مشكلة جيدة في السفاري 4800

[صخر]

مازال السفاري يفصح عن مشاكل ميكانيكية جديدة يوما بعد يوم:mad: :mad: :mad:

:mad: فبعد سقوط مسامير الثلاجة
:mad: وتعطل كتاوت طرمبة البنزين
:mad:جاكم اللي يكمل الناقص وهو تسرب ماء التبريد الى داخل القير عند ارتفاع حرارة السيارة واختلاطة مع زيت القير والنتيجة
ماتبى ميكانيكي تبي قير جديد
افيدونا ياللي نصحتونا بالسفاري:no2: :no2: :no2:

[NSS]

حياك الله اخوي ,,, الله يكون بعونك

للعلم انا عندي باترول 2003 ماشي تقريبا 200الف والحمدلله ما قط شكيت من الكتاوت ولامسامير الثلاجة ولا ماء التبريد,,,

وان شاء الله الاخوان يفيدونك

[شبح الموت]

اخوي صخر قصدك المبرد تبع القير

[ساري 111]

الحل اخي الكريم هو ترهيم رديتر إضافي خاص بالقير فقط

شف هالموضوع وردود بعض الأخوان عليه يمكن تفيدك أكثر ..


http://www.mekshat.com/vb/showthread.php?t=155215

[أبو مسفر]

يا جماعة ترى لو الواحد يقعد يفتش بيلقى من المشاكل قومة وقعدة
ولا توسون باخواننا
واجد اللي مواترهم مشت بالثلاثمية والاربعمية وحتى الخمسمية ولا شافوا الا كل خير

وترى حتى مسامير الثلاجة نادر
زميل في العمل راعي مقانيص ومطامر ولا يحن الموتر
ومعه فتك 2003 وماشي معه فوق الاربعمية ولا عمره اشتكى من هالمشاكل

[محسن اليامي]

واجد اللي مواترهم مشت بالثلاثمية والاربعمية وحتى الخمسمية ولا شافوا الا كل خير

وترى حتى مسامير الثلاجة نادر
زميل في العمل راعي مقانيص ومطامر ولا يحن الموتر
ومعه فتك 2003 وماشي معه فوق الاربعمية ولا عمره اشتكى من هالمشاكل

سلامي عليك والله يابومسفر هذا موتري ماشي 200 الف وماشاءالله تبارك الرحمن ماشفت منه إلا كل خير

http://www9.0zz0.com/thumbs/2008/09/22/23/448948806.jpg (http://www.0zz0.com/realpic.php?s=9&pic=2008/09/22/23/448948806.jpg)

وبالنسبه لمشكلة أخونا صخر والله ماعندي علم

[turkiq]

ما تلاحظون يا اخوان ان مشاكل الفتك كلها ما سمعناها الا في الشهر الاخير
كل يوم واحد يطلع لنا بمشكلة غير ....!!!:confused:

والله لو سيتروين موديل 82 ما طلع منها كل ذا المشاكل :)


ارحمونا شوي يا ناس وحدثوا العاقل بما يعقل
السيارة صاحبة سجل ابيض من الورد..

من خرجت من مصانع نيسان عام 1950
الي يومنا هذا والسيارة معروفة وحول العالم
انها من اكفأ السيارات في فئتها ...
بما فيها الجيل الاخير ...

عيال عمي .. زملائي .. جيراني
كلهم معهم من الموديلات الاخيرة ولا قد سمعنا
بالمشاكل اللي نقراها على صفحات منتدانا العزيز من قبل بعض الاعضاء

اي نعم السيارة صنع بني ادم ... ممكن يحدث لها اي عطل وفي اي وقت
لكن اننا نلزق هذي المشاكل بالسيارة وبالقوة ....

هذا اللي ما نقدر نفسره
او خلينا نقول " ما نبغى نفسره"

لان ماله الا تفسير واحد


تركي

[باترول 585]

الحمدلله انا ماقد اشتكيت من شئ

الامن اللاشياء الاستهلاكيه وذا موجود بكل السيارات

والموتر ماشي 210الاف والحمدلله ماشي زي الحلاوه

وماقول غير النيسان ماينساااان

[H I T L E R]

و الله السيارات توووافيق يالغالي

[برق تميم]

السلام عليكم

انا اعرف اكثر من 12 شخص معهم سفاري وكلها من موديل 2002 وفوق والمشاكل الي حصلت
1- 2003 تغيير سلف يدق راعيه سلف ما يدق وغير السلف
2- احد الاخوه عنده سفاري 2 موديل 2002 موقفه في البيت وبعد فتره طلعه ولقى الموتر ما يغير لنمره 3 وخلاه فتره وزان .


وكل يوم تطلع مشكله في الباترول ولا شفت اكثر المشاكل إلا في المنتدى هنا لكن شكلها توافيق وهذا ما قسمه الله سبحانه لعباده

[أبو LAMeS]

الحين صارت معك هالمشكلة ولا سمعت فيها يعني مجرد معلومة ؟

وبعدين الكتاوت وطرمبة البنزين مهوب ميكانيكية

والباترول يظل سيد الموقف ... وكل من جرب الباترول وبعدين جرب غيره رجع ثانية للباترول

تحياتي لك

[سوبر VTC]

ما تلاحظون يا اخوان ان مشاكل الفتك كلها ما سمعناها الا في الشهر الاخير
كل يوم واحد يطلع لنا بمشكلة غير ....!!!:confused:

والله لو سيتروين موديل 82 ما طلع منها كل ذا المشاكل :)


ارحمونا شوي يا ناس وحدثوا العاقل بما يعقل
السيارة صاحبة سجل ابيض من الورد..

من خرجت من مصانع نيسان عام 1950
الي يومنا هذا والسيارة معروفة وحول العالم
انها من اكفأ السيارات في فئتها ...
بما فيها الجيل الاخير ...

عيال عمي .. زملائي .. جيراني
كلهم معهم من الموديلات الاخيرة ولا قد سمعنا
بالمشاكل اللي نقراها على صفحات منتدانا العزيز من قبل بعض الاعضاء

اي نعم السيارة صنع بني ادم ... ممكن يحدث لها اي عطل وفي اي وقت
لكن اننا نلزق هذي المشاكل بالسيارة وبالقوة ....

هذا اللي ما نقدر نفسره
او خلينا نقول " ما نبغى نفسره"

لان ماله الا تفسير واحد


تركي



كنت اتمنى انك امس موجود عند الكهربائي ابو ابراهيم العثيم بمدينة بريدة و تشوف المواتر اللي عنده بلحظة وحده جاء موترين فتك وكلهن تقطيع و جاء موتر بنفس اللحظة على سطحة خربان كهرب :)
هذا غير المواتر اللي بداخل الورشة و كلهن طرمبة زيت و الا الموتر يقطع و الا مسامير اللهاة و الا الكمبيوتر خربان و الكمبيوتر اكثر شي عطال سواء موديل جديد او قديم
و لا تهون طرمبة البنزين و الكتاوت و الا التانكي الاضافي ما يشتغل سواء م 2000 و طالع او حتى م99 و تحت خصوصا السوبر و السفاري حتى الربع البخاخ ما سلم و الكلبيتر و يطفى و يعيي يشتغل و كله بسبب ديلكو او كمبيوتر لدرجة ان حساس السيكورتي يخرب و لا يشتغل الموتر و يدق بس ما يشتغل و يقومون على الكمبيوتر و يلغون قطعة الحساس و يصير يشتغل بمفتاح عادي بدون شريحة او مغناطيس و يكلف 250ريال......الخ و القائمة تطول
و اذا تبي زود تعال لورشة ابو خالد الخضير الرزق واجد كلهن عطالات ميكانيكا
و ان بغيت بعد مر على ورشة ابو عبدالله الصمعاني بالتشليح
***
ابعطيك عيب اخر غير ما ذكره الاخوان
و هو
طبعا الفتك توجد طرمبة الزيت بصدر المكينة من الامام زين
اذا كان راقي نفود مثلا و كان عزمه شاد بالثالث او الثاني ثم رديته نمرة ثقيلة للثاني او الاول طبعا فيه عزم من الاساس فان الذي يحصل ان طرمبة الزيت (تعض او تجيم) بمعنى يفرط الترس و ثم تولع لمبة الزيت بالطبلون
طبعا بعض الناس ما ينتبه ثم تخبط المكينة لان الزيت ما رقى
***
انت تعترف انه توجد اعطال لانه من صنع بني ادم و في نفس الوقت تقول ايعقل في خلال شهر كل شوي طالعة مكشلة
انا اقول انك تناقض نفسك :) و في داخل نفسك لا تعترف بوجود مشاكل للباترول
انا اتمنى انك تجي للقصيم و تشوف عن قرب جميع المشاكل
(( و ترى القصيم من اكثر مبيعات الباترول على مستوى المملكة))
***
عمي شرا باترول سفاري2 م2007 وكالة و باعه بعد سنة و شرا جيب ايضا
رجل اخر شرا سفاري2 م2005 وكالة و باعه ايضا
اخر شرا سوبر م2005 و باعه و شرا جيكس م2008
نحن نقول الموتر نشيط و ما عليه كلام مركب و راحة و الباترول يتميز بمكينة قوية و قير قوي و زينته انه دفرنسات
لكن الى متى هذه المشاكل لا تنتهي
الان تلقى جيوب جيكس او فكس ماشيات على 300000الف و طالع و لا خربن عليهم او تعطلن بسفر او بر
و يوجد مواتر من التويوتا تخرب لكن بنسبة قليلة و لا تقارن اطلاقا بالنيسان
لكن الى متى الباترول و هو يهين راعيه في ظروف حرجة بسفر او كشتة او حتى بالديرة:( :(
تحياتي

[برق تميم]

إيه والله إلى متى يا سوبر

توي شاري لي سفاري 1 2008 وكرهته وعافته نفسي من كثر ما اشوف واسمع من هالمشاكل ومشاكل مهيب اي مشاكل في المكينه والقير والله يستر

[الحرالاشقر]

إيه والله إلى متى يا سوبر

توي شاري لي سفاري 1 2008 وكرهته وعافته نفسي من كثر ما اشوف واسمع من هالمشاكل ومشاكل مهيب اي مشاكل في المكينه والقير والله يستر

كيف تعافه نفسك وانت ماشفت فيه شي او عيب يخليك تتضايق منه
غريب تكره وهو ماخرب عليك

[سوبر VTC]

ليش يخبط القير
للايضاح ادتير الماء توجد به طبتين يمين و يسار
و كل طبه به خزان صغير يمر من خلاله زيت القير الطبة الاولى يدخل الزيت اللي جاي من القير و يكون حار جدا و الطبة الثانية يخرج الزيت نفسه الى القير و تكون حرارته معتدله بسبب تبريد المروحة


***


طبعا اذا احتمى الموتر بسبب ما فان احد الخزانيين ينشق و احيانا ينسم من عند مربط الخران من عند السيلة او الوجه
لذلك تلاحظ اذا فتحت غطاء الاديتر ستلاحظ على الماء اثار او بقع زيت او سحبت حتى عيار زيت القير ستلاحظ وجود نسبة من الماء و هذا يدل على دخول الماء و اختلاطه مع الزيت
***
هذه تحصل في بعض الفكسار و الجيب الشيروكي و حتى الباترول بنسب متفاوتة


انا ارى ان مميزات الاديتر الخارجي كتالي
ضمان عدم خراب القير
برودة القير و يكون على مستوى حرارة ثابته
تغير درجة حرارة المكينة للافضل بسبب الغاء خزان القير
لذلك ما تحتمي المكينة في عز الحر و تكون حرارته معتدله حتى لو شغلت المكيف


للمعلومية
درجة حرارة القير التماتيك تبدا من 38 درجة مئوية
حتى 130درجة مئوية تقريبا
على حسب ظروف المكان و الزمان
اذا وصلت الحرارة 135 يبدا القير يفلت بسبب الكلتشات محتمية و ما يعشق زين و خصوصا في داخل المدن و عند اشتداد الحر و في الاماكن المزدحمة لان سرعة مروحة المكينة بطيئة فما تلحق على تبريد زيت القير يضاف الى ذلك ان الموتر يقل عزمه بسبب تفليت الكلتشات ايضا الاستخدام السيئ للقير
لذلك ينصح بالتوقف على جانب الطريق 10 دقائق لضمان حتى تنخفض حرارة زيت القير

[الجندي2005]

والله تحيرنا من كثر ما نقراء اللي يكتب واللي يناقض ،،،،،،،،،

[أبو محمد2010]

و الله لو إن الباترول دير لكن ما أقول غير يا معين الصابرين....

هل يعقل إن كل هالعالم الي يشترون باترول ما يدرون عنه شيء عجيب الصراحة....

[اثنان]

خــــــــــــــــــــــــــــــــــــرط فـــــــــــــــــــــــــاظي وحقين بريده اذا زانت سواقتهم تزين مواترهم اما انك تفجر الموتر وتجي تشكي فهذا غلطك انت من الاساس......وحقين الصناعيه مهوب باخصين كثر الياباني اللي صنعه...وبس

[ساري 111]

خــــــــــــــــــــــــــــــــــــرط فـــــــــــــــــــــــــاظي وحقين بريده اذا زانت سواقتهم تزين مواترهم اما انك تفجر الموتر وتجي تشكي فهذا غلطك انت من الاساس......وحقين الصناعيه مهوب باخصين كثر الياباني اللي صنعه...وبس

ياحبيبي يعني ببالك التويوتا مايجيه جلد وكده ؟؟
اللي يجي التويوتا ماجاء النيسان ربعه ومع ذالك التويوتا ماذكر انه طفى اوشيل بسطحه إلابحالات نادره جداً ..

بس ياجماعه الخير الباترول حتى الأن اعطاله مقبوله نظراً لسعره فسعر الفل كامل من الباترول يساوي قيمه السياحي من التويوتا على قوله المثل (زينه وبنت رجال مايحصل)فأنتم تبون موتر عليه العلم وسعره معقول مايحصل فخلكم قنوعين وهم اصلن منزلين السعر عشان يبقى معكم قرشين تصلحون العيوب



لكن يبقى ان اللي يبي يستخدم الباترول في حدود المدينه ومع طلعات خفيففه ولاهب راعي سرعه بالخطوط الطويله مايحتاج لترهيم اديتر خارجي
بس تبقى عنده مسامير الثلاجه يضبطه ولاعليه إلا العافيه ولاينسى يحط معه درزن كتاوت لطرمبه البنزين ويلتحق بأحد الدورات لتعليم كيفيه تركيب الكتاوت حق طرمبة الباترول لأنه يمكن يطفى عليك بمواقع لاتحسد عليه وماحولك احد فكن مستعداً وسيفك مسلول دائماً



وفق الله الجميع

[برونز]

خــــــــــــــــــــــــــــــــــــرط فـــــــــــــــــــــــــاظي وحقين بريده اذا زانت سواقتهم تزين مواترهم اما انك تفجر الموتر وتجي تشكي فهذا غلطك انت من الاساس......وحقين الصناعيه مهوب باخصين كثر الياباني اللي صنعه...وبس

دافع عن توقيعك ( ياسوبر vtc ):confused:

[ابرق نثيل]

ههههههههههه حدث العاقل بما يعقل
يارجال ناس كثير معهم بواترل ويمشون عليه على ميتن الف وثلاثمية الف ولا يدورن وش في كبوته .. ولا مر عليهم اعطال المنتديات هاللي نسمع بها

ثم الامر الاخر الباترول بالذات نادر تحصله بالمعارض مستعمل ؟! محد يطلقه

سلام صدق الفتك حارق دمهم

[سوبر VTC]

ههههههههههه حدث العاقل بما يعقل
يارجال ناس كثير معهم بواترل ويمشون عليه على ميتن الف وثلاثمية الف ولا يدورن وش في كبوته .. ولا مر عليهم اعطال المنتديات هاللي نسمع بها

ثم الامر الاخر الباترول بالذات نادر تحصله بالمعارض مستعمل ؟! محد يطلقه

سلام صدق الفتك حارق دمهم

انا اقول ليش يابعدي
لانه على قد قروش الناس
و الناس من عقب طيحة الاسهم ما تطول الجديد هالحين لا جيت كل بيت و الى الاقساط و الديون متعدية روسهم

[سوبر VTC]

دافع عن توقيعك ( ياسوبر vtc ):confused:


مادري وش تقصد :)
او قصدك معرفي
عموما الشخص ليس ملزما باقناع الناس
و وجهة نظري بناء على ما لمسته في الواقع
و اقناع الناس غاية لا تدرك:D

[فهد98]

انا
قدر الله علي وشريت سوبر سفاري
2003 وبعد 8 شهور تم اكتشاف الخلل بالجير
وبعد ان سكنت في الصناعية 8شهور لاكتشاف الخلل
في الكراجات
اما الوكاله تكفوووووووووون لا تذكروني فيها
توبه اشتري شي اسمه نيسان عسى الله لايوريكم ال شفته
وللعلم كل الربع ال عندهم سوبر سفاري يشكون الضيم

[صخر]

اشكركم جميعا على المشاركة في هذا الموضوع وخاصة الاخ سوبر فتك
المسألة ليست سوى طلب المشورة والنصح وطرح موضوع قد يهم الكثير من اصحاب السيارات المشابهة
بصراحة انا اشكركم كثيرا فلقد استفدت الكثير
على العموم اذكر ان احد الزملاء سأل مرة عن مشكلة مسامير الثلاجة فقوبل بالتعجب من كثير من الاعضاء وبعد ذلك بفترة بدا اكثر المهتمين بالسفاري يكتب او يسأل عنها ؟
فمن واقع بعض الردود اتضح ان المشكلة قد تكون موجودة كما اتضح ايضا بعض الطرق لمعالجة المشكلة وهذا هو المقصود .
والمسألة ليست تبلي اوتلزيق اعطال وترانا يا اخوان مالنا اسهم لا بتويوتا ولا نيسان

[سوبر VTC]

حياك الله اخوي صخر
و لاهنت و الشمس لا تحجب بغربال
بالنسبة لموضوع مسامير الثلاجة ادخل هذا الموضوع مع الصور و ان شاء الله يفيدك


http://www.mekshat.com/vb/showthread.php?t=150676 (http://www.mekshat.com/vb/showthread.php?t=150676)


تحياتي

[ضرماوي مووت]

عندنا سوبر سفاري 2000
ماشي في حدود 300000
ونكرفه كرف نفود وقنص واذا جينا عند شعبان مانعرف نهدي على سرعتنا

يعني كرف بر ومدينه له عندنا حوالي 6 سنوات شارينه وكاله مخزن ولا عمرنا اشكينا من مشكلة ولله الحمد

[باترول4800]

اصلا الباترول اشين موتر بالعالم ومليان خرابات >>>>>>>>> كود اسعاره ترخص شوي ونشري لنا واحد .


بصراحه مافيه موتر يخلى من الخرابات خصوصا اذا كان موتر بر ومقناص يعني لو بتعد على اللاندكروزر تتعب بعد .

لكن اولا واخيرا السيارات كلها توافيق .

[system]

تبون الكلام اللي يجمد على الشارب ........

اولا:السفاري حظك نصيبك توافيق يعني.
ثانيا :الاستعمال يلعب دور.

وبس

[راعي النياسين]

إيه والله إلى متى يا سوبر

توي شاري لي سفاري 1 2008 وكرهته وعافته نفسي من كثر ما اشوف واسمع من هالمشاكل ومشاكل مهيب اي مشاكل في المكينه والقير والله يستر

اغرب موقع شفته بحياتي ياما اعضاء يكرهوون الفتك ويلعبوون على انفسهم ويشينونه في نظر الناس او ماادري بالظبط وش تفسيره


وانت يااخوي كلامك غريب ليش نفسك طابت منه وانت ماشفت عليه اي عيب بصراحه غريب طيب مادامها طابت نفسك منه بعه واشتر غيره

يااخوان وربي وعلى مااقول شهيد نص عارتنا واقاربي معهم فتكاات مااحد اشتكى منه ابدا ابدا الا انتم يااعظاء مكشات تشتكون من الباترولات

حاله غريبه جدا

[راعي النياسين]

إيه والله إلى متى يا سوبر

توي شاري لي سفاري 1 2008 وكرهته وعافته نفسي من كثر ما اشوف واسمع من هالمشاكل ومشاكل مهيب اي مشاكل في المكينه والقير والله يستر

اغرب موقع شفته بحياتي ياما اعضاء يكرهوون الفتك ويلعبوون على انفسهم ويشينونه في نظر الناس او ماادري بالظبط وش تفسيره


وانت يااخوي كلامك غريب ليش نفسك طابت منه وانت ماشفت عليه اي عيب بصراحه غريب طيب مادامها طابت نفسك منه بعه واشتر غيره

يااخوان وربي وعلى مااقول شهيد نص عارتنا واقاربي معهم فتكاات مااحد اشتكى منه ابدا ابدا الا انتم يااعظاء مكشات تشتكون من الباترولات

حاله غريبه جدا

[سوبر VTC]

يضاف ايضا
جاء موتر فتك م2007 قبل 3 اشهر من الرياض و الموتر عند ابو عبدالله الصمعاني بالقصيم
الحاصل ان مسامير الثلاجة طايحة بالسلندر و الموتر مخبط و البستم كاسرن جرم السلندر و طالع السلندر مع الجمب
تحياتي

[no fear 78]

يا خي يمكن احد ماعطيه عين الله يبعد عنه الحاسدين

خبرك النيسان موتر يلفت الانظار لا زم احد شافه او ماذكر ربه

اتصير يا خوي انه صار لي نفس الشي كانت جاي السعودية حق اركب اطارات حق نيساني او كان الموتر ما شاء الله زي المرايه خبرك بحريني ايحب يعتني بالسيارته تجمعو عله شباب اشوفونه الله وكيلك ما وصلت البيت الى السيارت منفجر فيها سدادت الضغط حق البلوك

الله يهون عليك ذكرتني بالغالي

[Under_net]

الله يحفظ المسلمين .. ويحفظ سيارتي اللي بتوقيعي موديل 2005

فجأة امتلأت الدنيا بمشاكل الباترول :confused: الأخ سوبر فتك أنت شكلك مهندس ميكانيكي مثل الطبيب ماتمر عليك إلا الحالات المرضية ولايزوره إلا المرضى :rolleyes:

لكن السؤال لملاك الباترول الطبيعين ( مش أصحاب الكراجات ) هل فعلا السيارة تبث الرعب أفيدونا أفادكم الله !

لاأريد رأي الجدد أبو 5 مشاركات يمكن مدسوسين من شركة منافسة :D

[Abu Saad]

السيارة مثل المرأة ... توافيق .

[مواسي الطعوس]

كل موتر فيه حقه من الخراب :

** التويوتا (الفكسار) اذا مشى 150 الف ,لازم تغير السير الداخلي ب 500 ريال . .......... هذه ياخوي تغير فيها للباترول ( بواجي / سيور خارجيه / كتاوت /تفك المسمار ان بغيت ) والباترول جنزير لك وللزمن .

** الدوده التايوتا اذا مشى 170 الف وانت راعي بر , لازم تخرب واذكر قيمتها اكثر من 3500 ريال , وراعي الباترول لو تقول له الدوده و مايدري وش تقول .

** الربع والحوض تخرب الكارونه ( تنطعج ... او تفرط) وهذه كثيره (وتذكرون مبارك الشمري في رالي حائل خربت اللي وراء ثم اللي قدام ثم اللي وراء)
واللي وده يضحل يجي لورشة الصمعاني (تشاليح القصيم) بعد كل عيد ويشوف الورشه كلها ربوع تبي تعديل دفرنس ب(500) ريال .

** وفيه عله كثيره بالحوض ولا اشوف احد سال عنها (خراب بين القير والدبل ) يجون يسحبون الحوض على انه خربان الكلتش, والخراب من هذه , وواحد من وملائي 2005م خربت عليه مرتين

** انا معي تويوتا لاخوي واروح لاصحاب التويوتا احيانا ويشوفون معي تويوتا واقعد بورشه واتسمع لهم : اقول شي والله ياهم يلعنون الفتك معقدهم بالقوه وبالرمل والسرعه بالبر , احمدو ربكم بالمنتدى مايقولون شي .
واظن (ساري 111) من اللي معقده الفتك لو قال جربته .الى ان واحد منهم يقول لو يحصل لي احرقت كل شي اسمه باترول . فانتم لاتلومون اللي هنا يمكن حاصل لهم اهانه منه ومعذورين .

[أبو أسامة]

أشوف قصص خربات البترول كثيره عندك ............أخوي سوبر فتك.......

لا تكون من مراسلي شركة تايوتا .......... يعني نزلوا دعاية ببرنامج البور بوينت عن الاند 2008 مقارنه مع الاند 2007 ومع الباترول 2001 ....... قلنا ليش ماحطوا في المقارنه البترول من 2002 وطالع ......... لكن الحين عرفنا لأنهم عارفين لو حطوه بالمقارنه راح يمسح الاند قالوا وش الصرفه قالوا عيبوا فيه لين الناس تصدق بما لا يصدق....... أجل البستم طلع مع الجنب ترى البستم ألمنيوم وجدار البساتم ألمنيوم ........ والله لو السياره صينيه ما طلع مع الجنب....................

[turkiq]

كنت اتمنى انك امس موجود عند الكهربائي ابو ابراهيم العثيم بمدينة بريدة و تشوف المواتر اللي عنده بلحظة وحده جاء موترين فتك وكلهن تقطيع و جاء موتر بنفس اللحظة على سطحة خربان كهرب :)

هذا غير المواتر اللي بداخل الورشة و كلهن طرمبة زيت و الا الموتر يقطع و الا مسامير اللهاة و الا الكمبيوتر خربان و الكمبيوتر اكثر شي عطال سواء موديل جديد او قديم
و لا تهون طرمبة البنزين و الكتاوت و الا التانكي الاضافي ما يشتغل سواء م 2000 و طالع او حتى م99 و تحت خصوصا السوبر و السفاري حتى الربع البخاخ ما سلم و الكلبيتر و يطفى و يعيي يشتغل و كله بسبب ديلكو او كمبيوتر لدرجة ان حساس السيكورتي يخرب و لا يشتغل الموتر و يدق بس ما يشتغل و يقومون على الكمبيوتر و يلغون قطعة الحساس و يصير يشتغل بمفتاح عادي بدون شريحة او مغناطيس و يكلف 250ريال......الخ و القائمة تطول
و اذا تبي زود تعال لورشة ابو خالد الخضير الرزق واجد كلهن عطالات ميكانيكا
و ان بغيت بعد مر على ورشة ابو عبدالله الصمعاني بالتشليح
***
ابعطيك عيب اخر غير ما ذكره الاخوان
و هو
طبعا الفتك توجد طرمبة الزيت بصدر المكينة من الامام زين
اذا كان راقي نفود مثلا و كان عزمه شاد بالثالث او الثاني ثم رديته نمرة ثقيلة للثاني او الاول طبعا فيه عزم من الاساس فان الذي يحصل ان طرمبة الزيت (تعض او تجيم) بمعنى يفرط الترس و ثم تولع لمبة الزيت بالطبلون
طبعا بعض الناس ما ينتبه ثم تخبط المكينة لان الزيت ما رقى
***
انت تعترف انه توجد اعطال لانه من صنع بني ادم و في نفس الوقت تقول ايعقل في خلال شهر كل شوي طالعة مكشلة
انا اقول انك تناقض نفسك :) و في داخل نفسك لا تعترف بوجود مشاكل للباترول
انا اتمنى انك تجي للقصيم و تشوف عن قرب جميع المشاكل
(( و ترى القصيم من اكثر مبيعات الباترول على مستوى المملكة))
***
عمي شرا باترول سفاري2 م2007 وكالة و باعه بعد سنة و شرا جيب ايضا
رجل اخر شرا سفاري2 م2005 وكالة و باعه ايضا
اخر شرا سوبر م2005 و باعه و شرا جيكس م2008
نحن نقول الموتر نشيط و ما عليه كلام مركب و راحة و الباترول يتميز بمكينة قوية و قير قوي و زينته انه دفرنسات
لكن الى متى هذه المشاكل لا تنتهي
الان تلقى جيوب جيكس او فكس ماشيات على 300000الف و طالع و لا خربن عليهم او تعطلن بسفر او بر
و يوجد مواتر من التويوتا تخرب لكن بنسبة قليلة و لا تقارن اطلاقا بالنيسان
لكن الى متى الباترول و هو يهين راعيه في ظروف حرجة بسفر او كشتة او حتى بالديرة:( :(

تحياتي





اخي الكريم ...
استدلالك بقولك "

عمي شرا باترول سفاري2 م2007 وكالة و باعه بعد سنة و شرا جيب ايضا
رجل اخر شرا سفاري2 م2005 وكالة و باعه ايضا
اخر شرا سوبر م2005 و باعه و شرا جيكس م2008"

استدلال ضعيف جدا وهي امور ان حدثت فهي لا تزال في نظري حالات خاصة فما عايشته يعد استثناء واعداد جيوب النيسان باترول واللتي تملء الاسواق هو العموم وهو خير دليل على اعجاب المستهلكين بالسيارة بل ان كثرة عشاق هذه السيارة هو امر ملحوظ جدا ولا يحتاج الي مزيد شرح وعظيم استدلال.


لا انسى انك ايضا قد اجبت بنفسك عن تساؤلاتك
عندما ذكرت ان مبيعات الباترول بالقصيم هي الاكبر على مستوى المملكة .. وانا اجزم بأن نسبة كبيرة من رواد منتدانا العزيز هم منطقتك منطقة القصيم ..
ولما كان ذلك.. فبدهي ان تجد جيوب النيسان باترول بشكل ملاحظ عند ورش الاصلاح لديكم وان نجد عددا من مواضيع هذه الاعطال على صفحات المنتدى فالموضوع نسبة وتناسب.


وارجو ان لا تقحم لاندكروزر في الموضوع لاننا وكما تكتبون الان عن باترول فأننا قرأنا الكثير عن مشاكل لاندكروزر في منتديات عديدة حتى ليخال المرء انها اكثر السيارات اعطالا على وجه الارض وهو ما لا يصدقه عاقل وهوامر ينطبق على باترول ايضا.

واعيد واكرر ... الاعطال موجودة ولم ارد لأنكر ذلك وانما ردي هو عتب على من وضعها تحت المجهر


وصلى الله على سيدنا محمد وعلى اله وصحبه وسلم


تركي

[مواسي الطعوس]

يارجال (سوبر) ماهمه الا يركض بين الورش اللي يصلح فيها السفاري , ويقول خرب كذا كذا , اكيد عشرات الاالاف من السيارات لازم تخرب (ومايعرفون وكاله ) كل الشغل برا .

قل له راح بعد لورشة نيسان (مايجيها لا نيسان )لاتقول ماخرب ولا تويوتا والله ماشفت والا سياره بوكالة نيسان .
***رح لوكالة تويوتا على كثرة عددها وكثرة الوكلاء المساعدين ( الرشيد/ البازعي / العضيب/ الثميري/...................الخ , كل ورشه مليانه وكلها موديلات حديثه .

*** ذكرني باللي سافر الى (مصر) ويقول : ياكثر المصريين (انت بديرتهم)

[طحنون]

موتري عندي حول الاربع سنين ماعمره ولله الحمد وقف على او انه احرجني في موقف
موديله 2005 وماشي حول ال200الف
فقط جاته وعكه صحيه بسيطه يوم تدكرون موجه الغبار الشديده بعدها انعفس الموتر بسبب حساس الهواء
ودبه الكربون
وتم عمل اللازم وهو الان على رأس العمل على اكمل وجهه وفي الخطوط الاماميه وبدون تردد
بل بكل شده وحزم حتى انه يكشر عن انيابه في حاله استفزازه من قبل الاخرين



ملاحظه قويه ياجماعه الخير
كثره اعطال الباترول لجميع موديلاته واللي شفته
هو السبب الرئيسي ان الموتر ينجلد جلد ماهوب طبيعي
من قبل المطعسين ورواد الصحراء والمقناص
والسرعه الزائده والمقاومات يعني جور
ليه السبب ان سعره يعتبر هو الارخص من بين الدفع الرباعي
لاكن لو انه دافع فيه اكثر من 200ريال
تلاقيه موقفه عند محل كبتشينو
وجالس يتقهو ويتفرج عليه مثل اصحاب ~~~~
طبعا الواقع ان فيه مواتر اقوى من الباترول من ناحيه المحرك
ومن ناحيه الدفرنشات او القيور
مثال عندك الاندروفر اقوى دفرنش في عالم الدفع الرباعي بالعالم

[3bdul3ziz]

الفتك جربناه من سنين ولا شفنا منه الا كل خير وكل موتر لازم يكون فيه خرابات

[الربذي]

قصدي يقولون ان طاح الجمل كثرت سكاكينه
كل سياره
عرضه ل الخراب الحريق الصدم الانقلاب
وخلوا عنكم الهلس كلا يجيبله قصه
من طلعنا ونحن مانعرف الا تايوتا ونيسان
بس تو تكتشفون العيوب مع واحد اعرف سفاري 92 ماشي فوق 560الف لم تفك مكينته 0
هذا يكفي ان السفاري فعلا موتر

[أبو LAMeS]

أخوي صخر ما رديت على سؤالي المشكلة صارت معك أو سمعت فيها أو هي معلومة ؟ كلامك مهوب واضح نبي توضيح ...

وإذا على الورش أسألوهم عن أسرع جيب ينقص زيت ويبغى له تسقيط شنير أسألوا أهل الآختصاص عن أسرع الجيوب خراب بالدفرنسات والقير والكرونة

والصراحة تنقال أكثر جيب ينجلد ويطامر فيه وراء القنص والطيور والربيع الباترول

[قاطع الفيافي]

يارجال كل المواتر تخرب يعني مافيه الا النيسان
ياخي وش رايك واحد مه لاند كرورز موديلة جديد خسر عليه
اكثر من عشرين الف وهو من اعضاء المنتدى مكشات
وبدين انا مي سوبر 99 ماشي اكثر من 270 ولا قال شي اللهم
الشي المستهلك من بواجي اديتر مساعدات كلتش الموديل له اكثر من
9سنوات وهذاهو مايقول شي بر نفود كرف في الطريق ولاازين منه
وكل واحد ينوم على الجنب اللي يريحه
وبعدين وش ذنب الموتر و الله الخراب من الشركة المصنعه
ماعدلو الخطأ المصني ولا اقوللين بكرة
الباترول موتر وانااشهد

[مواسي الطعوس]

كل موتر فيه حقه من الخراب :

** التويوتا (الفكسار) اذا مشى 150 الف ,لازم تغير السير الداخلي ب 500 ريال . .......... هذه ياخوي تغير فيها للباترول ( بواجي / سيور خارجيه / كتاوت /تفك المسمار ان بغيت ) والباترول جنزير لك وللزمن .

** الدوده التايوتا اذا مشى 170 الف وانت راعي بر , لازم تخرب واذكر قيمتها اكثر من 3500 ريال , وراعي الباترول لو تقول له الدوده و مايدري وش تقول .

** الربع والحوض تخرب الكارونه ( تنطعج ... او تفرط) وهذه كثيره (وتذكرون مبارك الشمري في رالي حائل خربت اللي وراء ثم اللي قدام ثم اللي وراء)
واللي وده يضحل يجي لورشة الصمعاني (تشاليح القصيم) بعد كل عيد ويشوف الورشه كلها ربوع تبي تعديل دفرنس ب(500) ريال .

** وفيه عله كثيره بالحوض ولا اشوف احد سال عنها (خراب بين القير والدبل ) يجون يسحبون الحوض على انه خربان الكلتش, والخراب من هذه , وواحد من وملائي 2005م خربت عليه مرتين

** انا معي تويوتا لاخوي واروح لاصحاب التويوتا احيانا ويشوفون معي تويوتا واقعد بورشه واتسمع لهم : اقول شي والله ياهم يلعنون الفتك معقدهم بالقوه وبالرمل والسرعه بالبر , احمدو ربكم بالمنتدى مايقولون شي .
واظن (ساري 111) من اللي معقده الفتك لو قال جربته .الى ان واحد منهم يقول لو يحصل لي احرقت كل شي اسمه باترول . فانتم لاتلومون اللي هنا يمكن حاصل لهم اهانه منه ومعذورين .
( وماقلنا الفحمات بالفكسار كل 30 الف تغير . السفاري تعيش الى 140 الف عادي )

[AMAZ]

يوجد ميزه في سيارات تايوتا هو انها اذا طلعت طعس ولا قدرت تطلع المكينة يضعف ضغطها وتطفي .
اما النيسان فأن المكيناه تكون على نفس الدعسة ويمكن مع الجور تعطيك اكثر من شان كذا يمكن تكثر خربات النيسان ويمكن يكون هو السبب الرئيسي في سقوط مسامير الثلاجة لكن السيارات بوجه عام توفيق من الله . انا معي لاند gxr2006 وخربة علي الصوفة حقة الدبل وطلع السبب انه عيب مصنعي كانوا معبين الزيت اكثر من اللازم بل انه كان مضعوط داخل التروس . يمكن بعض السيارات يكون فيها عيب مصنعي وبر ضة السواقة لها دورة فيه ناس تجور على السياره وفيه ناس تسوق السياره بحشمة ولكن افضل سيارات الدفع الرباعي هما شركتا نيسان وتايوتا وكل واحده منهم فيها ميزه عن الاخرى.

[القبقب]

الجور الحقيقي هو عدم أجراء الصيانة الدورية في وقتها
الجور الحقيقي هو أجراء الصيانة في محل غير متخصص لصيانة النيسان
أقول لصاحب المشكلة هل واضبت على صيانة سيارتك اولا باول وفي مركز
صيانة معتمد من الوكيل قبل حصول المشكلة .

[sahhr]

موضــوع مــمــيـز من عــــضــو أميـــزز

[قصيعاوي]

أنا اتوقع ان الحركه مقصوووووووووووووووودة
لان بعض الناس مايبي الفتك أو بشكل عام مايبي ((النيسان )) ويبي يشوه سمعته .....
لكن ياخوان الباترول ممتاز بالحيل ...........

[قصيعاوي]

وشكرا ....................... وإن أخطأة على أحد أنا أسف لكن هذي وجهت نظر محتمل الخطأ والصواب ..............

[سوبر VTC]

فجأة امتلأت الدنيا بمشاكل الباترول :confused: الأخ سوبر فتك أنت شكلك مهندس ميكانيكي مثل الطبيب ماتمر عليك إلا الحالات المرضية ولايزوره إلا المرضى :rolleyes:



ههههههه :D

لا يا بعدي لا نب مهندس و لا يحزنون بس انا وقفت بنفسي على المواتر :)





واظن (ساري 111) من اللي معقده الفتك لو قال جربته .الى ان واحد منهم يقول لو يحصل لي احرقت كل شي اسمه باترول . فانتم لاتلومون اللي هنا يمكن حاصل لهم اهانه منه ومعذورين .






اخي مواسي


لو انت بموقف ساري111 يوم يتعطل عليهم الفتك بالنفود الكبير كان ما قلت هالكلام

لكن فعلا ما يحس بالنار الا واطيها :(
القصص كثيرة و لا اريد ان اذكر





أشوف قصص خربات البترول كثيره عندك ............أخوي سوبر فتك.......






لا تكون من مراسلي شركة تايوتا .......... يعني نزلوا دعاية ببرنامج البور بوينت عن الاند 2008 مقارنه مع الاند 2007 ومع الباترول 2001 ....... قلنا ليش ماحطوا في المقارنه البترول من 2002 وطالع ......... لكن الحين عرفنا لأنهم عارفين لو حطوه بالمقارنه راح يمسح الاند قالوا وش الصرفه قالوا عيبوا فيه لين الناس تصدق بما لا يصدق....... أجل البستم طلع مع الجنب ترى البستم ألمنيوم وجدار البساتم ألمنيوم ........ والله لو السياره صينيه ما طلع مع الجنب....................



الحمدلله انا اعيش الواقع و ارى بام عيني


و لست مراسلا :)




....... أجل البستم طلع مع الجنب ترى البستم ألمنيوم وجدار البساتم ألمنيوم ........ والله لو السياره صينيه ما طلع مع الجنب....................



المشكلة حين تحدث و تجادل من يجهل هذه الامور


و جادل عالم و لا ........


اخي العزيز


لمعلوميتك


جدار السلندر خفيف يعني ليس متين و هذا في جميع السيارات و لم تعايش اهل الورشات و اهل المرهمات و حتى مكائن المزارع لتشاهد فعلا ان البستم يطلع مع الجنب بس مشكلتك انك تجهل هذه الامور


الموتر اتصل على الصمعاني و يخبرك


و سباقات التحدي حصل و طلع البستم


و المزارع و حصل ذلك للمكائن الكبيرة


و بشكل اوضح الوالد ميكانيكي :)




واعيد واكرر ... الاعطال موجودة ولم ارد لأنكر ذلك وانما ردي هو عتب على من وضعها تحت المجهر








وصلى الله على سيدنا محمد وعلى اله وصحبه وسلم




تركي





اشكرك اخي تركي :)

على سمو اخلاقك و تواضعك و رفع الله قدرك

[NSS]

يا الطيبين انا عندي كم استفسارعن خرابات الباترول:-
* هل الموتر شد بلد يعني الميكنة والجير مهو ملعوب فيهم؟؟
*هل مواضب على الصيانة الدورية عند الوكالة او ناس ((متخصصييين)) اكرر ((متخصصيييين))؟؟


الباترول يظل باترول,, وكل موتر لازم فيه عيب ويجيه خرااب.

ودمتم.

[صخر]

بصراحة اشكر الجميع مرة اخرى لتواصلهم والشكر مضاعف للاخ سوبر فتك
المشكلة ترددت كثيرا بين اوساط اصحاب السفاري الذين لاانتمي انا اليهم للأسف
فاردت طرح الموضوع لاستفيد من خبرة من هم اكثر منى دراية وخبرة في هذا المجال

المشكلة ماادري ليش بعض الناس زعلوا وكأن اي واحد يعرض مشكلة في اي سيارة يتكلم عن سياراتهم الخاصة
فلو سمحتوا اللي يريد افادتنا او سمع بالمشكلة او حلها حيااااااااه الله
ولو كان ماله الا مشاركة وااااااااااااااااااااااااااااااااااااااااااااااااا ااااااااااااااااااااااااااااااااااحدة

والدعوى ماهي مهاوش بين تيسان قصدي تويوتا ونيسان

[سوبر VTC]

اخوي مواسي الطعوس
لازم تعرف نقطة مهمة اني انا ماقلت ان الباترول كله خرابات و لم اقل ان التويوتا ما يخرب
انا اقول الى متى اعطال الباترول و هذه الاحراجات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خصوصا 4800 و حتى ابو عبدالله الصمعاني (((يقول الباترول اخذ سمعه زينه اللي هو م 2001 و تحت لكن من م2002 و طالع خربوا مكينته و صارت حساسة جدا اضف لذلك ان قوته 280حصان)))
نقطة اخرى يجب ان تعلمها
راعين السطحات يقول اكثر موتر نشيله الفورد ثم الشيروكي ثم الباترول
اعتقد الكلام و اضح



** التويوتا (الفكسار) اذا مشى 150 الف ,لازم تغير السير الداخلي ب 500 ريال . .......... هذه ياخوي تغير فيها للباترول ( بواجي / سيور خارجيه / كتاوت /تفك المسمار ان بغيت ) والباترول جنزير لك وللزمن .
** الدوده التايوتا اذا مشى 170 الف وانت راعي بر , لازم تخرب واذكر قيمتها اكثر من 3500 ريال , وراعي الباترول لو تقول له الدوده و مايدري وش تقول .
** الربع والحوض تخرب الكارونه ( تنطعج ... او تفرط) وهذه كثيره (وتذكرون مبارك الشمري في رالي حائل خربت اللي وراء ثم اللي قدام ثم اللي وراء)
واللي وده يضحل يجي لورشة الصمعاني (تشاليح القصيم) بعد كل عيد ويشوف الورشه كلها ربوع تبي تعديل دفرنس ب(500) ريال .
** وفيه عله كثيره بالحوض ولا اشوف احد سال عنها (خراب بين القير والدبل ) يجون يسحبون الحوض على انه خربان الكلتش, والخراب من هذه , وواحد من وملائي 2005م خربت عليه مرتين



استدلالك بخرابات التويوتا ضعيف جدا و عجيب و شاذ في نفس الوقت
كيف تقارن خراب سير التيمن او الدودة او الفحمات بخرابات اساسية في جوهر المكينة
طرمبة البنزين و الكتاوت و سقوط مسامير الثلاجة في السلندر و طرمبة الزيت و سقوط مسمامير لهاة الباثفندر و عند جلد بلوف تغير بكثرة خصوصا م98 و طالع و جرم السلندر ينكسر على الاقل التويوتا ما يهينك باماكن حرجة و يمشي امورك حتى و هو خربان بينما الباترول اذا خرب و انت بالبر يقول هذا محلي و لا تنسى اكتب وصيتك خرب على ناس بالنفود الكبير و خرب على ناس بطريق حائل و اخر شي باترول ربع للعضو دكتور من الرياض قبل اسبوع و له موضوع خاص بمشكلته
و ايضا العضو رحال خرب عليه الكتاوت قبل اكثر من اسبوع سفاري 2008
شايله من الثمامة بسطحه و الموتر جديد و دافع به 140000الف
و شايب يسولف علي معه سوبر2006 و يقول كاشتين و يوم جينا نمشي من محلنا و اشغل الموتر و يعي يشتغل و ستر من الله معنا شاب جذع و يقوم يطقطق بالكتاوتات حقات الطرمبة و اشتغل الموتر
طيب هالشايب اذا كان كاشت او مسافر وشلون يبي يدري ان الخراب من الكتاوت؟؟؟؟؟؟؟؟؟؟؟؟؟
و موترين مخبطات عند الخضير بسبب سقوط المسامير في السلندر
بعدين عندك رقم الكهربائي ابو ابراهيم العثيم يفيدك عن الخرابات
و بعدين وشولون تقارن خرابات كارونة الحوض و الربع بالباترول و اللي يسوقونهن راعين مرهمات و مبزرة ينط النفود او السيف على سرعته و بارتفاع 15متر و اكيد تبي تخرب من سوء استخدامهم السيئ جدا و حمل الموتر كله على الدفرنسات لانزل على الارض حتى الدفرنس مليون بالمية يبي ينطعج
استدلالك شاذ جدا و في غير محله و لا يقبل المقارنة اطلاقا
هذا موضوع كتبته عن لهاة الباترول على هذا الرابط
http://www.mekshat.com/vb/showthread.php?t=150676
و رد علي احد الاخوان و كان موتره باثفندر و هذا رده








الله يجزاك بالخير ياوخيي على هالجهد الجبار














انا مع الحزب الي آمن بقضاء الله وقدره مسبقا وآثر ترك المكينة شد بلد










وقد قولبتها براسي يمين وشمال وقلت اكيد ان هالمسامير ماتنحل الا مع استخدام سيء والحمد لله










استخادمي استخدام حشمة







بعد فترة اسبوعين تقريبا رد علي نفس الشخص في نفس موضوع الباترول



و هذا رده







الحمد لله على كل حال







والحمد لله الذي لايحمد على مكروه سواه





باث فايندر استعمال حشمه .. اذكر اني قلت لواحد من الشباب .. ياخي الباث مايقطع .. ماقد سمعته يقطع





قال .. بلاك ماتقرص له .. مدلعه دلع .. وشلون تبيه يقطع




اليوم وانا راجع من المزرعة .. واسمع قرقشة بالمكينة وكن الموتر مهوب صافي



واذكر كلامكم واسفط على جنب واسمع الصوت .. الا هو صوت حسب خبرتي المتواضعة .. شي يقرقش


في البستم

واطفي الموتر واحمله سطحة واوديه للوكالة
هذا امر الله كاتبه مع اني محافظ جداً على الموتر ومع ان موديله 2005 توه قاطع 90 الف
تتوقعون ان شاء الله وهذا من باب التفائل ان الموتر به رجا وماراح على البستم
ارائكم واقتراحاتكم على عجل ياخواني .. انا بعد شوي باروح للوكالة يمكن يدخلونه مباشرة بدون موعد
وش اقول لهم .. دردشو علي شوي
اقولهم المسامير هذي جدعوهن ومعاد ابيهن
البارح راح علي بليزر واليوم الباث ويارب لك الحمد .. اهم شي سلامة البدن وان الانسان ينجح بايمانه بقضاء
الله وقدره ..
الي عنده علم ياجماعة فيطرحه هنا او يرسلي رقم جواله او يطلب جوالي












































رح لوكالة تويوتا على كثرة عددها وكثرة الوكلاء المساعدين ( الرشيد/ البازعي / العضيب/ الثميري/...................الخ , كل ورشه مليانه وكلها موديلات حديثه .







على الاقل اللي انت ذكرتهم صيانة عامة و راعين التويوتا يجيون بموترهم للصيانة




بينما




بينما الباترول يشال بسطحه كانه جاي من حادث او تشنج














اتمنى ان تكون رودودك منطقية و تقبل العقل




تحياتي

[سوبر VTC]

اخوي ابو اسامة

انت ذكرت ان السلندر ما ينكسر و لا هي معقولة يالله لو هو سيارة صينية
فانا اقول هذا سلندر الباترول شفه قدامك عينك
و يكون بعلمك موجودات عند الصمعاني و ايضا عند الخضير ثنتين منكسرات

http://www.mekshat.com/pix/upload02/images79/mk53291_gbdrsg1.jpg

http://www.mekshat.com/pix/upload02/images79/mk53291_hnfng2.jpg



تحياتي لك

[سوبر VTC]

قصدي يقولون ان طاح الجمل كثرت سكاكينه
كل سياره
عرضه ل الخراب الحريق الصدم الانقلاب
وخلوا عنكم الهلس كلا يجيبله قصه
من طلعنا ونحن مانعرف الا تايوتا ونيسان
بس تو تكتشفون العيوب مع واحد اعرف سفاري 92 ماشي فوق 560الف لم تفك مكينته 0
هذا يكفي ان السفاري فعلا موتر
اخوي الربذي

انت في واد و حنا في واد :)
نحن نتكلم عن الباترول م98 الى الموديل الجديد
خصوصا مكينة الفتك 4800

[Abu Saad]

ياجماعة السلندر ينكسر في المكاين البنزين والديزل منذ ان اخترعت( الة الاحتراق الداخلي) وينشعر بسبب سوء الاستخدام طبيعي ...بغض النظر عن الشركة..الفكرة واحدة.
الفروت والجموس والدداسن والهايلكسات القديمة وغيرهن سبق وان وقفت على مكاينها والبستم طالع من جنب المكينة .. عااادي الجور وسوء الاستخدام .
عطني اي موتر وابشر من يخلي السلندر يويق من جنب المكينة :)
الله يكفينا وياكم الشر .
الكامل وجه الله ومافيه موتر مافيه عذاريب ابدااااااااااااااااااااااااااا .
والشواهد كثير ...والمسالة رغبة ومزاج وراحة نفسية .
وبالتوفيق للجميع.

[أبو أسامة]

أخي الكريم : سوبر فتك ............

أشكرك على الإثبات ويعلم الله أنني كنت أجهل بخروج البستم من جدار السلندر ....... لم تحدث لأي شخص أعرفه وحتى مكاين المزارع عندنا ما قد طلع البستم من جدار السلندر رغم أننا غيرنا أربع مكاين وهي شغاله ست ساعات بالصبح وست بالليل ...................................... بعدين أخوي ترى ورشه الصمعاني جيتها بتشليح بريده أشهد بالله أنه محترم والورشه نظيفه وشغلهم نظيف لكن كل السيارات اللي شفتها عنده سيارات تعديل وترهيم منهم اللي يسنن الدفرنس ومنهم من يسقط مكينه لكن ما شفت أحد يشتغل على شد البلد ....... يعني السيارات اللي تجي عنده غالباً تكون مكروفه كرف وما هي سيارات ناس تستخدم بعقل .............

وأقول لك أخوي أني أن شاء الله راح أبحث وأجيك بمشاكل الاندكروزر وبالأثباتات عشان تكون رداً على بحثك عن مشاكل الباترول .......

[أبو LAMeS]

راعين السطحات يقول اكثر موتر نشيله الفورد ثم الشيروكي ثم الباترول
اعتقد الكلام و اضح
والله وأنا أخوك كلامك زين والواحد يحس إنه عندك معلومات لكن الترتيب هذا اللي يشوفه يقول إنك سأل كل حقين السطحات بالسعودية أجل الباترول ترتيبه الثالث حط أي سيارة إلا الباترول حط جمس وخصوصا الجموس القديمة حط يوكن حط لاندكروزر ... يا أخي ترانا شفنا مقطعين مختلفين فيها اللاندكروزر موديل 2008 يدخن دخان أبيض يعني الموتر مخبط والظاهر إنك شايفها
الصراحة بعد كلامك هذا الواحد يشك في حياديك ...
وبعدين اللي أعرفه عن الصمعاني أنه حق ترهيم ... يعني يا ليت توضح لنا بالنسبة للصور اللي أنت حاطها للسلندر اللي كاسر المكينة وش قصتها؟ وش موديلات السيارات؟ وهل جايها ترهيم؟ ... أو داخلة في سباقات تحدي تطعيس؟ يا ليت توضح أكثر مهوب مجرد صور.. وهل عندهم مكاين ثانية لسيارات مختلفة أو بس باترول ؟؟؟ ياليت تفيدنا وشكرا لك

[الساهر40]

كل القصة انخفاض مبيعات اللاندكروزر الجديد بسبب سوء التصميم والسعر المبالغ فية من جهة وارتفاع مبيعات الباترول من جهة أخرى لذا بدأت حرب ضد الباترول لإقناع المستهلك العادي بأنها سيارة رديئة الصناعة وكثيرة المشاكل 0
إلا أن الجميع يعلم أن كلا السيارتين تصنع في اليابان وتحت إشراف هيئة المقاييس اليابانية التي تبنت الجودة في جميع المنتجات اليابانية منذ عدة سنوات 0
لذا فجودة سيارات نيسان مشهود لها على مستوى العالم 0
وجميع مايكتب في المنتديات عن هذه السيارة بعيد عن الواقع بل وويتعجب منه كل من يملك هذه السيارة واستخدمها
هذا وبالله التوفيق

[أبو LAMeS]

كل القصة انخفاض مبيعات اللاندكروزر الجديد بسبب سوء التصميم والسعر المبالغ فية من جهة وارتفاع مبيعات الباترول من جهة أخرى لذا بدأت حرب ضد الباترول لإقناع المستهلك العادي بأنها سيارة رديئة الصناعة وكثيرة المشاكل 0
إلا أن الجميع يعلم أن كلا السيارتين تصنع في اليابان وتحت إشراف هيئة المقاييس اليابانية التي تبنت الجودة في جميع المنتجات اليابانية منذ عدة سنوات 0
لذا فجودة سيارات نيسان مشهود لها على مستوى العالم 0
وجميع مايكتب في المنتديات عن هذه السيارة بعيد عن الواقع بل وويتعجب منه كل من يملك هذه السيارة واستخدمها
هذا وبالله التوفيق

أتمنى أن لا تصل بنا الأمور لمثل هالشيء ... وعلينا أن نؤمن بأن الرزق بيد الله فهو يرزق من يشاء بغير حساب ... لكن والشهادة لله ورغم حبي للباترول وقنعتي فيه كسيارة بر إلا إني أشوقه صار حساس من 2002 وطالع لكن ما أتوقع إن الأمور والمشاكل توصل لمثل ما ذكروا الأخوان ... لكن بعد ما سمعنا وقرينا في هذا المنتدى عن زيارة الخبراء اليابانيين من شركة نيسان للقصيم لأخذ إنطباعات الناس عن الموتر أتوقع راح ينضبط في الموديلات الجاية
تحياتي لك

[سهم VTC]

السلام عليكم...

اخواني انا مع فتك 2006

مشكلته اني افجر ليل ونهار..ولا يقول شيء..

كل انواع الهبال جاه حتى التفحيط الله يكرمكم...

وماشي معي ازين من الحلاوه ولا انشط منه في النفود..

واثنين من اخوياي واحد 2005 والثاني 2007 وسلام سلام معهم المواتر..

[سهم VTC]

تابع

قبل ما اشتري الفتك كان معي م95 وجاه مثل اللي جاء خويه..

وجتني مشاكل ميكانيكيه لكن ولا وحده من اللي قلتوها فوق...

حرام عليكم ياناس ظلمتو الموتر

[سهم VTC]

انا عندي اخوي سوبر فتك بما ناك مشر فنا القدير..

لعلك تحذف الموضوع وبلا وجع راس..

فيه بعض المنتديات اللي يفتح مثل هذي المواضيع يمنع العضو لـ3 ايام..<<وهذا هو الحل السليم

[ABO AL-HESH]

اخوي سوبر ترى كل الناس لهم عيون ويناظرون مهب انت لحالك ..
يعني ما ادري وشلون الواحد يكذب الكذبه ويصدقه.. انا طول عمري اسمع ان الباترول يصرف .. وفعلا كان معي ددسن ثم شريت سوبر 2005 وفعلن لاحظت الصرف بالنسبه لددسن .. الين سافرت على جي اكس ار واثره يصرف اكثر ... لا والمصيبه الكبيره يوم باع اخوي الباترول حقه 2001 (((الي يلهم بنزين))) وشرى شاص الله لايوريك يشرب بانزين شرب مهب طبيعي .. عقبه اقتنعت ان التايوتا اخذه سمعته من عام 1997 والنيسان الكل يهرج فيه ولو تتسال احد جربته او صارلك شي معه انت شخصيا .. يقول لا والله ؟؟؟؟واذا كان استدلالك بالورشات الصناعيه مليانه تايوتا واكثره قيور وفريول ونقص زيت؟؟

[اثنان]

الفــــــــــــــــــــــــــــــــتــــــــــــــ ــــــــك والانــــــــــــــــــــــــــــــــــــــد
عينين في راس واحد......وسكروا الموضوع

[قاطع الفيافي]

هذه الاخطاء تفادوها بالموديلات الجديدة المسامير الثلاجة
ياخي يكفيك البطة الاند2008 فيه يايين يختلف ن حجم
الثاني يني هذا صغير وهذاك كبير
وكل شيب فيه خراب وان شاء الله 2009 يتفادونها
ومعي 98 الى 2001 اصبر منهم كلهم ولا هوب حساس
وهذاهو معي كر وفر بر نفود والحمد لله
السيارات توافيق من رب العالمين

[تلسكوب 1]

كل القصة انخفاض مبيعات اللاندكروزر الجديد بسبب سوء التصميم والسعر المبالغ فية من جهة وارتفاع مبيعات الباترول من جهة أخرى لذا بدأت حرب ضد الباترول لإقناع المستهلك العادي بأنها سيارة رديئة الصناعة وكثيرة المشاكل 0
إلا أن الجميع يعلم أن كلا السيارتين تصنع في اليابان وتحت إشراف هيئة المقاييس اليابانية التي تبنت الجودة في جميع المنتجات اليابانية منذ عدة سنوات 0
لذا فجودة سيارات نيسان مشهود لها على مستوى العالم 0
وجميع مايكتب في المنتديات عن هذه السيارة بعيد عن الواقع بل وويتعجب منه كل من يملك هذه السيارة واستخدمها
هذا وبالله التوفيق

انا اوفقك الرأي اخوي الساهر

مثل شركات الاتصالات اي خبر عن اي شركة منها في اي وسيلة اعلامية في الانترنت تلقى الردود بالسب والشتم للشركة الام الاتصالات السعودية . وهذا مفهوم انه دعاية للشركات الاخرى موبايلي وزين


كذلك الجيوب تلقى السب والشتم للباترول

فعلا لا يرمى بالحجر الا الشجر المثمر .

الله يستر من اعضاء مكشات :j وخصوصا مندوبي مبيعات TOYOTA

[Abu Saad]

لكن بعد ما سمعنا وقرينا في هذا المنتدى عن زيارة الخبراء اليابانيين من شركة نيسان للقصيم لأخذ إنطباعات الناس عن الموتر أتوقع راح ينضبط في الموديلات الجاية
تحياتي لك

وش السالفة ... ياليت تعطينا معلومات او روابط عن هذه الزيارة .. وشكرا.

[عاشق البر]

انا عندي باترول 2003 واعتقد ان المشاكل اللي فيه مثل اي سيارة اخرى بس المزعج فيه انك اذا رحت للوكالة فرع طريق خريص بالرياض قالو لك لازم تأخذ موعد وتجي بعد اسبوع يعني كأنك رايح للمستشفى التخصصي .. والحقيقة من كثر ما يأخرونك يالواحد تكره الوكالة والسيارة ..

[سيف الظفير]

والله الباترول زين بالحيل ولكن هالمشاكل بسببها



خلت ثلاثه الى الان لم يشتروة بسبب هذه الاعطااااااااال


وللمعلومية اهل قطر والامارات ما اشتكوا من شئ

[سيف الظفير]

يكفيني من الباترول هالنششششششاط والقوة والدفرنسين



في الديرة والنفووووووووود

[النوء]

والله ثم والله لو الحمراني الغبي يحسن من معاملة العملاء
ويفتح أكثر من ثلاث فروع الصيانة ويعامل الناس بمصداقية
أن يكتسح السوق بلا منافس


ياليت تكتبون عن البطه اللاند كروزر

مفخرة الأرض ... الاستبنة تحك بالأرض

[مواسي الطعوس]

اخوي سوبر لاتستغفلني اعرف الباترول واعرف التويوتا (ولولا صبر الباترول ماصبروا عليه الناس . من زين وكيله )

1/ يوم اقول الربع والحوض قصدي التويوتا . واللي يجيه ترهيم صح هو الباترول , ولا تمشكلوا من كارونته رغم الاستهبال اللي ماله نهايه .

2/ الكارونه اذا افرطت الاماميه مسكت الموتر . الا اذا فيه فرار. ووين اللي فيه فرار . فك العكس ووين اللي يفكه .
3/ يوم اقول بالحوض الخراب اللي بين الدبل والقير (يسحب الموتر) ورفيقي سحبه مرتين . مره من البر ومره من الديره .

4/ جرم الكارونه الخلفيه يخرب واعرف واحد غيره عاى الضمان . وقالو عادي يخرب .
5/ قولك طرمبه الزيت بالتويوتا اكثر من الباترول ولا فيه مقارنه خاصه ال 6 سرندل . وحصلت مع واحد من ربعي معه ربع . مع ان 80 % من ربعي معهم نيسانز
6/تجييم السلف . مايعرفها الا اهل التويوتا . وتعطلك .وحصلت مع كذا واحد .حتى ان واحد من الشباب تعطل معه عند بقاله وهو2004م جكسار .وتفشل عند الرايح والجاي . وراعي الورشه يقول جاني سيارات نفس المشكله*
7/ التشغيل السريع اللي بس تحرك المفتاح ثم هو يكمل الدقه . خرب برادوا فل 2006 م وبسطحه للوكاله .

8/ اهل الصيانه ماقلت هم راحوا للورشه. لاتقول على لساني شي ماقلته . بعضهن على سطحه جاي للوكاله .


(انت واضع التك (سربر فتك) علشان مايشك فيك فقط. تبي تاخد راحتك في السب . اللي برا النت. مايعرفون المشكله . وانا اعترف بحصول شي .لكن كل انواع السيارات خراب مكاين وغيره .

* والمشكله لو مثل ماقلت شافوها العالم كلهم . لكن هم ماشافوا الا بالنت .من الحبه قبه .

لو انت مخليها على : فك فلنجة الجمس / والطرمبه / ومكاين الماء كان احسن .

[أبو LAMeS]

2/ الكارونه اذا افرطت الاماميه مسكت الموتر . الا اذا فيه فرار. ووين اللي فيه فرار . فك العكس ووين اللي يفكه .
3/ يوم اقول بالحوض الخراب اللي بين الدبل والقير (يسحب الموتر) ورفيقي سحبه مرتين . مره من البر ومره من الديره .


6/تجييم السلف . مايعرفها الا اهل التويوتا . وتعطلك .وحصلت مع كذا واحد .حتى ان واحد من الشباب تعطل معه عند بقاله وهو2004م جكسار .وتفشل عند الرايح والجاي . وراعي الورشه يقول جاني سيارات نفس المشكله*
7/ التشغيل السريع اللي بس تحرك المفتاح ثم هو يكمل الدقه . خرب برادوا فل 2006 م وبسطحه للوكاله .

لا حول ولا قوة إلا بالله يعني لو كانوا بمقطعة ولا حولهم أحد ماتوا ما أقول إلا الله يحلل الحجاج عند ولده

يعني نقدر نقول عن الباترول واللاندكروزر الشبكة تعير المنخل
الله يحفظ المسلمين بأموالهم وأنفسهم

[برق ميسان]

مشكور على المعلومة المفيدة
تقبل مروري

[سوبر VTC]

اخوي سوبر لاتستغفلني اعرف الباترول واعرف التويوتا (ولولا صبر الباترول ماصبروا عليه الناس . من زين وكيله )

1/ يوم اقول الربع والحوض قصدي التويوتا . واللي يجيه ترهيم صح هو الباترول , ولا تمشكلوا من كارونته رغم الاستهبال اللي ماله نهايه .



ياخي العزيز اكره ما شوف التويوتا و انا قلت كلهن يخربن الجيب و الباترول انا كرهت الباترول بسبب عطال الطرمبة و الكتاوت حتى و هو جديد و المسامير و انا اتمنى انهم صلحوا عيوبه بالموديل الجديد



.3/ يوم اقول بالحوض الخراب اللي بين الدبل والقير (يسحب الموتر) ورفيقي سحبه مرتين . مره من البر ومره من الديره .


ايضا مالي خلق التويوتا


4/ جرم الكارونه الخلفيه يخرب واعرف واحد غيره عاى الضمان . وقالو عادي يخرب .


هذه رد عليك مهيب علي



5/ قولك طرمبه الزيت بالتويوتا اكثر من الباترول ولا فيه مقارنه خاصه ال 6 سرندل . وحصلت مع واحد من ربعي معه ربع . مع ان 80 % من ربعي معهم نيسانز


ارجو منك ان تقرا جيدا اولا ثم تفهم ثم تكتب



لانك تكتب و انت لم تفهم



انا اقول ان طرمبة زيت الباترول تخرب اكثر من الجيب لانه ترس صغير يساعد على ذلك ان الباترول الار بي ام حقه عالي او ضغط الكمبريشن عالي (اسئل ابو عبدالله الصمعاني) بمعنى انه الكرنك يدور على سرعة 5.500 دورة او 6000دورة في الدقيقة و هذا من نشاطه حتى ان اللهاة ترقل و يرتخي المسمار لانه تلعب يضاف الى ذلك انه احيانا يكسر البستم جرم السلندر


الان الباترول الجديد لمعلوميتك الغوا التفتفه وصار يبتل الموتر دايس بدون تقطيع لانه اول اذا صرت بنفود و رديته بنمرة ثقيلة احيانا يعض ترس الطرمبة و تجيم الطرمبة و تولع لمبة الزيت بالمكينة



6/تجييم السلف . مايعرفها الا اهل التويوتا . وتعطلك .وحصلت مع كذا واحد .حتى ان واحد من الشباب تعطل معه عند بقاله وهو2004م جكسار .وتفشل عند الرايح والجاي . وراعي الورشه يقول جاني سيارات نفس المشكله*


اتفق معك و انا قلت ان الجيب يخرب ايضا



7/ التشغيل السريع اللي بس تحرك المفتاح ثم هو يكمل الدقه . خرب برادوا فل 2006 م وبسطحه للوكاله .

8/ اهل الصيانه ماقلت هم راحوا للورشه. لاتقول على لساني شي ماقلته . بعضهن على سطحه جاي للوكاله .


لذلك خرابهن لا يقارن بالباترول




(انت واضع التك (سربر فتك) علشان مايشك فيك فقط. تبي تاخد راحتك في السب . اللي برا النت. مايعرفون المشكله . وانا اعترف بحصول شي .لكن كل انواع السيارات خراب مكاين وغيره .


يعلم الله اني من محبي الباترول و يشهد الله علي
لكن لا يجوز باي حال من الاحوال رمي التهم جزافا و انت لا تعلم نيتي



* والمشكله لو مثل ماقلت شافوها العالم كلهم . لكن هم ماشافوا الا بالنت .من الحبه قبه .


انا اتكلم عن بريدة بحكم ان الجيوب و الباترول هي منبعها و الناس اذا بغت تشري تجي لبريدة




لو انت مخليها على : فك فلنجة الجمس / والطرمبه / ومكاين الماء كان احسن .




اشكرك على استهتارك و على ردك الجميل و هذا انما دل فانما يدل على حسن ذاتك و سمو اخلاقك و تواضعك




اخي العزيز



لك رسالة على الخاص






تحياتي

[Under_net]

اخي العزيز



لك رسالة على الخاص






تحياتي





هل رسالته نفس رسالتي التي أرسلتها لي على الخاص :D التي تبدأ بأخي العزيز


ضعها هنا فهي تصلح للعام وأظنك أرسلتها للجميع :rolleyes: وفقك الله

[سوبر VTC]

هل رسالته نفس رسالتي التي أرسلتها لي على الخاص :D التي تبدأ بأخي العزيز


ضعها هنا فهي تصلح للعام وأظنك أرسلتها للجميع :rolleyes: وفقك الله

لا تصلح و هي لا تناسب اي شخص :)
عقول الناس و مداركهم تختلف

[Under_net]

لا تصلح و هي لا تناسب اي شخص :)





عقول الناس و مداركهم تختلف


تصلح من باب الحيطة والاحتياط

لكن الحذر من أن يصل التحذير بسبب بعض الحالات إلى باب المبالغة والوسوسة حتى يظن أن السيارة صينية رغم أنها من أطول السيارات عمرا ولازالت تعمل ويدك بها رمال البر تحت لهيب الشمس ، خاصة لمن لمن يعرفوا هذه الملاحظات إلا هنا

[patrol2006]

هههههههه معليش بس الكلام ذا نسمعبه ولا نشوفه
حنى جربنا الباترول 92 و 2002 فتك و 2006 ربع وما شفنى منهن الى الخير ((الباترل راعي مكده )) حتى القطع الاستهلاكيه يطولن معه
وجربنا لاند 2003 فيع عيوب قويه مثل الكمبرسور بس يخرب الكهرب كل شوي مغيرين شمعه الدبل < انواع الرجه (وكلتشات القير تخرب ) مدري الاند جانا صدفه كذا ولا ....

وللمعلوميه الباترول وريناه الويل مافيه منطقه ما راح لمه والسواقه ماهنا حشمه وماشاء الله موووووووووتر يشهدله البر

والدليل شف الكشاته الي سيارته قديمه من 2000 ونت نازل تلقاه باترول هذا دليل على صبره

[تميمي 911]

سيارتي ماشية 500000
وشوي ولايخرب إلا المساحات:D

[حامى الخبرا]

......اللى مااايلووح العنب .......يقول

1-مسامير الثلاجه لاقيهن داخل المسجل.:eek:
2-لامشيت على القار يطفى المكيف.:eek:
3-لا سكرت الباب يطلع صوت بلقير .:eek:
4-لارقيت ضلع يبنشرن التواير.:eek:
5-لاحركت السياره تكسر الأنوار الأماميه.:eek:
6-جميع هذه المعلومات أخذتها من مصدر ثقه ولد عم جار
أخوى عند عمه فتك وهو اللى علمنى بهلمعلومات.:D :D

[Magellan]

للرفع
حتى نعرف وش صار عليك
أحد الإخوان صار له مثلك وإنفقع الرديتر حق المبرد

[~ V T A C ~]

الدوعة كلها توافيق والباترول مامثله في كل شي وبعض الناس لو نسمة (الأستبنة) قال الموتر مايصلح:no2: :no2:

[ادفرنس]

السلا م عليكم انا معي 2002 فتك نفس المشكله فكيت القير طلع بحر وبعدين لعب بلكهرب انواع اللتماسات لقيت الخارطه خربان بها الحساسات طبعن بعد معركه وصولات وجولات بتشاليح لقت ركبناها مانفعت اضطريت للوكاله بعد الخصم قيمته 3601ريال وطلبيه من جده ركبنه ولحمد لله ضبط بس فيه نزيف زيت خفيف والله يعين للمعلوميه دفع كامل العمليه 5000ريال

[~ V T A C ~]

اقول الخيل من خيالها والنار من ........

[ابوسبيع]

ارجو حلاً عندي جيب نيسان فتك 2006 طعف بالعزم والسرعه لايتعدا 100 والحرارة زادة والتغير التمتيك يتأخر وتم الفحص بالكيمبيوتر وظهر ان حساس الدعسة عطلان وتم تغيره ولم يتغي شي حتي الكتاوت غيرته بنفسي ابي حل قبل يتم النصب على من الورش

[ابوسبيع]

ارجو حلاً عندي جيب نيسان فتك 2006 طعف بالعزم والسرعه لايتعدا 100 والحرارة زادة والتغير التمتيك يتأخر وتم الفحص بالكيمبيوتر وظهر ان حساس الدعسة عطلان وتم تغيره ولم يتغي شي حتي الكتاوت غيرته بنفسي ابي حل قبل يتم النصب على من الورش

[عاشق الكركي]

معاي فتك ومجربة بس صرف البنزين عيبة ولا الباقي خوش موتر

[الجهني 2011]

ما شاء الله تبارك الله

[السليطين]

ياكثر الهروج .... لكن الواقع عكس الكلام ...


عندنا فتك 2002 فاكينه وكاله .. وماشي فوق ثلاثميه الف ولله الحمد والله ماغيرنا فيه الاالقطع الاستهلاكيه فقط ...


حتى اللي اعرفهم والله ولا واحد صار له من ذا الكلام شئ سوى واحد معه 2006 خرب عليه الكتاوت وغيره .. لكنه ماشي فوق الميتين الف .. يعني موتر ماشئ ذا المشي كله ولاتبونه يخرب ...؟؟؟



طيب سؤال بخصوص مسامير الثلاجه اللي نقرا عنها بالمنتديات فقط ...

الان المسامير تطيح في الباترول والباث .... صح ولا لا < على اللي نقرا صحيح ..

طيب مكينة الفتك غير مكينة الباث ... <<< صحيح .
طيب .. مكينة الباث هي نفسها مكينة الالتيما 6 سلندر وهي نفسها مكينة الباث الانفينتي . وهي نفسها مكينة المكسيما الجديده وهي نفسها مكينة المونارو وهي نفسها مكينة الانفنتي كيو 3.5 ..
طيب سؤال ..

ماتلاحظون الكلام انها تطيح بالباترول والباث فقط !!!!!!!!! ولكن نادر نقرا انها تطيح بالسيارات الثانية .. مع العلم انها نفس المكينه ..؟؟؟


اسال راعي ورشه سعودي وهو زميل لي ... هل جاك يوم من الايام باترول ولا باث طايحه مسامير الثلاجه ... يحلف لي ويقول : اسمع عنها ولكن والله ماقد جاني احد طايحه مساميره ..


تحياتي

نقرا ولا نشوف

[سفاري959]

سؤال للمشرف سوبر فتك وش غير نضرتك هل قدوتك في الحياه هو الصمعاني والخضير وغيرهم يعني لو رحت لوكيل فورد بحصل عندهم باترول خربان مثلاً وبعدين ماشاء الله عليك لفيت المملكه كلها وسألت حقين السطحات مسوي احصائيه للأسف دام هذا كلامك وانت مشرف يعني قدوه لغيرك نلقاك على رأس الهرم في اثاره المشاكل نعم الفتك فيه عيوب وكل موتر ما يخلو من العيوب طيب وش رايك بالي مشتري كامري جديده وخبطت على 16000 للأسف واعرف كثير غيري صارت معهم نفس المشكله ولازالت كامري الأكثر مبيعات والسياره الي محافظه على سعرها ولاتروح بعيد قسم بالله امس شايب مكلمني عشان موتره يسألني عن احسن ورشه توضيب الموتر جي اكس ار 99 فاكه الرجال وكاله ولايطلع من الرياض الا في السنه حسنه ولايتعدى 100 في الخط تو الموتر ماشي 213 يعني 4 سلندر ينكرف يمشي حول 400 ما خبط هل احكم على اللاند انه كله كذا ؟؟ سؤال موجه للمسئولين عن المنتدى هل هذا اسلوب واحد مشرف ؟؟؟؟؟؟؟؟؟؟؟؟؟؟ الطاسه ضايعه والله المستعان ولا احد يقول اني متعصب انا معي باترول ولو بعته بدور الشي النضيف والي يناسبني حتى لو كان لاند كلهم عندي عينين في راس

[ابو صقر 111]

يا رجال خرابات النيسان ولا ملك الموت اللاند وسائل السلامه بالنيسان تفرق كثيرا وسمعنا عن تعليق المثبت وعن انفراط القير ووفاة شخصين 000اتكلوا على الله واشتروا ما تريدون ففي كل ماركه عيوب

[شحرور الدهنا]

الفتك يبغاله شخص عاقل وعطه يعطيك وهو الافضل بين الجيوب بدون منازع ياحبيله

[ابن علوان]

كنت اتمنى انك امس موجود عند الكهربائي ابو ابراهيم العثيم بمدينة بريدة و تشوف المواتر اللي عنده بلحظة وحده جاء موترين فتك وكلهن تقطيع و جاء موتر بنفس اللحظة على سطحة خربان كهرب :)

هذا غير المواتر اللي بداخل الورشة و كلهن طرمبة زيت و الا الموتر يقطع و الا مسامير اللهاة و الا الكمبيوتر خربان و الكمبيوتر اكثر شي عطال سواء موديل جديد او قديم
و لا تهون طرمبة البنزين و الكتاوت و الا التانكي الاضافي ما يشتغل سواء م 2000 و طالع او حتى م99 و تحت خصوصا السوبر و السفاري حتى الربع البخاخ ما سلم و الكلبيتر و يطفى و يعيي يشتغل و كله بسبب ديلكو او كمبيوتر لدرجة ان حساس السيكورتي يخرب و لا يشتغل الموتر و يدق بس ما يشتغل و يقومون على الكمبيوتر و يلغون قطعة الحساس و يصير يشتغل بمفتاح عادي بدون شريحة او مغناطيس و يكلف 250ريال......الخ و القائمة تطول
و اذا تبي زود تعال لورشة ابو خالد الخضير الرزق واجد كلهن عطالات ميكانيكا
و ان بغيت بعد مر على ورشة ابو عبدالله الصمعاني بالتشليح
***
ابعطيك عيب اخر غير ما ذكره الاخوان
و هو
طبعا الفتك توجد طرمبة الزيت بصدر المكينة من الامام زين
اذا كان راقي نفود مثلا و كان عزمه شاد بالثالث او الثاني ثم رديته نمرة ثقيلة للثاني او الاول طبعا فيه عزم من الاساس فان الذي يحصل ان طرمبة الزيت (تعض او تجيم) بمعنى يفرط الترس و ثم تولع لمبة الزيت بالطبلون
طبعا بعض الناس ما ينتبه ثم تخبط المكينة لان الزيت ما رقى
***
انت تعترف انه توجد اعطال لانه من صنع بني ادم و في نفس الوقت تقول ايعقل في خلال شهر كل شوي طالعة مكشلة
انا اقول انك تناقض نفسك :) و في داخل نفسك لا تعترف بوجود مشاكل للباترول
انا اتمنى انك تجي للقصيم و تشوف عن قرب جميع المشاكل
(( و ترى القصيم من اكثر مبيعات الباترول على مستوى المملكة))
***
عمي شرا باترول سفاري2 م2007 وكالة و باعه بعد سنة و شرا جيب ايضا
رجل اخر شرا سفاري2 م2005 وكالة و باعه ايضا
اخر شرا سوبر م2005 و باعه و شرا جيكس م2008
نحن نقول الموتر نشيط و ما عليه كلام مركب و راحة و الباترول يتميز بمكينة قوية و قير قوي و زينته انه دفرنسات
لكن الى متى هذه المشاكل لا تنتهي
الان تلقى جيوب جيكس او فكس ماشيات على 300000الف و طالع و لا خربن عليهم او تعطلن بسفر او بر
و يوجد مواتر من التويوتا تخرب لكن بنسبة قليلة و لا تقارن اطلاقا بالنيسان
لكن الى متى الباترول و هو يهين راعيه في ظروف حرجة بسفر او كشتة او حتى بالديرة:( :(

تحياتي

ياعزيزي انت قاعد في ورشه معروفه بشغلهم الزين وهل تتوقع ان اللي يجي الورشه موتره سليم وجاي يسلم مثلا
هذي ورشه اصلاح سيارات عطلانه وطبيعي تلاقي فيها سيارات متعطله ولا تنسى انها ورشه معروف شغلها
فلا تستغرب
ولو رحت ورشه متخصصه باللاند كروزر مثلا بتلاقي نفس الشي
انت مثل اللي يستغرب ليش يودون المرضى للمستشفى !!!!
الوضع بديهي وربما ذلك يدل على ان الباترول منتشر في المنطقة التي انت فيها وهذا من واقع كلامك سياره عليها اقبال يعني نسبه المتعطله تتناسب مع ضخامة العدد الموجود مع المستخدمين ومعظم هؤلاء يعرفون هذه الورشة بالذات بانها الافضل . اذا وين المشكله

[ابن عكاش]

كل الجيوب فيها حقها بس اللي اشوفه ان مكينة الفتك مشاكلها اكثر من مكاين الباترول 4500و4200 يمكن لأن حساساتها واجد طبهاً كلامي مع اللي يشد على الموتر اما اللي يرفق تفرق واجد

[turkiq]

ياعزيزي انت قاعد في ورشه معروفه بشغلهم الزين وهل تتوقع ان اللي يجي الورشه موتره سليم وجاي يسلم مثلا
هذي ورشه اصلاح سيارات عطلانه وطبيعي تلاقي فيها سيارات متعطله ولا تنسى انها ورشه معروف شغلها
فلا تستغرب
ولو رحت ورشه متخصصه باللاند كروزر مثلا بتلاقي نفس الشي
انت مثل اللي يستغرب ليش يودون المرضى للمستشفى !!!!
الوضع بديهي وربما ذلك يدل على ان الباترول منتشر في المنطقة التي انت فيها وهذا من واقع كلامك سياره عليها اقبال يعني نسبه المتعطله تتناسب مع ضخامة العدد الموجود مع المستخدمين ومعظم هؤلاء يعرفون هذه الورشة بالذات بانها الافضل . اذا وين المشكله

كلام واقعي ومنطقي جداً
واحب اضيف ان العالم اللي استخدمت الموتر استخدام عادي ما اشتكت من المكينة ابد.
الخرابات ظهرت علشان فيه ناس اطربها اداء الموتر فصاروا يجورون عليه في السكة والبر وفي كل وقت .. ومن البديهي مع الاستعمال الخشن المستمر ان تظهر هالمشاكل.

[بن سليمان]

23/09/2008, 12:46

الموضوع قديم له اكثر من اربع سنوات :D

[مكشاتي رحال]

الله يخلف عليك ..

[عاشق هدد 6]

انا استغرب من بعض الردود . كل واحد يمدح السياره الي معه وبس هي زينه هي شينه يمدح وبس

الموضوع طرح للفائده مو للهواش والمشاكل .. قل خير او اسكت

كل موتر تجي فيه مشاكل .. وتوفيق من عند الله

وانا اقترح اغلاق الموضوع لاني لم ارا فائده اشوف مخاطبة اطفال ..

والحمدالله رب العالمين ..