الى اهل الخبره في الديماكس

[فتى شنه]

العشر مباركه يالمكشاتيه

عندي ايسزوزو ديماكس 2005 دفرنسين فل كامل

المهم كنت رايح للخرج عليها

الى اشوف شي غريب وهو ارتفاع انبير الحراره مع العلم ان مافي تهريب للماء والاديتر به ماء

الحراره ترتفع اذا كنت امشي من 160 وفوق اقل من 140 ماترتفع الحراره طبعا والمكيف شغال

توقف بزحمه برضو الحراره طبيعيه النص لكن اذا صرت داعس عليها فوق 160 اشوف الانبير يرتفع

بعده اهدي على طول


ياليت تحلون مشكلتي لان ماودي اروح للصناعيه الى عندي خبره من معلوماتكم .

جزاكم الله خير

[العقارب]

طبيعي جدا
كان معي مثل موترك
كذا الديزل ترتفع حرارته مع السرعه وبالاخص اذا كان الهواء وراك يعني .
نفس الشي معي وامشي عليه وحرارته توصل ال ثلاثه ارباع الاميبير ولا اهدي بس تكون عيني عليها .
واصلا ما يستنشط الديزل الا اذا ارتفت حرارته ..........
ان شاء الله اكون ريحت قلبك ........................

[فتى شنه]

هلا اخوي العقارب

بس اول ماكانت تطلع معي زي كذا

ممكن فيه سبب اخر لاهنت بالذيب

[العقارب]

هي مو دايم ترتفع معي الا اذا كان الهواء في ظهر الموتر ............
تذكر يمكن الهواء كان معك .

[سوبر VTC]

بالعكس كلامك غير منطقي
اذا انت ناطح الهوا الديزل يحتمي على طول على السرعات العالية
اذا كنت مسرع فوق 140 اكيد الحرارة تبي ترتفع لانك الموتر ناطح الهوا و شي طبيعي جدا
ثبت سرعتك على 140 اذا ثبتت الحرارة فهي طبيعية
انا اخبر الحوض الديزل 2004
اذا تعديت 140 تضرب الحرارة فوق الثلث
و الديزل ما يتحمل الجور يحتمي على طول و يعدم عليك الطرمبة و البلوف
***
انا شاك بالبلف احتمال قافل و يفتح على خفيف يعني ثقيل او عندك غطاء الاديتر ينسم الياي رخو او الاديتر حق المكيف و الماء متسددة الفتحات حقات دخول الهوا
و تاكد من الماصورة حقت التيربو اللي اسفل الشبك الامامي من جهة اليسار احتمال منكسرة لانه انكسرت عند احد الربع نفس موترك
تحياتي

[سوبر VTC]

هي مو دايم ترتفع معي الا اذا كان الهواء في ظهر الموتر ............
تذكر يمكن الهواء كان معك .


لا يا بعدي :)
اذا كان الهوا خلف الموتر تنزل الحرارة و يسرع الموتر
كانك بنزلة او دحديرة :D
و العكس صحيح

[calm down]

الديزل عادي يرتفع مع السرعة

[هـدد]

السلام عليكم ورحمة الله وبركاته
تقبل الله منا ومنكم صالح الأعمال إنه سميع مجيب


أخوي فتى شنه
أكيد عندك مشكلة بحرارة الماكينة


من كلامك والله أعلم انه من تماتيك المروحة



ولاتنسى تنظيف فلتر الهواء لأنه مهم جداً

[العقارب]

انا اقول كلام من واقع تجربه
والموتر الي معي ماشي اكثر من 200 الف .............
وصار معي الموقف اكثر من اربع مرات وكل مره يكون الهوء في ظهر الموتر وامشي عليه 160 الي 170 ؟

[سوبر VTC]

انا اقول كلام من واقع تجربه
والموتر الي معي ماشي اكثر من 200 الف .............
وصار معي الموقف اكثر من اربع مرات وكل مره يكون الهوء في ظهر الموتر وامشي عليه 160 الي 170 ؟

يابعدي
افهم كلامي جيدا
انا اقول اذا كان الهوا على قولة الشيبان (متقفيك)
يعني يدفك الهوا من الخلف
فان الموتر يسرع بسبب الهوا و الحرارة تنزل
اما اذا كنت مسرع و الهوا بوجهك ترتفع الحرارة
تحياتي لك:)

[فتى شنه]

هي مو دايم ترتفع معي الا اذا كان الهواء في ظهر الموتر ............
تذكر يمكن الهواء كان معك

يالعقارب الموتر من هو جديد معي الى اللحين ماقد صارت معه امشي بالسرعات العاليه سواء الهواء ضدي والى متقفيني مايغير شي في الحراره

كلامكم واقعي لكن على السكسات والمواتر الاوله حتى الهايلكس ممكن تصير فيها .






***
انا شاك بالبلف احتمال قافل و يفتح على خفيف يعني ثقيل او عندك غطاء الاديتر ينسم الياي رخو او الاديتر حق المكيف و الماء متسددة الفتحات حقات دخول الهوا
و تاكد من الماصورة حقت التيربو اللي اسفل الشبك الامامي من جهة اليسار احتمال منكسرة لانه انكسرت عند احد الربع نفس موترك
تحياتي


لاهنت لكن لو فيها اشكاليه اللي ذكرت ممكن الحراره تكون على طول مرتفعه لكن هناك سبب اخر

يجزاك خير






السلام عليكم ورحمة الله وبركاته
تقبل الله منا ومنكم صالح الأعمال إنه سميع مجيب

أخوي فتى شنه
أكيد عندك مشكلة بحرارة الماكينة

من كلامك والله أعلم انه من تماتيك المروحة


ولاتنسى تنظيف فلتر الهواء لأنه مهم جداً



اللهم امين والله اعتقد ان الفلتر من سنتين تقريبا ماتغير لكن هل هو يرفع الحراره السياره اذا هي مسرعه واذا صارت السرعه منخفضه تكون طبيعيه الحراره

وهل التماتيك يكون سبب لذالك اتمنى الايضاح كلامك تقريبا قريب .

[فتى شنه]

الديزل عادي يرتفع مع السرعة


مخطي على الايزوز لكن على السكسات والسيارات القديمه معك حق

[dheem]

فتى شنه

أنا كان معي هايلكس ديزل وكنت مسافر ولاحظت عندما أزيد السرعه فوق 140 ترتفع الحرارة فوق النص

بعد ذلك وجدت إن البلف مجيم ( يعني ما ينفتح إلا شيء بسيط ) وغيرت البلف

وإنحلت المشكله

[فتى شنه]

كفو يادحيم لاهنت باقليبي راح اشيك عليه باتسر هو والفلتر وارد لكم

[سوبر VTC]

كفو يادحيم لاهنت باقليبي راح اشيك عليه باتسر هو والفلتر وارد لكم


اخوي
اقرا كلامي السابق و كلامي نفس كلام دحيم
انا قلت البلف يفتح على خفيف يعني ثقيل او مجيم لذلك الماء اللي بالاديتر ما يلحق على المكينة
لذلك ترتفع الحرارة نسبيا

[calm down]

مخطي على الايزوز لكن على السكسات والسيارات القديمه معك حق



الحظ بموتري اذا تعديت الميه واربعين ترتقع الحرارة من النص الا فوق وبرضوا عمي نفس الحالة مع العلم انها كلها ديزل جيب وهلوكس,

مشكور اخوي.

[ابوصنهل]

الفلتر ما غيرته منذو سنتين .. ياجدي بعذر موترك صحّيح ..!!
ناظر كلش ..!! ون شاء الله تكون المشكلة بسيطة ..!!
فمان الله..

[هـدد]

يالعقارب الموتر من هو جديد معي الى اللحين ماقد صارت معه امشي بالسرعات العاليه سواء الهواء ضدي والى متقفيني مايغير شي في الحراره

كلامكم واقعي لكن على السكسات والمواتر الاوله حتى الهايلكس ممكن تصير فيها .






لاهنت لكن لو فيها اشكاليه اللي ذكرت ممكن الحراره تكون على طول مرتفعه لكن هناك سبب اخر


يجزاك خير






اللهم امين والله اعتقد ان الفلتر من سنتين تقريبا ماتغير لكن هل هو يرفع الحراره السياره اذا هي مسرعه واذا صارت السرعه منخفضه تكون طبيعيه الحراره



وهل التماتيك يكون سبب لذالك اتمنى الايضاح كلامك تقريبا قريب .




بسم الله خذ الي عندي
مع إحترامي لردود إخواني الأعضاء خاصة اخونا سوبرفتك


معي ديماكس 2005 دفرنسين قيرتماتيك ماشي 144000كلم
وماقد شكيت الحرارة لاالهوامتلقين ولامتقفين, ويكون بعلمك السوزو تختلف تماما عن باقي محركات الديزل سوا ياباني اوامريكي غيره يعني يوجد مبرد عالي التقنية سريع التبريد .
أمافلتر الهوا له سنتين هذا ظلم لسيارتة حتى لو تنفخة لابد انه تسدد وتصيرالسياره مغموتة


نعم ثم نعم فلتر الهوا مهم لعزم الموتر وحرارته ولاتقل اهميته عن اهمية باقي الفلاتر إلا هورئة الموتر


وبالنسبة لتماتيك المروحة
قبا تشغل السيارة افتح الكبوت وحرك المروحة بيدك إذا تدور بسرعة يعني خفيفة (يجب تغير التماتيك)
أو إذا مشيت بسرعة 140 مثلا وثبت السرعة مع المكيف او الجو حار تسمع صوت المروحه يتغير مره تشبك ومره تفصل إذا ماسمعت الصوت خاصة بالصيف وارتفعت الحرارة على طول تماتيك المروحة يبي تغيير لأنه ترتفع الحرارة بسببه مايبرد على الماكينة


وبالنسبه لكلام اخوي سوبرفتك معقول جدا
بس انت لاتسرع غير الفلتر وخذ اصلي ب65ريال وتأكد من تماتيك المروحة
وتأكد من زيت الماكينة وماء الاديتر .

أما إذا وديت السيارة للوكالة للتشييك يفكون الغطا ويازنون البلوف
يقول تشييك واخفض لصوت المحرك واقوى للعزم
ويمكن يخفض الحرارة

[سوبر VTC]

اخوي اشهب مطور :)
انا قصدي احيانا اذا الهوا ناطحك يحتمي الموتر خصوصا الجيب الحوض الديزل 6 سلندر بحكم ان الموتر ثقيل و لابه تيربو
فاذا كنت مسرع غالبا انه يحتمي
يميز السوزو ان المكينة مريحة بالخط بحكم وجود التيربو
لانه يوجد 3 اشخاص معهم سوزو راعين مزارع و كلهم يمشون 160
و الحرارة طبيعة
احيانا ينشق الخرطوش الامامي حق التيربو و يضعف عزم السوزو و تحتمي
افهم جيدا اقول احيانا اذا نطحك هوا قوي :d
تحياتي

[هـدد]

هلا أخوي سوبر فتك
كل عام وأنت بخير ومن العايدين قبل الزحمة
ومبروك الوسام والله تستاهل اكثر
أنا أثق بكلامك فكلامك يكتب بماء الذهب ومعلوماتك كافية


وبحكم خبرتي عن محرك السوزو كما تعلم أنه يختلف عن التويوتا أو غيره
وأن مشكلة أخونا فتى شنة هي عدم الصيانة المنتظمة كما قرأت أن فلتر الهوا له سنتين
ويتطلب عليه تغيير جميع الفلاتر حتى فلتر القير إذا كان تماتيك وكذلك تماتيك المروحة
ووزن البلوف أخفض لصوت الماكينة وأقل للرجة
وأقوى عزم وأخفض للحرارة ولولم تكن سبباً.
والله اعلم

[سوبر VTC]

هلا أخوي سوبر فتك

كل عام وأنت بخير ومن العايدين قبل الزحمة
ومبروك الوسام والله تستاهل اكثر
أنا أثق بكلامك فكلامك يكتب بماء الذهب ومعلوماتك كافية


وبحكم خبرتي عن محرك السوزو كما تعلم أنه يختلف عن التويوتا أو غيره
وأن مشكلة أخونا فتى شنة هي عدم الصيانة المنتظمة كما قرأت أن فلتر الهوا له سنتين
ويتطلب عليه تغيير جميع الفلاتر حتى فلتر القير إذا كان تماتيك وكذلك تماتيك المروحة
ووزن البلوف أخفض لصوت الماكينة وأقل للرجة
وأقوى عزم وأخفض للحرارة ولولم تكن سبباً.

والله اعلم




اووووووووووووووووووووووووو :)
اثرك من الخبوب
و نعم :D

[هـدد]

وش صار عليك عساك لقيت المشكلة
http://up5.m5zn.com/photos/00302/c0pqjcwccwzd.jpg

[فتى شنه]

اخوي
اقرا كلامي السابق و كلامي نفس كلام دحيم
انا قلت البلف يفتح على خفيف يعني ثقيل او مجيم لذلك الماء اللي بالاديتر ما يلحق على المكينة
لذلك ترتفع الحرارة نسبيا


العذر ياسوبر جل من لا ينسى لاهنت يابعدي وانحلت المشكله تقريبا لاني جربتها اليوم غيرت الفلتر و80% ضبطت .



الحظ بموتري اذا تعديت الميه واربعين ترتقع الحرارة من النص الا فوق وبرضوا عمي نفس الحالة مع العلم انها كلها ديزل جيب وهلوكس,

مشكور اخوي.


غريبه والله




الفلتر ما غيرته منذو سنتين .. ياجدي بعذر موترك صحّيح ..!!
ناظر كلش ..!! ون شاء الله تكون المشكلة بسيطة ..!!
فمان الله


:d طلع الفلتر تقريبا منه المشكله




وش صار عليك عساك لقيت المشكلة



ابشرك المشكله كانت تقريبا 80% من الفلتر