او الخداع للراغبين بالشراء ليكون الملاذ الامن للشاري والبائع دائما
اشكركم جميعا لسة صدوركم

[القحيدي]

لاحظت في خيمةالبيع
ان بعض الخوان يعرض طيورة للبيع وماينزل صور لها
ويجي بعض الاخوان ويسومها وهو ماشاف الطير؟؟؟؟؟ ويقول اسوم الطير بــ --- بشرط الشوف
سؤال هل تجي السومة قبل الشوف او الشوف قبل السوم؟؟؟ :confused: :confused:
صدقت ياخوي !!! وترى بعض المشاركين الله يهدانا وياهم يزين لرفيقه !! بالمدايح والهياط الزايد واخرتها لشفت الطير تقول من طير سليم مال سوق الحمام !!!!
والا يجيك واحد ويفتح الباب بسعر !! ويجيك هذاك عاد من هنك ويزيد زيادة تحس انها حدا الشايتين
يا انها كسر لسوق السلعة وهو طبعا مهب شراي !!
او انه يبي يرفع سوق طير رفيقه لانه على كثر ماشفنا في المزادات ...!! مح يزيد بالاعداد المحددة او تخليك تتسائل مثلا يرتفع من 3000 لين 7000 يعني لا هو زاد 1000 ولا 2000 ولا دبل القيمة
وسامحوني على الاطالة

[90 BLAZER]

والمشكلة هذي مو بس بالطيور حتى بالسيارات

انا ابي اعرف شلون يسوم الشي قبل لا يشوفه !! والسومات هذي فيها شك

ويعطيك الف عافية ..

[حر اشقر]

الله يهديك ياقلب ضبع اذا انت ملاحظ شي على احد كلمه على الخاص مب تشهر فيه قدام الخلق وانت ما تدري تلقاق ظالمه..............