:: الــحــمــرانــي ظــالــمــنــا بــكــل شــي حــتــى بــالــمــواصــفــات ::

[باترول للأبد]

:: السلام عليكم ورحمة الله وبركاته ::

أخواني محبين وعشاق وملاك سيارات نيسان هل يرضيكم اللي يسويه فينا الحمراني ؟؟

والله ظالمنا بكل شي حتى بالمواصفات وأنا بذكر لكم السيارات الي مواصفاتها ماتجي كامله عندنا :

باترول - أرمادا - ددسن - نافارا - التيما - صني - تيدا - زد

وفي سيارات مواصفاتها موحده ونفس الشي ماتختلف مثل :

باثفايندر - أكسترا - مورانو - ققشاي - أكستريل

وطبعن أنا ذكرت لكم السيارات ولاكن أنا بختص بالباترول لان كل سياره يبغا لها موضوع خاص

وبتكلم عن الموديلات من 2002 وطالع أما من 2001 وتحت فمواصفاتهم معروفين ..

* السفاري من 2002 إلى 2009 يتوفر بفتحه ودفلوك وعندنا هالمواصفات متلقاها الا بالسوبر سفاري

* السفاري 2 والسوبر سفاري من 2007 وطالع فيهم حساسات ورى وقدام والسعودي مافيه

* السفاري 2 من 2005 وطالع في كشافات واللي عندنا بدون

* السفاري 1 من 2005 وطالع يتوفر بمثبت سرعه والسعودي مافيه

* السفاري 1 والـ Gl-v من 2005 وطالع وارد عمان فيه دفلوك والسعودي مافيه

* الباترول Gl-v بوالرفارف السود ماعاد يجي عندنا وما أدري ليه !!

* لحية الصدام عند الحمراني أختياريه وعند موزعه الجبر أساسيه وبالخليجي كذالك

* القير العادي في السوبر سفاري من 2005 وطالع نادر جدا ومايجي الا بالطلبيه

* اللون البرتقالي نازل من 2007 بالخليج وبالسعوديه مانزل عندنا الا بـ 2008

( والحين جا دور الباترول الربع وبتكلم عن كل شي يخصه )

* السفاري فل كامل من 2002 وطالع يجي بدفلوك وعندنا مايجي ونادر جدا

* السفاري فل كامل من 2005 وطالع يجي بفتحه ودفلوك وعندنا مايجي ونادر جدا

* الباترول Sgl من 98 إلى 2004 مايجي عندنا وما أدري وش الأسباب

* الباترول Gl من 98 وطالع مايجي عندنا وما ادري وش الأسباب

* الباترول Gl 2 من 2005 وطالع مايجي عندنا وما أدري وش الأسباب

.................................................. ..............

& الألوان مش كلها تجي عندنا في الوان مانشوفها الا بالخليجي فقط

& وكلاء الخليج لابغيت تضيف شي على السياره يركبونه لك عادي

& وكلاء الخليج خدماتهم جدا راقيه عكس الحمراني اللي جايب لنا العيد

& جميع قطع الغيار متوفر وبجميع الأماكن تحصل عليها

والحين بعد اللي عرفتوه عن الحمراني ونصبه وش الحل برأيكم ؟؟

وصراحه مش مصبرنا عليه الا سياراته وصحيح مواصفاته مش كامله لاكن مالبيد حيله !!

[عاشق السيل]

أخوي باترول للأبد لايضيق صدرك هذا يسمونه ( حكم القوي على الضعيف ) !!!!


والله المستعان ،، عسى الله يصلح الحال !!

[لن أمل من العطاء]

لوضح لكم بعض النقاط والتي اصلا لا تغيب عنكم

1- اكثر من 75% من اعضاء المنتدى هم من قبائل نجد العريضة والعظيمة.وهم يعتبرون في منطقة المركز بين غرب الجزيره واقصى شرقها(دول الخليج) والشمال والجنوب- - اقصد بذلك الخليج قريب منك واليمن قريب منك

2-اكثر من90% من الذين يرغبون في شراء سيارات جديده يشترونها اما عن طريق الاقساط اوالايجار عن طريقة نفس الوكيل او ايجار عن طريق احد البنوك ( يعني لا بد لك اذا اردت شراء نيسان جديد بالاقساط او الايجار ان تذهب للوكيل او البنك)

3- اذا عندك مبلغ السيارة نقدي او حصلت على المبلغ من احد البنوك بطريقة شرعية واصبح المال في حسابك الشخصي انت الان امير نفسك ( طيارة على احد دول الخليج او الدوله التي ترغب في مواصفات سياراتها وتشتريها وتأتي بها )

4- يبقى عليك الوكيل هل يقبل الصيانه ويقبل الضمان لا اعتقد ان سيارة جديده لا يقبل وكيلها الضمان او الصيانه

انا اتفقك معك اخي باترول للابد ان ماكتبته لا يرضي اي شخص وليس فقط الحمراني وانما كل الوكلاء عندنا بالسعودية نفس الشيء

تذكر احد اصدقائي ذهبت معه ليشتري سوبربان 2004 وذهبنا للتوكيلات العالمية وطلبت له انا مواصفات معينه لانه لا يعرف شيء عتن الامريكي المهم تبغى فتحه قالوا مافيه تبغى دبل قفالوا مافيه نبغى مقاس 2500 لونين قالوا مافيه قلت للموظف الرجال فلوسه في جيبه هذا عميل نقدي (كاش) قال لحظه اشوف استشاري مبيعات يمكن وطلعت السيارة بالمواصفات اللي نبغاها عندهم بحوش الوكاله ودفع المبلغ واليوم الثاني استلم السيارة


اذن عميل النقد مو مثل الاقساط او التاجير

والذي رفع السماء بلا عمد نراها لو باشتري سيارة نقدا كاش ما اشتري الا سيارة من اميريكا

ولكن وين الكاش


اخوك

لن امل من العطاء

[exsoskeleton]

لا تزعل ولا شي ... فلوسك في جيبك والجواز موجود
وعلى قطر أو الكويت أو البحرين أو عمان .... وخل عنك الحمراني
إدخل هذي المواقع :
qatarsale (http://www.qatarsale.com)
q8car (http://www.q8car.com/newsite/cars/arabic/main.asp?brand=%E4%ED%D3%C7%E4&model=%C8%C7%CA%D1%E6%E1&Year=&Price=&WebPage=CarsList)
toyota oman (http://www.toyotaoman.com/)
bahcars (http://www.bahcars.com/ar/)
وشوف الأسعار وتلفونات الشركات .

[المميـز]

اخوي باترول للابد اشكرك على الموضوع هذا

وانت عارف اذا الوكيل ماله منافس راح ياخذ راحته بالمواصفات والاسعار

لكن الله يصبرنا

الا بشر عنك شريت موتر انت والا لا ؟؟؟؟

[أبو LAMeS]

شف وأنا أخوك خلنا صريحين وخلنا نتفق على أن الأغلبية ما يعرفون مواصفات السيارات يعني يروح واحد من الناس للوكالة مثلا لوكالة نيسان على أساس أنه يبغى باترول يدخل الوكالة ويسأل الموظف عندكم باترول فل كامل يعني ما يسأل عن المواصفات المكانيكية والأكسسوارات يعني ما يسأل عن أدق التفاصيل أهم شيء فل كامل وبس أو نص فل ... لو الواحد إذا دخل قال لهم أبي باترول فيه كذا وكذا وكذا وإذا قالوا له ما فيه قال لهم مع السلامة أروح عند غيركم أدور المواصفات أروح لتويوتا أو فورد يمكن القى المواصفات اللي أنا أبي صدقني إذا كثر من هالكلام راح يضطر أي وكيل لتوفير ولو جزء بسيط من السيارات بالمواصفات اللي يطلبها الزبائن ... بالمختصر المفيد الأغلبية منا ما عنده ثقافة بمواصفات السيارات ما يعرف غير فل ونص فل وسياحي ويحسب الفرق بينها بالمسجل والمكيف والديكورات!!هذه نقطة..

النقطة الثانية أتوقع لو تجي السيارة مثل الباترول بالمواصفات الكاملة مثل ما يقولون فل الفل أتوقع راح يطق سعره فوق الميتين لذلك أتوقع الوكيل يحاول أنه يتوسط بين هذا وذاك يعني مهوب كل الناس عندها قروش

النقطة الثالثة أتمنى التركيز في الوقت الحالي على المشاكل اللي يذكرونها الأخوان عن الباترول الباثفندر وأتوقع أن حلها ونقلها للوكيل لعل وعسى أنه يتحرك أهم من المواصفات

شكرا على طرح الموضوع

[الجندي2005]

الله لا يحل الحمراني بهالشهر الفضيل من عدم توفير القطع الغيار ،،، سبق ان كتبت موضوعي عن اديتر مكيف الباترول ولا اريد تكرار الموضوع ،، الله لا يحل له

[Abu Saad]

سهلة جدا.
افتك من الداب وشجرته ..
واشتر من الخليج ابرك .

[باترول للأبد]

أخواني الأعزاء أشكركم من كل قلبي على مشاركتي بالموضوع وعز الله أنكم ماقصرتوا وكلامكم كله عين الصواب

[صلهامه]

با ترول وش لونك يا بعدى

انا غاسل ايدى من النيسان من ايام العراوى موديل 1980
من موديل 1980 الى موديل 1987 واللى يتغير الخط بسسسسسسس

الخط اللى بالجنب

قلنا عااادى

وجاء بعدها الموديلات تقعد لها ستة او سبعه موديلات ما يتغير الا بس الخط وعليها

الحين صاروا يغيرون الهيكل على خفيف والباقى متشابهه

المصيبة ان اللى يبون قطع غيار ما يعرفون ان اكثر النيسان يتشابه بالقطع بس يتغير الرقم حسب اسم السياره والموديل



ومن يومها وانا عارف انه مضحوكن علينا وبقووووه بعد

[Abu Saad]

با ترول وش لونك يا بعدى

انا غاسل ايدى من النيسان من ايام العراوى موديل 1980
من موديل 1980 الى موديل 1987 واللى يتغير الخط بسسسسسسس

الخط اللى بالجنب

قلنا عااادى





:no2:
غير صحيح اخي العزيز وهذا دليل ان معلوماتك مغلوطة او مصدرها غلط او انك ماعاشرت الددسن ابدااا.
هل تعلم ان هناك فرق بين موديل الدفعات حتى!!
مثلا موديل ثمانين دفعة اولى عيونه مدورة ودفعة ثانية لا مستطيلات .
وفيه فرق بين 82 وال83 في الديكور الداخلي والعدادات والصدامات والاسطبات الخلفية فرق كبير ..
وبه فرق بين 83 و84 الشبك الامامي واللون الداخلي .
وبه فرق بين الاربعة والخمسة باب الصندوق الخلفي بكبره يختلف داخليا وخارجا ..
وبه فرق بين الخمسة المكيف والغير مكيف واحد بمثلث وواحد بدون !
وبه فرق جذري بين الخمسة والسته ( فرق جذري في كل شي ماعدا الطيس والقفل !!)
وعلى فكرة ترى الاثنين وثمانين دفعتين وكل وحده تختلف عن الثانية .
والثلاثة مثله ... وعلى فكرة الاختلاف ليس في كتابات او لصقات لا.
وكل الموديلات اعلاه سبق وان امتلكتها شخصيا .. وليس يقولونه .
فياليت اخي العزيز ان لاتتطرق الا لاشياء تعرفها ..
بدون تخمينات او معلومات مغلوطة..
حتى لايتوهم القارئ الكريم .

وجزاك الله خير
اخوك ابوسعد
:)

[بدوي جنوبي]

شف وأنا أخوك خلنا صريحين وخلنا نتفق على أن الأغلبية ما يعرفون مواصفات السيارات يعني يروح واحد من الناس للوكالة مثلا لوكالة نيسان على أساس أنه يبغى باترول يدخل الوكالة ويسأل الموظف عندكم باترول فل كامل يعني ما يسأل عن المواصفات المكانيكية والأكسسوارات يعني ما يسأل عن أدق التفاصيل أهم شيء فل كامل وبس أو نص فل ... لو الواحد إذا دخل قال لهم أبي باترول فيه كذا وكذا وكذا وإذا قالوا له ما فيه قال لهم مع السلامة أروح عند غيركم أدور المواصفات أروح لتويوتا أو فورد يمكن القى المواصفات اللي أنا أبي صدقني إذا كثر من هالكلام راح يضطر أي وكيل لتوفير ولو جزء بسيط من السيارات بالمواصفات اللي يطلبها الزبائن ... بالمختصر المفيد الأغلبية منا ما عنده ثقافة بمواصفات السيارات ما يعرف غير فل ونص فل وسياحي ويحسب الفرق بينها بالمسجل والمكيف والديكورات!!هذه نقطة..

النقطة الثانية أتوقع لو تجي السيارة مثل الباترول بالمواصفات الكاملة مثل ما يقولون فل الفل أتوقع راح يطق سعره فوق الميتين لذلك أتوقع الوكيل يحاول أنه يتوسط بين هذا وذاك يعني مهوب كل الناس عندها قروش



شكرا على طرح الموضوع

اهم ما في الموضوع هذي النقتطين

الاولي عدم معرفة الزبون بالمواصفات اللي فعلا يحتاجها
مثلا زبون راعي بر ،،
مواصفات مهمه: دفلك
تانكيين
ونش
كفرات سلق
شاشة
قير عادي

بعض المواصفات لا يحتاجها : جنوط عريضة مثلا ،،، اكسسورات وديكور مخشب .ومراتب جلد

الثانيه : الوكيل لو جمع كل المواصفات في سبارة واحدة بيكون سعرها مرتفع جدااا
جيوب توبوتا عند وكيلها اكثر من نوع لكل فئة وهذا يتيح الاختيار للمشتري حسب مقدار المبلغ

لكن يعيبه شيئ واحد وهو ان النوع السياحي مواصفاته جدااا رديئه
عكس السيحاي عند دول الخليج ،،،، يكون القزاز كهرب وفتحة شقف وهزاز وونش .

هذا تعليقي علي هذي النقاط اللي تغفل عن البعض كما ذكرها ابو لميس


تحياتي للجميع

[سطام vip]

الله يعطيكم العافيه على هالنقاش الراقي

والي يبي الياباني يجيبه من الخليج وبس

سواء نيسان والا تويوتا

الوالد الله يحفظه جاب من الامارات باترول فل كامل يحبه قلبك

مواصفات ولون ما فيه امل تلاقيه في السعوديه

خارجي سموك سلفر غامق مو مثل الي عندنا اشهب

وداخلي احمر عنابي مراتب متحركه جلد فتحه زينون دعامه وكشافات

ثلاجه وسيدي و شنطه سيديات بالخلف غير السيدي

الي في المسجل وصراحه ما تندمت على سياره باعها الوالد مثله

الله يعطي راعيها من خيرها ويكفيه شرها ما خلوه الناس كل شوي

جاي للوالد واحد ويزيد في السعر يبيه

بالتوفيق للجميع

[سهم VTC]

والله انك صادق...
اووووووووف من الحمراني لولا الفتك ماطبيت نيسان...

[سوبر VTC]

مشكور اخوي باترول للابد
ما باليد حيلة خلهم يفتحون المنافسة و تشوف
شف اول ما نزلت موبايلي انخرشت الاتصالات قامت من النوم :)
ما شريت موتر:d
انا اقول لو يعقله الله من الخرابات اصرف و عسى الوكالة تلافى العيوب

[باترول للأبد]

أخواني الأعزاء أشكركم من كل قلبي على مشاركتي بالموضوع وعز الله أنكم ماقصرتوا وكلامكم كله كلام منطقي و عين الصواب

[.أبوعبدالرحمن]

وسع صدرك ما شفت شي

[باترول للأبد]

أخوي ابوعبدالرحمن الصفيّان وسعت صدري بما فيه الكفايه لاكن خلاص مليت من هالوضع

[sgl2001]

:no2:
غير صحيح اخي العزيز وهذا دليل ان معلوماتك مغلوطة او مصدرها غلط او انك ماعاشرت الددسن ابدااا.
هل تعلم ان هناك فرق بين موديل الدفعات حتى!!
مثلا موديل ثمانين دفعة اولى عيونه مدورة ودفعة ثانية لا مستطيلات .
وفيه فرق بين 82 وال83 في الديكور الداخلي والعدادات والصدامات والاسطبات الخلفية فرق كبير ..
وبه فرق بين 83 و84 الشبك الامامي واللون الداخلي .
وبه فرق بين الاربعة والخمسة باب الصندوق الخلفي بكبره يختلف داخليا وخارجا ..
وبه فرق بين الخمسة المكيف والغير مكيف واحد بمثلث وواحد بدون !
وبه فرق جذري بين الخمسة والسته ( فرق جذري في كل شي ماعدا الطيس والقفل !!)
وعلى فكرة ترى الاثنين وثمانين دفعتين وكل وحده تختلف عن الثانية .
والثلاثة مثله ... وعلى فكرة الاختلاف ليس في كتابات او لصقات لا.
وكل الموديلات اعلاه سبق وان امتلكتها شخصيا .. وليس يقولونه .
فياليت اخي العزيز ان لاتتطرق الا لاشياء تعرفها ..
بدون تخمينات او معلومات مغلوطة..
حتى لايتوهم القارئ الكريم .

وجزاك الله خير
اخوك ابوسعد
:)
وفية فرق بين الربعة والثمانين وتحت تجي باربع نمر والخمسة وفوق تجي بخمس نمر

[محسن اليامي]

الله يعينكم على الحمراني

[باترول للأبد]

الله يجزاك خير أخوي محسن اليامي والله يكون بعون الجميع

[المسافر]

الآن البازعي بدأ يجيب نيسان من الخليج
والله شفت عنده فتك 2008 ما شفت مثل روعتة

[باترول للأبد]

^^^^^^^^^^^

أخوي المسافر الله يبشرك بالخير وأنا سمعت مثل هالكلام كثير لاكن للحين ما شفت عينه منهم

[القناص F]

الله يكـون بالـعون بس

[طحنون]

الاخ العزيز
باترول للابد
الموضوع لوراح نتكلم فيه بصراحه
راح ينحدف ردي لان الصراحه عند بعض الناس تقرصهم وتسبب لهم حساسيه حتى الموت
لاكن مثل ماقالو الاخوان
حكم القوي على الضعيف
والمشكله ان راعي الحق حقه مهضوم
تدري خلي الطابق مستور
ألا قلي وش سحورك اليوم

[باترول للأبد]

الله يكـون بالـعون بس

الله يكون بعون الجميع

[باترول للأبد]

الاخ العزيز
باترول للابد
الموضوع لوراح نتكلم فيه بصراحه
راح ينحدف ردي لان الصراحه عند بعض الناس تقرصهم وتسبب لهم حساسيه حتى الموت
لاكن مثل ماقالو الاخوان
حكم القوي على الضعيف
والمشكله ان راعي الحق حقه مهضوم
تدري خلي الطابق مستور
ألا قلي وش سحورك اليوم

أخوي الغالي طحنون ردك وصلني قبل لاتقوله وانا متاكد ان كلامك راح يكون واقعي

وحنا بنقول مثل ماقالوا الأعضاء .. حكم القوووي على الضعيف

وحلوه وش سحورك اليوووم ههههه .. كبسة لحم :cool:

[عبدالله الضويان]

يعطيك العافيه

[مقلع الرمث]

والله لو تروح لكل وكيل تحصله محتكر كل حاجه ولاعب بالمواصفات ويجيب مواصفات على اللي يبي هو تقل يبي يستخدمها له

[بدوي جنوبي]

الاخ العزيز
باترول للابد
الموضوع لوراح نتكلم فيه بصراحه
راح ينحدف ردي لان الصراحه عند بعض الناس تقرصهم وتسبب لهم حساسيه حتى الموت
لاكن مثل ماقالو الاخوان
حكم القوي على الضعيف
والمشكله ان راعي الحق حقه مهضوم
تدري خلي الطابق مستور
ألا قلي وش سحورك اليوم

اذا كان ردك منطقي ومفيد ويقنع القارئ
مستحيل ينحذف ،،
يا ليت تكتب ردك ونشوف بس لا تنسي النقطتين اللي ذكرت اعلاه .

تحياتي

[بـلـيـهـان 1]

هاذي الأحوال عندنا و أيضا وكاله تيوتا عبد اللطيف جميل الله يرحمه .

ما فيه حل إلا المقاطعه نهائيا و شف كيف يرجعون و يجيبون الزين لدار الزين السعوديه :)

الله يهديهم