بواجي الفتك

[أبو نواف هاشم]

السلام عليكم
عندي سؤال محيرني بخصوص بواجي الفتك وش الأفضل هل هي البواجي أبو 15 ريال ولا غيرها واحد من الشباب يقول بواجي الفتك كاملة 180 ريال في الوكالة هي البواجي الصح حق الفتك وأبو 15 ريال حق مكينة 4500 وش الصحيح يارجال

[أبوأثير1]

أخي كل مكينه لها بواجيها الخاصه
تركب البواجي على بعض بس يختلف العزم نتيجه لأختلاف قوة الشراره.
وأخيراً أنت حر....

[أبو نواف هاشم]

أبو أثير تسلم على مرورك بس أنا رحت للوكالة سألت عن البواجي أعطوني أبو 15 واحد من الشباب يقول ان الوكالة بعض الأوقات تلخبط ماتعطي الصح أن اللي أبي أعرفه هو صحيح في بواجي للفتك غير أبو 15 في الوكالة ولا خوي يصرف علي ماغير يتفلسف

[أبوأثير1]

نعم تختلف انا معي موتري الأول موديل 2000 مكينه4500 والثاني فتك 2007 يختلف اختلاف جذير رح لبا تيس تجد مايسرك

[المميـز]

نعم تختلف انا معي موتري الأول موديل 2000 مكينه4500 والثاني فتك 2007 يختلف اختلاف جذير رح لبا تيس تجد مايسرك

صح :good:


باتيس يبيع بواجي الفتك بـ 160 والوكاله تقولك بواجي الفتك بـ 90

[راعي طويلات]

اشتر البواجي من الوكالة برقم شاصي الموتر يعطونك البواجي المصممه لنفس الموتر

[م.أبوإبراهيم]

بالسنسبة لبواجي الفيتك تقدر تركب نوعين العاديات ابو 15 ريال الي هن نفس حقات المكسيما بس لازم يكونن طوال يختلفن عن 4500 نفس حقات الداتسون يعني البواجي الطوال يجن نوعين عاديات رخاص وبليتينوم غاليات نفس حقات الباث فايندر الي يكون راسهن زي الابرة وهاذولي ممتازات وعمرهن الافتراظي فوق المئة الف كيلوا متر وافضل شرارة والجي العادي عمرة الافتراظي خمسين الف كيلوا وكلهن يركبن بس الافضل البليتينوم الي راسه ابرة زي ما قلت قبل شوي وانا عندي ورشة وركبتهن لباترول فيتك اكثر من مرة والباث فايندر والالتيما كلهن نفس الشي

[سوبر VTC]

اخوي ابو نواف
اهم شي راس الابرة او الشرارة يكون ابرة او مدبب
تلقى مكتوب على البوجي على القزازة البيضاء كتالي
+++++
PLFR5A
11
NGK
R
و هذا رقم كرتون بواجي الفتك
اسفل الصورة يسار
شف رقم القطعة
22401-5M015


http://www.mekshat.com/pix/upload02/images81/mk53291_ufih123.jpg



تحياتي

[أبو نواف هاشم]

تسلموا ياشباب والله ماقصرتوا

[ابرق نثيل]

شف انا توني ماغيرت البواجي ولذلك سويت دراسه على انواع البواجي:D
واكتشفت ان الموضوع يبي لها حفظ رقم الرمز لا اكثر

PLFR5A
11
NGK
R
هذا رمز النوع القياسي مع المحول الحفاز (دبة تلوث) اللي كتبه سوبر فتك

LFR5a-11
هذا رمز النوع القياسي بدون دبه يعني مع هدرز


الفتك يجي له 6 انواع من البواجي
نوع قياسي ، ونوع بارد ، ونوع حااار

ثلاث انواع خاص اذا كانت دبة التلوث مسحوبه من الموتر والرمز يبد بحرف LFR

وثلاث انواع خاصه اذا كانت السياره مع دبة تلوث وتبدا بحرف PLFR


عاد ما اعرف وش الفرق بين النوع البارد والحاااار والقياسي ياليت اهل الخبره يفيدونا لاني بركب الحااااار علشان المداعسسسسس

[الكايف 1]

عليكم السلام ورحمة الله وبركاته :
حياك الله ياأخوي
ان معي فتك 2006رحت للوكاله ابغى بواجي طلب السياره أو الاستماره سألت البائع لماذا أفاد ان الفتك له عدة انواع ويعرفون البواجي برقم الشاصي
وتقبل مروري

[مقلع الرمث]

هي نوعين واحد مدبب وواحد له راس كانه مسمار انا ركبت اللي على شكل مسمار يعني الغالي ابو 180 وهم قايلين لي ابو 15 ريال المدبب لان الباترول الفتك بواجيه على شكل مسمار على مااظن وعلى فكره مايضر السياره انك تحط فيها بواجي اقوى مثلا حقات تعديل

[محسن اليامي]

والله يالغالي توني مركب على 2003 وطلعلي نوعين واحد غالي نسيت كم سعره ، وطلع واحد رخيص ب 7 دنانير ونص خذيت الرخيص وقالي عادي يركب ومايضر السياره

[هولوكس2005]

السلام عليكم ورحمة الله وبركاته

أخوي معلوماتكم مضروبه قيمة البوجي الواحد بالوكالة 52 ريال
عند باتيس على أضن يطلع تقريبا 38 ريال الواحد

والبوجي السادس مايركب إلى بفك الثلاجة

وعلى العموم بواجي الفتك يمشن ال200 ألف هواء


كلام من واقع تجربة

[قرم العيال]

معلومات ممتازه

عن البواجي

متابع

[أبوعمران]

سلمك الله بواجي الفتك إلكترونيه وليست عاديه كسائر البواجي المنتشره .. !

البوجي العادي سعره رخيص .. اما البوجي الالكتروني فسعره مرتفع ..

وبالوجه العام اي قطعه تخص الفتك فإن سعرها مرتفع ..

طبعا تحصل طقم البواجي الالكترونيه تقريبا بـ 200 ريال ..

وعشان تريح راسك فك بوجي من بواجي الموتر ورح يم اقرب موزع لقطع نيسان الاصليه وقله ابي نفس ذا بالظبط واذا عطاك تأكد من الرقم والاحرف الموجود على البوجي الجديد هل هي مطابقه على البوجي القديم ام لا ..

وفيه طريقه اخرى مثل ماقالوا الشباب بعض المحلات يعطونك القطع على حسب رقم الشاصي وهذا قد يكون اضمن ..


تمنايتي لك بتركيب بواجي جديده وهناء منقطع النظير ذذ

[سموو الروح]

ياخوان انا غيرتهم قبل مده من محل فهد الصقيه بحايل
باعني الحبه ب55 ريال وقالي فيه نوع غير متوفر
الحبه ب 110 ريال المهم اخدت ابو 55 ريال ركبته
للمعلوميه الموتر كان ماشي 85 الف فقط ومحترقات
بالحيل

[نواف685]

موضوع مفيد متابع