عندي صوت طقه وان امشي بالباترول الربع

[D I K T O O R]

السلام عليكم ورحمة الله وبركاته

كيف الحال يالغالين

شباب وانا امشي بالجيب الباترول احس في طقه خفيفه احس انها قدام يمين اذا عشقت بالاول وانا امشي يطق ثم يختفي الصوت وبعض الاوقات مايطلع الصوت

وهزيت السياره وهي واقفه احس بعد ان الصوت يطلع

وش تتوقعون المشكله

المشكله جديده صارت لي الليوم

وقلت خل نشوف يمكن احد عنده حل او صارت له

[ذيب عتيبه]

حياك الله يالدكتوور


جرب يالغالي .. تطلع لك في أرض وعره بعض الشي .. وتتتمشى بالموتر فيها .. وتعلمنا يالغالي يطلع الصوت وآآضح وبشكل شبه متوآصل او لا ؟؟


والله يوفقنا واياك

[D I K T O O R]

يالغالي وين ارض وعره الله يحيك

انا وانا امشي تسمعه كانه حديده عليها ربله تضرب بحديده وبعض الايام مايجي الصوت ابداً ابداً

[الجندي2005]

يبدو لي الربل اللي قدام تحت الصدام حقت البدي.......

[ذيب عتيبه]

يالغالي وين ارض وعره الله يحيك

انا وانا امشي تسمعه كانه حديده عليها ربله تضرب بحديده وبعض الايام مايجي الصوت ابداً ابداً



انا معك يالغالي

ولكن انا بغيت اعرف ان المشكله بالبدي ولا ببطن الموتر


وفيه مشكله القير تصير .. زي صوت الصليب اليا مشيت بالموتر .. وهذي ماتفك الربع .. يبيله مدآراه وتعويد راعيه عليه .. وطريقه تغيير النمر للقير


والله يوفقنا واياك

[ظبي نجد]

صارت عندي زي المشكلة هذي ولما غيرت الربل اللي تحت الموتر كلهن تقريبا راح الصوت بس ما أدري أي الربل كان منها الصوت

تسلم أخي

[صباح القايله]

شف اخوي ربلات المساعد او الربطات الي تجي تحت الدفرنس

[الحضري]

تأكد من جلد عمود التوازن

[D I K T O O R]

شباب الصوت يروح ويجي والقير مابه شي ماشاء الله اعشق عااادي

ولحظة مثل ماقلت لكم ان الصوت يروح ويجي والليوم لفيت يسار والصوت يمين يعني صار ضغظ الموتر يمين وبدا يطق طق وانا لاف يعني وش تتوقعون

وجلد البدي وينها ذي وبكم سهرها تقريبا

والله يوفق كل من ساعدن الله يوسع دربه

[abo_Majed]

الطقطقه يالحبيب دايما بالباترول تكون من مسامير التوازن 4 مسامير وقيمة الوحد 55ريال وغالبا ما يخرب الا اللي ورا

[D I K T O O R]

ياشباب

واحد من الشباب يقول المشكله مو من جلد البدي لئن جلد البدي يطلع صوت عند المطبه والموتر وهو يمشي يطلع صوت يقول يمكن من عامود ربلات التوازن

[D I K T O O R]

يالغالي انكانه من مسامير التوزن الاربعه والواحد بـ 55 يعني بحدود 200 ريال مهيب مشكله لكن الله يستر انكانها كايده

وبيض الله وجيهكم جميعاً

[الوسيطاء]

اخوي اذا تبي العلم الوافي عليك بتغيير الرباط جق الدفرنس الايمن والاكلها والله المشكله منها وخذ العلم وانا اخوك

[D I K T O O R]

الوسيطا وبكم تتوقع قيمته الرابط هذا ووش تقصد بالرابط انت

[D I K T O O R]

ووين النشاما نبي حل تكفون

[ابو ريان الصقر]

السلام عليكم ورحمه الله وبركاته
اخوي شوف كراسي المكينه
وشكرا

[D I K T O O R]

يالغالي ما ااظن انه من كرسي المكينه لئن الصوت يروح ويجي مو دايم وبعض الايام اذا لفيت يسار وصار ضغط الموتر كله يمين بدا يطق

[ابو ريان الصقر]

طيب يالغالي اذا تبي تفحص الكرسي
(1)حط السياره بنمره قويه
(2)اضغط الفرامل ورفع رجلك عن الكلتش بقوه
اذا طلع الصوت يكون كرسي
واسف علي الاطاله
وشكرا

[ولد عنيزة]

ياخوي أنت مركب كعكات قدام
كانك مركب كعكات ترا صوت الطقه منه أحيانا
وشيك على الجلب كلهن حقات قدام وإنشاء الله ماراح تندم

[D I K T O O R]

جااااري التجربه ونشوف يمكن من كرسي المكينه

[D I K T O O R]

يالغالي سويت حركتك ضغط الفرامل ودست ويفاحط بمكانه مافيه صوت ماشاء الله

[رجل كريم]

انصحك تغير ربلات التوازن الامامية واعتقد ان سعرها رخيص ومعظم السيارات تجي ربلتين وتغييرها ما ياخذ ربع ساعة للثنتين .


تحياتي .,

[رجل كريم]

يالغالي انكانه من مسامير التوزن الاربعه والواحد بـ 55 يعني بحدود 200 ريال مهيب مشكله لكن الله يستر انكانها كايده

وبيض الله وجيهكم جميعاً



المسامير ما تتغير اللي يتغير الربلات بس . وتقدر تتأكد ودها الورشة وخلهم يفكونها بتلاقيها مقطوعة او بها شقوق . وانصحك دائما تبدى بالاقل تكلفة .

[رجل كريم]

يالغالي سويت حركتك ضغط الفرامل ودست ويفاحط بمكانه مافيه صوت ماشاء الله



الصوت يطلع بكثرة اذا استخدمت السيارة فترة لن السيارة وهي واقفة ساعات تكون الربلات قاسية شوي فما يظهر معك الصوت الا نادر او قليل وبعد ما تستخدمها شوي يبدى الصوت عند كل قومة للموتر وخاصة عند الاشارات .

تحياتي .

[abo_Majed]

المسامير ما تتغير اللي يتغير الربلات بس . وتقدر تتأكد ودها الورشة وخلهم يفكونها بتلاقيها مقطوعة او بها شقوق . وانصحك دائما تبدى بالاقل تكلفة .

الربله اللي فوق ماتخرب يالغالي المشكله بالربله اللي بوسطها مسمار بكون على شكل رمان بالداخل والربله اللي عليه ما تنباع لحالها ..تقبل تحيتي

[D I K T O O R]

اييه يالغاليي بعض المرات ماتسمع لاصوت ولاشي بس اذا رحت كم مشور وجيت اقومه يطق وبعض الاوقات طبيعي

[D I K T O O R]

جزاكم الله خير

انا اشهد انكم رجال واتعب وانا امدحبكم

[أبوراشد]

الصوت طلع لي مرتين بموتري
مرة صواميل الجنط منحلاّت
والثانيه الصليب منتهي .. هذي ماكتشفه الا واحد من عشره درت عليهم

وان شاء الله تلقى مصدر الصوت

,,,

[حسحوس]

عندي نفس المشكله وكشفت عليها عند ورشة النويصر بالصناعيه القديمه وطلعت من اعمده التوازن الخلفي وخليتهم يغيرونها ويربطون الموتر كله وطلع الموتر كنه جديد . انصحك تروح له .

[D I K T O O R]

حسحوس انا اتوقع انكانه من عامود التوازن فهو اللي قدام لكن بكم غيروه لك وبكم ربطو الموتر كله ؟ وبالليت تاصف الورشه