مرض طير ونبى استشا ره ولا معرفه

[راعي مطروح]

عندنا شاهين بكر طلع فيه التهاب رئه ومافيه علاج الا وعطيناه من قطر ومن البحرين والسعوديه ولافايده ماادري احد مر على طير عنده ذا المرض افيدونا الله يجزاكم خير

[جارح العين]

الله يشفيه انشاء الله

[@قرناص@]

,,

الله يشفيه..

والله ماعندي علم عن الامراض..

دآمه في الرئه ومآله علاج نصيحه

اطلق صرآحه هاذا علاج..

ولاهنت

بآلتوفيق

,,

[..@القناص@..]

الله يشفي طيرك ..
والله العلاج مالي علم بها ..
نشوووف اراء الاخوان
- تقبل مروري

[مدماك]

الله يشفيها امين

[قلب ذيب]

هناك التهاب الرئه , ودود الرئه , اذا كان دود علاجه ( تخبيق الرئه ) واظهار الدود من قبل الدكنور .
اما اذا كان التهاب والطير فيه نهته بعد تخفيقه فذلك بداية الرداد والله يعوضك .

[سيل قطر]

علاج الامارات يمدحونه 00وتقبل مروري

[الطبشي]

السلام عليكم شف رح للدكتور خالد العويدي في الرياض وانشاء الله تلقا عنده الحل ......

[الوبلي]

والله ياخي سمعت عن علاج الالتهاب تأخذ غصون شجرة قتاد مادري وش تسمونة انتم شرط تكون خضراء وتيبسها وتطحنها وتحط شوي مع العلف من اربعة ايام الى اسبوع وشوف الفرق بس لاتكثرها مع العلف الطير مايستسيغها والله اعلم ويشفي طيرك.

[عيون عليا]

والله يا خوي اذا انت من قطر روح منطقه الشمال واسال عن واحد اسمه صقر بن غانم هو عنده خبره بلامراض

[ملاعب الطير]

من اللي قال انه التهاب رئه
يمكن دود رئه
او رداد او نهيته
المفروض اللي يقول الطير فيه التهاب يعطيك نسبة الأتهاب
اذا النسبه اربعين ونازل بسيطه
واذا اكثر الله يعينك
انا كان عندي طير جاه التهاب رئه ونسبته 35 بالميه
وابشرك سلم
عالجته بحبوب كورس من عياده الدرع بالرياض
الله يشفي طيرك

[راعي الصفيرا]

يا خوي كانك من اهل الرياض عندك خالد العويدي وكانك من القصيم فالشريدة عنده خبره وكانك من اهل الخبر رح لفارس التميمي
اما انا كان عندي طير جيته بالصباح وهو طايح تحت الوكر وقاط الروباجه شليته ووديته للدكتور فارس التميمي يوم وصلت ولا الطير ميت قال الدكتور هذا مرض معوي يصيب الطيور هاذي الايام بكثرة ولو انك جاي من بدري كان قدرت اعالجه بس الله يعوضني باللي احسن منه

[مروض الجير]

هلا اخوي / فيه واحد متخصص بعلاج الرئه والألتهابات بالنعيرية اسمه فهد ابومحمد ،،،،، قد عالج طير واحد من الربع وتشافى بأذن الله وهذا رقمة 0504905472 ممكن تتصل فية وتاصف الحاله له وهو بيقولك هات الطير او يدلك على العلاج مع تمنياتي لطيرك بالشفاء العاجل بأذن الله وتقبل مروري

[القطاوي 2008]

الله يشفيها

[أبو فهد العيد]

والله اذا كان على بداية الالتهاب,,
ان شاء الله ان خالد العويدي,
,بتلقا عنده علاج..اما اذكان تمكن الالتهاب منها,
,فنصيحتي انك تعتقها,, ومعوض خير.

[راعي مطروح]

بيض الله وجيهكم على الردود ويعطيكم العافيه

[البراء آل عثمان]

إذا إنك متأكد أخوي من إنه إلتهاب رئه عطه
mycostatin
بالفم تعطيه تقريبا 3 من عشره بإبره ولزم تكون ثلاث من عشره لا أقل ولا أكثر
لمدة أسبوع مع إراحة الطير
تجده في الصيدليات البشريه
بعدها تسوي أشعه وتتأكد من خلوها
والله المعافي

[راعي مطروح]

ايشركم الطير حصلت له علاج وابشركم سلم الطير ولاعاد فيه الا العافيه