(((((((((((رابطة ملاك الباثفيندر الجيل القديم ))))))))))))

[بن محفوظ]

هلا ابو فهد وش رايك بطمره تحس انه غرنوق ههههههههههه

وسجل عندك اول باث يطيررررررررررر

النظره الاحترافيه حاضره معك مشاءالله هذى الصوره مقصوصه من مقطع فيديو بس تاكد انه لي :D


(( مقصوصة )) أي إقتصاص .. مجرد نوضيح



ابو صالح .. نبي مقطع الفديو اذا تقدر .. وبصيغة جوااااال ==< طرار و يتشرط

بس ماشاء الله شكل الطمرة قوية زين انه مادخل بعمود الكهرب ههههههههههههههههههه

[A T K 2119]

الموتر 2005 قير عادي .
بالنسبة للصوت حق المكينه تقل مروحه منكسره ..
والصوت اللي يطلع مع المطانيج كل ماكشت زاد صوت طبطبه >>> عاد اشرح طبطبه :):)

جزاك الله خير..

ووش تتوقع طفية الطبلون ولمبات الريوس وش منه ؟

[الدحمنه]

يعطيكم العافية كلن باسمه

معساكم على القوة

[PATHFINDER 4]

كل عام وانتم بخير

والعيد علينا وعليكم مبارك وتقبل الله منا ومنكم صالح الاعمال

:)

[نيسان 807]

(( مقصوصة )) أي إقتصاص .. مجرد نوضيح



ابو صالح .. نبي مقطع الفديو اذا تقدر .. وبصيغة جوااااال ==< طرار و يتشرط

بس ماشاء الله شكل الطمرة قوية زين انه مادخل بعمود الكهرب ههههههههههههههههههه


يعني المقطع عندي بالجوال واخذت هذى اللقطه من المقطع (يعني قصيته )

انا الحين ياله نزلت الصوره تبي انزل مقطع الفديو وبصيغة الجوال بعد هههههههه

بس اذا بغيت مقطع الفديو اجيبه لك ابشر ياخلفهم ..

[نيسان 807]

الموتر 2005 قير عادي .
بالنسبة للصوت حق المكينه تقل مروحه منكسره ..
والصوت اللي يطلع مع المطانيج كل ماكشت زاد صوت طبطبه >>> عاد اشرح طبطبه :):)

جزاك الله خير..

ووش تتوقع طفية الطبلون ولمبات الريوس وش منه ؟


صوت المكينة شيك على مراوح التبريد وان شاء الله مايكون من جنزير المكينة نصيحة رح شيك باسرع وقت ..
اما طفية الطبلون ولمبات الريوس يمكن عندك التماس او الفيوز محترق .
وبنسبة للصوت الى مع المطانيج ماعندي فكره عنه ..
موفق خير ...

[escape_man]

تحية اكبار لابوصالح المرابط على الجبهة ومتولي بالنيابة قيادتها عن ابومحيميد الي غاطس

بهالبران ومهمل عياله :)

-----------
ابوسعود

والله انك اقشر الي حاط حيلك بالفورتشنر .. المفروض ماتوافق على مقاومة الا والطرف الآخر التيما او كابريس :)

الجيوب امرهم مخلوص منه

[A T K 2119]

عافاك الله ماقصرت ..

[smsm007]

مساكم الله بالخير
عندي مشكلة في مروحة المكينة 2003 القاعدة اللي تركب في كلتش المروحة ( البلاستيك ) مشعرة أو فيها تشطيبات . ما ادري أغيرها ولا ما فيها مشكلة . وجزاكم الله خير

[escape_man]

مساكم الله بالخير
عندي مشكلة في مروحة المكينة 2003 القاعدة اللي تركب في كلتش المروحة ( البلاستيك ) مشعرة أو فيها تشطيبات . ما ادري أغيرها ولا ما فيها مشكلة . وجزاكم الله خير

مايبيلها وانا اخوك .. غيرها

هذي من الاجزاء الرئيسية والمرتبطة بالمكينة وبنظام التبريد

مايصح اهمالها

[smsm007]

مايبيلها وانا اخوك .. غيرها

هذي من الاجزاء الرئيسية والمرتبطة بالمكينة وبنظام التبريد

مايصح اهمالها

الله يجزاك خير ... إن شاء الله أروح اغيرها

[بو رؤى]

شريت سيارة موديل 2005 اماراتي

اسمع صوت من تحت رجليني اذا وصلت الى 100 الى 120 تقريبا على الخط السريع .
الدبل غير شغال
عند شراء السيارة واجراء فحص الكمبيوتر عليها قيل لي ان عامود الكردان فيه فضاوة ويحتاج وزن :confused:
( تراي غشيم بالمكانيكا )

ذهبت الى مكانيكي فقال عندك صليب الدبل فيه فضاوة فشريت جديد وركبه ولازال الصوت :(

ذهبت الى اخر فقال لي المشكلة في تروس كرونة الدبل والفضاوة في الكرونه هي سببها :confused:


فما رأيكم ؟

وهل تركاه فيه مشكلة ؟

يا اخوان من يعرف ورشة بالرياض ( القديمة - الدائري - النسيم ) عنده ذمة وأمانه ؟



وجزاكم الله خيرا

[خالد البدائع]

السلام عليكم و رحمة الله و بركاته
عيدكم مبارك و كل عام و انتم بخير
أخوي عنده باثفندر موديل 2005 غير زيت و سيفون قطع عليه 1600 كيلو اغلبها كانت سرعته 120 و نادرآ مايوصل الى 140 (يعني داخل ديره ) مو خط متواصل فتفاجأ بأنه ربع علبه ناقصه - السؤال هنا لو اخوي ماسك خط طويل و ماشي 140 هل فيه خوف ان الزيت ينقص اكثر من كذا أو لاسمح الله يبدا يدخن مع العلم ان موتره ماشالله مايدخن (تقبلو مروري و تحياتي)

[الموسيقار6]

شباب من قد نظف فلتر المكيف للباث 2005 ,,

[escape_man]

شباب من قد نظف فلتر المكيف للباث 2005 ,,

الظاهر انه مايتنظف .. الي يتنظف الباث الامريكي على كلام المحترف والله اعلم

[ابو النادر]

مساء الخير
يا الربع عندي ساعة الطبلون يوم تشتغل وشهر طافيه
الكهرب واصل لها والفيوز مضبوط من يعطيني الخبر وله دعوه

[نيسان 807]

هلا وغلا ببو المثنى زي منت خابر العيد ذى مسكين أرضنا عزايم بالنهار والنت بالليل وعلى هالموال بــــــــــــــــــس متى يجي الاسبوع الجاي :f ........





هلا ابو نادر مبطين عنك ياشيخ بنسبة للساعة مدام انك تقول ان الكهرب واصل والفيوز مظبوط فدور على ساعه عند اي كهربائي وشبكها ولا رح لتشليح واشرط على انها تشتغل ولا ترجع له وان من الحرصين على الوقت وساعة السيارة لازم تكون متقدمة خمس دقايق >>>> موسوس :confused:
موفق خير ...

[escape_man]

:alarm: كل الشكر لبو محيميد:alarm:
:hot:

شكل فيه مكاشيت من ورانا يابوصالح

اقول عجل بالفيديو

انا بديت احس بشعور غريب وبدت الوساوس

تودي فيني وتجيب

عجل علينا :director:

[نيسان 807]

على طاري ابو محيميد تراه غااااطس بالكشتات :f مهب لمنا وشكلي ابداهمه اذا فيه احد بيروح معي يقولي بس اهم شيء لايدري ابو محيميد :D .

تحصل مقطعي على اليوتوب بس لاتتفاجىء اذا شفت شيء مايسر :( .

[abo abdrahman]

السلام عليكم ورحمه الله وبركاته
حياكم الله اخواني
كل عام وانتم بخير
وتقبل الله منا ومنكم صالح الاعمال

وانا ابي شوركم يالاجاويد
انا بخاطري اشري جيب باثفندر 2003م يقولون مكينته اقوى من 2002م
وانا فلوسي حول 37الف وشرايكم يجيب لي جيب باثفندر2003م

والااشري جيب 2002 واحط عليه مكينه 2003

عطوني شوركم
انا متوكلن على الله ثم عليكم
بالمشورهـ

وماهي عيوب الجيب ومميزاته.

الله يبارك فيكم انشاءالله


والسلام عليكم

[الموسيقار6]

لا أن شاء الله بيجيب لك 2003 بس لاتستعجل ودور النظيف ,,
ودور في المنتديات أفضل لك من المعارض لأني أشوف أكثر اللي في المعارض
رايح فيها ,,

[ابوقاسم]

العيد مبارك على الجميع
وعساه يعود علينا بالخير واليمن والمسرات
ولو انها جات متأخرة بس ما يهم قبل الدوام اهم شي
تحياتي

[قناص قميري]

السلام عليكم

باث فندر 2003

مغير مكينته الى 2005 بسبب المسامير الي بالثلاجه

اللون لؤلوي

فتحه قير توماتيك(فل كامل)

الموتر سليم من الضربات(الصدمات)

مسيوم 40

سلام

[بو رؤى]

:no2: لايبو وافي تختلف لافي السماكة ولا في الحجم




السلام عليكم

ورشة ابو ابراهيم وين لو تكرمتم ؟

ورقمه ؟

هل يفحص هو ويشتغل بيده ام هو موجهه ومشرف ؟

[abu_nayf]

السلام عليكم

ورشة ابو ابراهيم وين لو تكرمتم ؟

ورقمه ؟

هل يفحص هو ويشتغل بيده ام هو موجهه ومشرف ؟

ورشة ابو ابراهيم في صناعية الدائري اسمها ورشة الثنيان مقابل مسجد الصناعية

ورقم جواله بعد اذن الادارة 0554889337

والرجال يشرف ويفحص ويشتغل ,,

[بوخليفه2005]

كل الشكر لكم ولمواضيعكم الجميله

أخوكم بوخليفه (الإمارات)

[abu_nayf]

حياك الله اخوي ابو خليفة

[علياص]

الله حيهم وشلون الشباب كل عام وانتم بخير

عندي الموتر اذا مشيت عليه فوق الساعه تطلع ريحه من جوا الموتر بين عصا القير والدبل

الحل الله لا يهينكم

[طايربلي جنااح]

الله حيهم وشلون الشباب كل عام وانتم بخير

عندي الموتر اذا مشيت عليه فوق الساعه تطلع ريحه من جوا الموتر بين عصا القير والدبل

الحل الله لا يهينكم

حيااك ياابو

عندك ربلة عصاا القير يبيله تغير وقيمته 40 ريااال

نفس مشكلتي

[ابو النادر]

هلا ابو نادر مبطين عنك ياشيخ بنسبة للساعة مدام انك تقول ان الكهرب واصل والفيوز مظبوط فدور على ساعه عند اي كهربائي وشبكها ولا رح لتشليح واشرط على انها تشتغل ولا ترجع له وان من الحرصين على الوقت وساعة السيارة لازم تكون متقدمة خمس دقايق >>>> موسوس :confused:
موفق خير ...


حياك اخوي موجودين واش اخبار الاجتماع المطر وطاح نبينا طلعة خفافيه

[راعي الشبات]

السلام عليكم ورحمة الله وبركاته
وكل عام وانتم بخير وتقبل الله منا ومنكم صالح الاعمال
أنا ياجماعة الخير عندي باث 2005 صارتلي فيه مشكلة إن شاء الله انها بسيطه وهي
المفتاح ما يفتح ولا يقفل إلا باب السواق وباقي الأبواب ما يفتحه
والريموت ما يفتح بعد وغيرة الحجر ولا فيه فايده
علما أن كل الأمور هذي صارة بعد تشغيل السيارة عن طريق الأشتراك لانها كانت طافيه وقبل احط الأشتراك كان كل شي سليم
قدر الله وما شاء فعل

[A T K 2119]

كانت عندي مشكله ان الطبلون والدرايش ولمبة الريوس بعض الأحيان ماتشتغل صارت كتاوت جامعهن كلهن غيرته وضبظ عند بن ماضي بـ 60 وتسانك تبي رخيص بقطع الغيار المستعمله تلقاه بحدود الـ 20 .

[خالد البدائع]

ياجماعه مارديتم على استفساري بالصفحه السابقه

[Gm Bas Gm]

السلام عليكم



وكل عام وانتم بخير


---------------------------------


شباب الايام هذي اشوف معاي الباث اذا تركته فتره بسيطة شغال يطلع دخان ازرق


الحمد لله ما فيه نقص زيت هل مرت مع احد منكم الحالة هذي










سلام





!!!!!!!!!!!!!!!!!!!!!!!!!!!!!!

[علياص]

حيااك ياابو

عندك ربلة عصاا القير يبيله تغير وقيمته 40 ريااال

نفس مشكلتي

الله يجزاك خير

افدر اركبه انا ولا يبي له شغله

[مكيشيت]

عضو جديد معكم في هذه الرابطةوإن شاء الله نفيد ونستفيد

[نيسان 807]

السلام عليكم ورحمه الله وبركاته

حياكم الله اخواني
كل عام وانتم بخير
وتقبل الله منا ومنكم صالح الاعمال


وانا ابي شوركم يالاجاويد
انا بخاطري اشري جيب باثفندر 2003م يقولون مكينته اقوى من 2002م
وانا فلوسي حول 37الف وشرايكم يجيب لي جيب باثفندر2003م


والااشري جيب 2002 واحط عليه مكينه 2003


عطوني شوركم
انا متوكلن على الله ثم عليكم
بالمشورهـ


وماهي عيوب الجيب ومميزاته.


الله يبارك فيكم انشاءالله




والسلام عليكم



وعليكم السلام هلابك اخوى ابو عبدالرحمن بيننا..
دراهمك وان اخوك تجيبلك 2003 براحه ويمكن 2004 اذا صبرت بعد الشتاء بس يكون ماشي شوي .
اما سالفة فك مكينة وركب مكينة حاول انك ماتفكر فيها لانها صعبه شوي ومكلفه
واذا تبي شوري اصبر بعدالشتاء ورح لم المعارض وطق طب عندهم وراح تحصل 2004
لكن لا تدقق على اشياء ثانويه وهي البدي او الكفرات او المساعدات اهم شيء القير والمكينة اذا هي بحالة ممتازة توكل على الله .
اما عيوبة عندك الزيت ينقص شيء بسيط ومميزاته طالع التوقيع وبتعرف ..

تحيتي لكـ..

[نيسان 807]

السلام عليكم

باث فندر 2003

مغير مكينته الى 2005 بسبب المسامير الي بالثلاجه

اللون لؤلوي

فتحه قير توماتيك(فل كامل)

الموتر سليم من الضربات(الصدمات)

مسيوم 40

سلام


وش المقصد من المشاركه هذى :looney: !!!

[نيسان 807]

كل الشكر لكم ولمواضيعكم الجميله

أخوكم بوخليفه (الإمارات)


بوخليفه حياك الله بين أهلك وربعك

[نيسان 807]

السلام عليكم ورحمة الله وبركاته
وكل عام وانتم بخير وتقبل الله منا ومنكم صالح الاعمال
أنا ياجماعة الخير عندي باث 2005 صارتلي فيه مشكلة إن شاء الله انها بسيطه وهي
المفتاح ما يفتح ولا يقفل إلا باب السواق وباقي الأبواب ما يفتحه
والريموت ما يفتح بعد وغيرة الحجر ولا فيه فايده

علما أن كل الأمور هذي صارة بعد تشغيل السيارة عن طريق الأشتراك لانها كانت طافيه وقبل احط الأشتراك كان كل شي سليم
قدر الله وما شاء فعل




هذى ولله غريبه ...

طيب جرب تعيد البرمجة وقلي وش يصير معك ..

[نيسان 807]

ياجماعه مارديتم على استفساري بالصفحه السابقه



اسف على التلخير ..
بنسبة لنقص الزيت هذى عيب مصنعي واذا كان اخوك من ملاك الباث فسلملي عليه وقله يقولك اخوك ابو صالح عين يوم واحد بالاسبوع يشيك على الزيت بشكل دوري .
تحيتي لكـ..

[نيسان 807]

اخوى قم بس قم
عطنا موديل موترك وكم ماشي ومانوع الزيت الى تستخدمه ..

[المحترف800]

السلام عليكم ورحمة الله وبركاته
وكل عام وانتم بخير وتقبل الله منا ومنكم صالح الاعمال
أنا ياجماعة الخير عندي باث 2005 صارتلي فيه مشكلة إن شاء الله انها بسيطه وهي
المفتاح ما يفتح ولا يقفل إلا باب السواق وباقي الأبواب ما يفتحه
والريموت ما يفتح بعد وغيرة الحجر ولا فيه فايده



علما أن كل الأمور هذي صارة بعد تشغيل السيارة عن طريق الأشتراك لانها كانت طافيه وقبل احط الأشتراك كان كل شي سليم
قدر الله وما شاء فعل









هلابك أخوي ..

صارت معي قبل فتره كانت بطارية السياره عندي دمااااااار وعطيته إشتراك وحصلت لي نفس المشكله

ورحت لكهربائي وقال يبغها برمجه أو زي كذا ماأذكر بالضبظ ، المهم رحت للوكاله قال يبغالها برمجه من

جديد والقيمه فوق 300 ريال .. وخليته ولا زينة فيه شي ورجع على ماهو عليه أشتغل الريموت والمفتاح

يفتح ويقفل جميع الابواب بس أصبر شوي ..

وعطنا علم وش يصير معك ..

تحياتي لك ..

[خالد البدائع]

مشكور أخوي نيسان807 و الله لايحرمنا منك

[راعي الشبات]

يعطيك العافية اخوي المحترف 800
ابشرك الأمور زينة وكل شي ضبط
اول شي رحت لكهربائي وقالي لازم تغير الدينمو حق الأقفال
ورحت لثنين وكلهم يقولون لازم توقف السياره ونفحص الكهرب
ويوفق الله ويذكرلي واحد كهربائي سوري ومدحه لي وأنا اروح لمه وشرحله القضيه وقالي أن شاء الله انها بسيطه
فحص الفيوز الي بالسياره كله وكل شي سليم بعدين طلع ثلاث فيوز كبار الي بعلبة الفيوز الي بجنب البطاريه وفحص الكهرب مكان الفيوز الي طلعهن وبعدين ركبهن وقبل يطلع الفيوز الكبار اشتغل بالمنطقه الي بين الدركسون والدواسات
وبعدين جرب الأقفال والريموت والحمد الله اشتغل كل شي
والشغله كله ما خذت ثلث ساعه وخذ من 50 ريال
وقالي احمد ربك ما رحت لواحد وحرقلك الظفيره فقلت الحمد لله
والحمد لله الحين كل شي طبيعي

[Gm Bas Gm]

اخوى قم بس قم




عطنا موديل موترك وكم ماشي ومانوع الزيت الى تستخدمه ..





موديل 2003
ماشي 150 الف كيلو متر
اسخدم زيت الترا 7

[دايت]

السلام عليكم

كل عام وانتم بخير . .

يالربع هواء البيبان عندي مزعج بصراحة . .

اللي عنده حل يفيدنا ياالغالييين . .

:)

[alsamr]

السلام عليكم جميع
هذي اول مشاركه لي معكم ولو اني اتابع بشكل يومي ولكن عندي نصيحه للاخوان ملاك الباثفيندر بما اني واحد منهم وصاحب تجربه وهي ان معضم الاخوان ماخذين السياره مستخدمه ويبونها ما تطلع صوت طقطقه او تنسيم هواء وغيره مثل معضم المشاكل المطروحه.
نصيحه للجميع لو بتابع ورا كل مشكله في السياره خصوصا الاشياءاللي ما تعطل السياره او تكون خطره والله ان يضيع وقتك وفلوسك كلها في الصناعيه من غير فايده. واحد من الاخوان في هالمنتدئ يقول ان يصرف حول 1400 ريال شهريا على الباثفيندر ؟؟؟؟؟؟ يعني لو اشترا جديد افضل على الاقل وفر وقت له ولأهله بدل يضيعه في الورش.
المقصد ان الشخص يكون منطقي السياره انت مشتريها غالبا عشان تمشيات وروحات وجيات مهو تدلعها .بعدين النيسان معروف عنه قوه المكينه وتحملها لكن يتهربد بسرعه.

[abu fares]

alsamr

كلامك منطقي وعقلاني

[بن محفوظ]

نفس سؤال الاخ دايت


فيه حل ... والا نسوي تربيط و وزن بيبان

[abo abdrahman]

السلام عليكم يالربع


صباحكم الله بالخير انا عزمت اشتري باثفندر 2003 او 2004


وياليت من يخبر لي سيارة يراسلني على الخاص
علما ان قدرتي الماديه الى 45الف ريال


والله يوفقنا وياكم


اخوكم
ابوعبدالرحمن التميمي

[قناص قميري]

http://www.mekshat.com/vb/showthread.php?p=3525758#post3525758

[abo abdrahman]

السلام عليكم ورحمه الله
اخوي قناص قميري

ممكن معلومات عن السيارة اكثر وصورة لها على الايميل f0of@live.com
واكون شاكر لك ومقدر

[للغالين فقط]

موديل 2003
ماشي 150 الف كيلو متر
اسخدم زيت الترا 7



الظاهر عندك جلد البلوف

هذا يصير بـ التويوتا كثير

[قاع بير]

السلام عليكم جميع
هذي اول مشاركه لي معكم ولو اني اتابع بشكل يومي ولكن عندي نصيحه للاخوان ملاك الباثفيندر بما اني واحد منهم وصاحب تجربه وهي ان معضم الاخوان ماخذين السياره مستخدمه ويبونها ما تطلع صوت طقطقه او تنسيم هواء وغيره مثل معضم المشاكل المطروحه.
نصيحه للجميع لو بتابع ورا كل مشكله في السياره خصوصا الاشياءاللي ما تعطل السياره او تكون خطره والله ان يضيع وقتك وفلوسك كلها في الصناعيه من غير فايده. واحد من الاخوان في هالمنتدئ يقول ان يصرف حول 1400 ريال شهريا على الباثفيندر ؟؟؟؟؟؟ يعني لو اشترا جديد افضل على الاقل وفر وقت له ولأهله بدل يضيعه في الورش.
المقصد ان الشخص يكون منطقي السياره انت مشتريها غالبا عشان تمشيات وروحات وجيات مهو تدلعها .بعدين النيسان معروف عنه قوه المكينه وتحملها لكن يتهربد بسرعه.

وعليكم السلام

وانا معك وكلامك سليم 100% :good2:

______________________

اللهم سقيا رحمه لا سقيا عذاباً ولا هدم ولا غرق..

[نيسان 807]

اخوى قم بس قم
ان مخاب ضني يبغلك تنضيف البخخات يقاله تصفية مكينة او زي مقال اخوى للغالين فقط جلد البلوف .
واذا ضبط معك الموتر علمنا وش صار معاك علشان نستفيد منك ..
موفق خير ..

[نيسان 807]

اخوى دايت و بن محفوظ
البيبان عندي زينه مابه تنسيم لكن الباب الخلفي (باب الشنطه ) يهو مزعج ولكن ابسوى تربيط الايام الجاية ان شاء الله واعلمكم وش صار معي ..

ابو فهد وش صار بالحراره بشر عس الأمور تمام .

[الراقي 999]

أهلين شباب

الخير مبارك على الجميع


أنا عندي باث 2003 إذا لفيت الطاره يمين مرة يطلع صوت عند الكفر اللي على يسار وش هذا الصوت وش تتوقعون منه ؟؟؟؟

[PATHFINDER 4]

أهلين شباب

الخير مبارك على الجميع


أنا عندي باث 2003 إذا لفيت الطاره يمين مرة يطلع صوت عند الكفر اللي على يسار وش هذا الصوت وش تتوقعون منه ؟؟؟؟



كم مقاس كفراتك ؟؟

انا مركب كفرات اعرض من الوكالة واسمع صوت الكفر يحك بالرفرف اذا كسرت الطارة

[الراقي 999]

كم مقاس كفراتك ؟؟




انا مركب كفرات اعرض من الوكالة واسمع صوت الكفر يحك بالرفرف اذا كسرت الطارة



لا مقاس الكفر عادي 17 ولا يحك في الرفرف

[PATHFINDER 4]

ابوسعود

والله انك اقشر الي حاط حيلك بالفورتشنر .. المفروض ماتوافق على مقاومة الا والطرف الآخر التيما او كابريس :)

الجيوب امرهم مخلوص منه



هلابكـ بن غييثات الجايات اكثر يابعدي الاوله مع الفشفش وعقبال المكسيما 2010<أستر عليه :D




===================




كيف الاجواء معكمـ يالربع :c الله يجيب >>:l قولو آمين ,, تسان تطلع الكشتات :good2:



^
^^
استانس على الابتسامات هع

[PATHFINDER 4]

لا مقاس الكفر عادي 17 ولا يحك في الرفرف



أخوي هذا مقاس الجنط

اللي عليه الكلام ارتفاع وعرض الكفر مقاس جنط موتري مثلك 17 لكن الكفر اعرض من شد البلد

[دايت]

اخوى دايت و بن محفوظ

البيبان عندي زينه مابه تنسيم لكن الباب الخلفي (باب الشنطه ) يهو مزعج ولكن ابسوى تربيط الايام الجاية ان شاء الله واعلمكم وش صار معي ..


ابو فهد وش صار بالحراره بشر عس الأمور تمام .




هلا والله ياغالي . .

والله يابن الحلال البيبان زي ماقريت ..

صوت الهواء يوش الراس ووش..؟؟!!

والباب الخلفي عندي مشكلة انه يتسكر بس اذا لفيت او جا بطانيج تولع لمبته..؟!

حطيت لستك كفر سيكل ع الماصورة وصار ثقيل بالصكة والفتحة بس مازالت ..!

والحين انفكت ..

اغدينا ان شاءالله نلقى له حل . .

الله لا يهينك..
:)

[العابر2222]

السلام عليكم يا اهل الباثفندرات شكلي بأنظم لرابطتكم وبأشتري باثفندر انا من ملاك البترول

عندي استشااارة وابي فزعتكم فيهاا لأنكم اكثر خبرة في الباثفندرات

انعرض علي باثفندر 2002 اسود فل كامل فتحه تماتيك بأسم راعيه من الوكالة ماشي 160 الف ويقول انه موضبه قبل 4 اشهر فحصت الموتر ممتاز قير ومكينة وبديه جديد جدا فيه بعض الحكوك مصلحه

لاكن المشكله عمود الدبل مهوب فيه مفكوك والرجال يبي يبيع بكرة باي سعر سمته من بحدود 22 الف وقال نصيبك

لاكن المشكلة الحين كيف افحص الدبل والرجال يقول بكرة العصر انا رايح المعارض انجيت وجبت فلوسك فهو لك وان ما جيت بطببه وببيعه بالي يجي

وششش الحل

[دايت]

العابر. .

عسى الله يطعمك من خيره ويكفيك شره . .

هذا رقم ابو ابراهيم عنده ورشة ومتخصص بالباث فاندر . .

اتصل عليه وخله يشوف الموتر وهو رجال نصوح ونعم فيه والله . .

وإن كان ربي كاتبه لك فهو نصيبك وإن ماجاك فعساه خيره إن شاءالله . .

0554889337 -- ابو ابراهيم . .

:)

[العابر2222]

بيض الله وجهك اخوي دايت على ردك

وين ورشته ابو ابراهيم ... وهل بحصل عنده عمود للدبل عشان اجرب الموتر

ووش رايك بالسعر ؟

[دايت]

ورشة ابو ابراهيم في صناعية الدائري . .

وماادري عنه بتحصل او لا . .

ومااقدر افيدك بالأسعار . .

:)

[س ق ق 808]

السلام عليكم


اخواني انا عندي باثفندر 2005 الموتر به تفتفه يعني لاوقفت الموتر احس ان المكينه مهب صافيه ترتره به خفيفه قلت يمكن من البواجي لاني مبطي ماغيرتهن وماراحت وش المشكله الله لايهينكم

[ms662]

السلام عليكم يا اهل الباثفندرات شكلي بأنظم لرابطتكم وبأشتري باثفندر انا من ملاك البترول

عندي استشااارة وابي فزعتكم فيهاا لأنكم اكثر خبرة في الباثفندرات

انعرض علي باثفندر 2002 اسود فل كامل فتحه تماتيك بأسم راعيه من الوكالة ماشي 160 الف ويقول انه موضبه قبل 4 اشهر فحصت الموتر ممتاز قير ومكينة وبديه جديد جدا فيه بعض الحكوك مصلحه

لاكن المشكله عمود الدبل مهوب فيه مفكوك والرجال يبي يبيع بكرة باي سعر سمته من بحدود 22 الف وقال نصيبك

لاكن المشكلة الحين كيف افحص الدبل والرجال يقول بكرة العصر انا رايح المعارض انجيت وجبت فلوسك فهو لك وان ما جيت بطببه وببيعه بالي يجي

وششش الحل

الي مثل السياره هذي يسام الايام الي راحت 34000ريال
سعره خيالي مره مره اذا ماكان فيه الا عمود الدبل بس
توكل على الله

[قناص قميري]

السلام عليكم يا اهل الباثفندرات شكلي بأنظم لرابطتكم وبأشتري باثفندر انا من ملاك البترول

عندي استشااارة وابي فزعتكم فيهاا لأنكم اكثر خبرة في الباثفندرات

انعرض علي باثفندر 2002 اسود فل كامل فتحه تماتيك بأسم راعيه من الوكالة ماشي 160 الف ويقول انه موضبه قبل 4 اشهر فحصت الموتر ممتاز قير ومكينة وبديه جديد جدا فيه بعض الحكوك مصلحه

لاكن المشكله عمود الدبل مهوب فيه مفكوك والرجال يبي يبيع بكرة باي سعر سمته من بحدود 22 الف وقال نصيبك

لاكن المشكلة الحين كيف افحص الدبل والرجال يقول بكرة العصر انا رايح المعارض انجيت وجبت فلوسك فهو لك وان ما جيت بطببه وببيعه بالي يجي

وششش الحل

توكل على الله

[مرير الشوق]

السلام عليكم ورحمة الله وبركاته

كل عام وانتم بخير ...

والله ولكم وحشه ..

واعذروني على الانقطاع البسيط اللي صار مني مثل منتو عارفين

اعياد .. واجواء جميله ولله الحمد هههههههه

وان شاء الله نكون معكم من اليوم ورايح ..

وبالنسبه عندي مشكله

اللي هي اذا جيت الف يمين يلف الموتر يسار ...

هههههههههه

<<<<<<<<< بدينا بالاستهبال بعد العيد والاجواء الحلوة

[Gm Bas Gm]

اخوى قم بس قم

ان مخاب ضني يبغلك تنضيف البخخات يقاله تصفية مكينة او زي مقال اخوى للغالين فقط جلد البلوف .
واذا ضبط معك الموتر علمنا وش صار معاك علشان نستفيد منك ..

موفق خير ..




ان شاء الله


بنجرب الاسهل على اني شاك في نوعية الزيت


وراح نعطيكم النتيجة بأذن الله



مشكوووورين

[Gm Bas Gm]

السلام عليكم جميع
هذي اول مشاركه لي معكم ولو اني اتابع بشكل يومي ولكن عندي نصيحه للاخوان ملاك الباثفيندر بما اني واحد منهم وصاحب تجربه وهي ان معضم الاخوان ماخذين السياره مستخدمه ويبونها ما تطلع صوت طقطقه او تنسيم هواء وغيره مثل معضم المشاكل المطروحه.
نصيحه للجميع لو بتابع ورا كل مشكله في السياره خصوصا الاشياءاللي ما تعطل السياره او تكون خطره والله ان يضيع وقتك وفلوسك كلها في الصناعيه من غير فايده. واحد من الاخوان في هالمنتدئ يقول ان يصرف حول 1400 ريال شهريا على الباثفيندر ؟؟؟؟؟؟ يعني لو اشترا جديد افضل على الاقل وفر وقت له ولأهله بدل يضيعه في الورش.
المقصد ان الشخص يكون منطقي السياره انت مشتريها غالبا عشان تمشيات وروحات وجيات مهو تدلعها .بعدين النيسان معروف عنه قوه المكينه وتحملها لكن يتهربد بسرعه.



هلا اخوي


انا معاك بس ............
بعض الامور أو الاعطال لبد العلاج او حل المشكله مباشره

مو اي مشكله نغمض عنها

فيه اشياء تكميلية او خفيفة مثل تهرب هواء صوت طقطقه خفيفه الخ ........ هذي وسع صدرك

بس اشياء بالمكينة او القير اتوقع حلها مباشر ضرووووري
وخاصة الى اعدمت الناس ومتعقد منها مسامير الثلاجه



مجرد وجة نظر وشكراً

[دايت]

سلام يالربع . .

مساكم الله بالخير . .

اليوم يالربع الصبح وانا طالع من البيت يوم إني لفيت يسار حول مديور طلع لي صوت طقة قدام..؟!
وتقل إنا قدام الدركسون بالضبط . .
وإذا رجع الدركسون للوضع العادي وانا مهدي السرعة او واقف تطق بس أخف من الأولى..

مع العلم إني امس موقفه مافيه لا كل خير . .
والظاهر انه كنه صوت جلد او ربل او هيك شيء..؟!

كان احد له خلفية عن هالصوت يفيدنا ..

:)

[المحترف800]

مساكم الله بالخير ..

عندي تانكي ألمنيوم حدود 100 لتر للــــــــــبـــــــــــــــيـــــــــــع ..

أول سومه له 400 ريال .. مسدوح ملبس بسود ..

[بن محفوظ]

مساكم الله بالخير يالربع ... ومبارك علينا و عليكم الامطار و الخيرات ...


يشرفني مروركم و تعليقكم على الرابط التالي ...

http://www.mekshat.com/vb/showthread.php?t=249939

[س ق ق 808]

السلام عليكم
مارديتو على مشاركتي ابي احد يفيدن

اخواني انا عندي باثفندر 2005 الموتر به تفتفه يعني لاوقفت الموتر احس ان المكينه مهب صافيه ترتره به خفيفه قلت يمكن من البواجي لاني مبطي ماغيرتهن المهم غيرت البواجي وماراحت وش المشكله الله لايهينكم

[الجواب33]

مساكم الله بالخير ..

عندي تانكي ألمنيوم حدود 100 لتر للــــــــــبـــــــــــــــيـــــــــــع ..

أول سومه له 400 ريال .. مسدوح ملبس بسود ..




ترسلي رقمك على الخاص لان الي يبيه موب انا واحد من اخوياي لاهنت

[دايت]

اخوي س ق ق يمكن طرمبة البنزين او منظم الهواء . .

رح لابو ابراهيم يشيك لك عليها احسن لك . .

:)

[مرير الشوق]

صبحكم الله بالخير


يالربع صار لي فتره يمكن اسبوع وانا لين جيت اغسل الموتر احصل المساعد الخلفي
الايسر يطلع منه زيت من الجزء السفلي وماسك فيه تراب ..؟

وش الحل ..؟

مع ان مافيه لا صوت ولا قربعه ولا شئ ..؟

بس زيت ..؟

نبي حل سريع يمال العافيه

[عبدالرحمن السالم]

سلام يالربع . .

مساكم الله بالخير . .

اليوم يالربع الصبح وانا طالع من البيت يوم إني لفيت يسار حول مديور طلع لي صوت طقة قدام..؟!
وتقل إنا قدام الدركسون بالضبط . .
وإذا رجع الدركسون للوضع العادي وانا مهدي السرعة او واقف تطق بس أخف من الأولى..

مع العلم إني امس موقفه مافيه لا كل خير . .
والظاهر انه كنه صوت جلد او ربل او هيك شيء..؟!

كان احد له خلفية عن هالصوت يفيدنا ..

:)

هلابك أخوي .. طيب ومع المطبات او البطناج ؟!

شف تأكد من جلب المساعد يمكن منها الطقه

موفق خير

[عبدالرحمن السالم]

السلام عليكم
مارديتو على مشاركتي ابي احد يفيدن

اخواني انا عندي باثفندر 2005 الموتر به تفتفه يعني لاوقفت الموتر احس ان المكينه مهب صافيه ترتره به خفيفه قلت يمكن من البواجي لاني مبطي ماغيرتهن المهم غيرت البواجي وماراحت وش المشكله الله لايهينكم

غير صفاية البنزين إلى تجي عند الاستبنه وخذها من الوكاله وماعليه خلاف
وخذها قاعدة خلك كل 50 ألف أو 60 ألف غير بواجي وصفاية بنزين وابشر بالموتر إلى راح يعيش معك بأذن الله :good2:

موفق خير

[عبدالرحمن السالم]

صبحكم الله بالخير


يالربع صار لي فتره يمكن اسبوع وانا لين جيت اغسل الموتر احصل المساعد الخلفي
الايسر يطلع منه زيت من الجزء السفلي وماسك فيه تراب ..؟

وش الحل ..؟

مع ان مافيه لا صوت ولا قربعه ولا شئ ..؟

بس زيت ..؟

نبي حل سريع يمال العافيه

اذا مساعدك وكاله ترا على وشك انه ينفقع :D

وهذا الزيت دلاله على انه مش مضبوط وقرب ينتهي

الحل السريع مامثل المساعدات الغاز .. انسى الزيت وانسى التفقع :p

موفق خير

[عبدالرحمن السالم]

الا بسألكم .. الحين الباث يحتاج مشاحم من قدام ؟!

[escape_man]

السلام عليكم ورحمة الله وبركاته

كل عام وانتم بخير ...

والله ولكم وحشه ..

واعذروني على الانقطاع البسيط اللي صار مني مثل منتو عارفين

اعياد .. واجواء جميله ولله الحمد هههههههه

وان شاء الله نكون معكم من اليوم ورايح ..

وبالنسبه عندي مشكله

اللي هي اذا جيت الف يمين يلف الموتر يسار ...

هههههههههه

<<<<<<<<< بدينا بالاستهبال بعد العيد والاجواء الحلوة

هلابك اخي السائل ..

حل هالمشكلة موجود .. ولم العزية والتويس وقابلنا بالنفود وبحول الله راح نعمل على حلها لوجه الله

[عبدالرحمن السالم]

السلام عليكم جميع
هذي اول مشاركه لي معكم ولو اني اتابع بشكل يومي ولكن عندي نصيحه للاخوان ملاك الباثفيندر بما اني واحد منهم وصاحب تجربه وهي ان معضم الاخوان ماخذين السياره مستخدمه ويبونها ما تطلع صوت طقطقه او تنسيم هواء وغيره مثل معضم المشاكل المطروحه.
نصيحه للجميع لو بتابع ورا كل مشكله في السياره خصوصا الاشياءاللي ما تعطل السياره او تكون خطره والله ان يضيع وقتك وفلوسك كلها في الصناعيه من غير فايده. واحد من الاخوان في هالمنتدئ يقول ان يصرف حول 1400 ريال شهريا على الباثفيندر ؟؟؟؟؟؟ يعني لو اشترا جديد افضل على الاقل وفر وقت له ولأهله بدل يضيعه في الورش.
المقصد ان الشخص يكون منطقي السياره انت مشتريها غالبا عشان تمشيات وروحات وجيات مهو تدلعها .بعدين النيسان معروف عنه قوه المكينه وتحملها لكن يتهربد بسرعه.

صحيح كلام عين الصواب :good2: الحمد الله انا ماخذه جديد وياربي لك الحمد ما اشتكي منه ياربي لك الحمد الا الاشياء الاستهلاكيـه وابد الامور على مايرام .. انتم لاتدققون بمواتركم والله ماعليها خلاف ان شاء الله
انا اعرف واحد معه 2001 دخل للمنتدي وقرا الردود واستغرب يقول رغم اني جالد السياره ماقد حصل لى اى شى الحمد الله
فا لاتدققون وعسى الله يوفقكم ان شاء الله

[escape_man]

الا بسألكم .. الحين الباث يحتاج مشاحم من قدام ؟!


الي اعرفه انه فيه مشحمة العمود حق الدبل فقط

[escape_man]

مساكم الله بالخير يالربع ... ومبارك علينا و عليكم الامطار و الخيرات ...


يشرفني مروركم و تعليقكم على الرابط التالي ...

http://www.mekshat.com/vb/showthread.php?t=249939


افا عليك يابوفهد .. انت كثر صور ومالك الا من يرفع في مواضيعك سنة :D

[عبدالرحمن السالم]

الي اعرفه انه فيه مشحمة العمود حق الدبل فقط

هلا بن غييثات ياهلا .. الحمد الله من مشى الموتر 50 وحنى طاقين الفرارات :p
خله يفصل هالعامود إلى يدور معي على غير سنع ;) خصوصاُ بالديره

لاهنت والله وماقصرت ، بس حبيت استفسر لان مع البطانيج يصوصو الصدام تسأنها زقزقزه عصافير ايقنت انه من الصدام لاني تزد فكيته عشان ارشه جايته كم حكه وقلت يمكن يبي له مشاحم عشان يروح
بس دام مايحتاج زين على زين :good:

لاهنت

[عبدالرحمن السالم]

افا عليك يابوفهد .. انت كثر صور ومالك الا من يرفع في مواضيعك سنة :D

اى والله ههههههههههههههههههه

كثر ومالك الا إلى يرشحك بمسابقة خزان الودي الشهريه واغديك تفوز به وتحصل لنا طلعه ونجربه معك :good2:

[مرير الشوق]

اذا مساعدك وكاله ترا على وشك انه ينفقع :D

وهذا الزيت دلاله على انه مش مضبوط وقرب ينتهي

الحل السريع مامثل المساعدات الغاز .. انسى الزيت وانسى التفقع :p

موفق خير


طيب اخوي بسألك

هل مساعدات الغاز هي اللي تتعبى وترفعها وتنزلها بكيفك ..؟ ولا غير ..؟

وبعدين وين احصلها وبكم سعرها

الله لايهينك ..؟

[نجد 1]

السلام عليكم
وش افضل كفرات للباث فايندر ( وبن غييثات وش اخبارك مبنى 12؟

[مرير الشوق]

هلابك اخي السائل ..

حل هالمشكلة موجود .. ولم العزية والتويس وقابلنا بالنفود وبحول الله راح نعمل على حلها لوجه الله


حلوووووووة ( اخي السائل )

ذكرتني في برنامج فتاوي في القناة الاولى هههههههههه

وعلى طاري العزبه والله وجاء وقتها .. ياذيبان

[escape_man]

السلام عليكم
وش افضل كفرات للباث فايندر ( وبن غييثات وش اخبارك مبنى 12؟

ايييييييييه ياقلبي ..

اصبتني في مقتل ..

قبل اسبوعين اتصلت على الجميح وكيل يوكوهاما ونشدتهم عن مقاس 255/65 وقال موجودة

اتصلت البارح قالولي مافيه ..

وين راحت ؟؟

قال خلصت :mad: .. مدري يلعبون علي ولا هم صادقين .. هل فعلا هالمقاس موجود ولا خيال

صرت احلم به يابن آخي

ثاني شي .. هو انت الي ملبق موترك جنبي اليوم .. الي لونه مدري وشهو

ان كانه انت .. فانا حاقد عليك .. كنا حلوين ومطقمين سوا ..

وشطلعك من مكتبك

[escape_man]

حلوووووووة ( اخي السائل )

ذكرتني في برنامج فتاوي في القناة الاولى هههههههههه

وعلى طاري العزبه والله وجاء وقتها .. ياذيبان

اي والله جاء وقتها :f

لكن .. للاسف حنا رعية بلا راعي .. ابومحيميد لاهي ولاهوب يمنا .. ترشحونن رئيس الرابطة عنه :j

[نجد 1]

صحيح ؟؟؟؟ بس جالس ادور على جمس نفس لون الباث علشان تكمل؟؟؟؟ ولك رساله على الخاص

[escape_man]

صحيح ؟؟؟؟ بس جالس ادور على جمس نفس لون الباث علشان تكمل؟؟؟؟ ولك رساله على الخاص


لا اسمحلي ..

لازم تحدد هويتك .. ياجمس يا باث

يعني بمعنى آخر :

انت معنا او ضدنا :D

[عبدالرحمن السالم]

طيب اخوي بسألك

هل مساعدات الغاز هي اللي تتعبى وترفعها وتنزلها بكيفك ..؟ ولا غير ..؟

وبعدين وين احصلها وبكم سعرها

الله لايهينك ..؟

لا المساعدات الغاز تجي مضغوطه داخل الياي .. تروح وتجي وتطامر فيه ولا تتأثر وتتحمل المشقات :p
اما سالفه انك ترفعها وتنزلها لا هي مقاس واحد .. ميزه الزيت انها مريحه والغاز قاسيه نوعاً ما .. بس ميزه الغاز لك وللزمن ماتتأثر ابد .. الزيت لا .. انا انفقع عندي واحد وصار الموتر يطامر من ورى ويوم فكيت الياي صار الياي معي مرن ينزل ويرفع لان الزيت إلى بوسطه طلع بينما الغاز ابد ثابت لايمكن انك تنزله ولا ترفعه
والله على حسب عندك الاسترالي وعندك مرونو .. الاسترالي الاصفر والمرونو الابيض
الاسترالي تلقاه عند الرمايه وسعر الواحد 480 والمرونو تلقاه عند الجبرين إلى بالصناعية القديمة اضاهر ان سعره بـ90ريال على ما اعتقد

موفق خير

[عبدالرحمن السالم]

السلام عليكم
وش افضل كفرات للباث فايندر ( وبن غييثات وش اخبارك مبنى 12؟

هلابك اخوي نجد

والله شف التويو كفرات زينه وعمليه .. وعندك الهانكوك بس الهانكوك اذا انت راعي نفود وديره اما للشعبان ماتصلح .. وفيه الدنللوب واليوكاهاما .. لاتبعد عن الياباني هو الزين

موفق خير

[جواد333]

السلام عليكم
ابسئلكم شباب عن جنوط الباث بكم قيمتهن وين احصلهن الي يعرف لا يبخل علينا تكفون

[PATHFINDER 4]

السلام عليكم
ابسئلكم شباب عن جنوط الباث بكم قيمتهن وين احصلهن الي يعرف لا يبخل علينا تكفون



هلا وعليكم السلام أتوقع بتلقاهن في الغرابي واسعارهن للأسف ما اقدر افيدك

[شلاقي]

السلام عليكم ورحمة الله وبركاته ..

ياجماعة الخير أنا يطلع عندي صوت في موتري إذا صرت مغرز ومشغل الدبل في الرويس قبل لا ييطفى بشوي صوت طقطقة والموتر عادي 2001

وش المشكلة

[المحترف800]

لا المساعدات الغاز تجي مضغوطه داخل الياي .. تروح وتجي وتطامر فيه ولا تتأثر وتتحمل المشقات :p
اما سالفه انك ترفعها وتنزلها لا هي مقاس واحد .. ميزه الزيت انها مريحه والغاز قاسيه نوعاً ما .. بس ميزه الغاز لك وللزمن ماتتأثر ابد .. الزيت لا .. انا انفقع عندي واحد وصار الموتر يطامر من ورى ويوم فكيت الياي صار الياي معي مرن ينزل ويرفع لان الزيت إلى بوسطه طلع بينما الغاز ابد ثابت لايمكن انك تنزله ولا ترفعه
والله على حسب عندك الاسترالي وعندك مرونو .. الاسترالي الاصفر والمرونو الابيض
الاسترالي تلقاه عند الرمايه وسعر الواحد 480 والمرونو تلقاه عند الجبرين إلى بالصناعية القديمة اضاهر ان سعره بـ90ريال على ما اعتقد

موفق خير


أخوي دحيم آخر لفه ..

مو المساعدات المنرو سوداء هذا اللي أعرفه !! وكيلها بالصناعيه القديمه ..

ومساعدات الجبريال بيضاء وكيلها السبت كذلك بالصناعيه القديمه ..

هذا اللي أعرفه .. مجرد تصحيح ..

تحياتي لك ..

[دايت]

اسعار جنوط الباث فاندر في الغرابي . .

التجاري الصيني من 1300 ل 1400

المستعمل الواحد اذا لقيته ع 400 ريال . .
رافعينه حيييل . .

:)

[دايت]

هلابك أخوي .. طيب ومع المطبات او البطناج ؟!

شف تأكد من جلب المساعد يمكن منها الطقه

موفق خير


يابعدي ماهنا بطانيج . .

طلعت من البيت لمخرج 15 ورجعت بس . .
والمساعدات مالهم شهر راكبات هن وجلبهن . .

لكن اغلب الظن انه منهن..!

لو شيء حول عامود الدركسون . .

اغديني امر ابو ابراهيم ونشوف وش يقول ..

ماقصرت ياغالي . .

:)

[escape_man]

استفسار عن الهوك الخلفي للباث

طبعاً الوصلة كاملة تركب بالشاصي ماركة امريكية لقيته بـ 700 ريال

وزنه حليل

وشرايكم .. هل سعره معقول ولا مبالغ فيه

واذا احد مركبة .. بكم سعره تفصيل

وياليت ردكم عاجلاً لاني لابد اركبه قبل الاربعاء

هذي صورة الهوك خلف الصدام

http://t2.gstatic.com/images?q=tbn:y1-OT2MP_KXbuM:http://www.assayyarat.com/myimages/Oct09/N-xterra_04102009166.jpg

[جردان]

السلام عليكم ورحمة الله وبركاته

اخواني الاعضاء تكفون مطلوب فرارات برازيلية حقت الباث فايندر موديل 2005 جديده او مستعمله
اي شي

[بانثر2005]

يالله حي الشباب مبطين عنكم بس متابعكم من بعيد لبعيد

أشوفكم تتكلمون عن المساعدات

أنا توني مغير المساعدات الخلفيه لموتري شريت مساعد أصلي الواحد بـ 240 ريال

الزبده كنت بغير المساعدات الأماميه ورحت أشوف سعره عند الحمراني الحرامي لقيتها 1900 ريال للمساعدين قلت معصي والله

رحت شفت سعرها عن الموزعين حصلتها بـ 1500 ريال للمساعدين وقلت مره ثانيه معصي

ليه لا يكون معي شاري فرخ رانج روفر وحاطين عليه شعار نيسان

الزبده وش الحل وش الأنواع الثانيه إلي تركب وسعرها معقول

وقالي واحد من الزملاء إن بعض النوعيات من المساعدات الأماميه راح تأثر على الرفارف مع مرور الوقت

وش الحل برايكم وش التجارب إلي مريتو فيها

أم إني أشتري المساعدات الأماميه بـ 1500 ريال معصي

[المحترف800]

فيه مساعدات اماميه يابانيه وممتازه ويمدحها أبو إبراهيم وانا مركبها على موتري 2005 اسمها kyb

وسعر الطقمين بحدود 420 ريال فقط ..

عندي رقم جوال اللي شاريها منه طبعا محل قطع غيار اذا بغيته عطني خبر ..

[سحابه]

بن غيثثات
فيه ورشه المواهب
تفصله اضن سعره اقل من الي ذكرت
شغلهم اشوف الشباب يمدحونه
0504492550
هذا رقمهم بعد اذن الادارة

[سيد النشاما..]

:D
فيه مساعدات اماميه يابانيه وممتازه ويمدحها أبو إبراهيم وانا مركبها على موتري 2005 اسمها kyb

وسعر الطقمين بحدود 420 ريال فقط ..

عندي رقم جوال اللي شاريها منه طبعا محل قطع غيار اذا بغيته عطني خبر ..

السلام عليكم , ارحب ياذيبان
إذا المحل في الرياض عطني الرقم , الله يجزاك خير وجعل موترك مايخرب أبد :D

[PATHFINDER 4]

بن غييثات وش صار على خويك اللي في محل السليماني ؟؟؟

أقصد الفرارات وصلت ولا لا

[بانثر2005]

فيه مساعدات اماميه يابانيه وممتازه ويمدحها أبو إبراهيم وانا مركبها على موتري 2005 اسمها kyb

وسعر الطقمين بحدود 420 ريال فقط ..

عندي رقم جوال اللي شاريها منه طبعا محل قطع غيار اذا بغيته عطني خبر ..

إيه والله الله لا يهينك أبي الرقم

طيب ما دامك مركبها وش إنطباعك عنها وكيف مطبها وهل تغير عليك شي

[escape_man]

بن غيثثات
فيه ورشه المواهب
تفصله اضن سعره اقل من الي ذكرت
شغلهم اشوف الشباب يمدحونه
0504492550
هذا رقمهم بعد اذن الادارة

الله يجزاك خير يالغالي ..

اتصلت عليه ويقول بـ 450 والحديد 8 ملم

سعر معقول

[قاع بير]

مطرنا بفضل الله ورحمته:r
________________________
امس مريت محل السليماني الي على طريق الملك عبد العزيز مخرج 5

قالي انها بيلها 20 يوم:D

وزحلقني وقال حط رقمك واول ما يجي على طول صديق انا فيه اتصل:D

الله العالم انها تبي تجي عقب قرن:p

[escape_man]

بن غييثات وش صار على خويك اللي في محل السليماني ؟؟؟




أقصد الفرارات وصلت ولا لا


توني مارهم الاسبوع الي طاف .. وبامرهم هاليومين

مافي شي للباث .. والله اني تلاجدت انا ويا السليماني بكبره ولكن ماعندك احد

[راعي الشبات]

هلا بن غييثات
بنسبة للهوك أنا ركبت واحد قبل حوالي 7 شهور
دقية على الوكالة فرع جده وقالوا عندنا الهوك بقيمة380 تقريبا ((عليه عرض))أما وكالة القصيم قالوا 1500 ريال
وطلبته من الموزع الي عندنا بالقصيم وجابه لي بنفس القيمة الي بالوكالة (( فرع جده))
وركبته بـ 100 ريال
بس لازم تركب ياي استرالي اذا بغيت تركبه لانه ينزل بالموتر شوي

[escape_man]

هلا بن غييثات
بنسبة للهوك أنا ركبت واحد قبل حوالي 7 شهور
دقية على الوكالة فرع جده وقالوا عندنا الهوك بقيمة380 تقريبا ((عليه عرض))أما وكالة القصيم قالوا 1500 ريال
وطلبته من الموزع الي عندنا بالقصيم وجابه لي بنفس القيمة الي بالوكالة (( فرع جده))
وركبته بـ 100 ريال
بس لازم تركب ياي استرالي اذا بغيت تركبه لانه ينزل بالموتر شوي

اهاااااه
جيت على الجرح ..

الهوك الي لاقيه بحول الـ 700 ريال .. من مميزاته انه امريكي وبنفس الوقت خفيف

هذا الي مرغبني فيه عن التفصيل

[راعي الشبات]

اهاااااه
جيت على الجرح ..

الهوك الي لاقيه بحول الـ 700 ريال .. من مميزاته انه امريكي وبنفس الوقت خفيف

هذا الي مرغبني فيه عن التفصيل
بالنسبة للهوك الي انا مركب نفس الهوك الي بالصورة الي انت منزل ولا فيه فرق
وأن شفت باث استخدام امريكي فيه نفس الهوك الي عندي
وبالنسبة للوزن مهب بالثقل الي يأثر على السيارة لكن بسب خفة وزن الباث يلزمك ياي

[بو رؤى]

اخواني انا عندي باث 2005

وسمعت وقرأت ان الباث ينقص زيته

فسؤالي كيف اعاير الزيت :confused:

# هل لابد ان كون السيارة مشتغله ؟
# هل تكون لها فترة مشتغلة مثلا ربع ساعة ؟
# ام تكون بارده وطافيه ؟
ماهو المقياس للعيار السليم والخطر المرتفع والخطر المنخفض

ولكم الشكر

[PATHFINDER 4]

اخواني انا عندي باث 2005

وسمعت وقرأت ان الباث ينقص زيته

فسؤالي كيف اعاير الزيت :confused:

# هل لابد ان كون السيارة مشتغله ؟
# هل تكون لها فترة مشتغلة مثلا ربع ساعة ؟
# ام تكون بارده وطافيه ؟
ماهو المقياس للعيار السليم والخطر المرتفع والخطر المنخفض

ولكم الشكر



هلابك بو رؤى فعلا الباث ينقص زيته :(

والطريقة في معايرة الزيت سهلة


1/ السيارة لازم تكون طافية

(اذا صار الموتر شغال مايعطيك القراءة الصحيحة لمستوى الزيت )

2/ليس شرط ان تكون السيارة شغالة لمدة من الزمن

(سواء باردة او حارة ) <<اقصد حرارة المكينة

وتبي تتأكد من كلامي عاير الزيت والسيارة حامية وعايره مرة ثانية والسيارة طافية لها مدة (باردة)



وبالنسبة للمقياس السليم انا عن نفسي ما احطه على H لأنه ممكن يفيض ويعدم عليك البساتم

أحطة قبل ال H بشوي

ومافهمت قصدكـ بالخطر المرتفع والخطر المنخفض

أتمنى اني افدتك بالتوفيق أخوي :good2:

[PATHFINDER 4]

يالربع نويت انشالله اركب مراوح كهرب والله ييسر قولوا آمين :)


ماتخبرون مكان شغله نظيف من الى بالنسبة للحساس اوالاسلاك أوالمرواح كله شغله فيهن نظيف ومتمرس على ذالشغلة وفاهم لها


وانا متخوف اطيح بواحد يلعب في الكهرب لعب ومثل ماتعرفون الشغلات اللي زي كذا يبيلها واحد فاهم


بانتظار آرائكم النيرة :)

[س ل ي م ا ن]

حيا الله الشباب من زمان عنكم بس منقطعين بسبب الظروف الصحيه(لاتنسونا من الدعاء)


اخوي الغالي أبوسعود بالنسبه للمراوح يمدحون واحد يقاله الدغيري بالسلي لاكن مكانه بالضبط ما اعرفه
لكن أخبرهم مايمدحونهن على ابوبندر

[ابو النادر]

مساء الخير
بن غيثات وش قصت التيس اذا كان فيه تيوس علمونا ترانا نعرف في المكنيكا وكهرب السيارات
وكل شي في الباث اهم التيس مايروح

[PATHFINDER 4]

حيا الله الشباب من زمان عنكم بس منقطعين بسبب الظروف الصحيه(لاتنسونا من الدعاء)


اخوي الغالي أبوسعود بالنسبه للمراوح يمدحون واحد يقاله الدغيري بالسلي لاكن مكانه بالضبط ما اعرفه
لكن أخبرهم مايمدحونهن على ابوبندر


الله يحييك أول شئ ماترى باس وطهور انشالله

اخوي سليمان ترا شركة اخبرهم ويقولون المتحدة نشيطة ذاليومين

واللي تتكلم عنه معروف ماشالله عليه هو وواحد يقاله المبارك ساكن بالشفا لكن للأسف ما ادل دربهم مع وين ؟؟

والمراوح مامنها ضرر الا افضل للموتر واخف واقل صرفية بنزين وزيادة في العزم

[س ل ي م ا ن]

أخوي أبو سعود أذكر سألت أبوأبراهيم ما مدحهن قال حقات بلده أحسن

لكن بعض الناس يمدحون إعادة البرمجه لأن الباث مروحتين وحده شغاله دايم وحده إذا أرتفعت الحراره
ففيه ناس يبرمجون الثانيه ويخلونه تشتغل إذا صارت حول أرتفاع

[escape_man]

يالربع نويت انشالله اركب مراوح كهرب والله ييسر قولوا آمين :)



ماتخبرون مكان شغله نظيف من الى بالنسبة للحساس اوالاسلاك أوالمرواح كله شغله فيهن نظيف ومتمرس على ذالشغلة وفاهم لها


وانا متخوف اطيح بواحد يلعب في الكهرب لعب ومثل ماتعرفون الشغلات اللي زي كذا يبيلها واحد فاهم



بانتظار آرائكم النيرة :)




ماشفت شغل انظف من الدغيري .. بس تراه غويلي .. لكن شغل صح

لكن وشهوله ؟؟

كانك تبي تخفيف ونفس للموتر فتراه تسذب



حيا الله الشباب من زمان عنكم بس منقطعين بسبب الظروف الصحيه(لاتنسونا من الدعاء)


اخوي الغالي أبوسعود بالنسبه للمراوح يمدحون واحد يقاله الدغيري بالسلي لاكن مكانه بالضبط ما اعرفه
لكن أخبرهم مايمدحونهن على ابوبندر

الله يشافينا واياك ياخوي سليمان .. وان شاء الله تكفير




مساء الخير
بن غيثات وش قصت التيس اذا كان فيه تيوس علمونا ترانا نعرف في المكنيكا وكهرب السيارات
وكل شي في الباث اهم التيس مايروح


والله يالغالي الي اخبره ان فيه لستة تيوس .. شي على ابومحيميد وشي على ابوصالح وكل من تسول له نفسة يكشت ويسحب على الرابطة ..

على طاري يسحب على الرابطة .. يسلم عليك ابوحيميد وترى ماعنده شغل :D

بس كذا مزاجه يتغلى عليكم

[ابومحيميد]

مساكم الله بالخير جميعاً .. واعتذر عن الانقطاع :)

مشغولين بـ :lr و :f

بغيت استفسر عن تكلفة توظيف القير الاوتوماتيك ؟

شاكر مقدماً ..

[بن محفوظ]

وش قصدك ابو محيميد ...

[escape_man]

مساكم الله بالخير جميعاً .. واعتذر عن الانقطاع :)



مشغولين بـ :lr و :f


بغيت استفسر عن تكلفة توظيف القير الاوتوماتيك ؟



شاكر مقدماً ..


تسقيط قير عندي افضل من التوضيب والحكم كذلك على الدفرنسات والله اعلم

[ابومحيميد]

وش قصدك ابو محيميد ...

هلا ابو فهد

عفوا .. توظيب القير مهوب توظيف (خطا مطبعي)

[ابومحيميد]

تسقيط قير عندي افضل من التوضيب والحكم كذلك على الدفرنسات والله اعلم

بس يابو المثنى ماتدري عن حالته هل هو سليم او لا ..

[المحترف800]

صبحكم الله بالخير ..

شباب فيه احد جرب كفرات دنلوب على الباثفيندر مقاس 235/85/16 اللي جربه يعلمنا ..

عاااااااااااااااااااااااااااااااااااااااااجلا .. هل يحك والا لا ؟؟

[رقم صفر]

صبحكم الله بالخير ..

شباب فيه احد جرب كفرات دنلوب على الباثفيندر مقاس 235/85/16 اللي جربه يعلمنا ..

عاااااااااااااااااااااااااااااااااااااااااجلا .. هل يحك والا لا ؟؟


لا يقربك


أفضل كفرات جربتها على الباث هي ميشلان .. أرخ الريال شوي .. وتريح جسمك وموترك بالخطوط..

[س ل ي م ا ن]

حياك الله أخوي أبومحيميد الله يكون بعونك أن شاء الله أخبر فيه واحد بالقصيم يمدحونه
بالتوظيب رجال سعودي وفاهم وظب قير ولد عمي هدد ب7ألاف والوكاله
قالو له 20 ألف أبسأل ولد عمي وأرد لك

[escape_man]

صبحكم الله بالخير ..

شباب فيه احد جرب كفرات دنلوب على الباثفيندر مقاس 235/85/16 اللي جربه يعلمنا ..

عاااااااااااااااااااااااااااااااااااااااااجلا .. هل يحك والا لا ؟؟

وشذا المقاس يابوخالد

هذا مقاس يركب على شاص .. بيطلع موترك سلق

الناس تدور السعة والعرض وانت تدور الصخف والرفع

[PATHFINDER 4]

ماشفت شغل انظف من الدغيري .. بس تراه غويلي .. لكن شغل صح

لكن وشهوله ؟؟

كانك تبي تخفيف ونفس للموتر فتراه تسذب




هلا بن غييثات


والله وانا خوك توني مسكر السماعة من المبارك (اللي في الشفا) ويقول كل من ركبنا له فرق الموتر معه


والرجال عارف شغله وصدقني مافيه شئ اسمه تسذب :D تحياتي

[PATHFINDER 4]

أخوي أبو سعود أذكر سألت أبوأبراهيم ما مدحهن قال حقات بلده أحسن

لكن بعض الناس يمدحون إعادة البرمجه لأن الباث مروحتين وحده شغاله دايم وحده إذا أرتفعت الحراره
ففيه ناس يبرمجون الثانيه ويخلونه تشتغل إذا صارت حول أرتفاع



وانا بعد سألته ويقول ترتفع الحرارة وتصير :f في النفود

لكن كم واحد يركبهن في الشتا ولا شاف منها شئ وفي الصيف لاقامت تتدلع رجع شد بلدها

وأنا تفكيري ابي ازيد عزم الموتر مب مقصدي تخفيف الحرارة

سلام

[abu fares]

ابو سعود يازين الصورة اللي بالتوقيع

فعلا الباث ماله الاباث

[نيسان 807]

صبحكم الله بالخير ..

شباب فيه احد جرب كفرات دنلوب على الباثفيندر مقاس 235/85/16 اللي جربه يعلمنا ..

عاااااااااااااااااااااااااااااااااااااااااجلا .. هل يحك والا لا ؟؟



هذى عاجل

أفضل مقاس على الباث يبو خالد 265/65/17 والله أعلم ان المقاس الى ذكرته انه مايركب على الباث .

وانت شايف الى مركبهن للبر تطربك وللنصب نظره <<< مع اني مااحب نصب الموتر

[نيسان 807]

اسعار جنوط الباث فاندر في الغرابي . .

التجاري الصيني من 1300 ل 1400

المستعمل الواحد اذا لقيته ع 400 ريال . .
رافعينه حيييل . .

:)


حبيب قلبي اذا بغيت جنط وكاله عندي واحد

[نيسان 807]

استفسار عن الهوك الخلفي للباث

طبعاً الوصلة كاملة تركب بالشاصي ماركة امريكية لقيته بـ 700 ريال

وزنه حليل

وشرايكم .. هل سعره معقول ولا مبالغ فيه

واذا احد مركبة .. بكم سعره تفصيل

وياليت ردكم عاجلاً لاني لابد اركبه قبل الاربعاء

هذي صورة الهوك خلف الصدام

http://t2.gstatic.com/images?q=tbn:y1-OT2MP_KXbuM:http://www.assayyarat.com/myimages/Oct09/N-xterra_04102009166.jpg


ابو المثنى عندك الحين جمس مشاءالله وتبي تركب هوك على الباث :mad:
ركب يمال الغنيمة الهوك على ابو جموس وارتح :good2:

[نيسان 807]

على قولت ابو خالد
عاااااااااااجل

احداثية محطة الشرق الاوسط بساموده

[شلاقي]

السلام عليكم

ياجماعة أنا اذا كان الموتر مغرز وحطيت الثقيل ورويست على آخر دعسة الكلتش يطقطق ..


وش العلم ؟

[نيسان 807]

يالربع نويت انشالله اركب مراوح كهرب والله ييسر قولوا آمين :)



ماتخبرون مكان شغله نظيف من الى بالنسبة للحساس اوالاسلاك أوالمرواح كله شغله فيهن نظيف ومتمرس على ذالشغلة وفاهم لها


وانا متخوف اطيح بواحد يلعب في الكهرب لعب ومثل ماتعرفون الشغلات اللي زي كذا يبيلها واحد فاهم



بانتظار آرائكم النيرة :)



ابو سعود اذا بغيت تركب مراوح للباث رح لم ابو اسامة الدغيري بالسلي واذا تبي الوصف ارسلي رقمك وان اعطيك الوصف براس الخدمة .

[نيسان 807]

مساكم الله بالخير جميعاً .. واعتذر عن الانقطاع :)



مشغولين بـ :lr و :f


بغيت استفسر عن تكلفة توظيف القير الاوتوماتيك ؟



شاكر مقدماً ..



هلابك يبو محيميد ...
التكلفه لاأعلم عنها شيء لكن يمدحون التشليح أحسن من التوضيب .

وعلى طاري التوظيف اذا احد خابر وظيفه يعلمني >>>>>>>> خخخخخخخخ

[أبوغيث 2003]

صبحكم الله بالخير ..

شباب فيه احد جرب كفرات دنلوب على الباثفيندر مقاس 235/85/16 اللي جربه يعلمنا ..

عاااااااااااااااااااااااااااااااااااااااااجلا .. هل يحك والا لا ؟؟


مالي والله علم

لكن اذا كانت الكفرات رملية فهي مهبولة بالنفود :good2:

[نيسان 807]

بس يابو المثنى ماتدري عن حالته هل هو سليم او لا ..


فيه شيء اسمه ضمان وخذلك مكانيكي معك لم التشليح يفحصه لك قبل التركيب

[escape_man]

ابومحيميد ..

هل قارنت الاسعار بين التوضيب والجاهز من التشليح

هل نشدت الورش المعروفة مثل ترايستار وشلتها عن اسعارهم

خلنا نجمع المعلومات ثم نساعدك لتقرير الاصلح

[العابر2222]

مساء الخير للجميع

ابشركم شرينا باثفندر والله يعطيني خيره ويكفيني شره

وعندي كم استفسار

قبل السؤال بجاوب لخوي الي يسأل عن توظيب القير الباثفندر لأني سألت موتري 2002 تماتيك

يتراوح من 2500 الى 3500 توظيب كامل واذا بتاخذ قير ياباني بـــ 3000 ريال وانا فريت جميع محلات

القيووور وهذا الي يطلع معاي

بنسبة لأستفساري

عندي مشكله في القير وكل ورشة يعطيني حل وهبلوا فيني

المشكله انه فيه تأخير في نمرة (D) تقريبا ثانيتين يعني اذا عشقت على الدي يتأخر الموتر ثانيتين ويعشق

ماهي واضحه مرة وفيه نتقه بعض المرات في الأول

الزيت تمام ولا فيه صوت في القير ولاشي

الورش بعضهم يقول حساس وبعضهم يقول فلتر والكثير يقولون توضيب

الموتر تعشيقاته تمام التمام

الشي الثاني فيه زر احمر جنب القير مظغوط مدري وشوله جيت ابي افكه ماهوب راضي وش سالفته؟

الي مرت عليه المشكله هذي يا ليت يطرح الحلول

[PATHFINDER 4]

ابو سعود يازين الصورة اللي بالتوقيع

فعلا الباث ماله الاباث



هلا وسهلا ومرحبا أخوي عمود الخيمة

يسرني والله ان الصورة جازت لك :good2:

[PATHFINDER 4]

ابو سعود اذا بغيت تركب مراوح للباث رح لم ابو اسامة الدغيري بالسلي واذا تبي الوصف ارسلي رقمك وان اعطيك الوصف براس الخدمة .



هلا بك أخوي نيسان 807 :D ماتقصر والله

أبشرك حصلنا رقم المبارك واتفقت انا وياه على الموعد والسعر

صح انه غويلي لكن شغله (ألنظيف) ماشالله عليه :good2: ورجال نصوح شرواكم يالربع

[أحبك777]

أبوسعود ياليت تعلمنا بالنتائج بعد ماتركب المروحه

[PATHFINDER 4]

أبوسعود ياليت تعلمنا بالنتائج بعد ماتركب المروحه



أبشر والله مالك الا اللي ينزل أحلى تقرير انشالله بس ادعلي بالتيسير

[مخاوي 2008]

بالنسنبه للي يسئل عن توظيب القير
انا خبط عندي القير قبل سنه وكان السبب انه صيخت الرديتر ونسيت ازود زيت القير طبعا الموتر تماتيك وله تبريد للرديتر المهم طلعت على الموتر وتعشيقه غريب وسافرت عليه وخرب بالطريق صار ما يعشق الرابع
المهم وديته لورشه قالي يبيله توظيب وسئلته عن السعر قال اعلمك إذا فيكنا القير وبعد يوم دق علي وقالي أنصحك تشتر واحد من التشليح ارخص قلته بكم يكلف توضيبه قال بحدود 700الى 8500 الوكاد اني دورت بالتشاليح ومليت وانا ادور اكثر شي مديل 2002 و2003 وانا موتري 2004 وبأخر ورشه لقيت عنده قير 2005 وخذته بعد المكاسر 4500 والحمدلله صار افضل من الي قبل وارتحت

[للغالين فقط]

عندي أستفسار يالربع

أنا موتري 2005 قير عادي

وأنا واقف عند الإشارة بعد صلاة العشاء

حسيت أن الموتر يدخن وقفت وشحطت علية

وقعد يدخن وبعدين رحت للبيت وخليت أخوي يشحط علية

وطلع دخان أسود والموتر طلعم منه صوت زي صوت الطرطعان

للمعلومية عبيت الموتر بنزين 95 بعد المغرب فل

وأنا أستخدم 95 من يوم شريته ..

أرجو المساعدة

تكفوووووووووون

[escape_man]

عندي أستفسار يالربع

أنا موتري 2005 قير عادي

وأنا واقف عند الإشارة بعد صلاة العشاء

حسيت أن الموتر يدخن وقفت وشحطت علية

وقعد يدخن وبعدين رحت للبيت وخليت أخوي يشحط علية

وطلع دخان أسود والموتر طلعم منه صوت زي صوت الطرطعان

للمعلومية عبيت الموتر بنزين 95 بعد المغرب فل

وأنا أستخدم 95 من يوم شريته ..

أرجو المساعدة

تكفوووووووووون

اول سؤال .. متى اخر مرة غيرت فيها صفاية البنزين؟

اذا قرصت له يقطع ولا فقط تدخين ؟

دخان فقط ولا اختلف شغل الموتر .. يعني تحس انه يترتر ومهوب صافي ؟

[للغالين فقط]

اول سؤال .. متى اخر مرة غيرت فيها صفاية البنزين؟

اذا قرصت له يقطع ولا فقط تدخين ؟

دخان فقط ولا اختلف شغل الموتر .. يعني تحس انه يترتر ومهوب صافي ؟



الموتر صافي مافيه أحسن منه


والصفاية ماعمري غيرتها

وإذا قرصت علية دخان اسود فقط


لكن اللي قاهرني الدخان الأسود

[شلاقي]

السلام عليكم

ياجماعة أنا اذا كان الموتر مغرز وحطيت الثقيل ورويست على آخر دعسة الكلتش يطقطق ..


وش العلم ؟




يالربع ما شفنا رد !!

[دايت]

حبيب قلبي اذا بغيت جنط وكاله عندي واحد


ماتقصر ياعساك سالم . .

بيض الله وجهك . .

انا مشتري اربع والسبير حق سلق . .

ومايهمني والله . .

بس انا رديت ع اللي سأل عن الجنوط . .

:)

[مكتشف الهوات]

لا يقربك


أفضل كفرات جربتها على الباث هي :good2::good2::good2::good2::good2::good2: ميشلان .. أرخ الريال شوي .. وتريح جسمك وموترك بالخطوط..

نعم ميشلان الياباني وسعره حول 500

[س ل ي م ا ن]

اخوي مخاوي 2008 معليش لازم أزود زيت القير إذا صيخت لاني توي مصيخ ولا زدته

[escape_man]

الموتر صافي مافيه أحسن منه



والصفاية ماعمري غيرتها


وإذا قرصت علية دخان اسود فقط



لكن اللي قاهرني الدخان الأسود



دخان اسود معناته الموتر مايحرق ويجيه كمية بنزين زايدة .. شيك البواجي كمرحلة اولية ومايمنع تغير صفاية البنزين وفلتر الهواء ..

الاحتراق عبارة عن وقود + شرارة كهربائية + هواء

واي اختلال باحد هالثلاث ومايتعلق بها ينتج عنه احتراق غير كامل وبعدين تدمر جدران البساتم

[ابو النادر]

مساكم الله بالخير جميعاً .. واعتذر عن الانقطاع :)




مشغولين بـ :lr و :f


بغيت استفسر عن تكلفة توظيف القير الاوتوماتيك ؟



شاكر مقدماً ..



مساء النور ابو محيميد
بنسبه لتوظيب القير من 4000 الى 5000 ريال واذا بغيت من التشليح راكب جاهز وضمان 10 ايام
بنفس السعر وانا الباث في الورشه مغيرله قير 4000 ريال راكب جاهز ضمان شهرين واذا تبي رقم المهندس وتراه سعودي قلي وابشربه

[للغالين فقط]

دخان اسود معناته الموتر مايحرق ويجيه كمية بنزين زايدة .. شيك البواجي كمرحلة اولية ومايمنع تغير صفاية البنزين وفلتر الهواء ..

الاحتراق عبارة عن وقود + شرارة كهربائية + هواء

واي اختلال باحد هالثلاث ومايتعلق بها ينتج عنه احتراق غير كامل وبعدين تدمر جدران البساتم



أي الصفايات تقصد

سمعت إن فيه وحدة عند الإستبنة

[escape_man]

أي الصفايات تقصد




سمعت إن فيه وحدة عند الإستبنة


مافي غيرها :)

هي حقت البنزين

[القناص المميز]

السلام عليكم ورحمة الله وبركاته

أنا يأخواني عندي باث 2005 وطلع عندي مشكله بالدبة الاماميه للكنداسه بالجهه اليمين صوت كأنه صوت مسمار مكسور طبعن الصوت هذا يطلع من وسط الدبه ابغا علاج لصوت هذا مززززعج مررره تكفووون بسرعه ابي العلاج ..

المشكله الثاانية نفس مشكله اخوووي للغالين فقط وهي اذا دعست يطلع دخان اسوود مع العلم ان الموتر ماااشي 245الف <<ماشاءالله :D ولا غيرت البواجي

الله يعطيكم العافيه جميعا ودمتم ..

[للغالين فقط]

مافي غيرها :)

هي حقت البنزين



تسلم يالغالي

إن شاء الله بكره نغير البواجي والصفاية

ومشكووووووورعلى المعلومات

والله يجزاك خير

[مرير الشوق]

السلام عليكم

صبحكم الله بالخير :

بن غييثات وش صار على موضوع الكفرات معك ..؟

اخبرك تسأل عن مقاس 255.65.17 الضاهر ..؟

حصلتها ولا لا .. .؟
وبكم سعرها ..؟

وهل تدري عن سعر هانكوك 245.65.17 ..؟

[مرير الشوق]

وفيه صفايه للبنزين ..

تحت المرتبه الخلفيه اللي خلف مرتبة السائق ..
المرتبة الخلفيه الطويله ..

[escape_man]

السلام عليكم

صبحكم الله بالخير :

بن غييثات وش صار على موضوع الكفرات معك ..؟

اخبرك تسأل عن مقاس 255.65.17 الضاهر ..؟

حصلتها ولا لا .. .؟
وبكم سعرها ..؟

وهل تدري عن سعر هانكوك 245.65.17 ..؟

للاسف عاودت الاتصال على الجميح وانكر وجود هالمقاس ..

صراحة قتلني

وسعر الكفر الي انت تبي ماعندي عنه علم اكيد لان تركيزي على يوكوهاما حاليا

تبي يوكوهاما .. نشدنا لك عنه

[escape_man]

وفيه صفايه للبنزين ..

تحت المرتبه الخلفيه اللي خلف مرتبة السائق ..
المرتبة الخلفيه الطويله ..

ماقد سمعت عنها .. يمكن قصدك الطمبة

[أخو شيخة]

السلام عليكم

صبحكم الله بالخير :

بن غييثات وش صار على موضوع الكفرات معك ..؟

اخبرك تسأل عن مقاس 255.65.17 الضاهر ..؟

حصلتها ولا لا .. .؟
وبكم سعرها ..؟

وهل تدري عن سعر هانكوك 245.65.17 ..؟
بالنسبة لسعر الهانكوك 245.65.17 أنا مركبها من عند وكيلها بن شيهون 1800ريال طبعاً طقم يعني الوحدة بـ450ريال لكن خوفي أنها ترتفع إلى 490 طبعاً هذا الكلام له قرابة 5أشهر ويعبي الهواء لك النيتروجين مع الترصيص وبعدين لا عاد تسال بن غييثات عن الهانكوك لأنه من المحاربين لها بالرغم من المؤيدين لهذي الكفرات ههههههههههه الله يوفقك يابن غييثات .وعسى الله يوفقك . تقبل فائق تحياتي وأحترامي

[escape_man]

بالنسبة لسعر الهانكوك 245.65.17 أنا مركبها من عند وكيلها بن شيهون 1800ريال طبعاً طقم يعني الوحدة بـ450ريال لكن خوفي أنها ترتفع إلى 490 طبعاً هذا الكلام له قرابة 5أشهر ويعبي الهواء لك النيتروجين مع الترصيص وبعدين لا عاد تسال بن غييثات عن الهانكوك لأنه من المحاربين لها بالرغم من المؤيدين لهذي الكفرات ههههههههههه الله يوفقك يابن غييثات .وعسى الله يوفقك . تقبل فائق تحياتي وأحترامي

هلا وغلا بابوالبراء

يالله ان تحيي هالوجه

يقولون الخرارة سايله .. هو صدق ولا اشاعات ؟؟

بالنسبة لاخوي بن غييثات فهو لايعترف الا بالياباني فقط :mad:

كوري مدري اندونوسي ما اعترف فيه

وعلى فكرة .. اذا وصلت الهانكوك هالمواصيل بالاسعار فالافضل يوكوهاما او تويو

تحياتي يالامير وجهز عمرك .. يبيلنا غزوة بالايام المقبلة

[مخاوي 2008]

اخوي مخاوي 2008 معليش لازم أزود زيت القير إذا صيخت لاني توي مصيخ ولا زدته
إذا كان القير تماتيك لازم تزود الزيت لئنه إذا فك الرديتر فيه لي موصل بالرديتر لتبريد زيت القير وإذا فكه ينقص زيت القير
يمكن العامل زوده لك ولتجنب المشاكل عاير الزيت وشف هو ناقص ولا لا طبعا العيار حقه طول بالحيل تب تبلشبه :D

[راعي الشبات]

أخوي القتناص المميز :-
اسعد الله أوقاتك بكل خير
بنسبة لصوة الي تقول عنه وسط الدبه الأمامية
هذا الله يسلمك صوة الشخالات الي داخل الدبه
صارتلي نفس المشكله ورحت لصمعاني الي في تشليح بريده وشالهن لي وراح الصوة
وكلف الشغل 250 ريال
اما المشكله الثانيه ماعندي علم والله عنه
إن شاء الله أكون افدك .

تقبل تحياتي

[س ل ي م ا ن]

ياشباب الوكاله بكم يغيرون زيت القير وفيه مكان زي الوكاله لأني أكره
شي عندي الوكاله

[مرير الشوق]

هلا وغلا بابوالبراء

يالله ان تحيي هالوجه

يقولون الخرارة سايله .. هو صدق ولا اشاعات ؟؟

بالنسبة لاخوي بن غييثات فهو لايعترف الا بالياباني فقط :mad:

كوري مدري اندونوسي ما اعترف فيه

وعلى فكرة .. اذا وصلت الهانكوك هالمواصيل بالاسعار فالافضل يوكوهاما او تويو

تحياتي يالامير وجهز عمرك .. يبيلنا غزوة بالايام المقبلة

طيب اليوكوهاما بكم سعره ...؟

[مرير الشوق]

ماقد سمعت عنها .. يمكن قصدك الطمبة


ايه ظيعت ..

قصدي الطرمبه يالغالي حق البنزين

[مرير الشوق]

بالنسبة لسعر الهانكوك 245.65.17 أنا مركبها من عند وكيلها بن شيهون 1800ريال طبعاً طقم يعني الوحدة بـ450ريال لكن خوفي أنها ترتفع إلى 490 طبعاً هذا الكلام له قرابة 5أشهر ويعبي الهواء لك النيتروجين مع الترصيص وبعدين لا عاد تسال بن غييثات عن الهانكوك لأنه من المحاربين لها بالرغم من المؤيدين لهذي الكفرات ههههههههههه الله يوفقك يابن غييثات .وعسى الله يوفقك . تقبل فائق تحياتي وأحترامي


الله يعطيك العافيه يابو البراء

وبالنسبه لــ ابن غييثات والله ماعرفنا له مره يباني ومره امريكي ..
باث وجمس
قلت خلني اسأله عن الكوري يمكن هالمره يطيح فيه .. بس ماش



وبصراحه والله زادة اسعارها انا قبل سنه وشوي ماخذ الكفر الواحد 390 تقريباً ..

وبالنسبه للكوري يا بن غييثات :

وشرايك نبيع مواترنا ..

ونطقم انا وياك هونداي ( اكسنت ) جديدهـ ورخيصه

ونحط له مساعدات استراليه . نرفعها
ونحط له هوك خلفي سحب هههههههههههههه

[سحابه]

السلام عليكم آخر تحديث لاسعار الكفرات يوم امس
المشيلان 670
الهانكوك والبرجستون 470
اليوكوهاما ويقول العامل انه مايجي مقاس الوكالة يجي265/65/17 سعره450
والماكسس 370 ريال

[مرير الشوق]

السلام عليكم آخر تحديث لاسعار الكفرات يوم امس
المشيلان 670
الهانكوك والبرجستون 470
اليوكوهاما ويقول العامل انه مايجي مقاس الوكالة يجي265/65/17 سعره450
والماكسس 370 ريال


اوف اوف ...

وش ذا الغلا اعوذ بالله ...

يعني اذا جيت تشتري في الزمن هذا .. لازم تخطط وتجمع لها قريشات قبل شهرين او ثلاثه
هههههههه


والله يعطيك العافيه يا الغالي سحابه على التقرير

[escape_man]

الله يعطيك العافيه يابو البراء

وبالنسبه لــ ابن غييثات والله ماعرفنا له مره يباني ومره امريكي ..
باث وجمس
قلت خلني اسأله عن الكوري يمكن هالمره يطيح فيه .. بس ماش



وبصراحه والله زادة اسعارها انا قبل سنه وشوي ماخذ الكفر الواحد 390 تقريباً ..

وبالنسبه للكوري يا بن غييثات :

وشرايك نبيع مواترنا ..

ونطقم انا وياك هونداي ( اكسنت ) جديدهـ ورخيصه

ونحط له مساعدات استراليه . نرفعها
ونحط له هوك خلفي سحب هههههههههههههه

ماعندي مانع نكون رابطة اكسنتات ونخلي اجتماعاتنا بالتحلية ..

والهوك ضروري نسحب فيه طاولة الشوي وادوات الكجولة من ترنقات وخلافوووه

وشلك والبران .. اصلاً البر صار يسبب لي حساسية بعيوني .. وشبة النار تخيس ثيابي :D

المقاس المطلوب ياطويل العمر :

يوكوهاما 245/65 عند وكيله الجميح بمخرج 13 بـ 468 ريال

[س ل ي م ا ن]

يأخوان لحد يغلط على الأكسنت:d :d :d :d((كذلك كنتم من قبل فمن الله عليكم))


ولا بعد فيه ذكريات حلوه معه يكفي أنه يوم معي وسته أيام بالورشه لما بعناه بدون مكينه

[القناص المميز]

تسلم والله يارعي الشباات وماقصررت ان شاءالله بكرا من الصبح بروح عندهم بس انا طحتلي بمشكله اعظم وهي الموتر ينقص واليوم رحت لم ورشة الجربوع اللي بصناعية السليم قالي يبغاله توووضيب:( :( :( :(

[س ل ي م ا ن]

أخوي القناص المميز ماعليك من كلامهم مافيه باث ألا وينقص زيت ألا ما شاء الله
أنا سيارتي تنقص زيت لكن أهم شي لاينقص الزيت يعني عايره كل فتره وأبشرك
أنا مأغير ألا كل 5 6ألاف لكن كل يوم جمعه وقبل كل كشته أعايره وإذا صار
ناقص زدته

[راعي الشبات]

ويسلمك ربي
وبنسبة لنقص الزيت اخوي معه باث2005 وكان تقريبا كل 1500 كم يزود ربع علبة وعلى هالحال وقبل تقريبا شهر بدا الموتر يدخن دخان ابيض وبدا الزيت ينقص نقص ملحوظ يوم وداه لكذا ورشه قالوا توضيب ويوم شاور على الورش المتخصصة بالباث دلوه على ورشة الجربوع وجاب الموتر لمه وعلمه بالمشكله وقال توضيب وقاله سالفة انه يوفي يزود الموتر كل 1500 كم تقريبا ربع علبة قاله هذا مهب طبيعي المهم دخل الموتر عنده والحين موجود الموتر بالورشه وفاكين المكينه وبينله ان الخلل كان له فتره لكن ما لاحظه ويبي يكلف عليه من 4000 الى 5000 ريال

وموتري ولله الحمد الحين ماشي تقريبا 1800 كم ولا نقص ((هذا من فضل الربي ))
أتمنى لك التوفيق والخير

[محواش]

السلام عليكم ورحمة الله وبركاته
"جمعه مباركه"


اخواني الاعزاء عندي بعض المشاكل وقلت اعرضها على رجال المنتدى
1- صوت طقطقه في الامام في المطبات الصغيره من اليمين واليسار وتحت مكان الراكب في الامام .
2- في الاونه الاخيره ظهر صوت في خلف السياره الله العالم أنه صوت دفرنس "ونه" اذا رفعت رجلي عن البانزين يذهب الصوت في سرعه 35 إلى 100 واذا ضغت بانزين يظهر الصوت .
3- اريد اعرف اين يقع فيوز (الولاعه) إلي في التكيه علماً ان الي في الطبلون يعمل وشيكت على الفيوز الي في الطبلون عند الدواسه فتحت الدرج وجميع الفيوز سليمه .


والله يحفظكم ويرعاكم .............. :c

[passat2.0]

السلام عليكم ورحمة الله وبركاته

يا شباب .. وش حل نقص زيت المكينه

الصراحه تعبت من هالنقص مدري وين يروح معه هالزيت

وإذا شديت على الموتر يطلع دخان اسود من الشكمان

سمعت من احد الاخوان .. انهم يغيرون بلف التبخير ويخف نقص الزيت

او معد ينقص .. هل احد جرب هالشي ولا لا

[ابو النادر]

السلام عليكم ورحمة الله وبركاته

"جمعه مباركه"



اخواني الاعزاء عندي بعض المشاكل وقلت اعرضها على رجال المنتدى


1- صوت طقطقه في الامام في المطبات الصغيره من اليمين واليسار وتحت مكان الراكب في الامام .



2- في الاونه الاخيره ظهر صوت في خلف السياره الله العالم أنه صوت دفرنس "ونه" اذا رفعت رجلي عن البانزين يذهب الصوت في سرعه 35 إلى 100 واذا ضغت بانزين يظهر الصوت .


3- اريد اعرف اين يقع فيوز (الولاعه) إلي في التكيه علماً ان الي في الطبلون يعمل وشيكت على الفيوز الي في الطبلون عند الدواسه


فتحت الدرج وجميع الفيوز سليمه .




والله يحفظكم ويرعاكم .............. :c









وعليكم السلام ورحمة الله وبركاته
بنسبه لطقه الي تقولفهاذي والله اعلم انها من المقصات

[escape_man]

السلام عليكم ورحمة الله وبركاته

يا شباب .. وش حل نقص زيت المكينه

الصراحه تعبت من هالنقص مدري وين يروح معه هالزيت

وإذا شديت على الموتر يطلع دخان اسود من الشكمان

سمعت من احد الاخوان .. انهم يغيرون بلف التبخير ويخف نقص الزيت

او معد ينقص .. هل احد جرب هالشي ولا لا

كل مواتر نيسان تنقص .. فلا تضيق صدرك

استخدمت المكسيما والباترول وهالحين الباث وكلها تنقص تقريبا عقب 1500 كيلو

الدخان الاسود يعني يبي لموترك تصفية .. شيك فلتر الهواء - البواجي - صفاية البنزين وان شاء الله يتحسن الموتر

هذا اذا شغله صافي نوعاً ما ..

اذا مهوب صافي فمعناته تنظيف بخاخات وتشييك على الكويلات

[escape_man]

اخوي المحواش ..

اخاف ان رفعة موترك لها دخل بالونة .. انت كم رافعة .. وهل رفعتك من الامام والخلف

لا تحورف بالدفرنس الى بعد ماتتاكد ان سنة العمود مضبوطة وان رفعتك مهيب السبب

[للغالين فقط]

يالربع أنا موتري 2005 قير عادي

إذا كان الموتر واقف ريحة الكربون قوية مرة

وتلعب بعيونك لعب

[passat2.0]

كل مواتر نيسان تنقص .. فلا تضيق صدرك

استخدمت المكسيما والباترول وهالحين الباث وكلها تنقص تقريبا عقب 1500 كيلو

الدخان الاسود يعني يبي لموترك تصفية .. شيك فلتر الهواء - البواجي - صفاية البنزين وان شاء الله يتحسن الموتر

هذا اذا شغله صافي نوعاً ما ..

اذا مهوب صافي فمعناته تنظيف بخاخات وتشييك على الكويلات

يامال العافيه والله بن غييثات على هالرد السريع

الموتر الحمد لله بواجيه وفلتره وصفايه قريب مغيرهن

تتوقع من البخاخات يبيلها تنظيف

طيب وش رايك باللي يقول بلف التبخير يغير .. ويخفف او معد ينقص الزيت

والشي الثاني وزن البلوف تنصح فيها ولا لا

[أبونجم]

يامال العافيه والله بن غييثات على هالرد السريع

الموتر الحمد لله بواجيه وفلتره وصفايه قريب مغيرهن

تتوقع من البخاخات يبيلها تنظيف

طيب وش رايك باللي يقول بلف التبخير يغير .. ويخفف او معد ينقص الزيت

والشي الثاني وزن البلوف تنصح فيها ولا لا


==============================


أول مره اسمع عن بلف التبخير يا ليت معلومات مدعمه بالصور عن هذي القطعه الجديدة ؟؟؟

[محواش]

اخوي المحواش ..

اخاف ان رفعة موترك لها دخل بالونة .. انت كم رافعة .. وهل رفعتك من الامام والخلف

لا تحورف بالدفرنس الى بعد ماتتاكد ان سنة العمود مضبوطة وان رفعتك مهيب السبب
اخوي بن غييثات
مشكور ع الرد

انا رافعه بياي استرالي ومن قدام شد بلد مارفعته

[محواش]

السلام عليكم ورحمة الله وبركاته
"جمعه مباركه"


اخواني الاعزاء عندي بعض المشاكل وقلت اعرضها على رجال المنتدى
1- صوت طقطقه في الامام في المطبات الصغيره من اليمين واليسار وتحت مكان الراكب في الامام .
2- في الاونه الاخيره ظهر صوت في خلف السياره الله العالم أنه صوت دفرنس "ونه" اذا رفعت رجلي عن البانزين يذهب الصوت في سرعه 35 إلى 100 واذا ضغت بانزين يظهر الصوت .
3- اريد اعرف اين يقع فيوز (الولاعه) إلي في التكيه علماً ان الي في الطبلون يعمل وشيكت على الفيوز الي في الطبلون عند الدواسه فتحت الدرج وجميع الفيوز سليمه .


والله يحفظكم ويرعاكم .............. :c







وشل الحل يا اخواني الاعزاء لجميع المشاكل الي عندي

[للغالين فقط]

يالربع أنا موتري 2005 قير عادي

إذا كان الموتر واقف ريحة الكربون قوية مرة

وتلعب بعيونك لعب

[escape_man]

يامال العافيه والله بن غييثات على هالرد السريع

الموتر الحمد لله بواجيه وفلتره وصفايه قريب مغيرهن

تتوقع من البخاخات يبيلها تنظيف

طيب وش رايك باللي يقول بلف التبخير يغير .. ويخفف او معد ينقص الزيت

والشي الثاني وزن البلوف تنصح فيها ولا لا

الي اعرفه ان بلف التبخير في الدفرنس مو بالمكينة .. المكينة لها قناة تبخير لكن بدون بلف .. ونصيحتي لك مدامك مغير الي قلت لك .. وده لابوابراهيم بصناعية الدائري وهو يشوف وشعلته .. خبيرنا ومانستغني عن شوره

[escape_man]

اخوي بن غييثات
مشكور ع الرد

انا رافعه بياي استرالي ومن قدام شد بلد مارفعته

انا اتوقع وانا اخوك وماني جازم .. انت لارفعت الدفرنس احيانا يقصر معك عمود الكردان من جهة القير وتصير ركبتهن مهيب متطابقة فيطلع حرة لارفعت رجلك ثم رديتها على البنزين .. فتلاقينا مثلاً بالجموس نطول عمود الكردان واهل الجيوب مثل الشروكيات ينزلون القير ..

باقترح عليك .. حمل اغراض تثقل بها مقفى موترك .. خله ينزل تقريباً لرفعة شد البلد وجرب .. وعطنا علم

[escape_man]

يالربع أنا موتري 2005 قير عادي



إذا كان الموتر واقف ريحة الكربون قوية مرة



وتلعب بعيونك لعب


شيكت اذا عندك تنسيم بالقزوز او الدبات او الشكمان ؟

الجلدة حقت القير سليمة او لا ؟

[للغالين فقط]

شيكت اذا عندك تنسيم بالقزوز او الدبات او الشكمان ؟

الجلدة حقت القير سليمة او لا ؟


ريحة الكربون تجي من الشكمان ماهي من داخل..

ذكرتني أنا شايل حقات البيئة اللي عند القزوز


اللي لونها زي لون الإسمنت


شلتهن وركبت بواجي عند ابو ابراهيم قبل 8 شهور


تهقى أنها من حقات البيئة


طبعا البنزين 95


فكرت أني اغير 91


وش رايك ؟

[escape_man]

ريحة الكربون تجي من الشكمان ماهي من داخل..



ذكرتني أنا شايل حقات البيئة اللي عند القزوز


اللي لونها زي لون الإسمنت


شلتهن وركبت بواجي عند ابو ابراهيم قبل 8 شهور


تهقى أنها من حقات البيئة


طبعا البنزين 95


فكرت أني اغير 91



وش رايك ؟


والله ياخوي مدري .. اذا موترك صافي فاكيد انه حالياً يتنفس مضبوط والكربون يطلع اكثر من سابقه ..

الا يوم الله جابك .. ابي انشدك .. فرق معك الموتر بعد شيلة الدبات ..

هل فيه صوت غريب .. تغير شي بالحرارة ..

دراسة وافية يالغالي نستفيد بها من تجربتك :good2:

وبالنسبة للبنزين فخلك على 95 حماية لبساتم موترك من التآكل ولجدران غرفة الاحتراق من التصدع ..

هذا حسب دراسها قريتها وتجارب من الاخ سوبر VTC

[عبدالرحمن السالم]

أخوي دحيم آخر لفه ..

مو المساعدات المنرو سوداء هذا اللي أعرفه !! وكيلها بالصناعيه القديمه ..

ومساعدات الجبريال بيضاء وكيلها السبت كذلك بالصناعيه القديمه ..

هذا اللي أعرفه .. مجرد تصحيح ..

تحياتي لك ..

هلابك والله المحترف .. فيه مورنو بيضاء والجبريال إلى فيه صفراء وفيه ابيض انا واحد من اخوياي معه ربع مركب جبريال صفراء بس فيها قساوه شوي

والله يحييك يالغالي

[عبدالرحمن السالم]

والله ياخوي مدري .. اذا موترك صافي فاكيد انه حالياً يتنفس مضبوط والكربون يطلع اكثر من سابقه ..

الا يوم الله جابك .. ابي انشدك .. فرق معك الموتر بعد شيلة الدبات ..

هل فيه صوت غريب .. تغير شي بالحرارة ..

دراسة وافية يالغالي نستفيد بها من تجربتك :good2:

وبالنسبة للبنزين فخلك على 95 حماية لبساتم موترك من التآكل ولجدران غرفة الاحتراق من التصدع ..

هذا حسب دراسها قريتها وتجارب من الاخ سوبر VTC

هلا اخوي ابن غييثات وهلا بالجميع

والله اخبر واحد من اخويا خويي معه هايلكس وشايل الدبات ومركب مكانها مواصير .. على كلامك يطلع بها صوت زين وطرب على قولته .. وفيه فرق بعزم الموتر .. هذا إلى عرفته بشيل الدبات

ونشوف اخونا "للغالين فقط " تجربته

[عبدالرحمن السالم]

وشل الحل يا اخواني الاعزاء لجميع المشاكل الي عندي



صوت الطقه إلاماميه .. تأكد من الشيال حق الدبه او انزل تحت حفره وحاول انك تحربش فيه من تحت اخاف فيه شى مرتجي .. واذا الصوت امامي شيك على جلب المساعد او كرسي المساعد

***

صوت الونه اذا انت رافع الموتر من ورى "مركب يايات استراليه" فطبيعي انا عندي مثل هالصوت وكل من يركب اليايات .. واذا تبي تتأكد رجع يايات الوكاله وشف

***

ترا ماتشتغل الولاعه إلى بالتكايه الا بعد ماتحط المفتاح وتفتح السويتش بدون ماتشغل انا كنت مثلك اول وجربت شبكت "الترنس محول الكهرب" وحطيت المفتاح وفتحت السويتش واشتغل معاي

عندي ولاعه الشنطه مايشتغل ولا ادري وش علته بصراحه

موترك الله لايضره ماعليه خلاف .. موفق خير ،،

[عبدالرحمن السالم]

كل مواتر نيسان تنقص .. فلا تضيق صدرك

استخدمت المكسيما والباترول وهالحين الباث وكلها تنقص تقريبا عقب 1500 كيلو

الدخان الاسود يعني يبي لموترك تصفية .. شيك فلتر الهواء - البواجي - صفاية البنزين وان شاء الله يتحسن الموتر

هذا اذا شغله صافي نوعاً ما ..

اذا مهوب صافي فمعناته تنظيف بخاخات وتشييك على الكويلات

والله يابن غيثثات حتى مكاين التايوتا تنقص .. واعتقد ان الياباني مكاينهم مضروبه :p عكس الامريكي

وابد زي ماقال لاتشيل هم ولاتضيق صدرك ترا الامر عادي رح وانبسط واستانس .. انا رايح على موتري لسوريا :D وجيت والحمد الله الوضع ماشي تمام .. كانت معي علبه زودتها نص بسوريا ويوم جيت للقريات زود النص الباقي والحمد الله :p بس عاد يوم وصلت لحايل جلست 5 ايام وغيرت الزيت والحمد الله زين ياربي لك الحمد :)

[escape_man]

والله يابن غيثثات حتى مكاين التايوتا تنقص .. واعتقد ان الياباني مكاينهم مضروبه :p عكس الامريكي

وابد زي ماقال لاتشيل هم ولاتضيق صدرك ترا الامر عادي رح وانبسط واستانس .. انا رايح على موتري لسوريا :D وجيت والحمد الله الوضع ماشي تمام .. كانت معي علبه زودتها نص بسوريا ويوم جيت للقريات زود النص الباقي والحمد الله :p بس عاد يوم وصلت لحايل جلست 5 ايام وغيرت الزيت والحمد الله زين ياربي لك الحمد :)

الله يسلمك يابعدي ..

كبرت راسي .. قايل لكم الياباني مافه خير :D

انا شايف كامري جديدة عند راعي مشحمة بمنطقة الشقيق .. يلعن ويسب بتويوتا .. علامك يالطيب .. وشبلاك؟؟

قال انا جاي من جدة لجيزان وشيكت الزيت لقيته ناقص ..

فرد الحضرمي صاحب البنشر بحنكته وقال:

لا عليك يابني .. كل الكامري الجديدة تنقص .. ..

واتوقع او كما سمعت انه هالنقص سببه ضعف الشنبر .. طيب ليش الشنبر ضعيف ؟؟

يقولون حماية ..

اي نوع من الحماية .. الله اعلم

[عبدالرحمن السالم]

الله يسلمك يابعدي ..

كبرت راسي .. قايل لكم الياباني مافه خير :D

انا شايف كامري جديدة عند راعي مشحمة بمنطقة الشقيق .. يلعن ويسب بتويوتا .. علامك يالطيب .. وشبلاك؟؟

قال انا جاي من جدة لجيزان وشيكت الزيت لقيته ناقص ..

فرد الحضرمي صاحب البنشر بحنكته وقال:

لا عليك يابني .. كل الكامري الجديدة تنقص .. ..

واتوقع او كما سمعت انه هالنقص سببه ضعف الشنبر .. طيب ليش الشنبر ضعيف ؟؟

يقولون حماية ..

اي نوع من الحماية .. الله اعلم

هلابك ياحبيب الملايين :D
هي وقفت على الكامري حتى الاند وسمعت ان اف جي .. والفورشنر والله يعين

هي صحيح ضعف بالشمبر .. حتى بالباث لو تلاحظ ان إلى غيرو الشنابر ماينقص معهم الزيت ابد .. فيه رقم لشمبر زين للباث .. بس يابن الحلال ماعليه خلاف ترا نقص الباث ماهو واجد .. ولاينقص الا مع الدعس والجور .. امش داخل الديره 120 ولاتعداه وخليك فتره معينه على هالممشي وغير الزيت تلقاه زين ولابه اى نقص بس مع جور المكينه ينقص
رغم ان مكاين نيسان دائماً تفوز بأفضل المكائن لكن غريبه الله والعالم نقصتهم فلوس وحطو شنابر اى كلام :p

[س ل ي م ا ن]

أخوي رقم الشنبر120334w005يجيبونه من جده

[فرغالي]

سؤال الله لايهينكم
واحد من الشباب شرا باثفندر 2004 واكتشف ان القزاز الجاني الاخير مره مظلل شد بلاد يعني نفس القزاز اسود ,,,
ومادري هل هو يجي شد بلاد او مغيره

وشكرا

[escape_man]

هلابك ياحبيب الملايين :D
هي وقفت على الكامري حتى الاند وسمعت ان اف جي .. والفورشنر والله يعين

هي صحيح ضعف بالشمبر .. حتى بالباث لو تلاحظ ان إلى غيرو الشنابر ماينقص معهم الزيت ابد .. فيه رقم لشمبر زين للباث .. بس يابن الحلال ماعليه خلاف ترا نقص الباث ماهو واجد .. ولاينقص الا مع الدعس والجور .. امش داخل الديره 120 ولاتعداه وخليك فتره معينه على هالممشي وغير الزيت تلقاه زين ولابه اى نقص بس مع جور المكينه ينقص
رغم ان مكاين نيسان دائماً تفوز بأفضل المكائن لكن غريبه الله والعالم نقصتهم فلوس وحطو شنابر اى كلام :p

هلابك يالغالي .. وشخبار الطيور ;)

مكاين النيسان صنعت لتعطي ضغط منخفض .. نفس طويـــــــــــــــل .. على عكس التويوتا ..

علشان كذا تلاقيها تعيش فترة طويلة ..

مافي خطر على القير من المكينة لو تجور من هنا لباكر على عكس التويوتا الي لو تجور عليه تاثر الكلتش ولا راحت تروس القير ولا فرطت الكرونة ..

مكاين النيسان تتحمل التزويد بدون ما تتأثر وقيورها لو تحط مكينة تورنيدو تقول ابي الزود

هذا الي يحببني لنيسان ..

تلاقي باترول 86 الي يسمونه سطل .. زيوته تخرخر وشنبره رايح فيها ويمشي راعيه 10 سنين ..

بالنسبة لتغيير الشنبر علشان هالمشكلة فما انصح به .. لانه لو قدر الله وجيت تبيع بيقال لك مكينته مفكوكة ..

وثاني شي منت جاي ابخص من الي صنعوه

[دايت]

السلام عليكم يالربع . .

وش علومكم طيبين . .

معي با 99 والصراحة صرفية مب معقولة ابدددد . .

التانكي يمشيني 350-400 في الخط..؟!

والديرة تقريبا نفس الصرفية..

علما إني منيب راعي سرعة ولا جور . .

حدي 140 ..

كانه صرفيته والا علمونا نشوف لها حل . .

لاهنتوا . .

:)

[محواش]

صوت الطقه إلاماميه .. تأكد من الشيال حق الدبه او انزل تحت حفره وحاول انك تحربش فيه من تحت اخاف فيه شى مرتجي .. واذا الصوت امامي شيك على جلب المساعد او كرسي المساعد

***

صوت الونه اذا انت رافع الموتر من ورى "مركب يايات استراليه" فطبيعي انا عندي مثل هالصوت وكل من يركب اليايات .. واذا تبي تتأكد رجع يايات الوكاله وشف

***

ترا ماتشتغل الولاعه إلى بالتكايه الا بعد ماتحط المفتاح وتفتح السويتش بدون ماتشغل انا كنت مثلك اول وجربت شبكت "الترنس محول الكهرب" وحطيت المفتاح وفتحت السويتش واشتغل معاي

عندي ولاعه الشنطه مايشتغل ولا ادري وش علته بصراحه

موترك الله لايضره ماعليه خلاف .. موفق خير ،،
الله لا يهينك اخي العزيز
ام بالنسبه الولاعه كانت تعمل معي بس الضاهر صار التماس في جهاز الكنود وفصل الفيوز الذي اريده اين يقع مكان فيوزه
والله يحفظكم ويرعاكم

[محواش]

انا اتوقع وانا اخوك وماني جازم .. انت لارفعت الدفرنس احيانا يقصر معك عمود الكردان من جهة القير وتصير ركبتهن مهيب متطابقة فيطلع حرة لارفعت رجلك ثم رديتها على البنزين .. فتلاقينا مثلاً بالجموس نطول عمود الكردان واهل الجيوب مثل الشروكيات ينزلون القير ..

باقترح عليك .. حمل اغراض تثقل بها مقفى موترك .. خله ينزل تقريباً لرفعة شد البلد وجرب .. وعطنا علم

الله لا يحرمنا منك يـــــــــــــــــابن غييثات ................

ابشر بالخير بجرب وخبركم ............

[المحترف800]

وشوي الشنابر ؟؟

[passat2.0]

هلابكـ بن غييثات الجايات اكثر يابعدي الاوله مع الفشفش وعقبال المكسيما 2010<أستر عليه :D




===================





http://www.mekshat.com/pix/upload02/images100/mk133143_a1.jpg


ماشاء الله تبارك الله .. وش هالزين يا أبو سعود أثرك موب سهل :good2:

شكلك قبل بشارع المقاومات اللي بالعماريه :D

ا

[بن محفوظ]

وشوي الشنابر ؟؟


هذا واحد من العيال هههههههه

الله يبارك فيك هذي مثل الخاتم وتركب على البساتم علشان تمنع الزيت من دخوله على همود البساتم

والله يحفظنا وياكم من كل مكروه

[س ق ق 808]

السلام عليكم ياشباب عندي باثفندر 2005 كان عندي ترتره وانا واقف وغيرت الصفايه وخفت وباقي كتمه خفيفه بالموتر يعني اول ماحطه بنمره وادوسله تحس مايعطيك على طول يمسك شوي بعدين يمشي

البواجي غيرتهن ولاراحت الله لايهينكم فيدون

[escape_man]

السلام عليكم ياشباب عندي باثفندر 2005 كان عندي ترتره وانا واقف وغيرت الصفايه وخفت وباقي كتمه خفيفه بالموتر يعني اول ماحطه بنمره وادوسله تحس مايعطيك على طول يمسك شوي بعدين يمشي

البواجي غيرتهن ولاراحت الله لايهينكم فيدون

باقي فلتر الهواء

[escape_man]

السلام عليكم يالربع . .

وش علومكم طيبين . .

معي با 99 والصراحة صرفية مب معقولة ابدددد . .

التانكي يمشيني 350-400 في الخط..؟!

والديرة تقريبا نفس الصرفية..

علما إني منيب راعي سرعة ولا جور . .

حدي 140 ..

كانه صرفيته والا علمونا نشوف لها حل . .

لاهنتوا . .

:)

الله يقطع بليسك ..

بس 140 :)

بكم تعبيه فلللل

وكم سلندر

[مرير الشوق]

السلام عليكم ..

صبحكم الله بالخيرات ... ومشاء الله اليوم اجواء خياليه على منطقة الرياض

الله ينزل منها البركه ..

المهم :

البارح وانا اغير زيت ياشباب دخل يده اليماني داخل الفتحه حقت الزيت وطلع يده يوريني الزيت في اصابعه تقول كأنه متجمد .. وثقيل ..

ويقول ابو يمن .

بأن الزيت متجمد ويمكن يضر الموتر ولازم انك تسوي للمكينه تنظيف ...!!!!

وشرايكم ..؟
يقول فيه زيت تصبه بالمكينه وينظف المكينه ..؟

وش رايكم في كلام ابو يمن والله عليهم طلعات هالزيود ولا ندري نصدقهم ولا لا ..؟

[abu_nayf]

السلام عليكم ..

صبحكم الله بالخيرات ... ومشاء الله اليوم اجواء خياليه على منطقة الرياض

الله ينزل منها البركه ..

المهم :

البارح وانا اغير زيت ياشباب دخل يده اليماني داخل الفتحه حقت الزيت وطلع يده يوريني الزيت في اصابعه تقول كأنه متجمد .. وثقيل ..

ويقول ابو يمن .

بأن الزيت متجمد ويمكن يضر الموتر ولازم انك تسوي للمكينه تنظيف ...!!!!

وشرايكم ..؟
يقول فيه زيت تصبه بالمكينه وينظف المكينه ..؟

وش رايكم في كلام ابو يمن والله عليهم طلعات هالزيود ولا ندري نصدقهم ولا لا ..؟

وعليكم السلام ورحمة الله
صبحك الله بالنور والسرور
والله ونا اخوك انتبه كلام الزيدي مهوب شرط يكون دقيق وطايحين البناشر بهالحركة يمسحة يدة بأقرب شي عندة ويقول هذا زيت من داخل المكينة كل هذا عشان الي مايسمى بتغسيل المكينة ونصب عينك عينك ,,
يقولك تغسيل مكينة ب40 ريال
وشف وانا اخوك إذا فعلآ فيه وسخ او زي ماقال تجمد وانا استبعد الشي هذا فيه بناشر عندها نظام السحب (الشفط) هذا بأذن الله الحل السليم
والله يعينك ويوفقك

[محواش]

السلام عليكم ورحمة الله وبركاته
"جمعه مباركه"


اخواني الاعزاء عندي بعض المشاكل وقلت اعرضها على رجال المنتدى
1- صوت طقطقه في الامام في المطبات الصغيره من اليمين واليسار وتحت مكان الراكب في الامام .
2- في الاونه الاخيره ظهر صوت في خلف السياره الله العالم أنه صوت دفرنس "ونه" اذا رفعت رجلي عن البانزين يذهب الصوت في سرعه 35 إلى 100 واذا ضغت بانزين يظهر الصوت .
3- اريد اعرف اين يقع فيوز (الولاعه) إلي في التكيه علماً ان الي في الطبلون يعمل وشيكت على الفيوز الي في الطبلون عند الدواسه فتحت الدرج وجميع الفيوز سليمه .


والله يحفظكم ويرعاكم .............. :c







،،،،،،،،،،،،،،،افيدوني افادكم الله ،،،،،،،،،،

[مرير الشوق]

الله يعطيك العافيه اخوي ابو نايف

على المعلومات الجيده اللي تقدمها لنا يالغالي

والله يجزاك عنا كل خير..

وبصراحه انا شفته بعد تقل متجمد شوي .. ويخوف وللحين مادري وش اسوي

ان شاء الله يمر هنا اي واحد من الشباب قد مرت عليه هالسالفه ويفيدنا ..

[س ل ي م ا ن]

أخوي مرير الشوق غسيل المكينه زين لكن البلا أبويمن وش الماده اللي يغسلبه

راجع خيمة اعطال السيارات فيه موضوع للأصيل الحجازي ذكر فيه عن غسيل المكينه
وذكر وش المحلول اللي تحطه ووش تضيف له

[س ل ي م ا ن]

أخوي محواش أتمنى أقدر أفيدك بالمشكله الأولى لكن ترا عندي وعندك
خير بالأصوات لكن أنا أتقن فن التزليب أشغل المسجل وأطول عليه ولاكني
سمعت شي وبالنسبه للفيوز يمكن تلقاه بكتالوج الوكاله اللي بالدرج

[دايت]

الله يقطع بليسك ..

بس 140 :)

بكم تعبيه فلللل

وكم سلندر


والله وانا اخوك منول ماننزل عن 160 :D

بالماكسيما طال عمرك جلد خطوط . .

بس عاد عقلنا ولله الحمد . .

:D

الموتر ستة سلندر

واعبيه 35 -38 إذا صار فاضي مره . .

تانكي باث فاندر يعني مافيه شيء جديد . .

ذبحنا هالتانكي صغير بالحيل..

:)

[escape_man]

الله يعطيك العافيه اخوي ابو نايف

على المعلومات الجيده اللي تقدمها لنا يالغالي

والله يجزاك عنا كل خير..

وبصراحه انا شفته بعد تقل متجمد شوي .. ويخوف وللحين مادري وش اسوي

ان شاء الله يمر هنا اي واحد من الشباب قد مرت عليه هالسالفه ويفيدنا ..

انا اغسل مكينتي بالوكالة .. تقريبا بـ 280 ريال وبمحلول خاص موجود فقط عند الجميح ونيسان

دق على الوكالة وانشدهم بكم تغسلون المكينة ولا تنسة تغير السيفون ..

اخاف تغسل عن ابويمن بزيت خفيف وتصرقع المكينة :(

[escape_man]

والله وانا اخوك منول ماننزل عن 160 :D

بالماكسيما طال عمرك جلد خطوط . .

بس عاد عقلنا ولله الحمد . .

:D

الموتر ستة سلندر

واعبيه 35 -38 إذا صار فاضي مره . .

تانكي باث فاندر يعني مافيه شيء جديد . .

ذبحنا هالتانكي صغير بالحيل..

:)

الله المستعان ..

قبل الباث كان عندي مكسيما 99 :good2:

المهم ياطويل العمر

موترك 6 سلندر

وتعبيه بالثلاثينات

وسرعتك بالـ 140

ويمشيك 350-400

والله انه بطل ماشاء الله عليه ولا تعلم احد

انا 2005 اعبيه من آخر محطة بالرياض على طريق الشرقية ومايوصلني الدمام بسرعة 140

[مرير الشوق]

أخوي مرير الشوق غسيل المكينه زين لكن البلا أبويمن وش الماده اللي يغسلبه

راجع خيمة اعطال السيارات فيه موضوع للأصيل الحجازي ذكر فيه عن غسيل المكينه
وذكر وش المحلول اللي تحطه ووش تضيف له


يمال العافيه اخوي سليمان ولا قصرت والله

وبنراجع ونشوف ان شاء الله

[مرير الشوق]

انا اغسل مكينتي بالوكالة .. تقريبا بـ 280 ريال وبمحلول خاص موجود فقط عند الجميح ونيسان

دق على الوكالة وانشدهم بكم تغسلون المكينة ولا تنسة تغير السيفون ..

اخاف تغسل عن ابويمن بزيت خفيف وتصرقع المكينة :(


والله انك صادق والله يستر من ابو يمن ..

صايرين يخوفون من غشهم ..

ميرررررر يغشك عينك عينك ولا همه

[مرير الشوق]

الله المستعان ..

قبل الباث كان عندي مكسيما 99 :good2:

المهم ياطويل العمر

موترك 6 سلندر

وتعبيه بالثلاثينات

وسرعتك بالـ 140

ويمشيك 350-400

والله انه بطل ماشاء الله عليه ولا تعلم احد

انا 2005 اعبيه من آخر محطة بالرياض على طريق الشرقية ومايوصلني الدمام بسرعة 140


ترى صرفيت الباث على حسب الهواء بالخط ..

يعني اذا انت مناطح الهواء وماشي من الرياض للشرقيه وتمشي حوالي 140 مايوصلك ..
والعكس صحيح

[دايت]

الله المستعان ..

قبل الباث كان عندي مكسيما 99 :good2:

المهم ياطويل العمر

موترك 6 سلندر

وتعبيه بالثلاثينات

وسرعتك بالـ 140

ويمشيك 350-400

والله انه بطل ماشاء الله عليه ولا تعلم احد

انا 2005 اعبيه من آخر محطة بالرياض على طريق الشرقية ومايوصلني الدمام بسرعة 140


الله يجزاك خير ..

عز الله إنك ريحتني . .:D

انا معي ماكسيما 2003 وماااسافر الا عليها ..

وبعدين وقفت السفر ثم طلعت آخر سنتين ع شيروكي ..

والصراحة الصرفية ولا فر عن الباث.. :(

بس دام الدعوة كذا اجل لا زين الحمدلله ..

بيض الله وجهك .. :D

[خالد البدائع]

السلام عليكم و رحمة الله و بركاته
فيه باثفندر 2005 إذا شغلته الفجر او اي وقت يكون الموتر بارد يطلع صوت بالمكينه زي صوت الجمس الملكي القديم بس أنه مو متواصل متقطع و يروح اول مايدفى الموتر ( تكفون من عنده خلفيه عن الشيء هذا )

[muhsin]

السلام عليكم ورحمة الله وبركاته

انا معي باثفيندر 2005 يوم شغلت السياره امس

حصلت ان الطبلون ما تشتغل انواره

ليش !!

الله لا يهينكم

.
.
.

[راعي الشبات]

أسعد الله مساك أخوي محواش
بنسبة لصوة الطقطقة الي قدام احتمال انه يكون من الجلد حقات الياي والمساعدات يكونن متقطعات والحديد يضرب ببعضه ويطلع صوة
شيك عليهن

تقبل مروري

[راعي الشبات]

الي طافي عنده لمباة الطبلون
شيك على الفيوز يمكن يصر منه

[جواد333]

ياشباب أنا غيرت كرسي المكينه وقالي المكانيكي لازم نفك المكينه المهم فكها وركب الكرسي وبعد ما شغلت الموتر لقيت البنص نازل وعجز يعرف المكانيكي يرفعه ومريت على أكثر من ورشه وما لقيت حل وش الحل تكفون لأني لازم أشغل المكيف عشان يرتفع البنص

[PATHFINDER 4]

http://www.mekshat.com/pix/upload02/images100/mk133143_a1.jpg


ماشاء الله تبارك الله .. وش هالزين يا أبو سعود أثرك موب سهل :good2:

شكلك قبل بشارع المقاومات اللي بالعماريه :D

ا



لا الله يرحم والدي ووالديك اللي بالصورة مب انا :D

[العابر2222]

كيف الحال اخواني

والله اليوم انصدمت .....

توني شاري موتر باث قلت خلني اشيك على زيوت الدفرنسات

فك ابو يمن الصرة حقت الدبل ونزلت وشفت لقيت الزيت مغري كأنه لبن وغيرته حطيت 140

وفك صرة الدفرنس الي ورى ولقيته محترق لاصق اسوووووووووود ريحته تفقع الراس ولا فيه الى قليل

وفكها من تحت ونزل براد حديد غررررريب اول مرة اشوفه بحياتي ... وحطيت فيه زيت 140 بعد

ومشيت ولا طلع صوت لحد الحين ... هل يلحق الموتر ضرر او طريقة نسويها

لان ما عندي خبره في الباث

[ابوعزام]

السلام عليكم آخر تحديث لاسعار الكفرات يوم امس
المشيلان 670
الهانكوك والبرجستون 470
اليوكوهاما ويقول العامل انه مايجي مقاس الوكالة يجي265/65/17 سعره450
والماكسس 370 ريال

السلام عليكم
انا مركب طقم كفرات هانكوك الأسبوع الماضي
سعر الكفر الواحد 430 من الغرابي بالرياض
مع العلم مقاس الجنط 17
مقاس الكفر245\65
صنع 2009

[PATHFINDER05]

أخواني ملاك الباثفندر استفسار ايش ازين مساعدات ودي ارفع السيارة شوي .
تحياتي للجميع .

[أبونجم]

كيف الحال اخواني

والله اليوم انصدمت .....

توني شاري موتر باث قلت خلني اشيك على زيوت الدفرنسات

فك ابو يمن الصرة حقت الدبل ونزلت وشفت لقيت الزيت مغري كأنه لبن وغيرته حطيت 140

وفك صرة الدفرنس الي ورى ولقيته محترق لاصق اسوووووووووود ريحته تفقع الراس ولا فيه الى قليل

وفكها من تحت ونزل براد حديد غررررريب اول مرة اشوفه بحياتي ... وحطيت فيه زيت 140 بعد

ومشيت ولا طلع صوت لحد الحين ... هل يلحق الموتر ضرر او طريقة نسويها

لان ما عندي خبره في الباث



يا أخي لاتغير زيوت الدفرنسات والقير والدبل إلا في الوكالة أضمن لك من زيوت أبو يمن .

أنا غيرت كل الزيوت الدفرنسين الأمامي والخلفي والجير ( طبعا القير عندي عادي ) والدبل كلها كلفت حدود 400 ريال عند الحمراني في جدة فرع المحجر .

[escape_man]

الله يجزاك خير ..

عز الله إنك ريحتني . .:D

انا معي ماكسيما 2003 وماااسافر الا عليها ..

وبعدين وقفت السفر ثم طلعت آخر سنتين ع شيروكي ..

والصراحة الصرفية ولا فر عن الباث.. :(

بس دام الدعوة كذا اجل لا زين الحمدلله ..

بيض الله وجهك .. :D

المكسيما كانت تمشيني الشرقية ويبقى ثلث التانكي اذا كنت ماشي 140

لكن المكسيما اخف وزن وماتناطح الهواء مثل الجيب مثل ماقال اخوي مرير الشوق

[escape_man]

نفس كلام ابونجم ..

الوكالة ابخص ببعض الامور :

زيت القير - زيت الدفرنس - تصفية الموتر - غسل المكينة

اختصاراً .. اي مشكلة عويصه

خلهم يزيدون بالسعر شوي لكن يكفيك ان الشغل عليه ضمان

ويفكك من قولة ( مريت اكثر من ورشة )

[س ق ق 808]

باقي فلتر الهواء
بيض الله وجهك يابن غييثاث والله ماقصرت والموتر الحمدلله مضبوووووط الحين

[عبدالرحمن السالم]

أخوي رقم الشنبر120334w005يجيبونه من جده


هذا الكلام .. يابعد حيي والله عشت ولاهنت :good2:

[عبدالرحمن السالم]

أخواني ملاك الباثفندر استفسار ايش ازين مساعدات ودي ارفع السيارة شوي .
تحياتي للجميع .

هلا ومسهلا اخوي .. المساعدات مالها دخل برفع السياره .. إلى لها دخل اليايات هي إلى ترفع
بالنسبة للمساعدات تختلف فيه استرالي اصفر وفيه جبريال وفيه مورنو

موفق خير يالغالي

[عبدالرحمن السالم]

ياشباب أنا غيرت كرسي المكينه وقالي المكانيكي لازم نفك المكينه المهم فكها وركب الكرسي وبعد ما شغلت الموتر لقيت البنص نازل وعجز يعرف المكانيكي يرفعه ومريت على أكثر من ورشه وما لقيت حل وش الحل تكفون لأني لازم أشغل المكيف عشان يرتفع البنص

هلا ومسهلا اخوي جواد .. شف يالغالي كل إلى فكو مسامير الثلاجه تصير معهم زيك تقريباً ، لكن وش الحل افصل الفطاريه وخلها ربع ساعه او ساعه وارجع اشبكها وان شاء الله تضبط معك :)

عطنا خبر افصل البطاريه وجرب

موفق خير