أفضل ورشة لبوية ودهان السيارة

[فتى الوادي]

السلام عليكم ورحمة الله وبركاته
عشر مباركة .. وخواتيم مرضية .

يا شباب أنا طفشت من لون سيارتي .... ونويت أدخل سيارتي ورشة وأقلب لونها إلى لون جديد ...

السؤال : ما هي أفضل ورشة في الرياض لبوية السيارات وتكون أسعارهم معقولة !!

لا احد يقول لي أفضل لك لا تغير البوية .... ترى والله العظيم أن أخلي آذاني وآذانه اربع !

[بـتّاع]

انت من شيّاب المنتدى لازم نخدمك ياجدي ..

رح لمحل العمودي للبويات بشارع الجمعيه في الصناعيه القديمه و اشتر البويه اللي تبي
طبعا بعد ماتاخذ الكميه المطلوبه اللي يقول لك عليها الفني ..

والبويه مامثل ماي كار بس غااالين وااااااجد .

موفق

[فتى الوادي]

بارك الله فيك ... لكن

غااالين واااااجد ؟ يعني في حدود كم ؟؟

سيارتي جيب جي أكس آر موديل 2000 لون بني شوكلاته واريد قلب لونه إلى أبيض .

[ممتر البران]

يا ابن الحلال بعه واخذ لك واحد ابيض
بيفككون كل شي بالسياره واذا رجعو يركبونه مهوب ظابط شغلهم
بتكسر عليهم الكلبسات والا بغيت تجيبها من الوكاله ما لقيتها \ هذا غير الربر اللي بيتقطع عليهم وشي تلقاه وشي ما تلقها
ويبيلك مرور وقلة حيا وبيكلفك اقل شي 3500 ريال هذا اذا الوشه حليوه اما اذا زينه اقل شي 5500 فحرام والله تخرب موترك بدراهمك هذا غير الورش الناهيه اللي ما تصبغ باقل من 8000
وبيطلع لك انواع الصرصره بالديكور وبتكرهه نصيحه لوجه الله تعالى لا تغير اللون الا بع واشتر لك واحد لونه على مزاجك والدراهم اللي بتصبغ بها زدها على قيمة موترك واخذ بها فرق موديل
تحيتي لكم
ابو سعد

[ضحية صمت]

بيني وبينك انا مايقهرني الا مثل هالردود
الحين الرجال سؤاله محدد وواضح وتلاقي بعض الردود الله يهديهم من جمبها الرجال يبي يصبغ موتره
يعني عن الاراء الثانيه اللي ماهوب ماخذ فيها ابدا لكن ما علينا


اسمعني زين فيه ورشه بالسمكره والبويه انا اشهد بالله انه غير طبيعيين ونفس الوكاله بس
بيصلخونك وعموما فيه ناس ينصلخون بالسعر وفيه ناس ما ينسلخون يعني انت ولسانك وكانك
راعي طويله وبارد فتراك بتلاقي خير ....انا اقصد البرود والطويله في المكاسر ....

اما عن شغلهم فانت لا رحت بتدعي لي بقووووووووه انا جربتهم وزبون عندهم من ست او سبع سنين
وكم سياره صبغتها عندهم والله انها الجديده مهيب اخت الجديده


الورشه اسمها ورشة الجامعه

اول ما تدخل من البوابه الشرقيه لجامعةة الملك سعود تلاقيها فوق الطلعه على يدك اليمين اطلع الطلعه
وشف الورشه فوق ورشه كامله فيها كل شئ مكيانيكا كهربا سمكره بويه فرن كل شئ كل شئ

انت رح وشفها اسم المشرف فيصل تراه سوداني اجودي

[ابو هشام]

سيارتي جيب جي أكس آر موديل 2000 لون بني شوكلاته واريد قلب لونه إلى أبيض

والله مافي أحلى من البني المحروق

الابيض لون سخيف بالاخص على اللاند كروزر وكلام ممتر البران حكي ناصح.

كم صار عدد الأذان
أظن 6

[شاص2006]

فيه ورشة وفا يعطونك ضمان على البويه واحد من أخوياي صبغ صدام هاي لوكس 2006 ب1200 وعطوه ضمان أربع سنوات,,,,,, على اللون,,,,,,,,,,,,,

[خلفهم]

فيه ورشة وفا يعطونك ضمان على البويه واحد من أخوياي صبغ صدام هاي لوكس 2006 ب1200 وعطوه ضمان أربع سنوات,,,,,, على اللون,,,,,,,,,,,,,



الموتر كامل بــ 1200 .. مع العدهـ

يمكن 12000 وإلا

[faaaaz]

لاترش سيارتك تنزل قيمتها عند البيع .........مرشوشه ماحد يصدقك مصدومه........................خسران الشريطى ياكلك

[فتى الوادي]

الله يزوجكم كلكم ....

مشكلة اللون غير الأبيض أنه يحب الشمس ... وماشاء الله شمسنا غيرررررررررر

اللون البني الشكولاته هذا حلو لكن تحتر السيارة وهي واقفة وما تقدر تلمس الباب ,,,, ومن شدة حرارة الشمس خربت علي مكاين السنتر لوك وغيرتها ...

والسيارة مليانة خدوش .. قلت بالمرة الوحدة نصلح هالخدوش ونضربها بوية بيضاء ,,,, لني أشوف فيه سيارات مضروبة بوية وماشاء الله شغل صح تلق لق وهي قديمة ... وسيارتي ماعليها قصور .

أشكركم مرة أخرى والله يعطيكم العافية .

[ذهلان 1]

أخييييييه عليك
بني محرووووق
حبيبي هذا الجلاكسي يفرقون في سعره عن الآبيض
وبالنسبة للسنتر لوك كلها مع حرارة الشمس ما تقفل خص باب السواق
عندي في موتري فكسار أبيض وديته كم كهربائي وكلهم يقولون ماله حل مع الحرارة
الا أنك تقفله بالمفتاح
نصيحة خلك على مويترك والا بعه وأشتر أبيض شد بلد
أي أذني أذني
كم وصل عدد الاذان أظن 8
سلااااام