المساعد الشخصي الرقمي

مشاهدة النسخة كاملة : هايلوكس دبل


الراقي99
27/09/2008, 05:41 AM
كل عام وأنتم بخير
تحية طيبة للجميع...ووفق لله من يقدم لي النصح....
عندي الوالد قرر يخربها...يبي يشتري هايلوكس2009غمارتين دبل...
يامن جربت سيارات الدبل 2008...2007...ماهو رأيك فيها من حيث المواصفات والمشي والعزم..

وهل الدبل أفضل؟؟ أم فل كامل بدون دبل..أيهم الأفــــضـــــل....

ماهو نصحكم ياأصحاب الخبرة إذا عزم يأخذ دبل وش أفضل مواصفات...

وهل السيارات المرتفة هي التي يوجد بها دبل لان أرتفاعها لم يعجبني....أم هناك دبل والارتفاع معقول....
ودائما يا أخوان الاحظ سيارات مكتوب عليها لglx وبالجهة المقابلة هايلوكس وأسفل منها حرف Sماذا تعني هل هي سوبر وفيها دبل وليست مرتفة..

سامحوني على كثرة الأسئلة وأعذروني لانه لاتوجد عندي معلومات عن الهايلوكس...


........ وجزاكم الله خير ورحم الله والدين الجميع...

ومــــــــــــــــــن الــــعــــــــايـــدين قبل الزحمة....وعـــســـاكم مــــــن عـــواده...
سوبر VTC
27/09/2008, 02:00 PM
هلا اخوي
اعرف لك 3 اشخاص كلهم دفرنسين لكنهن ديزل و الديزل طبعا تيربو :)
و شخصين معهما سوزو و السوزو الديزل انشط على الرغم من انه تماتيك
الهايلوكس مريحة جدا و غمارته وسيعة جدا لكن يمكن البدي خفيف شوي
و لازم تحط دعامية امامية لان الصدام فيبر
و ان قلت انه تثقل مهب لازم
و شخص معه 2008 فل كامل بنزين تماتيك دفرنسين شراه ب85000الف
لكن عيبه ما به دفلك و لا مثبت سرعة و لا حتى ثلاجة :mad:
الفرق واضح اذا جاك الموتر رفيع هذا دفرنسين
و العكس صحيح
اهم شي تاخذ موتر داخليه عنابي لانه اخبر يجي وارد اليحيى لكن اللون الداخلي قبيح جدا :mad: و لا يجي ريموت
تبي موتر مريح و سعره معقول ددسن دفرنسين
واحد شراه قبل سنتين جديدة ب57000الف
تحياتي
الراقي99
28/09/2008, 12:56 AM
جزاك الله خير أخي سوبر ورحم الله والديك...وننتظر مساعدة الأعضاء الباقين
لمن يملك معلومات...
سهم الوفاء
28/09/2008, 01:39 AM
اخوي نصيحه الهايلوكس الفل كامل احسن من الدبل لان الفل حجمها صغير ومنظرها حلو والدبل كبير حجمه والهايلوكس الفل عزم ماشاء الله مايحتاج دبل
سوبر VTC
28/09/2008, 05:15 AM
دامنك تبي تشري موتر جديد لا تاخذ الا دفرنسين
بعدين الدفرنسين حج و قضاء حاج
يغنيك عن الناس
تبي موتر صح و عليه العلم
و نشيط و قليل صرفية بنزين و مريح و مثبت سرعة
جمس غمارة و نص حجم 2500
اخبر سعره جديد ب107000
هالحين طاحوا به الشيبان للكشتات :d
الراقي99
30/09/2008, 02:11 PM
شكرا لمرورك سهم الوفاء...وجزاك الله خير على النصيحة...
شمالات نجد
30/09/2008, 02:32 PM
الوالد الله يحفظه معه هايلكس دبل ديزل ومرتاح منه بالحيل

مع انه راعي بران وكشتات ولا يرحم الموتر

وفقكم الله بالسيارة الزينه

سلام