رايكم بالدوج الدورانجو دبل

[مرقاب]

حبيت اعرف رايكم بالدورانجو من حيث الاستخدام والتحمل وصرفيه البنزين وخدمة الوكيل وقطع الغيار والصيانه - حبذا يكون للي استخدموا الدورانجو-وقد وجدت سعره بالوكاله مناسب بل رخيص ومواصفاته حلوة وسعره 90 الف ريال دورانجو slt مكينة هيمي ثمانيه سلندر دبل مع شاشه اماميه وكاميراخلفيه للحساسات مكيفين وثلاث مراتب وجنوط 17 انش.

[سوبر VTC]

هلابك اخوي
شف صاحب هذا الموضوع 2008 معه
تقريبا نفس موترك اسئله و ان شاء الله يفيدك

http://www.mekshat.com/vb/showthread.php?t=152105 (http://www.mekshat.com/vb/showthread.php?t=152105)

تحياتي

[شيخ الشرقية]

الصرفية معقولة

الوكيل زفت

أذا أستخدامك أستخدام حشمة الموتر راح يطول معك

وتقبل مروري لاهنت

[هدير الموج]

كل سيارات الدوج مهي سيارات كرف وماعنهم خدمة مابعد البيع

وسعر السيارات الدوج ينقص كثير وقت البيع والقطع نار والوكيل تعبان

وانت ابخص

دمت بحفظ الرحمن

[بواسامه]

ماجربته
ولا اعرف احد جربه
ولا ودي انك تجربه
حط قريشاتك في موتر اذا احتجته لقيته

[AMAZ]

فيه مقوله قديمة عند الشيبان ايام الهافات .
لاوالله دجوا اهل الدوج حتى التتن مايلقونه . ومعنى كلامهم انه دايم وهو عطلان ومخسرهم يعني فلوس المكده كلها فيه .
واعرف شخص معاه دوج في البداية كان تمام لكن لما قدم وقام يطلب يقول صراحه بعض الاحيان تخرب على قطعة وروح للوكاله وتوقعها غاليه وتكون رخيصة وبعض الاحيان تخرب قطعه وتوقعها رخيصة وحصلها فوق 600 ريال لكن على حسب كلامه بوجه عام السياره قطع غيارها في الوكالة وليس متوفر بعض الاحيان يجلس اسبوع او اسبوعين من شان يؤمن .

[ابو هشام]

الدودج أول من أخترع سيارات الدفع الرباعي في العالم

ولكن أنصحك تحط فلوسك في سياره مرغوبه في السوق السعودي

[صافي القلب]

شوف حبيبي نسيبي معه واحد موديل 2004 جابة من أمريكا بالنسبة للموتر في البر وخاصة في الطعوس واللة أنة غير طبيعي تصدق أنة بدون تنسيم للكفارات مر في محلات غرز فيها اللند والشاص لا وهو محمل بعد
والقوة حدث ولا حرج وبالنسبة للاستخدام ترى يا أخي الواحد تكون معة سيارة من أفضل الأنواع وجديدة وبعد كم شهر يصير من ورشة لورشة لأنة لاعن والدين السيارة وواحد ثاني معة سيارة حساسة وتقعد معة بالسنين ولا يعرف الورش الأ نادر بس للأسف الموتر مالة قيمة في السوق وترى دبلة من النوع الممتاز فية أتوماتيك وخفيف وثقيل

[مرقاب]

للرفع........

[2008]

السلام عليكم كيف الحال أخوي مرقاب وباقي الأخوان كيف حالكم
بالنسبه للدوج الدورانجو صراحه سيارة اذا تبي تستعمل خط وبر والوكاله ماعمري رحت لها أصلح سيارتي برا دايم بس الناس مايمدحون الوكاله ماأدري ليش.
صراحه عليها قوة دبل تتحدي أي سيارة فيه وعليها قوة مكينة وقومه غير طبيعيه السيارة ثقيلة شوي في مشاوير داخل البلد بس مع الخط الطويل والبر خذ لك ولد وصراحة سيارة مكده ماعمرها طفت علي في الشارع اوالبر يعني عليها اعتمادية وقريبة من الجمس بس الجمس أنا أشوف انه أجمل شكل وخاصه الموديل الجديد بس الدورانجو أنا اشوف انه اقوي بدي وخاصه اذا كانت المقارنة مع الجمس الجديد والدورانجو الجديد
أسعار القطع متساوية بس ميزة قطع الجمس تلقاها في كل عايره(زاوية) واكسسوارات الجمس تلقاها في كل مكان اما الدوج ياأما في الوكاله أو عن طريق النت وكل الطريقتين غاليات
تحياتي لكم واتمني اني افدتكم

[قناص الجنوب.]

خذها نصيحه مني اشترلك دورانجو والله انه موتر على كيفك انا معيه واحد 2004
من ناحية القوه والله انه يرفع راسك

(ملاحضه) بعضهم يقول الوكاله ماهي زينه لا تصدقهم هذولا سمعو كلام الناس وهما ما جربوه لونهم جربوه كان ماقالو الكلام هذا)

[مرقاب]

هلا بقناص الجنوب وشاكر ردك مع ان الموضوع قديم
ان ذيك الايام استاجرت دورانجوا وجربته بطعوس الثمامه ممتاز وربعي اللى معهم جيوب يابانيه جربوه و اتفقوا انه قوه غير طبيعيه .وسعره مناسب جدا بالنسبه لموديلات 2009 بذاك الوقت.
طبعا شكله 2011 تغير


http://lx-club.com/vb/images/statusicon/wol_error.gifتم تصغير هذه الصورة. اضغط هنا لمشاهدة الحجم الكامل. أبعاد الصورة الاصلي هو 1280*853.http://www.hemi4ever.com/up/download.php?img=1109 (http://www.hemi4ever.com/up/download.php?img=1109)

http://www.hemi4ever.com/up/download.php?img=1105 (http://www.hemi4ever.com/up/download.php?img=1105)

[GT MAX]

والله من الدجه والله من الضياع عن تجربه