اسعار الزيوت

[العشة]

السلام عليكم

شباب وش سالفة اسعار الزيوت كل شوي مرتفة

امس رحت لمحل غيار الزيت

قالي ترى الزيت ب 16 اللتر

هل صحيح الغلا ذا ولا خدعة اخرى من

محلات غيار الزيوت !!

[خيال الغلبا]

نفس المشكله والتساؤل

اجيبونا ياشباب

[رحال الغربيه]

اخواني عندي الحل لكم وهو اشتر كرتون الزيت وغيره بنفسك او وده يم البنشري وياخذ 5 ريال

انا مسويها والله العظيم فرق كبير

انت سعر الكرتون وضربها قي 24 علبه تجد الفرق

وجزاكم الله خير وجعلكم من عتقائه من النار

[آمري يا كامري]

أنا شاري كرتون زيت شل سوبر وجدت فرق في السعر وكذلك سيفون وكنت أغير بعشر ريال ثم طمع الهندي وصار ياخذ خمس عشرة ريالات والآن زاد السعر إلا عشرين ريال وشكلي بغير الزيت بنفسي ولا هل حراميه

[بدوي جنوبي]

سئلت عن كاسترو 10W-30 عند البنشري يقول ب 16 ريال للعلبه
والسيفون ب 25

يعني 16 * 6 علب = 96 ريال + 25 سيفون + 10 شغل يد = 131

هذي حسبة البنشري


حسبتي انا :
من محلات الجمله او محلات قطع الغيار
6*12 =72 + سيفون من قطع الغيار 15 = 87 ريال

التوفير = 44 ريال

طبعا انا اللي غيرت الزيت والسفون عند باب البيت في 15 دقيقه

[ابو جنى 2005]

يالربع انا مثل اخوي رحال الغربية اشتري بالكرتون بس تفاجأت انه ارتفع ارتفاع قوي جداً
اول اشتري سوبر شل 215 ريال والحين 280 ريال

اللهم ادفع عنا الغلا والوباء الزناء والزلازل والمحن
امييييييييييييييييين يا رب

[سوبر VTC]

خذوا العلم يا جماعة ترى ما يستخدم الشل الا الشيبان :d
واحد يقول يمشي معي الموتر 1000كيلو و يصير الزيت اسود
اللي يبي نصيحتي ياخذ زيت فوكس الماني و جودته عالية كمواصفات و مقاييس و ازين من الشل
***
انا بالنسبة لي استخدم زيت سوبر جتي اماراتي علبة حديد اخذته قبل 6 شهور الكرتون ب 130 ريال
يعني العلبة ب 5.4ريال
و امشي بالموتر الى 7 او 8000الاف
تحياتي

[بارق المطر]

اشتر جملة
شل احسن الزيوت
وفوكس من اسوأها حسب خبرتي

[أبو عقل 1403]

السلام عليكم,,,,,,,,,,
مثل ماقالوا الاخوان كلش ارتفع الله يرحمنا برحمته كنت اول اغير الزيت من عند البنشر لكن مع الغلا صرت اشتري الزيت من محلات الجملة وتطلع علي العلبة بــــــــ 8 ريال شوي الا حق الزيت يقولي اغيرلك الزيت بعشرة قلنا معليش وشوي الا بــــــــــ 15 ريال سالته ليه قال هذا سعرنا تبي ولا شف غيري واشوف غيره ونفس السعر متفقين عرفوا العالم يشرون بالجملة مافي حل الا كل واحد يغير الزيت بنفسه والله الشغلة سهلة ,,,,,,,,,,

[بنزرت]

قل من امرك قال من نهاك.............. ويش يمنع الشركات من رفع الاسعار؟؟؟؟ ما في اي جهه مسؤله
وبالنسبه للزيوت انا من عرفت السيارات وانا اغير زيت شل .... بس من ثلاث سنوات صار زيت شل ردي بالحيل ويصير اسود على طول... اول كان يصير بني غامق بعد الاستعمال الحين يصير اسود وغيرت لاحسن زيت الحين في اعتقادي فوكس
وسلامتكم

[بدوي جنوبي]

خذوا العلم يا جماعة ترى ما يستخدم الشل الا الشيبان :d
واحد يقول يمشي معي الموتر 1000كيلو و يصير الزيت اسود
اللي يبي نصيحتي ياخذ زيت فوكس الماني و جودته عالية كمواصفات و مقاييس و ازين من الشل
***
انا بالنسبة لي استخدم زيت سوبر جتي اماراتي علبة حديد اخذته قبل 6 شهور الكرتون ب 130 ريال
يعني العلبة ب 5.4ريال
و امشي بالموتر الى 7 او 8000الاف
تحياتي



يجي منه عيار 10w-30
دورت وما لقيته ؟:mad:

[شامخ ألهيلا]

هلا فيك اخووي وخذ كلام الصح من سوبر فتك

الزيت الي تبيه يمشي معك ولا يتغير لونه

فووكس 10- 30 وعلبته بيضاء

وسعر الكرتون 250 ريال

تطلع العلبه 10.41 يعني نقوول 11 ريال

اذا موترك جيب لاند ياخذ 8 والسيفون من الوكاله 22 ريال
وشغل ابو يمن 15ريال

يعني يكلفك 88 + 22 + 15 =125
وواذا عند البنشر تغير 128 لزيت +30 لسيفون =158
الفرق 33 ريال

ومانقول غير الله يرزقنا ويرزق منا

[الهاوي2008]

الله يعين وبس

[امبراطوور]

والله انا عن نفسي بترومين الترا سفن
لا يعلى عليه..
بس غلى عن اول
صار ب17 ريال

[Bader-M]

افضل المحلات لبيع الزيوت

هو شارع علي بن طالب ات متجه الى الجنوب بعد تقاطع شارع الاميرسلمان امسك الخدمه بعد المالكي للمرسيدس تاتي بعدها محلات بيع الزيت الجمله اسعارها تقريبا متقاربة واشهرها المسيطير و هي ياتي بالركن قبل شارع زيد بن الحارث

تحياتي للجميع

[قصيعاوي]

ياخون .......... أتكلم عن زيت ((جي تي)) كنت أشرية بالكرتون
يطلع علي العلبة ((8ريال )) والحين يطلع علي العلبة ((12ريال)) هذا الكلام قبل شهر ونصف تقريبا....

[سوبر VTC]

افضل المحلات لبيع الزيوت

هو شارع علي بن طالب ات متجه الى الجنوب بعد تقاطع شارع الاميرسلمان امسك الخدمه بعد المالكي للمرسيدس تاتي بعدها محلات بيع الزيت الجمله اسعارها تقريبا متقاربة واشهرها المسيطير و هي ياتي بالركن قبل شارع زيد بن الحارث

تحياتي للجميع

انا المحل اللي اشتري منه
اذا صرت عند اشارة البان الصافي ديور و امسك الخدمه ووجهك شمال تقريبا 300متر اول محل على اليمين لوحته كبيرة شل على زاوية شارع فرعي

[ابوفيصل9]

اللهم ارفع عنا الغلا والزنا والزلازل والمحن

[معن1420]

رحت لمحل البنشر ابغير الزيت قلت للهندي كم قال سوبر شل ب 15 وبترومين 13 وفوكس ب 15

قلت وش هذا ؟؟؟؟؟؟؟؟؟؟ قال سعر في زياده !!!!!!!!!! رحت لمحل قطع الغيار لقيت السوبر شل 10 وبترومين 8 ريال
رجعت للبنشري قلت فيه فرق بينك وبين محلات قطع الغيار !!!!!!!!!! قال ايوه هذا نمبر تو

قلت نمبر تو نمبر تري مافيه مشكله غيره بترومين وعطيناه عشرة ريل عن شغل يده

هذا الكلام من اكثر من ثلاثة اشهر

[البرج الطويل]

يالربع ورى من غير زيوت سياراتنا بنفسنا ازين من ذا الهنود

[L I M I T E D]

الحين القيمه شبه متقاربه بين اللي يشتري بالكرتون

واللي ياخذ بالعلبه كرتون السوبر شل بحدود 290 ريال

وقبل كان بحدود الـ 210 ريال ....!!

اضف ان السوبر شل صار بدون تسعير مكتوبه على العلبه

يعني التلاعب بيصير كبير جداً

فيه حل وهو اللي انا اسويه احياناً

وهو كل واحد اذا راح لـ ديرته يغير الزيت فيها ارخص

وخصوصا اللي ديرته قريبه وكل كم اسبوع يروح لها

اخر من غيرت كان السوبرر شل بـ 10 ريال للعلبه

[الـمايـسـتـرو]

زيت شل سوبر العلبه آخذها من محل البيع بالجمله في الصناعية بـ11 ريال للعلبه والسيفون الأصلي بـ20ريال ,,,, طبعاً السيارة جمس يوكون

واللي متعاسر يوصل الجمله يغير الزيت بألف ماهمه ولا فرقت معه

[الطرقي 1]

السلام عليكم ياشباب
الزيت زاد زيادة جديدة الكرتون من 215 الى 280 الظاهر التجار قالو مايصير البناشر تستفيد وحنا لا ارفعو سعر الزيت والبناشر نفس الاسعار تقريبا ولاحياة لمن تنادي .

[Shakee]

حسبنا الله على من كان السبب

[خيال الغلبا]

انا اغير في مسقط راسي تبعد عن الرياض 280 كيلو اروح للمزرعة واغير هناك الفرق بالعلبة الواحدة خمسة ريالات عن الرياض في الرياض تزيد العلبة الواحدة خمسة ريالات تخيلو

[أ ب و ع ل ي]

أحسن شي لاتغير الزيت إلا مرة بالسنة أومرتين لأن قيمة الزيت يعادل قيمة توضيب المكينة

والله منتنا من الأسعار الله يزين الحال ويجيب الأمطار

[اسهيل]

احقيقه ان المفروض انك تغير الزيت بنفسك وخاص اصحاب الجيوب ليش لانه رفيع تقدر تدخل تحته هذى شي
وكل المطلوب هو
فقتاح مختوم الصلى نفس مقاس السنه
الثاني قميص نوم ماتبيه
الثالث مطقه صحرويه او براحه او في حوشكم
الشباب في المحافطات ماحد يغير عند المشحمه يغير بنفسه وخاص الجيوب يطلع للبر وكله المسافه كيلو واحد الثنين كلو ويفك الصره ويصح شاهي بعدين اذا خلص صككه وعبى الزيت وسلام

[ناصح]

احقيقه ان المفروض انك تغير الزيت بنفسك وخاص اصحاب الجيوب ليش لانه رفيع تقدر تدخل تحته هذى شي
وكل المطلوب هو
فقتاح مختوم الصلى نفس مقاس السنه
الثاني قميص نوم ماتبيه
الثالث مطقه صحرويه او براحه او في حوشكم
الشباب في المحافطات ماحد يغير عند المشحمه يغير بنفسه وخاص الجيوب يطلع للبر وكله المسافه كيلو واحد الثنين كلو ويفك الصره ويصح شاهي بعدين اذا خلص صككه وعبى الزيت وسلام


رجاء ثم رجاء



من كل الشباب



أدفع 15 ريال أو 20 ريال شغل يد لصاحب محل الزيت ..




ولا تغير الزيت في برارينا الجميلة



فلا يوجد أكثر إتلافا للتربة من الزيت المحروق



والمسألة ما تستاهل هذه البهذله لك ولثيابك وبرارينا ..



لأن تغير الزيت في البر حتى لو حفرت حفرة يلوث تربة البر تلويث مستديم ...!!



فلا تسن للناس سنة سيئة




صحارينا تشتكي من المخلفات والنفايات وتريد أن تجهز على التربة بزيت السيارت ومخلفاته ..


كله علشان توفر بعض الريالات ..!!


وتفضل هذه صورة من أحد فياض الصمان ..



http://www.mekshat.com/pix/upload02/images58/mk1937_somanoil%20%281%29%20%28620%20x%20465%29.jp g


الرجاء تغير الزيت في المكان الصحيح وليس في البر والمسألة لا تستاهل توفير 20 ريال




http://www.mekshat.com/pix/upload02/images58/mk1937_somanoil%20%28620%20x%20465%29.jpg



لا أعتقد أن أحد يرضى بمثل هذا الحال..

[البرج الطويل]

ههههههههههههههههههه ناصح بيض الله وجهك كلك ذوق والصور احلا

[غضنفر]

ابصيح يا عالم
الترا 7
قبل 4 شهور شاريه بــ 195
اليوم سعره 270
السبب طبعا ارتفاع اسعار البترول
طيب هذاك اول
ذلحين البرميل بــ 104
المفروض بعد فترة ترخص اسعار الزيوت


- خاطرة

فشيلة
اكبر دولة مصدرة للنفط
ومع ذلك
لا نعرف كيف نصنع زيوت سيارات
المفروض
آرامكو
تصنع زيوت
وتبيع العلبة
بـــ 5 ريالات
لأنها تشري النفط ببلاش

[بدوي جنوبي]

رجاء ثم رجاء



من كل الشباب



أدفع 15 ريال أو 20 ريال شغل يد لصاحب محل الزيت ..




ولا تغير الزيت في برارينا الجميلة



فلا يوجد أكثر إتلافا للتربة من الزيت المحروق



والمسألة ما تستاهل هذه البهذله لك ولثيابك وبرارينا ..



لأن تغير الزيت في البر حتى لو حفرت حفرة يلوث تربة البر تلويث مستديم ...!!



فلا تسن للناس سنة سيئة




صحارينا تشتكي من المخلفات والنفايات وتريد أن تجهز على التربة بزيت السيارت ومخلفاته ..


كله علشان توفر بعض الريالات ..!!



وتفضل هذه صورة من أحد فياض الصمان ..



http://www.mekshat.com/pix/upload02/images58/mk1937_somanoil%20%281%29%20%28620%20x%20465%29.jp g


الرجاء تغير الزيت في المكان الصحيح وليس في البر والمسألة لا تستاهل توفير 20 ريال




http://www.mekshat.com/pix/upload02/images58/mk1937_somanoil%20%28620%20x%20465%29.jpg



لا أعتقد أن أحد يرضى بمثل هذا الحال..



الله يجزاك خير علي النصيحه
والمحافظة علي البيئه مطلب ديني
الزيت القديم ممكن جمعه في جالون واعطاءه اقرب بنشر

شكرا لك :good:

[سفيان]

جزاك الله خير ....