المساعد الشخصي الرقمي

مشاهدة النسخة كاملة : أصحاب الجيب الصالون م2008 و طالع يدخلون =======> للضرورة القصوى


سوبر VTC
26/09/2008, 11:54 PM
السلام عليكم و رحمة الله و بركاته
حي الله الربع
هذا واحد من الربع معه جيكس فاكه جديد طبعا بعد ما مشى الموتر تقريبا 30000الف فضت البطارية قضاء و قدر
المهم جاء يبي الموتر بالمفتاح الصغير اللي بداخل الريموت و عيا ينفتح الباب :confused:
لان مكينة الباب و الله اعلم على كهرب فما قدر يفتح الباب
طيب و الحل
جاب شخص راعي محل مفاتيح و دخل سيخ بين الباب و البدي مثل طريقة اهل الونشات حقين مكة و فتح الباب
بعد فتح الباب شاله بسطحه للوكالة و غيروا البطارية على الضمان و الوكالة يقولون ما تقدر تفتح الباب اذا فضت البطارية
انا مادري عن صحة كلامهم
السؤال اللي يطرح نفسه
اذا لا قدر الله صرت بالبيت او كاشت او مسافر و جيت تفتح الموتر و الى البطارية فاضية وش علمك هاك الساعة !!!!!!!!! :confused:
طيب وش الحل وشلون تفتح الباب لان الوكالة يقولون ما تقدر تفتحه :(
طيب ياخوان برايكم هذا مهب عيب مصنعي ؟
انتظر ردودكم
ياليت اللي معه نفس الموتر (ينزل قزازة السواق) و يقفل الموتر و يفصل البطارية و يجرب
هل الباب ينفتح بالمفتاح ام لا ؟
و هذه صورة المفتاح


http://www.mekshat.com/pix/upload02/images81/mk53291_hhnfb g.jpg



هذا رابط جانبي لكيفية تغيير حجر ريموت الجيب
منقول: طريقه تبديل بطاريه المفتاح الذكي ( يوجد صور )لسيارات لتويوتا ---- (http://www.mekshat.com/vb/showthread.php?t=144503)


تحياتي لكم
المرقب العالي
27/09/2008, 12:01 AM
والله مشكلة عيب شرعي

أنا لي رأي وهو بطاريه إضافيه وتكون موصله بالاساسيه وبينهم فاصل

لكن الفاصل يكون قريب في متناول اليد للحاجه000 والله يعين
سوبر VTC
27/09/2008, 02:05 PM
حياك اخوي المرقب
اقتراحك طيب جدا
خصوصا انه حج و قضاء حاج :)
يعني ان بغيته للبر تشغل عليه اجهزة او لمبات
و عند خراب او ضعف البطارية الاساسية فهي تنفع
تحياتي
mushari-saud
27/09/2008, 02:15 PM
بس المشكله إذا كانت السيارة مقفلة وشلون تفتح الكبوت علشان تشحن البطارية؟؟؟؟؟
سوبر VTC
27/09/2008, 02:22 PM
بس المشكله إذا كانت السيارة مقفلة وشلون تفتح الكبوت علشان تشحن البطارية؟؟؟؟؟

اذا كان قصدك تعطي الموتر اشتراك من سيارة اخرى
لازم تفتح الباب اولا عن طريق سيخ او مفك :)
و افضل حل
اذا جيت تقفل الموتر
تشبك البطاريتين جميع عن طريق فاصل عند دركسون السواق
بمعنى وحده جديدة اللي هي البطارية الاضافية
و الاساسية تكون ضعيفة
لكن الاضافية تدعم الاساسية بالكهرب لانه جديده حتى لو كانت الاضافية بطارية صغيرة مو مشكلة
فهمت :)
حتى لو البطارية كهربته ضعيفة جدا====> تقريبا 7فولت راح تنفتح الابواب بالريموت
باذن الله
مجتهد***
27/09/2008, 02:23 PM
والله مشكلة
هذه بعض أخطاء كثرت القنية في السيارة
ياحي العادي ( ستندر ) تقدر تتفاهم معه !
ولد العويني
27/09/2008, 03:05 PM
دخل المفتاح ولف <=== خابرها بلكزس 430

جربوا يا شباب؟
سطام vip
27/09/2008, 05:05 PM
يا كرهي للسيارات الجديده

والله يازين القديم وش هالخرابيط

من كثر ما اقراء من المشاكل مع سياراتكم الجديده

واشوف اعطالها ومشاكلها اقول الحمد لله ويازين القديم

وصراحه شايل من بالي اشتري سياره بر جديده الله يخلي

الثمانينات واول التسعينات تصلحهم وانت متمركي تشرب شاهي

الحين حتى البطاريه لازم تروح لوكالة والله مشكله

والاقتراح هو انك تشب فيه هو ووكالته ههههههههه

ترا من جد قاهرني الموضوع لو محط بك في بر والا خط سفر

لازم تكسر القزاز كانك مقفل على المفتاح

الله يعينكم على هالسيارات

وتقبل مروري والرد

دمت بخير
بدوي جنوبي
27/09/2008, 05:13 PM
مستحيل هالكلام يصير
صدقني ما تفوت علي تويوتا يا سوبر فتك

خل خويك يتأكد

تحياتي
الربذي
27/09/2008, 05:16 PM
حط بطاريه ركب فاصل مادري شنهوا هذا ماهو حل
اصلا كله حساسات والكترونيات حساسه وش لك والتشبيك والخربطة
وبعدين الفاصل اكيد تبي تنساه كل ماتوقف افصله ولا اشبكه ماصارت سياره صارت عقده ورجعنا لايام زمان مابقي الا تقولون تركب لها هندل وتهندلها واذا اشتغلت تفتح البيبان







نبي حل جذري فعلا ماهو فاصل وركب

فرض خربت بالنفود بالبر باي مكان لازم تجيب سطحه والله ماصارت صراحه سياره ب250 الف اذا فضت البطاريه لازم اجيب سطحه واذا بالبر اموت عندها !!!!!!!
اقل يازين القديم وبس 2007 وتحت

طيب سؤال لاهل العلم والخبر
هل هناك ضرر من المفتاح الذكي والشريحه الي تبث اشعاعاتها بجيبك ليل نهار وعلى مدار الثانيه سوال فعلا افكر فيه ويردني احيانا عن شراءه
Abu Saad
27/09/2008, 05:24 PM
هلا وغلا اخوي سوبر .
الي فهمت من كلامك انه اذا صار الموتر مقفوله بيبانه وفضت بطاريته ماتقدر تفتح الباب بالمفتاح العادي ؟
والسبب ان مكينة الباب حقة القفل كهربائية ؟
هذا الي فهمته .
اذا كان كذالك فلابد ان هناك طريقة للفتح وعليك بالكاتلوج اتوقع تحصل فيه الحل بل اكيد .
لا اتوقع ان تكون هناك اخطاء مصنعية بهذا الاحراج ..
والله اعلم .
وقيان
27/09/2008, 05:27 PM
ربما عيب في سيارة خويك بذاتها...نرجو من الاخوان اللي يملكون السيارة فصل البطارية والتجربة...
الحبار
27/09/2008, 05:28 PM
اقووووووووووووووووووووووول يازين ام عزيز ما تعرف النذالة التايوتيه


بسيطة ياشباب الحل عندي وصل كيبل مثل الي يجي بسيارات الشرطة وطبعا وصله بالبطاريه وخل طرفه برى

وانتهت السالفة وصل اشتراك وشغل الريموت وسلامتكم يالربع واذا ما انفعت

ركب سويش ددسن 79 اوفر وازين ....والله حالة ...يعطيكم العافية على الموضوع الشيق ،
قرم العيال
27/09/2008, 05:44 PM
لا لا السالفه عاديه

عمره التايوتا ما صار معه عيوب لا مصنع ولا غيره ..

هذي تصير مع اغلب المواتر الي به خاصيه

الدخول الذكي ,, والله انه غبي


المهم على الاقل يصير بالبطاريه شي بسيط حتى يفتح الباب بس
سوبر VTC
27/09/2008, 07:30 PM
ابشركم يالربع :D
جربت اليوم على موتر جيكس 6 سلندر راسين فل كامل
طبعا نزلنا قزازة السواق و قفلنا الموتر بالريموت
ثم فصلنا البطارية
النتيجة ================> توقعوا :p
انفتح الباب بالمفتاح الصغير :D
و تاكدنا زود
قفلنا باب السواق و فتحناه بالمفتاح و البطارية مفصولة:)
المهم اني اتصلت على الرجال اللي ودا موتره للوكالة
قلت يابو صالح ما يصير الكلام اللي انت قلت :mad: :mad:
يعني تلعب علينا========================> موتره 8 سلندر
قال انا و ابو عبدالله عجزنا نفتحه نفرالمفتاح لاخر شي و لا ينفتح الباب:confused:
***
طبعا هم كبار بالسن و صعبة
اقول ما عندكم سالفة او تكذبون
*****************
الغريب ياخوان الموتر اللي انا جربته اليوم
لقيت فيه ميزة و البطارية مشبوكة
اللي هي
اذا كان الموتر مقفل و فتحت الباب بالمفتاح
اول ما تفر المفتاح تقريبا نص فتحة او فرة
ينفتح باب السواق
اذا فريت المفتاح لاخر شي
تنفتح جميع الابواب + نافذة السواق تنزل :confused:
طيب وش فائدة القزازة تنزل ؟
توقعون عشان حرارة الموتر من الداخل بالصيف!!!!!
تحياتي
سوبر VTC
27/09/2008, 07:38 PM
ليت يالربع
اللي معه جيب يجرب و يتاكد و يخبرنا
الربذي
27/09/2008, 09:18 PM
ليت يالربع


اللي معه جيب يجرب و يتاكد و يخبرنا

مايحتاج كلامك هو البرهان ولاحنا مدورين وراك او نتاكد من صدقك
اكن انت تقول المفتاح الصغير فيه كبير وصغير

لالاالالالالالالالالا ابيكم تتاكدون من حاجه سمعت عنها زماااان قبل ينزل2008 وهو ميزته انك مثلا دخلت البيت وهو شغال برا طبعا الرموت الذكي معك لو لاسمح الله يلقطه داشر ويهرب فيه 500 متر ويطفي لانه ابعد عن الرموت
هل احد جربه
ياليتك ياسوبر تجربه وتفيدنا
انا كل الي امون عليهم من الجماعه مطقمين ب2007 من سمعوا انه تغير شكله 0:mad:
فاطر
27/09/2008, 09:34 PM
السلام عليكم : قبل ثلاثة ايام فاكين جي اكس تيوتا 2008 بعد ماطلع من الوكاله الاشاره تسرع الي قدام وهو جديد وش السبب مادري يقول الفلبين الظفيره والله ياستر .
ساري 111
27/09/2008, 09:44 PM
طيب سؤال لاهل العلم والخبر
هل هناك ضرر من المفتاح الذكي والشريحه الي تبث اشعاعاتها بجيبك ليل نهار وعلى مدار الثانيه سوال فعلا افكر فيه ويردني احيانا عن شراءه

نفس تفكيري ياخوي كثرت الأشعاعات بحياتنا دخول ذكي .. ويرلس .. بلوتوث .. الخ الله يستر والله ماندري وش عواقب هالامور




السلام عليكم : قبل ثلاثة ايام فاكين جي اكس تيوتا 2008 بعد ماطلع من الوكاله الاشاره تسرع الي قدام وهو جديد وش السبب مادري يقول الفلبين الظفيره والله ياستر .


تأكد يمكن حدى اللمبات محترقه .. معروف اذا احترقت لمبه وحده تسرع الأشاره
الربذي
27/09/2008, 10:08 PM
نفس تفكيري ياخوي كثرت الأشعاعات بحياتنا دخول ذكي .. ويرلس .. بلوتوث .. الخ الله يستر والله ماندري وش عواقب هالامور




تأكد يمكن حدى اللمبات محترقه .. معروف اذا احترقت لمبه وحده تسرع الأشاره
هذا الكلام صدقت اخوي.



اي ياخوك الله يستر صرنا اريل صرنا منشحنين كلنا مجالات المجال الكهربائي والبلوتوث وارسالات وموجات الجوال والكراجات ورموت السياره وكل مجال متشبعين فيه
المميـز
28/09/2008, 07:54 AM
هذي مشكلة سيارات الجيل التالي

كلها كهرب بكهرب وكمبيوتر وحالتنا حاله معها

عسى الله يعين بس

ومشكووور اخوي على الموضووع

والبطاريه الاضافيه زينه لمثل هذي الحالات
الوسم2
28/09/2008, 02:59 PM
الذي أعرف أن أحد خوياي معه Gx3 2008 تعطلت معه البطارية والسيارة مقفولة وفتح الباب بالمفتاح وشبك الاشتراك وأناجاي أخذ موتري 2009 قابلته بالوكالة جاي يطلبهم يغيرونه له
الربذي
28/09/2008, 05:15 PM
المفتاح وين فتحته مابالباب خرم للمفتاااااااح!!
سوبر VTC
28/09/2008, 08:16 PM
المفتاح وين فتحته مابالباب خرم للمفتاااااااح!!


فتح عيونك زين :)
يمين عروة باب السواق او اسفل قليلا
سهم VTC
01/10/2008, 03:09 AM
ياناس ..

نظام الكمبيوترات لعب فينا..

واح من العيال جاء بيفتح اللديتر وهو مستعجل قال عادي يطيش ما همني ..

شوي الا راعي الموتر يقول بيخرب عل الكنبيوتر مجرد وصول الماء اجل هذا شلون يشق السيل..
مواسي الطعوس
02/10/2008, 01:27 AM
اركد ياسوبر فتك ترى علومك خربت عليها السرعه , والحاله والحلتين والاربع مايقاس عليها . اثقل ومسك الارض,

انصحك (بالخضير , او العثيم,او الصمعاني)
فندام 1
02/10/2008, 01:30 AM
لا هنت مشششششششكور
طاش
02/10/2008, 01:54 AM
انا جربت لا مهب صحيح المفاح فتح السيارة وموتري 2008 جي اكس بس اشولي اتحس انه قوي لان المفتاح مافيه مسكة تمسكة فيها ولا اتخاف ينفتح الباب
صخر الساحل
02/10/2008, 02:11 AM
:D :D :D :D
تركب لها هندل وتهندلها واذا اشتغلت تفتح البيبان







حل جميل
ابو شهد جدة
02/10/2008, 02:57 AM
مايحتاج كلامك هو البرهان ولاحنا مدورين وراك او نتاكد من صدقك
اكن انت تقول المفتاح الصغير فيه كبير وصغير

لالاالالالالالالالالا ابيكم تتاكدون من حاجه سمعت عنها زماااان قبل ينزل2008 وهو ميزته انك مثلا دخلت البيت وهو شغال برا طبعا الرموت الذكي معك لو لاسمح الله يلقطه داشر ويهرب فيه 500 متر ويطفي لانه ابعد عن الرموت
هل احد جربه
:mad:


اذا الحرامي اطفأ المحرك مايقدر يشغله ثاني مرة الى بتواجد الريموت بمسافة 10 امتار.


اما بالنسبة لسيارة الاخ الي مارضي يفتح المفتاح والبطارية فاضيه فالحل عندي.

هو/ يركب صيخ او سلك يفتح كبوت السيارة من الخارج ويكون هذا السلك مخفي.

يعني لايكسر قزاز ولا شي بس يفتح الكبوت ويسوي اشتراك ويدعيلي.
ابوفهوود
02/10/2008, 03:37 AM
كل شي له حل ياشباب
انا حصل معي نفس الشي في البيت يعني في الكراج فضت البطاريه المهم الحين اشلون اطلع السياره من الكراج طبعا المفتاح مايفتح السياره وراعي والونش ميقدر يسحب السياره المهم كلمت الوكاله وعشرين دقيقه وهم عند باب البيت وثانيتين وسياره شغاله تبون تعرفون اشلون انا بقولكم الحين
اولا السياره بي ام دبليو
ثانيا في تحت الصدام الامامي غطى يفكونه ويشبكون مثل الفيش مربوط في البطاريه وعلى طول فتحو الكبوت وغيرو البطاريه صحيح الالمان مخلو شي :j
ثالثا طرد راعي الونش خخخخخخخخخخخخ :D

ولكم تحياتي...
سوبر VTC
02/10/2008, 07:11 PM
اركد ياسوبر فتك ترى علومك خربت عليها السرعه , والحاله والحلتين والاربع مايقاس عليها . اثقل ومسك الارض,

انصحك (بالخضير , او العثيم,او الصمعاني)


يجب ان تفهم جيدا ثم تكتب
فانت تكتب قبل ان تفهم
السالفة وقعت لاحد كبار السن و قد جاوز الخمسين سنة
و انا الله سبحانه يقول
(وذكر فان الذكرى تنفع المؤمنين)
(و تعانوا على البر و التقوى)
هل تريدني ان اسكت و لا اخبر بما حصل
بالعكس حق وواجب علي ان اخبر بما حصل
اعضاء منتدانا العزيز و اعتبره بيتي الثاني
و انا قلت
في بداية كلامي ان احد الربع حصل له ما حصل
و انا لم اعمم على كل الجيوب
النقطة الاخرى
طلبت من الاعضاء الاعزاء
ممن يملك نفس السيارة
(( ان يتاكد هل عنده نفس هذا العيب ام لا))
لاني اجزم ان غالبية الناس لا يعلم عن هذه المكشلة بحكم ان السيارة جديدة
(الساكت عن اية مشكلة شيطان اخرس)
سوبر VTC
02/10/2008, 07:20 PM
اشكر جميع الاعضاء على المرور


و المشاركة و بيان وجهة نظركم


الاختلاف لا يفسد للود قضية


جميع الامور و المناقشات وجهة نظر تعبر عن راي


اصحابها


و هي كما تحتمل الصواب ايضا تحتمل الخطا


لست ملزما بالاخذ بها


لك حرية الراي


لكن لا تجبر الاخرين على قبول رايك و


فرضه عليهم


ان كنت مرة قد اصابت


فقد اخطات مرارا

و عيدكم مبارك

و تقبل الله منا و منكم صالح الاعمال


تحياتي
باترول 82
04/10/2008, 10:22 PM
والله مشاكل هالسيارات الجديده الله يكتبلنا منها ونتحمل المشاكل

مشكورين اخوي سوبر فتك وجميع الاخوان المشاركين بالردود

وكل عام والجميع بخير
مواسي الطعوس
04/10/2008, 10:31 PM
انا ماقلت اسكت ياخوي (سوبر فتك) ولا لي حق اسكت اي احد .


** لكن اقول الموضوع اذا تاخر يوم او يومين او اسبوع هل يضر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هو ماهو هيظه طيور او شعيب اذا راح نفس اليوم راح طعمه او حلاه .

الموتر له سنه واشهر مع الناس وهو مهب 100 موتر او 200 ماتقدر تحصل احد , اي واحد من ربعك تقدر تمر عليه وتتاكد . وهذا قصدي بسسسسسسسسسسسسس عساك فهمته ؟؟؟؟؟
سوبر VTC
04/10/2008, 11:38 PM
انا ماقلت اسكت ياخوي (سوبر فتك) ولا لي حق اسكت اي احد .


** لكن اقول الموضوع اذا تاخر يوم او يومين او اسبوع هل يضر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هو ماهو هيظه طيور او شعيب اذا راح نفس اليوم راح طعمه او حلاه .

الموتر له سنه واشهر مع الناس وهو مهب 100 موتر او 200 ماتقدر تحصل احد , اي واحد من ربعك تقدر تمر عليه وتتاكد . وهذا قصدي بسسسسسسسسسسسسس عساك فهمته ؟؟؟؟؟


جزاك الله خير اخوي مواسي الطعوس
و انا ادري ان الموتر طالع له اكثر من سنة
و انا مصادفه جا احد الربع و كنا كاشتين
طبعا عازمينه فقلت فرصة اعلمه عن المشكله و
بنفس الوقت فحصنا موتره :D اللي هو 6 سلندر فل كامل
و هذا اللي خلان اقول تم الفحص على موتر اخر انظر ردي رقم (15)==>و انا بردي هذا لانيب مطفوق او غشيم :)
او حتى متسرع
تحياتي لك
مواسي الطعوس
05/10/2008, 01:36 AM
وانت مشكور ويعطيك العافيه .


قصدي : خايف تخرب كل هالسيارات مره وحده . يعني تصبر يوم يومين اسبوع .......... حتى تحصل واحد من ربعك معه هاالموتر وتجرب . واكيد انك تعرف 20 مهب واحد وتمون عليهم .


انا اتكلم عن تنزيل الموضوع مهب الردود .انت سويت خبصه للعالم , اكيد فيه ناس نقلوه لاهل سيارات نفس النوع.
راعي العشــه
15/10/2008, 03:34 AM
هذا عيب اللي يشتري السياره من اول موديل من تغير شكلها
ودك الواحد يتأكد من التغيرااات هل فيها عيوب او لا
حراام ادفع ضربة فلوس على عيوب مصنعيه :(