المساعد الشخصي الرقمي

مشاهدة النسخة كاملة : يا رجال مكشات شوركم لي ونصيحتكم لا هنتو


ذيب الزور
25/09/2008, 02:38 AM
السلام عليكم ورحمة الله وبركاته

يا جماعه ابي فزعتكم وشوووركم

وش رايكم بالباتروول القديم موديل 86 الشكل القديم والا تويوتا فيبر نفس الموديل وعلى كم اسعارها النظيف منها وكيفه بالبر والخط اللي عنده خبره عنه يفيدني الله لا يهينكم

وتقبل الله صيامكم وقيامكم
بواسامه
25/09/2008, 05:54 AM
اشور عليك بالتويوتا اقوى شوي
اما اسعار النيسان الى 8000 الاف
وتويوتا لا اعلم عنها شي ولكن اتوقع الى 12 الف وحواليها
اما في الخط فلي زميل يشتكي من نيسان 83 يعني اخو 86 انه غير راسي ومزعج بحنته

ليتني اعرف اكثر لكي اخدمك وانا اخوك
وفقت للخير
Abu Saad
25/09/2008, 06:01 AM
والله معلم وانا اخوك ..
لكن من الصعب ان تجد جيب نظيف من الموديلات التسعينات ..
فمابالك بالثمانينات!!!
الا من عند رفيق تعرفه ..
وان شاء الله يفيدونك الشباب .
أبو أسامة
25/09/2008, 06:24 AM
وعليكم السلام ورحمة الله وبركاته

أخي الكريم : أنا أملك نيسان بترول 86 يعني أكلمك من تجربه الموتر ماعليه عزمه حليو ورساوته ماعليها كجيب تعتبر جيده وصرفيته للبنزين بعد مراوح الكهرب والفرارات تمام ... وللمعلومية يجي عليه تانكي كبير وتانكي صغير التانكي الكبير سعته حوالي 116 لتر وهو نفس اللي معي .... بينما التانكي الصغير سعته لا أعرف بالضبط لكن حوالي 80 لتر ......... الموتر يعيبه الحنه وحتى بعد تركيب المروحه الكهربائية يحن لكن بشكل أقل .......... والتايوتا ما جربته لكن لو تطعني أخذت تايوتا بسبب أنه لم يختلف شكله إلا عام 2006 يعني ما راح تواجه مشاكل بالبدي والأسطبات ولا حتى بالديكور الداخلي وأظن حتى بالقير والمكيف يعني أسهل عليك لو بغيت تغير له أي شيء بينما النيسان راح تتعب لأنه تغير من عام ال88 تغيير شامل من سست لياي وتغيير كامل لدفرنسات والقير والدبل وأيضاً المكيف وقطع البدي الخارجي بعضها ماراح تحصله إلا تجاري ....
ذيب الزور
25/09/2008, 06:25 AM
بو اسامه بيض الله وجهك يا خوي يكفيني مرورك وانا خوك وردك اثلج صدري

اما الازعاج والحنه في النسيان لانه اربع تعشيقات وموديل السته خمس تعشيقاات

وانا ابيه للطلعات وشي اكده ولا علي منه اتمنى فهمتني

مشكووور والله يبيض وجهك
ذيب الزور
25/09/2008, 06:27 AM
ابو سعد بيض الله وجهك وما قصرت على مروورك اخوي ويعطيك الف عافيه
ذيب الزور
25/09/2008, 06:32 AM
ابو اسامه

تحياتي لك ولشخصك الكريم كنت انتظر ردك

كفيت ووفيت الله يعطيك الف عافيه وما قصرت وبيض الله وجهك انا فكرت فيه لانه بيكون سعره ارخص من التايوتا وبعدين ناوي استخدمه من البيت للمزرعه يعني تقدر تقول مسافه 250 كيلو وبصراحه يا بو اسامه عندنا هناك بالديره كلها باترول الان كلهم تركو ابو شنب واخذو باتروول لانها اريح بحكم تضاريس المنطقه بس اللي هناك بدون استماره يعني حقت بر في بر وانا ناوي اخذ واحد افر عليه باي مكان

شاكر لك ومقدر لمشوورتك وهي من واقع تجربه تحياتي لك اخوي
no fear 78
25/09/2008, 09:00 AM
هلا هلا ما طلبت
عندي نيسان بترول 1985 ايسمونه عندنه في البحرين (بوحنه ) لكن اقولك في المشي زين 170 اينزل مكينته الأصليه في الطعوس زين بس يحتاج الى ادرويل و مكينه نشيطه السعار 8000-10000-ريال حسب النظافه

التيوتا نفس الشي بعد في حنه بس مو اقوه من النيسان السعر 10000-15000 حسب النظافه
ذي نيساني
img]http://www.mekshat.com/pix/upload02/images81/mk90965_dsc00063.jpg (http://www.mekshat.com/pix/upload02/images81/mk90965_dsc00063.jpg)[/img

واذا عندك استفسار عن اي شي اخص النيسان موديل 1981-1985 ما ابخل عليك ابشي
سوبر VTC
25/09/2008, 01:18 PM
و الله العلم اللي عندي
انه يوجد بمعارض بريدة جيب ربع م86 بيج تبع الزراعة
الموتر يسام 37000الف و ممشاه حول 150000الف اقل او اكثر و الله ناسي
الموتر جديد وقفته اخو م99
تحياتي
ذيب الزور
25/09/2008, 08:35 PM
no fear

يعطيك الف عافيه اخوي بس هذا اربع بيبان

اشكرك على معلوماتك وجزاك الله الف خير وبيض الله وجهك

تحياتي لك
ذيب الزور
25/09/2008, 08:36 PM
سوبر فتك

حياك الله بس اللي انت تقوله اعتقد انه تويوتا ان ماخاب ضني

جزاك الله خير اخوي وبيض الله وجهك