جــمــس يــعــــانـــــي مــن تــفـــتفــه غيــــر طبيـعيه ولم نجد له عـــلاج !!!

[المميـز]

بسم الله الرحمن الرحيم

السلام عليكم ورحمة الله وبركاته

ندخل بالمشكله على طول

هذا جمس موديله 2002 وماشاء الله عليه مافيه الا العافيه

سافر عليه راعيه بالصيفيه هذي وقبل لايرجع لديرته بدأ الموتر يتفتف

طبعا يتفتف وهو واقــــف بــــس اما اذا مشيت عليه كل شي طبيعي

وهو واقف ويتفتف وضع الكمبـــرشر طبيعي جدا تحت الواحد وفوق الصفر يعني بالنص

والموتر يتفتف بس مايطفي ولا عنده نيه يطفي تدعس له بنزين يستجيب معك عادي جدا

طبعا الرجال غيــــــــــــــــر

البواجي ,, اسلاك البـــواجي ,, نظـــف دبــــة الرصـــاص

صفـــاية البنــــزين ,, فلتــــر الهــــواء

وأضاف على البنزين مادة تنظف البخاخات اشتراها من وكالة فورد ( توكيلات الجزيرة )

وقريبــــاً ناوي يغير حســــاس الهــــواء بس قلت له اصبـــــر

خلنــــي أشــــاور الأخــــــوان الافاضل وش عندهم من نصايح

قبل لاتغير حساس الهواء لانه غالي

وفيه احد الميكانيكيين قاله انظف لك البخاخات ولكن سمعنا ان فك البخاخات

يضر الموتر

وقالوا فيه مكينه لتنظيف البخاخات ولكن هل هو الحل برأيكم ؟؟؟؟؟

أسف على كثرة الكلام ولكن احاول اوصل لكم الصوره بقدر الإمكــــان

[بـلـيـهـان 1]

يمكن يحتاج وزن ديلكو إذا الموتر ديلكو

أو المشكله يمكن من طرمبة البنزين

شيك عليه كمبيوتر يمكن تجد المشكله

الله يوفقك يا رب و نشوف الأخوان وش يقولون

[بدوي جنوبي]

ترا فيه تفتفه طبيعيه


كم قوة المحرك ؟

[المميـز]

يمكن يحتاج وزن ديلكو إذا الموتر ديلكو

أو المشكله يمكن من طرمبة البنزين

شيك عليه كمبيوتر يمكن تجد المشكله

الله يوفقك يا رب و نشوف الأخوان وش يقولونالموتر ديلكو ولكن الميكانيكيين استبعدوا المشكله منه ما ادري ليه !!

وبالنسبه للفحص الكمبيوتر تم الفحص عليه كمبيوتر وبين لنا انه كل شي تمام !!!!!!

وطرمبة البنزين مغيره قبل سنه ونص تقريبا


ترا فيه تفتفه طبيعيه


كم قوة المحرك ؟لالالا واضحه التفتفه غير طبيعيه ابدا ابدا

انا اول ماسمعت الصوت على طول سالت الرجال وش فيه موترك !!

تشوف المكينه ترتج من قوة التفتفه بس مايطفي الموتر ويمشي طبيعي مثل ماقلت

اشكركم على هذا المرور

وان شاء الله نجد الحل لهذه المشكله

[طلال العنزي]

السلام عليكم اخوي في قطعة اسمها (الناك سنسر)تركب فوق البخاخ هذي احيانا تسبب تفتفه واذا دعست بنزين عادي وانتبه ترا التفته ورجة المكينة شينة على البلوف.
وجرب ترا يمكن سلك من اسلاك البواجي كهربه ضعيف.

[الطا مس]

تاكد من الكويلات حقت اسلا ك البواجي لانها صارت معي في فورد 97
وعلمنا الله لا يهينك وش يصير مع خويك

[Alshoaibi]

السلام عليكم ورحمة الله وبركاته
لاتغير حساس الهواء اذا الحساس فيه شيئ بتولع اللمبه الصفراء اللى بالطبلون (تشك انجن) الله يكفينا شره جرب تنظف الحساس استعمل بخاخ الكلبليتر ونظف مجرى الهواء والخانف نظفه زين زين والسياره طافية وامسحه وياليت مايبقى شيئ من البخاخ بالخانف وانشاءالله يطيب الجمس ، ياليت اذا عرفت وش علته تعلمنا يالطيب

[سوبر VTC]

اخوي المميز يالله ان تحيه
المطلوب منك كالتالي


نبي نبدا من السهل الى الصعب

*

الخطوة الاولى

تغير فلتر البنزين ضروري عند 25 او 30 الف كيلو عدم تغيره يؤدي الى انسداد الفتلر و ضعف العزم لان البنزين لا يصل الى المكينة كما يؤدي الى احتماء طرمبة البنزينو انحشارها ثم خرابها

الخطوة الثانية

فحص طرمبة البنزين و كم تضغط عند الاشتغال الموتر اذا كانت تعطي 40 و طالع فهي زينة ان شاء الله و ان كانت اقل من 40 فالخراب من الطرمبة دفعها ضعيفبسبب انه تبي تخرب

لمعرفة مكان فلتر البنزين و مكان فحص ضغط الطرمبة ادخل الراابط التالي و هو موضح بالصور

جميع أعطال طرمبة الجمس.....(بالصوووووووور) سوبرVTC (http://www.mekshat.com/vb/showthread.php?t=149295)


*


الخطوة الثالثة


احتمال الفلاتر الداخلية اللي بداخل التانكي متسددة يوجد فلترين و هذا يؤدي الى ضعف الطرمبة و خرابها و الى ضعف العزم لان البنزين يصل بصعوبة و قليل الى المكينة




لمعرفة اماكن الفلاتر الداخلية بداخل التانكي ادخل الرابط التالي و سعر الفلتر ب15 عند المحلات



فك طرمبة البنزين؛؛؛؛للجمس......(بالصورررررررررر) (http://www.mekshat.com/vb/showthread.php?t=150274) سوبر VTC


*

طبعا قبل عمل الخطوة الثالثة تتاكد اولا من البواجي هل خربانه ام لا و هل ابرة البوجي او العدسة خربانه عند اقرب ميكانيكي و يكون ثقة او فكهن بالبيت اذاما غيرت من يوم شريتوا الموتر يفضل تغيرهن


*


الخطوة الرابعة
تتاكد من فلتر الهوا اذا كان متسسد من الغبار

*

الخطوة الخامسة

فحص كمبيوتر ب 100 ريال يفحص لك البخاخات هل سليمات ام لا او متسددة او بهن كربون بحيث ان الكربون يبني طبقات من اثار الانفجار في غرفةالبستم

*

الخطوة السادسة
بالكمبيوتر ايضا فحص حساسين 2 اسم الحساس (لك سنسور)====> (حساس لك) قيمته ب110ريال عند المحلات و مكانهما تحت ثلاجة المكينة السوداءاللي عليها كتبة محرك فورتك
تعرف الثلاجة ؟؟ :D
غالبا الخطوة 5 و 6 تولع لمبة افحص المكينة اللي بداخل الطبلون


تحياتي لك

[سوبر VTC]

اخوي المميز
اضافة اخرى
قم بفصل اسلاك البواجي على الترتيب
افصل ثم اشبك و الموتر يشتغل
طبعا اذا فيه تهريب كهرب باحد الكويلات او فيه ضعف فانه راح يبين


كيف؟


اذا فصلت احد الاسلاك و صارت التفتفة كما هي ما تغير شي
فان هذا يدل ان الكويل مبطل او خربان او ضعيف
قيمة الكويل اخبره ب125 ريال
للمعلومية
عادة اذا كان الخراب من المكينة فانه تولع اللمبة


لازم تشيك على ضغط الطرمبة و الموتر يشتغل
احتمل يوجد سدد بالفلتر الخارجي او الفلاتر الداخلية


((انا اعتقادي انه فيه تنسيم هوا باحد ليات الثلاجة))
لكن العادة تولع اللمبة

[بدوي جنوبي]

يا سوبر فتك الا تتفق معي !

[سوبر VTC]

يا سوبر فتك الا تتفق معي !


شف يابعدي :)
موتري مكينته 6000 و ماشي 182000الف
الان له تقريبا 8 شهور اذا احتمى الموتر
اذا حطيت يدك على غطاء المكينة فيه تقطيع خفيف جدا
ايضا اذا حطيت يدك على الدركسون تحس بالتقطيع
طبعا فحصت كمبيوتر و قال احتمال من حساس (لك)
اللي هو تحت الثلاجة طبعا حساسين 2
بس فيه شخص اخر قال لي انه اذا الحساس خربان تولع اللمبة طبعا الحساسين يركب عليهن لي اسود هوا
و هما مسؤلان عن البخاخات
طبعا الى الان ما صلحته :D

[ثورة الشك]

تاكد من منظم البخاخات افصل اللي من المنظم ولاحظ الفرق اذا كان ماتغير شي فالمشكله من غيره
وافضل ان تذهب لميكانيكي لكي يتاكد لك من المنظم

[الشقردي911]

السلام عليكم اخوي في قطعة اسمها (الناك سنسر)تركب فوق البخاخ هذي احيانا تسبب تفتفه واذا دعست بنزين عادي وانتبه ترا التفته ورجة المكينة شينة على البلوف.
وجرب ترا يمكن سلك من اسلاك البواجي كهربه ضعيف.
الظاهر ان كلام اخوي طلال صحيح وانا اول لاينضف البخاخات لان ما لها دخل
والله اعلم

[بـلـيـهـان 1]

الموتر إذا توك موضبه شيك على وزن البلوف ، و تأكد من أن كل بوجي راكب في محله الصحيح .. و تأكد أن البواجي هي البواجي الأصليه و نفس الرقم من الوكاله ، و تأكد أيضا من أسلاك البواجي

..

تحياتي

[زاير الغيم]

صارت معي بكابريس جديد كل شئ غيرته

بواجي أسلاك

تنظيف تنك البانزين

ويوم وصلت لتغيير الطرمبة وقيمتها فوق الألفين ريال..

قلت أصبر

وقمت وشيكت على أسلاك البواجي مرة ثانية (طبعا شاريهن جدد) وألقى سلك منهن مجروح وهو ماله

أسبوع شارية والله وأغيره ويالله لك الحمد ضبط بعد ماتبهدلت ..

وكان يتفتف عند الوقوف فقط

[مقام البدر]

السلام عليكم

اخوي المميز هذا اعلان من زمان حافظه عندي لمثل هالمواقف ، عسى الله ينفع به

الآن!!! خدمة فورية بدون فك وبدون قطع غيار وخلال 30 دقيقة تخلص من :
- إهتزاز وتوقف المحرك
- التفتفة
- التنتيع
- التكتيم
- صعوبة التشغيل
- تراكم الكربون

تم تنفيذه بنجاح بفضل الله تعالى على آلاف السيارات في المملكة .

للإستفسار هاتف: 966505607273

[سالم غانم]

سلام عليكم
فيه سائل عند المحطات يباع لتنضيف البخاخ حقه 10 ريال يضاف مع البنزيم او الديزل وش رايكم فيه ياخواني واذا ع الكهرب اخوي نفخ القطع هوا يمكن جامعه غبار فقط.

[سوبر VTC]

يوجد ميكانيكي مختص بالامريكي
يحذر من بخاخ اي سي ديلكو و ايضا اللي يباع بالمحطات
لانه يخرب جلد البلوف على كلامه
و يعدم عليك البخاخات و احيانا تزود الصرفية
لانه منظف قوي مثل الاسيد و الفلاش

[المميـز]

اخوي المميز يالله ان تحيه
المطلوب منك كالتالي


نبي نبدا من السهل الى الصعب

*

الخطوة الاولى

تغير فلتر البنزين ضروري عند 25 او 30 الف كيلو عدم تغيره يؤدي الى انسداد الفتلر و ضعف العزم لان البنزين لا يصل الى المكينة كما يؤدي الى احتماء طرمبة البنزينو انحشارها ثم خرابها

الخطوة الثانية

فحص طرمبة البنزين و كم تضغط عند الاشتغال الموتر اذا كانت تعطي 40 و طالع فهي زينة ان شاء الله و ان كانت اقل من 40 فالخراب من الطرمبة دفعها ضعيفبسبب انه تبي تخرب

لمعرفة مكان فلتر البنزين و مكان فحص ضغط الطرمبة ادخل الراابط التالي و هو موضح بالصور

جميع أعطال طرمبة الجمس.....(بالصوووووووور) سوبرVTC (http://www.mekshat.com/vb/showthread.php?t=149295)


*


الخطوة الثالثة


احتمال الفلاتر الداخلية اللي بداخل التانكي متسددة يوجد فلترين و هذا يؤدي الى ضعف الطرمبة و خرابها و الى ضعف العزم لان البنزين يصل بصعوبة و قليل الى المكينة




لمعرفة اماكن الفلاتر الداخلية بداخل التانكي ادخل الرابط التالي و سعر الفلتر ب15 عند المحلات



فك طرمبة البنزين؛؛؛؛للجمس......(بالصورررررررررر) (http://www.mekshat.com/vb/showthread.php?t=150274) سوبر VTC




*

طبعا قبل عمل الخطوة الثالثة تتاكد اولا من البواجي هل خربانه ام لا و هل ابرة البوجي او العدسة خربانه عند اقرب ميكانيكي و يكون ثقة او فكهن بالبيت اذاما غيرت من يوم شريتوا الموتر يفضل تغيرهن


*


الخطوة الرابعة
تتاكد من فلتر الهوا اذا كان متسسد من الغبار

*

الخطوة الخامسة

فحص كمبيوتر ب 100 ريال يفحص لك البخاخات هل سليمات ام لا او متسددة او بهن كربون بحيث ان الكربون يبني طبقات من اثار الانفجار في غرفةالبستم

*

الخطوة السادسة
بالكمبيوتر ايضا فحص حساسين 2 اسم الحساس (لك سنسور)====> (حساس لك) قيمته ب110ريال عند المحلات و مكانهما تحت ثلاجة المكينة السوداءاللي عليها كتبة محرك فورتك
تعرف الثلاجة ؟؟ :D
غالبا الخطوة 5 و 6 تولع لمبة افحص المكينة اللي بداخل الطبلون


تحياتي لك






الله يحييك اخوي سوبر

و بالنسبه للبواجي مثل ماقلت لك بالموضوع ان الرجال غيرها وغير
اسلاك البواجي وغير صفاية البنزين وغير فلتر الهواء وطرمبة البنزين لها
اقل من سنه من ركبها !!!!!!!!!!!!!!!!!!

وفحص السياره كمبيوتر فحص كاااامل ب، 150 ريال والنتيجه كل البخاخات سليمه
بل الموتر كله سليم !!!!!!!!!!!!!!!! شي غريب بمعنى الكلمة

والمبة الصفراء اللي بالطبلون ( شكلها شكل مكينه ) تشك انجن
مولعه مع الرجال من اول يوم فكه من الوكاله

استلم الموتر العصر وولعة المغرب ورجع لهم من بكره وقالوا الموتر سليم

طبعا الرجال ماخذه من عام 2002 ولا شاف شي منه الا خلال هذه الاجازه


شكرا على ردك واسف لاني تعبتك معي

[المميـز]

اخوي المميز
اضافة اخرى
قم بفصل اسلاك البواجي على الترتيب
افصل ثم اشبك و الموتر يشتغل
طبعا اذا فيه تهريب كهرب باحد الكويلات او فيه ضعف فانه راح يبين


كيف؟


اذا فصلت احد الاسلاك و صارت التفتفة كما هي ما تغير شي
فان هذا يدل ان الكويل مبطل او خربان او ضعيف
قيمة الكويل اخبره ب125 ريال
للمعلومية
عادة اذا كان الخراب من المكينة فانه تولع اللمبة


لازم تشيك على ضغط الطرمبة و الموتر يشتغل
احتمل يوجد سدد بالفلتر الخارجي او الفلاتر الداخلية


((انا اعتقادي انه فيه تنسيم هوا باحد ليات الثلاجة))
لكن العادة تولع اللمبة



راح نجرب ونفصل احد اسلاك البواجي

انت تقول اذا التفتفه ماتغيرت فمعناته ان الكويل خربان

طيب واذا تغيرت ؟؟ يعني الكويل سليم ؟؟

وليات الثلاجه ماشيكنا عليها الى الان يمكن تكون منها !!!

واللمبه مولعه من اول يوم اشتغلت فيه السياره من الوكاله

[صديق قيس]

السلام عليكم ورحمة الله وبركاته

اخي الكريم

انا اقولك حل للمشكلة لانها مرت معي

وقف السيارة على حفرة وانزل تحت وشوف حسسات الشكمان

تلقاهن قبل الدبه او بعدها افصلهم هو 2 فقط ولف عليهم بشطرطون ولاعاد تركبهم

وشغل سيارتك وادعي لي بالرزق الحلال

[المميـز]

تــــــــــم قراءة جميــــــــــع الـــــردود

وإن شاء الله اليــــــــــوم راح اقابل الرجال

ونشوووف الملاحظات اللي قلتوها

واي جديد راح يوصلكم ان شاء الله تعالى

ماقصرتوا وجزاكم الله خيـــــر

[سوبر VTC]

راح نجرب ونفصل احد اسلاك البواجي








انت تقول اذا التفتفه ماتغيرت فمعناته ان الكويل خربان


طيب واذا تغيرت ؟؟ يعني الكويل سليم ؟؟


وليات الثلاجه ماشيكنا عليها الى الان يمكن تكون منها !!!


واللمبه مولعه من اول يوم اشتغلت فيه السياره من الوكاله




الله الله كلامك مضبوط
اذا فصلت سلك الكويل و لا تغير شي بالمكينة ==> يكون منه الخراب بمعنى كأن عندك بستم مبطل او خربان يعني يدور بس كذا تقل خبل :D لان ما جاه كهرب
و العكس صحيح اذا فصلته و تغير صوت المكينة ==> معنى هذا ان الكويل سليم لانه يعطي شرارة كاملة للبوجي
احيانا بالاماكن المظلمة جدا او نزل الكبوت قليلا
تقدر تشوف الكهرب بعينه اذا كان يهرب من احد اسلاك البواجي
***
مادام اللمبة والعة فالله اعلم ان المشكلة من حساسات البخاخات لك سنسور

[سوبر VTC]

اخوي المميز
يفضل فحص ضغط الطرمبة حتى لو هي جديدة عند اقرب محل تعبئة فريون السيارات
و مكانه تجده في موضوع جميع الاعطال بالصور

[المميـز]

ماقصرت اخوي سوبر فتك على هذا التواصل

وان شاء الله اليوم نبي نسوي اللي قلت لنا عليه

والله يستر