إلى عاشق z71 ارجو سرعة الدخول والرد

[الشقردي911]

اخوي انا مع 8100 ودورت الفلتر الرياضي (kN)وما لقيته
رحت رد كاب بالرياض ولقيت فلتر اسمه سموتو ب380 ريال مع فلتر وماصورة بدون عازل وشريته
س1/الله لايهينك ابي افصل عازل وش لون افصله ومن ايش(من حديد ولا من صاج)؟اذا كان عندك صورافضل؟
س2/اذا ركبت فلتر (kN) على ما صورت السوموتو تنفع ولا لا؟
س3/وش حجم الفلتر يقولون فيه ثلاث احجام كبير ووسط وصغير وش اركب للجمس؟
واسف جدا على الاطالة

[عاشق GM]

ننتظر الرد من عاشق z71 للرفع

[Ibrahim.O]

ابو غازي مهوب موجود وياخوفي انه متكي في المسانده خخخخخخخخخخخ
^
^
والله من اللقافه :d

اخوي صاحب الموضوع انا انصحك تطلبه من برى كامل ( الفلتر + الماصورة )

ومعليش على المداخله

[عاشق z71]

ابو غازي مهوب موجود وياخوفي انه متكي في المسانده خخخخخخخخخخخ
^
^
والله من اللقافه :d

اخوي صاحب الموضوع انا انصحك تطلبه من برى كامل ( الفلتر + الماصورة )

ومعليش على المداخله


ههههههههههههه

والله توني جاي من المسانده والثمامه ههههههههه

اخوي بالنسبه للفلتر سيومتا هذا نوعيته جيده وهو يدخل هوا اكثر من الــ kn

وعزمه افظل بحكم انه يدخل هوا اكثر << لاكن تظل شغلة انه يدخل هوا اكثر ميزه سلبيه

يعني لانه يدخل هوا اكثر راح يدخل تراب وواوساخ وانت بكرامه

اذا انت مصمم عليه << وياليتك يالغالي سالت الشباب هنا لاني قبل فتره لاقي كي ان اصلي

عموما اذا انت بتركبه خلاص حاول تنظفه باستمرار عشان تحافظ على السلندر او البخاخات او الثلاجه <<< مدري وين بالظبط يتم الاحتراق

اما بالنسبه للماصوره عادي تركب ماصوره اي نوع مو مهم اهم شي تركب يعني تكون نفس الوسع


ولاتنسى الكلبسات الي تركب بحد الماصوره من كل الجهتين << اذا ماعرفتها قلي اصورلك اياها

يعني اهم شي يركب وعادي ركب الماصوره اي نوع على اي نوع فلتر .

اما بالنسبه للعازل

طبعا اذا لقيت جاهز احسن واذا مالقيت

مالك الا انك تفصل << ويبيلك تتعب فيه شوي عشان تحصل شكل حلو


تروح سلمك الله لمحلات الصاج <<< الي هو حق تمديدات المكيف الصحرواي مثلا

وتخليه يطعجه ويقصه ويخرم على كيفك طبعا جها بتمسك بالرفرف وجهه ثانيه بتمسك بالحديد الي ورا الرديتر

وتقوم سلمك الله تخليه يفصل قواعد على شكل حرف ال بالانجليزي L

تخلي جهه وحده من هذا القاعده ماسكه بارظية الكبوت من تحت وجهه ماسكه بنفس العازل الصاج << اذا ماعرفت تتخيل شكل القواعد ايظا قلي اصورلك اياها بكره .

والغرظ من هذي القواعد عشان تمسك ميه بالميه

بعد ماتخلص تروح لمحلات تنجيد المجالس وتلبسه اي قماش اسود طبعا يلبسه ويطلع منظره رهيب

اخر خطوه وليست ظروريه بس اذا عجبتك سوها

انك تروح تشتري الجلد الي يركبونها على اطراف بيبان السياره عشان ماتتجرح الجلد ماغيرها الي يجوك الزيود يالغرابي يدورون يبيعونها .

تشتري لك متر واحد وتقوم تركبه على حد هذا العازل الصاج < والغرض من هذي الحركه عشان مايجرحك الحد وثانيا عشان يعطيها منظر وكانه شغل شركه << يعني بالعربي شغل اوريجنال


وتي خدمه انا حاظر يالغالي

تحياتي لك وبالتوفيق << ولاتنسى عطنا خبر عن العزم كيف معك تغير

[مضارب100]

سلا م يا شباب ماعليش بخش عرض وشهو الفلتر الرياضي وهل يركب على التاهو 2004 وما فوائده للسيارة وش مشاكله

[الشقردي911]

الله لايهينك يا عاشق z71 ولا يحرمنا من تجاربك واقتراحاتك
بس تكفى ابي صورت العازل
وصورة الكلبسات الي تركب بعد الماصورة
ملاحظة : الماصورة نيكل

[عاشق z71]

الله لايهينك يا عاشق z71 ولا يحرمنا من تجاربك واقتراحاتك
بس تكفى ابي صورت العازل
وصورة الكلبسات الي تركب بعد الماصورة
ملاحظة : الماصورة نيكل


والله يالغالي صورة العازل ماظنيت اقدر اجيبها لان واحد من العيال ركبها وانقطعت عنه ذا الرجال عموما بحاول اجيبها من النت

صورة الكلبسات او الحلقات بكره اصورها انشالله عشان النور

اما الماصوره برفع موظوعي وارجع اقرا عن الماصوره وشف وش الي تبيه

<< بيرفع الموظوع مكسل يقعد يكتب :D

[عاشق z71]

شف هذي صوره للعازل
اخذتها من احد المواظيع بمنتدى ثاني يمكنها تفيدك

وللمعلوميه الصاج تقيربا نفس الي بالصوره يختلف لونه فقط ونا اخترتلك الصاج لسهولة تطعيجه .

http://www.cars-club.com/up/8-2-1/carsclub_28772266.jpg

اي خدمه حاظرين للطيبين