وش تقولونفي الباتفايندر 2008 وش هو من لحية

[sami1976]

السلام عليكم ورحمة الله وبركاته.

حيالله الربع كلهم

مالكم بالطويله قدره الله علي ونويت اشتري موتر وبعد مالفيت على المعارض واحترت الين جتني نفس من المواتر وانهبلت من الحيرة والحمدلله استخارت ونويت الباث SE2 2008 قير تماتيك اللي تحت الفل على طول
مواصفاته
مراتب قماش ولاهيب كهرب لكن فيه شاشة ملاحه وشاشة Dvd للمراتب اللي ورى وثلاث مكيفات
سعره في الوكاله 131,750 ريال سعودي

طبعا انا رجال راعي خطوط ومشاويري في الديرة وروحات البر قليله ولا نيب راعي تطعيس يعني حدي ردميه بس ودي بالبر (بس تراني احسن واحد يحفر ويبرح للكفرات اذا غرزت مع اللي يطعسون )

بس والله جايزن لي الباث بهالمواصفات وابي شوركم علي الله يجزاكم خير
1- هل الموتر يستاهل هالمبلغ ؟
2-هل الموتر مريح في السفر ؟
3-هل هو غيثيث بالخربات ؟ يعني كل شهر في ورشه ؟
4-لا مليت منه القى له زبون ؟
5- اذا فيه خيارت غير هالموتر لا تبخلون علي

شكرا مقدما

[برق و سحاب]

عليكم السلام ورحة الله
هلا اخوي وبجاوبك على اللي اعرف من تجربه.

1- هل الموتر يستاهل هالمبلغ ؟ 131,750 لا مايستاهل

2-هل الموتر مريح في السفر ؟ نعم مريح فوق ماتتخيل

3-هل هو غيثيث بالخربات ؟ يعني كل شهر في ورشه ؟ ما اعتقد لأنه جديد لحد الحين

4-لا مليت منه القى له زبون ؟ مدري ماعندي اي معلومه

5- اذا فيه خيارت غير هالموتر لا تبخلون علي .... بهالقيمه تقدر تاخذ لاندكروزر جي اكس جديد ابرك منه لأن المبلغ كبير والا خذ اللي دون منه نفس المواصفات بدون شاشات وخرابيط وارخص بكثير.
هذا اللي قدرت عليه.
تحياتي

[الربذي]

شف التويوتا بنفس مواصفاته بكم
لا شوف الكوري
انا اقول انه ارخص واحسن ماهوموجود
اقصد الجيوب المعروفه
مثل نيسان وتويوتا
لاوالدخول وتشغيل السيارة بدون مفتاح وكمره خلفيه وشاشه وماجلان ونظام مراقبة الكفرات وفتحة
بصراحه دلع وعزمه قوي يطلع على شيخ تايوتا الفي اكس ار
وانت كيفك

[ساري 111]

الموتر ماحد سبه
والموتر عليه الطابع الأمريكي بشكل ملحوظ من ناحيه الشكل والمحركات وطبعاً هو كله صناعه امريكيه ولافيه ولامسمار من اليابان إلااللهم مسمى شركته

من ناحيه السعر انا اشوف انه مايستاهل هالمبلغ يعني لو هو صناعه يابانيه اقولك يمكن يستاهل اما صناعه امركيه ماتستاهل هالاقيام ذي
حسب ماسمعت من ناحيه المركب فهو مريح مكينته قوي حول 290 حصان
من ناحيه الزبون مااقدر افيدك فأنا اجهل الناس بالمعارض والشريطيه

الله يوفقك اخوي

[سوبر VTC]

الموتر يابعدي غالي جدا بقيمته تاخد باترول
اذا انت تحبه :) او فكسار 2004
اذا كان الموتر جايزن لك خذه و لا تشاور و اهم شي انك تستخير
الخرابات فيه تحسن و افضل من م2005 و نازل
الموتر مطلوب عند البيع خصوصا من م2005 و طالع
تحياتي

[باث وبس]

الصراحة حلو الموتر ومواصفات جيدة بس السعر شوي غويلي

[abo_abdalah]

ياخوي والله لو تاخذ لك اكستيرا احسن ارخص ومافيه فرق كبير

والا اف جي ولا اروع

[sami1976]

الاخ / برق وسحاب
الاخ / الربذي
الاخ/ ساري 111
الاخ / سوبر VTC
الاخ/ باث وبس
الاخ/abo_abdalah
الله يجزاكم خير والله يعطيكم العافية

[مساير الليل]

والله الموتر صالح لي لكن سعر الفل كاامل غاالي شوي

بس ألي 113 آلف سعره حلو مره

مكيفين
كامره خلفيه
شاشة معلومات
مثبت سرعه
جنوووط 16

[هيثم صفرلي]

البنزين يصرف بشكل مروع انا اقول انك تدور عنه في مكاتب الايجار حقة السيارات وتستأجره احكم بنفسك طبعا الاخوه الي جربوا الموديلات القديمة وحقين بر بفضلون القديمه على الموديل الجديد تحياتي لك

[مساير الليل]

البنزين يصرف بشكل مروع

آخوي الغالي عن تجربه ولا كلاااام نااااس

الموديلات السااابقه للبر أكثر منها للعائلة

والمديل الجديد للعااائلة أكثر من ماهو للبر

والأكستيرا هو الي تقريبا مثل الباثفندر القديم

[sami1976]

اللي مغليه ترى شاشة الملاحه وهي اللي مرغبتني فيه لو هالمواصفات في البرادو كان وصل سعره ابو جميل الى 180,000 ريال بالراحه والشغل صيني اجل البرادو 2009 بدون شاشه ملاحه ولا حتى شاشة معلومات 144000 ألف حاجة تقهر

[فارس العمور]

انا معي نفس الموتر بس الي اقل منه ابو 113 الف

والموتر شييييييييييخ في الخط والبر والمواصفات

ووقت البيع عليه طلب ممتاز انا بحثت كثيرررر عن مستعمل مالقيت غير 2006 وستاندر وكان مغلييييه جدا والشريطيه عليه بالكووم

الخرابات نادر جدا تحصل احد اشتكى منه او من عيوب مصنعيه فيه من مديل 2006 حتى 2008 ولله الحمد

البنزيم حقه يقبل 91 و95 ماتفرق (كلام الكتلوج) وانا على طووووول 91 من شريته وزي الورد ويمشي من 400 الى 530 كيلو بالخط (على حسب الهواء والدعسه) طبعا صرفيته جيده مقارنه بحجم التانكي

العزم تووووووووووووب يفز بكشل رهيب ولا مقارنه بجيوب تويوتا بتااااتا 291 حصان

طبعا مريح جدا جدا بالخط بل هو الافضل بين منافسينه

[الجندي2005]

والله يخوي انا ما جربته لكن لي بعض الملاحظات :

* قيمته اشوف انه غالي ،،،،، سعر فتك رقم واحد
* سمعت وقريت هناك مشكلة بمسامير الثلاجة الموديلات السابقة
* سمعت من واحد من الزملاء ساق موتر ولد عمه في سفر (الرجال طويل189) يقول مريح
* الموتر نازل مقارنة بالجيوب ،،،،،،،،،
* يغريك المواصفات لكن السعر !!!! 132 تقريباً ،،،،،،،،،،،
* اشوف انه ضيق وخاصة المرتبة الخلفية ،،،،،،،،،
* قطع الغيار انتبة لا تكون نار تأكد سمعت انها نااااااااااااااار، ما ني متأكد

الله يرزقنا وياك الموتر ،،،،،، والله لي فتره بلشت مدري الموتر المناسب وشو وانا ماني بعيد عنك ما من بر ،،

[مساير الليل]

* سمعت وقريت هناك مشكلة بمسامير الثلاجة الموديلات السابقة


المشكله هذي كانت في الموديلات 2003-2005 ألي مكينتها 3,5

الجديد تغيرت مكينته كلياًً صارت 4,0