أستفسار لأهل الباترول

[بدوي متحضر]

السلام عليكم ورحمة الله وبركاته

مساكم الله بالخير

يالربع السالفة حصلتلي باترول موديل 93 خليجي اربع ابواب عند واحد من خويانا واقف له سنه ومغبر وحالته حاله المكينة ضاربه فيه, بصراحه انا يوم شفته حسيت قلبي خفق.

قلت ليش ماأخذه واغيره مكينه وارشه بويه وانجده واطلعه ورده

عاد الاحين وشرايكم الرجال معطينياه بسعر حلووو بس الموتر شبه معي وشرايكم وش اركبله مكينه (لأني ابي مكينه تطربني بالبر والخط وحرارته اوكيه) انا سمعت يقولون مكينة الكابرس تركب عليه او الجمس

عموما انا جالس انتظر خبرتكم وارائكم بخصوص الباترول والي يعرف ورش زينة للباترول يدلنا

والله يجزاكم خير

[مواسي الطعوس]

تركب الكابيس لكن تبيلها شغله (كراسي / تحويله..............)

** اشوف 4500 البخاخ , انسب شي له . لان قيره شاد وموزون على الماكينه الاولى , واذا ركبت هذه رايح يكون ممتاز .


لكن ركب حقب ربع باترول 2004 م وفوق (يعني تصير جديده ) لاتدور حقت سوبر 98م او 99م لانها تصير مستهلكه .

[بدوي متحضر]

مواسي ياهلا ومرحبا
اجل تشور علي مكينة 4500 افضل
بس ليش تقول الربع تفرق يعني , وطيب الفتك تركب عليه

[الوعب]

السلام عليكم

مكينه الفتك تركب ولكن المكينه غاليه بتكلفك فوق 20 الف المكينه بس.
الاخوان ابوها لك من الاخر و لو ما شارو عليك كنت انا بشور عليك
ركب له مكينه 4500 بخاخ
هي اقوى مكينه تركب عليه باقل تكلفه
وعاد ما اوصيك بهدرز زين و فلتر رياضي
و تواير بالون مقاس 15 على جنوط جيب تيوتا vx 89 النيكل
وممكن ارشح لك لون اذا تسمح :) اصبغه رمادي فاتح شوي
خذ الموتر و توكل على الله الله يستر عليك ويبارك لك

[4800VTC]

الاخ بدوي
الكلام اللي كتبه الاخAaziz
صحيح ومن ناحية المكينه فافضل شي في التركيب هي 4500 سوا مكينة نيسان او تايوتا
اما من ناحية الاستعراض والطرب بزياده فا مالك الا مكينة vtc او ls1 اللي هي 8سلندر
ولا اوصيك من ناحية الجنوط الاستراليه والبالون والتنجيد
الالوان (اذا ناوي تصبغ)
1- فضي فاتح (وافضلها اللي على جيب لكزس 2006او2007)
2-عنابي (له عدة الوان)
3-ابيض (يكون نقي بدون اضافات)
4-برتقالي(وهو اللون الشبابي المفضل)

واسف على الاطاله واي خدمات حاضرين للطيبين

اخوك/ 4800VTC

[سوبر VTC]

اذا مغنيك الله
ركب مثل حدا الربع حيث ركبه على باترول ربع
استخدام بالديرة و السفر و النفود
مكينة جمس صالون م2000 وطالع
اللي هي
مكينة فورتك 6000
ثلاجة كورفت لان ثلاجة الفورتك تحك بالكبوت
و روس المكينة حقت 454
كلفت عليه مع التحويلة مع شغل اليد و الظفيرة والمرواح و الفرارات و الفلتر مع تغيير الكوارين.....الخ
24000الف
و تعطي اكثر من 400 حصان :)
تحياتي

[no fear 78]

ياريت اتراوين الصور قبل او بعد
شحنه الامارات او شد عليه 4800 فتك -هدرز -فلتر ك اند ام

ابتفتك بالبر فتاك و بالشارع مشيه هلاك

روح و استانس الله يعطيك خيره و كافيك شره

[بدوي متحضر]

والله يالربع ماقصرتم بيض الله وجيهكم بس عندياكثرمن استفسار
Aaziz (http://www.mekshat.com/vb/member.php?u=28065) شكرا حبيبي بس بخصوص المكينة كم تكلف وشكلي بروح تشليح الكويت بصراحه تشليح الكويت شئ
وبخصوص الكفرات البالون 15 ماتجي صغيرة وجنوط تويوتا 89 هي الي يسمونها مروحة
4800VTC (http://www.mekshat.com/vb/member.php?u=63544) الله ليهينك بس حبيت اسألك بخصوص

ls1 اللي هي 8سلندر وشئ هي
ولا اوصيك من ناحية الجنوط الاستراليه والبالون والتنجيد(تقدر تذكرها لنا وشئ ) تراني غشيم بالتعديل بس خذ سواقه

وشباب بخصوص الهدرز يجي انواع هوو والا نوع واحد
عموما لاتضايقوون من كثر أسئلتي لكن مالنا الا انتم

[قصيعاوي]

لا تأخذ إلا فتك شوري عليك.................

[الوعب]

والله لا اعلم كم تكلفه المكينه ولكن اتوقع ماتزيد عن 5000 ريال والله اعلم ولكن هي رخيصه

وبالنسبه للبالون ال 15 انا اشوف انها في الرمله افضل من ال 16 وهذا لان ال 15 لفته اصغر من ال 16 يعني يصير القير حار احسن من 16 ياخذ له مسافه اطول عشان الموتر ياخذ غزمه
و البالون 15 مع الله انها اضمن من ال 16 لان ال 16 رفيعه و بكذا تكون اخطر و الحافظ الله
وبالنسبه للجنوط الي ذكرت لك ,, انا والله ما اعرف عن مسميات الجنوط عندكم بالسعوديه ولكن هي الافضل لانها اعرض اذا ركبتها على الموتر ,, تفتح اكثر يمين و يسار و شكلها روعه بشرط ان تكون نظيفه

[بدوي متحضر]

Aaziz بيض الله وجهك والله ماقصرت
علمتني شغلات والله ماأدري عنها وفتحتني علا شغلات الله يجزاك خير عليها

[سوبر VTC]

عزيزي
مكينة Ls1
هي مكينة الكابرس شفر
و مكينة الفورتك
هالحين بعضهم يركب مكينة الدينالي حيث تعطي 340 حصان
مكينة الجمس الدينالي الجديدة شد بلد 400 حصان :)
يعني بدون اضافات
اذا اضفت له
هدرز + كهرب تعديل + ترصيص الكرنك + عمود تيمن كبير + تيربو + فلتر + مبرد زيت المكينة + بواجي شمعتين + غاز او نتروجين + 4 كلتشات للقير + كوارين مقاس 9 تجي انواع
النتيجة =====> موتر طيارة :)

[بدوي متحضر]

سوبر ماشألله عليك والله وربي معلوماتك ولا مهندس ورشة عيني عليك باردة
طيب الدينالي عسا مي غالية
وترا ياسوبر وياعزيز ابحتاجكم عند التصليج يعني ابعرف كل صغيرة وكبيرة منكم
مالنا الا الله ثم انتم
بس سوبر هاذي الشغلات بعد التعديل والشغل ماتخرب يعد فترة يعني التوليف والشغلات ذي تمشي بالخط والبر

[الوعب]

ابشر بعزك بالي اعرفه ,, و ان بغيت شي ارسل لي على الخاص يمكن انسى امر الموضوع .

ولكن لي وقفه مع رد السنافي سوبر فتك ..

الرجال قال يبي يظبط سياره للبر ماقال ابي اظبط قمبله :p


شف اخوي بدوي متحظر وكلام سوبر على متمه ,, VTC ماشاالله متمكن جدا الله يستر عليك اخوي
فيه اشياء بسيطه يركبونها الشباب (لمسات) على سبيل المثال النياسين الموديلات هذي يركبون عليها كلتش برازيلي .. ما ادري تعرف هالسياره ولا لاء.. هي ونيت جمس نزل من فتره و انقطع يمكن نزل في سنه 93 تقريبا يجي بدون دبل ,, الشباب يركبون كلتش الموتر هذا ولكن يركبون التجاري وليس الاصلي لان الاصلي يظر الجير لانه قوي بزياده التجاري مناسب ولكن راح تحتاج كل شهر ولا شهرين تزود زيت الكلتش لانه ينقص شوي . الكلتش هذا قوي اذا ركب على النيسان ولا يخترب بسرعه

بجيب لك ان شالله رقم شاصي موتر ,, gx 2002 لونه رووعه مثل الي وصفت لك رمادي فاتح شوي و فيه لمعه اتوقع اذا هاللون على النيسان بيكون روعه ,, لاني كنت ناوي اظبط لي نيسان و بديت باختيار اللون و وقفت :D

[بدوي متحضر]

Aaziz
ارسلي ايميلك على هالايميل ابيك بموضوع
Y_498@HOTMAIL.COM

[سوبر VTC]

الرجال قال يبي يظبط سياره للبر ماقال ابي اظبط قمبله :p




هههههههههههه :D
اضحك الله سنك :)

[بدوي متحضر]

قنبلة اجل هههههههههه