جمس 92 والفرصة الأخيرة

[صدام]

السلام عليكم ورحمة الله

يا إخواني عندي جمس موديل 92 (أبو عبارات طرب) واقف طول عمره تحت البايكة

مايتحرك إلا للسفر

ما واجهت فيه إلا مشكلتين

الأولى الحرارة والثانية المكيف


أما الحرارة فهو مايصخن إلا في المدن الحارة إذا كان يتحرك في الزحمة

وطبعا إذا سخن المكيف مايبرّد

غيرت له كل شيء جديد وكالة (لديتر، خراطيش)

وأما المكيف مشكلته في الفريون. كل ماعبيته، يجلس شهر أو أقل وينتهي

غيرت كل شيء جديد وكالة بحوالي 4000 ريال (كمبرسر، لديتر مكيف، ثلاجة، بلوف)

والمشكلة لاتزال قائمة!!!

الفريون ينسم..

الحل في رأيي واحد من اثنين

1- أبيع الجمس واطلع واحد جديد (مع إني ما احب الجديد)

2- أعطيه فرصة أخيرة وأحد يدلني على حل جذري للمشكلتين عند ورشة ممتازة!

أنا مليت من الدوارة بين الورش..

دلوني على حل؟

بارك الله فيكم

[أبا مجاهد]

أعانك الله اخوي

لكن هل تأكدت من المراوح وكلتشات المراوح؟؟

[صدام]

اهلا أبا مجاهد

المراوح شغالة والكلتشات بعد

المروحة ميكانيكية مع الدعسة وتشتغل على سرعتين

[صدام]

نشتري جديد ونكبه؟

[H I T L E R]

ماله الا السوق

[_الراسي_]

ماله الا السوق




صحيح مالك الا السوق

[mmgarni]

انا من الناس اللي يقدرون الجموس اسمع مني بالنسبة للحرارة هذا بلف غيرة وشف الفرق
وبالنسبة للمكيف شف التهريب من المواصير تاكد من بدايتها ونهايتها لان فية جلد مع الزمن تتشقر
ولا تبيعه فتندم ندم والله يالجموس الجداد انه ملعوبن فيها وانا خوك
وعلى فكرة مع الوالد جمس 93 ماشي حدود 40 الف كيلو يقول لو يجيني 500000 مابعتة
وهو نفس الخرابات اللي عندك وعاد الشور شورك والله يعينك
تحياتي لك

[شامخ ألهيلا]

اخوي شف البلف

واذا مانفع اجل ترااه رااس المكينه

[سوبر VTC]

الله يعينك اخوي صدام
الله يعينك على المكيف
شيك على سيل او وجيه المرابط بين المواصير
انا كل سنة و نص لازم ينقص المكيف و يصير فيه تنسيم:mad:
همن اعبيه مرة ثانية
انا غيرت المكيف لموتري جمس صالون 2001مرتين و يخرب و الثالثة هالحين سالك ما عنده خلاف:) و احد زملائي غيره 4 مرات من الوكالة و يخرب حتى اخر مره يوم وصل المدينة هو و اهله يبون مكة ثم خرب :mad:
ورجعه بسطحه لديرتهم
***
الحرارة
احد الربع كان يحتمي الموتر و غير غطاء الاديتر و زانت الحرارة بس اهم شي الغطاء حق بلاده و يكون له رقم خاص بمعنى يفتح على قربة الماء عند حرارة معينة
شخص اخر
غير الانبير و غير الغطاء و الانبير و سيخ الاديتر و كل شي و اخرته صار من البلف
***
طبعا موتري 2001 بعز الحر الحرارة على 85 يعني تحت النص اذا ابطيت واقف و المكيف شغال تاصل النص و تثبت ما تزود و هذا كان العام الشديد مشكلتك و الله اعلم ان البلف قافل او مجيم و يفتح على خيف و لا يلحق على الماء فبتالي الموتر يحتمي
هذا رابط للعضو فني الشيروكيات موضوع متكامل عن اسباب الحرارة مع الصور
و ارجو انه يفيدك


http://www.mekshat.com/vb/showthread.php?t=146840 (http://www.mekshat.com/vb/showthread.php?t=146840)



تحياتي

[طلال العنزي]

السلام عليكم

[طلال العنزي]

السلام عليكم :D اخي الكريم اذا السيارة 92 سوبربان مكينة 454 مالها حل بالنسبة للحرارة من المعروف ان السوبربان من موديل 92 الى 95 454 اللي جاله صوت هدير من شكمان واحدفيها مشاكل حرارة انا ابا اقص لكم المعاناة والحلول المؤقتة للموديلات هذي ومن واقع تجربة بس طولوا بالكم علي.
1- السيارات هذي فيها عيب مصنعي ملحوظ وهذا من كلام احد الاخوان المهندسين يعمل في صيانة شركة ارامكو السعودية وهو ان رديتر المكيف امام رديتر المكينة.ممايحجب الهواء عن السيارة اثناء الوقوف في الزحمة وتشغيل المكيف الحل باطفاء المكيف ووضع القير على N ثم الدوس على البنص قليلا حتى تشتغل المروحة فيزيد دفع الهواء للمكينة ويقلب الاديتر الماء وهذا اذا كان تماتيك المروحة شغال معاك راح تسمع صوت حنة قوية هذا صوت المروحة شابك ثم تنزل الحرارة على طول النصف طبيعي جدا,
2- هناك مشكلة في الدبة الاخيرة الكزوز سيستم غير ملائم لجونا الحار.
الحلووووووووووول
1- اولا اشارو علي الاخوان بتغيير الدبة الخلفية للشكمان ب دبة 97 جمس وهناك تحسن بسيط لكن الصوت لك علية وهو حلاته بصوته قلنا مايمشي الحال .
2- قالوا ركب مراوح كهرب قلت فكرة ذالك الوقت كان فية واحد في الشرقية مشهور بمراوح الكهرب شدينا الرحال وجيته وحصلت اخو موتري عندة وقلت الحل قال مراوح كهرب شفت السيلرة عنده يقولي مشغله ساعتين والمكيف شغال داخل الورشة وملزقة للجدار واشوف الحرارة الا ربع ثابت عليها لاقلت جاك الفرج ياصياح دخلة السيارة عنده وركب مراوح بس فيه مشكلة وهي امبير البطارية طاح على الاحمر . قلتله وش الحل قال دينمو اقوى (سكاليد 120 امبير) قلت تمام دوره لي وركبناه طلعت مشكلة ثانية وهي يقص الفيوز حق المراوح خليت السيارة عنده اسبوع وجيته بعد اسبوع لقيته مرجعها شد بلد وش القصة قالي بالحرف الواح بطلنا :no2: شغل وخذيت سيارتي وتقشقشت:mad: للرياض .
3- الحل قالي واحد من الشباب فكرة لكن ماجربتها وهي تشتري كبوت تجاري اوتشليح وتخرق فوق المكينة مكان مروحتين سوبارو وتلحم قواعدها عاى الكبوت تكون دفع الهواء لاسفل على المكينة وبفاصل عند الحاجة تشغلها .
لكن انا ماعاد عندي حل الا الحراااااااااااااااااااااااااااااااااااااااااااااا اااااااااااااج وبدلناه بالنيسان الباترول وارتحنا
اما بخصوص المكيف شيك على البلف اوربلة يسمونها وجه كمبروسر داخلي . واسفين على الاطالة,:j

[سيف الظفير]

السلام عليكم ورحمة الله

يا إخواني عندي جمس موديل 92 (أبو عبارات طرب) واقف طول عمره تحت البايكة

مايتحرك إلا للسفر

ما واجهت فيه إلا مشكلتين

الأولى الحرارة والثانية المكيف


أما الحرارة فهو مايصخن إلا في المدن الحارة إذا كان يتحرك في الزحمة

وطبعا إذا سخن المكيف مايبرّد

غيرت له كل شيء جديد وكالة (لديتر، خراطيش)

وأما المكيف مشكلته في الفريون. كل ماعبيته، يجلس شهر أو أقل وينتهي

غيرت كل شيء جديد وكالة بحوالي 4000 ريال (كمبرسر، لديتر مكيف، ثلاجة، بلوف)

والمشكلة لاتزال قائمة!!!

الفريون ينسم..

الحل في رأيي واحد من اثنين

1- أبيع الجمس واطلع واحد جديد (مع إني ما احب الجديد)

2- أعطيه فرصة أخيرة وأحد يدلني على حل جذري للمشكلتين عند ورشة ممتازة!

أنا مليت من الدوارة بين الورش..

دلوني على حل؟

بارك الله فيكم




نصيحة محب



خذلك جديد يامال الغنيمة


الحي يحييك يا الذيب والعيشة مرة واااااااااحدة


خذلك تاهو LT اسود جنط عشرين دفرنسين




ادعيلي واهم شئ يكون سوبربااااااان

[طلال العنزي]

نصيحة محب






خذلك جديد يامال الغنيمة



الحي يحييك يا الذيب والعيشة مرة واااااااااحدة



خذلك تاهو LT اسود جنط عشرين دفرنسين





ادعيلي واهم شئ يكون سوبربااااااان
:good: صح لسانك ويمال العافية

[السنع كله]

ياجماعة الخير ياكثر ماقلت ووصيت الموتر اللي يعطيك اكرمه والموتر اللي يشحذك ابعده

[تيتشر]

الحل باذن الله عندي

ارسل لي رقم جوالك بالخاص وبكلمك

[صدام]

السلام عليكم

سامحوني انشغلت عن الانترنت فأنا في مكة لقضاء الأيام الأخيرة من رمضان الله يعتق رقابنا ورقابكم من النار

اشكر جميع الإخوة الذين قاموا بالرد، والأخ طلال العنزي و Vtc تكلموا عن نفس المعاناة

السيارة فعلاً سيارة كرف وتحميل لكن للأسف لابد من الترهيم لتفادي مشكلة الحرارة

آخر الأخبار، المكيف مايبرد في مكة بعد خسارة حول 3000 ريال والسبب؟ الي صلحوا المكيف نظفوا المواصير بفلاش ولا نظفوا بعده ببنزين مما أدى إلى نشوف الفلاش داخل المواصير وتحوله إلى قشور مما أدى إلى تلف الكمبرسر. الكمبرسر التالف شكله من الداخل مليان بشيء كبرادة الحديد!

الحاصل إني غيرت كمبرسر جديد وقالي الفني كل ماحسيت انه مايبرد غير البلف حتى تنتهي بقايا الفلاش

ماني غشيم في موتري لكن مابقى إلا نوقف على راس العمال في الورش حتى نتأكد من تنظيف المواصير! غش و لامبالاة إلا من رحم الله

عالعموم الموتر له الآن تقريبا معي 16 سنة

سأقول له شكراً وبستبدله بجديد

احيان افكر اخليه اسبير واشوف الاخ تيتشر الجموس يأشر لي

ما اقدر ارسل خاص. يجوز اكتب ايميلي؟

وشكراً

[صدام]

نصيحة محب



خذلك جديد يامال الغنيمة


الحي يحييك يا الذيب والعيشة مرة واااااااااحدة


خذلك تاهو LT اسود جنط عشرين دفرنسين




ادعيلي واهم شئ يكون سوبربااااااان



بارك الله فيك أخي سيف الظفير

كلامك دفعني إلى اتخاذ القرار :)

الجديد لذيذ كما يقال

لكني بجرب منافسه الفرت الاكسبدشن شاص طويل لأني اشوفه ارشق من

الجمس الجديد

والله يختار لي ولكم مافيه الخير