وش را يكم في ا لجيب gxr الجديد 2009

[وشوله]

انا بصراحه ودي اشتري جيب لاند gxr اوgx 2009


ماهو رايكم وسمعت انه يقولن ثقيل وماينفع في البر وش افضل السعودي او خليجي البا زعي او اليحي وكم اسعاره وش افضل اسعار

[القبقب]

أهم شىء تشترى 8 سلندر ياخوي وشوله
مايهم gxr , vxr

[B.A]

اول شي معروف التويوتا عامة مافيه اي سيارة قويه سوى بالنفود او بالاسفلت هذا اذا قارنته بالامريكي و النيسان يعتبر بطة يعني اذا تدور قوة ماكينة لاتقرب التويوتا اما اذا انت تدور الجودة والاعتماديه والمحافظة على السعر فهذه معروفه وتعتبر ماركة مسجله للتويوتا..... ومن ناحيتي انا انصحك بهدد من عند اليحى فل كامل بس لايقربك القير التماتيك خذ لك عادي وبالبر ماعلية نشيط واحسن من الموديل القديم بفرق كبير بس لاتتوقع انه يبي يصير زي الامريكي والنيسان يعني يمشي الحال للشخص اللي ماساق غيرة وكل مذكرته لك من واقع تجربه واي استفسار انا جاهز

[B.A]

بانسبة للسعر اذكر قبل عشرين يوم كان سعر الهدد فل كامل قير عادي من عند اليحى

2008 بسعر 157 الف ريال

و2009 بسعر 167 الف ريال

والله يوفقك لما يحبة ويرضاه

[رادار الشعيبة]

خذ لك برادو2009 وانا اخوك مقاعد جلد وفتحة ومواصفات كاملة ونفس المكينة -130000_140000

[أبو LAMeS]

أهم شىء تشترى 8 سلندر ياخوي وشوله
مايهم gxr , vxr

نفس الكلام أو مكينة سته سلندر لكن تكون مثل مكينة الباثفندر الصراحة طرب ...
لكن رغم ذلك يظل الجيب الثمنية سلندر ثقيل لأن الجديد أثقل من القديم صحيح قوة المكينة زادت لكن ثقله زاد أيضا
وبالنسبة للجيب من 2007 ونازل القير التماتيك ما نجح بالنفود وخصوصا الجي إكس آر والصراحة فرق بين القير التماتيك والقير العادي في النفود طبعا الافضلية للقير العادي

وإذا كنت تبي تختار من بين الثلاثة جميل أو البازعي أو اليحي.... جميل أرخصهم والسبب معروف موتره قص ولزق.... وبالنسبة لليحي ما يعطيك ضمان يعني يقول لك هذا الموتر قدامك وأنت وحضك ولا يخصم لك ريال واحد... وبالنسبة للبازعي أفضل مواصفات لكنه غالي لكن يعطيك ضمان وأيضا صيانته غالية تخيل تغيير بواجي وصفاي بنزين وزيت قير وفلتر القير وموية الارديتر وفحمات فرامل لجيب جي أكس آر 2006 بأكثر من أربعة الاف... ما أدري الحين تعدل وتركوا عنهم الطمع وإلا مازالوا...

أنتبه لنقطة فيه بعض الجيوب مغشوشة تباع على أنها جي إكس آر وهي جي إكس وهاذي أثبتوها الشباب بالصور وإن شاء الله إذا لقيت رابط الموضوع حطيته لك ... يأخذونه من عند أبو جميل جي إكس ثم يباع على السعوديين على إنه جي إكس آر

بالتوفيق وعليك بالاستخارة

[أبو LAMeS]

هذا الرابط وأنا أخوك يذكر فيه صاحب الموضوع طريقة غش الناس فالحذر الحذر..
السلام عليكم ...
اخواني الكرام قبل شهرونص كنت في معرض سيارات في قطر ولفت نظري وجود كميات كبيرة من VXR+GXR وارد السعودية طبعا انا استغربت لأن هذا المعرض كان يجيب كروزر ات من عمان ...سألت العامل عن السبب قال ان راع المعرض صار يتعامل مع شركة عبدالطيف جميل+قال ان صار عندهم مشاكل في التصدير من عمان...
بعد ما خلص الحديث بينا قلت للعامل يفتح لي الGXR دخلت وشفت الموتر ..المهم شفت راعي المعرض حامل كيس فيه علامات gxr-vxr وقام يلزق على الموتر الي موقف قدامي طبعا الشي الغريب هو ان الموتر ماكان عليه علامة من البداية...

بقية القصة والصور على الرابط

http://www.abunawaf.com/post-6559.html

وهذا المصدر الأصلي

http://www.toyota4arab.com/forum/t21896.html

[الجندي2005]

هذا الرابط وأنا أخوك يذكر فيه صاحب الموضوع طريقة غش الناس فالحذر الحذر..
السلام عليكم ...
اخواني الكرام قبل شهرونص كنت في معرض سيارات في قطر ولفت نظري وجود كميات كبيرة من VXR+GXR وارد السعودية طبعا انا استغربت لأن هذا المعرض كان يجيب كروزر ات من عمان ...سألت العامل عن السبب قال ان راع المعرض صار يتعامل مع شركة عبدالطيف جميل+قال ان صار عندهم مشاكل في التصدير من عمان...
بعد ما خلص الحديث بينا قلت للعامل يفتح لي الGXR دخلت وشفت الموتر ..المهم شفت راعي المعرض حامل كيس فيه علامات gxr-vxr وقام يلزق على الموتر الي موقف قدامي طبعا الشي الغريب هو ان الموتر ماكان عليه علامة من البداية...

بقية القصة والصور على الرابط

http://www.abunawaf.com/post-6559.html

وهذا المصدر الأصلي

http://www.toyota4arab.com/forum/t21896.html


تسلم يمبنك ،،،،،،،،،،،،،، حسبنا الله ونعم الوكيل ،،،،،،