سؤال عن لاندكروزر

[هاوي قصيده]

السلام عليكم ورحمه الله وبركاته

اخواني ما اطول عليكم واخش بالموضوع

انا كنت مسافر على جيب لاندكروزر ولما اوصل لـ 160 يفصل الموتر فصله الـ 180 وبعض الاحيان يفصل على 140 وش السبب ؟

طفيت الموتر بالمحطه وعبيته بنزين وراحت الفصله

هل المشكله من نوع البنزين ام ماذا؟

الله يكفينا شر العين لاني قبل ما اسافر ناس وقفوني يبون يشرون الموتر :(

ارجوا الافاده

[الجندي2005]

العين حق ............... اقرأ وردك اليومي وتوكل على الله ودعاء السفر..
خبري على الـ 180

[xahmaedx]

شف والله العالم يمكن من الحراره

[هاوي قصيده]

الجندي

اشكرك عالمرور وبيض الله وجهك والله يستر

[هاوي قصيده]

احمد

حياك الله يا الغالي

الحراره يا الغالي طبيعيه ربع

موتري اللي بالتوقيع ماشاء الله ماشي 64 الف

بس الغريبه انه يفصل على مزاج مره على 140 ومره 160 ههههههههه

وصراحه احس بكتمته لا وصل 160 يعني يقول ذا حدي وخبري به اول يوصل لـ 180 ويفصل بس تحس ان به حيل

وللمعلوميه الموتر ما استخدمه كثير يعني مره بالاسبوع او مرتين

[ساري 111]

الجيب 2007 وتحت يفصل على 190

[هاوي قصيده]

حياك الله اخوي ساري

المشكله انه يفصل على تصنيفات

يعني هل المشكله بالطرمبه

والا نوع البنزين يعني فيه هوا ؟

[خ الفياض]

نعم الفصله على 190 عندنا 2002 عادي و99 تماتيك كلها على 190 وشيك وانا اخوك بمكن الفاصل خربان واول مره اسمع بالخراب لكن تكفى اذا حليت المشكله لاتنسانا نزل الحل هنا على شان الكل يستفيد

[المترو]

السلام عليكم ورحمة الله وبركاته
عسى خير ان شاالله

المشكله احد امرين
الاول فلتر الهواء وهو الاكيد بحكم التجريه
الثاني البواجي اما تكون غير اصليه راس واحد بدل راسين

واذا كانك مبطي ماغير فلتر البنزين اللي بالكبوت غيره اضمن لنظافة النزين والبخاخ

واذ تأكدت من هالامور قد يكون هناك مشكله بقاطع السرعه اللي على 180كلم

اسأل الله ان يصلح لك موترك ويحفظك
والسلام

[راعي الصفيرا]

السلام عليكم ورحمة الله وبركاته
انا موتري اخو موترك وارد اليحيى 2007 عادي ماشي 55 الف يفصل عند 195 بس عشان البالون اذا عدادي على 195 يكون على الماجلان 205 يعني اذا على موترك بالون يمكن لا تستغرب
شي ثاني شف الريس اذا انه يفصل والريس على خمسة وشرطتين وشوي هذا شي طبيعي
اتمنى اني اكون افدتك

[sameer_1798]

الله يعينك أخوي بصراحة أستغرب من بعض الناس الرجال ماعرض موتره للبيع تسألونه ليه ؟
كان معي هايلكس دفرنسين بهذلوني عليه الناس عند الاشارات يسألوني للبيع لين صار اللي صار أنقلب فيه الوالد وراح عمره معه ... حسبنا الله ونعم الوكيل .
لذلك نصيحة أخويه إذا مانفعت الحلول اللي قدموها الاخوان لك نصيحة بيعه قبل مايوقع الفأس بالراس .

[الخا911لدي]

ان عندي لاندكروزر ...2008...
مشيت 180..ولافصل...

انت تعبي 91_95
اذ كنت تعبي 91 ورحت عبيت 95....يمكن كذ فصل.....

[هاوي قصيده]

اخوي خ الفياض

اشكرك عالمرور

انا راح اشيك كمبيوتر والله يكتب مافيه الخير

[هاوي قصيده]

المترو

ياهلا والله بهالطله

هل تعتقد ان قلة استخدام الموتر تكون احدى الاسباب ؟

انا بغير زيت وابغير الفلتر وان شاء الله يكون هذا السبب

ولك مني احترامي وتقديري يا الغالي

[هاوي قصيده]

اخوي راعي الصفيرا


ياهلا فيك يا الغالي

انا كفراتي دنلوب حقت وكاله

بس من اول يفصل على 180

الحين ياشيخ يفزعك انت تمشي 140 ماتدري الا الموتر يفصل والله انه شلع قلبي ههههههههههه قلت انا طفى الموتر هههههه

[هاوي قصيده]

الاخ سامر

لاحول ولا قوه الا بالله

الله يرحمه ويسكنه فسيح جناته

والله يطعمنا خير الموتر ويكفينا شره

الناس وانا اخوك مايعطون خير خاصه بالحسد والعياذ بالله

بس ان شاء الله تكون المشكله تقنيه

<<باين انه خاف

[هاوي قصيده]

هلا والله بالخالدي

انا يا الغالي اعبي 91 ولا قد غيرته

بس هل بعض المحطات يكون بنزينها مضروب

لاني غالبا ما اعبي في هجر ومحطات شبة نائيه ههههه

يعني بنزينها عتيق ههههههه هل له سبب؟

[منصور الفايز]

السلام عليكم ورحمة الله وبركاته
عسى خير ان شاالله

المشكله احد امرين
الاول فلتر الهواء وهو الاكيد بحكم التجريه
الثاني البواجي اما تكون غير اصليه راس واحد بدل راسين

واذا كانك مبطي ماغير فلتر البنزين اللي بالكبوت غيره اضمن لنظافة النزين والبخاخ

واذ تأكدت من هالامور قد يكون هناك مشكله بقاطع السرعه اللي على 180كلم

اسأل الله ان يصلح لك موترك ويحفظك
والسلام

نفس كلام المترو ...
ومع ملاحظه ان انت تستخدم التانكي الاساسي وليس الاحتياطي ...
لان حصلت معي... اذا كنت شابك على التانكي الاحتياطي للبنزين يفصل الـ170 ويبدا يقطع الموتر شوي الى ان تصل السرعه عاديه على الـ 120 تفريباً واذا شابك التانكي الاساسي ما فيه اي مشكله ولله الحمد الى الـ 220 ( مع اني حاط فاصل للفاصل الي يقطع )
وان شاء الله اكون افدتك يا بعدي

[هاوي قصيده]

اهلا وسهلا اخوي توم

طيب سؤال

اقدر اني اخليه مايفصل على 180 ؟

<<تقل جاز له الوضع :)

[راعي الصفيرا]

اخوي راعي الصفيرا


ياهلا فيك يا الغالي

انا كفراتي دنلوب حقت وكاله

بس من اول يفصل على 180

الحين ياشيخ يفزعك انت تمشي 140 ماتدري الا الموتر يفصل والله انه شلع قلبي ههههههههههه قلت انا طفى الموتر هههههه
اخوي هاوي قصيدة قلت الاستخدام ما تخلي الموتر يفصل هي تخلي الموتر ما يمشي زين يعني تشوف ان العداد على 160 مثلا وخلاص ما عاد يتعداها واذا مسكت خطوط كثيرة يتعدل ويزين ويجيب قطعته اللي هي 195 بالضبط , بس اللي بموترك موب قل نشاط انت رح الله لا يهينك وجرب امش الين ما يفصل شف الريس يكون على كم ورد علينا ,لا تنسى
وجرب وقف الموتر على حفرة بأي بنشر بتلقى تحت مشبوك بالقير زي الفيش اللي هو فيش العداد افصلة ولفه بقصدير عشان ما يجه ماء ولا شي راح تطلع لك بالعداد لمبة تشييك المكينة <<<<شي عادي خذ ا قارمن ولا ماجلان وحطه على الكبوت وعب التانكيين وربط حزامك يا طويل العمر وحط رجلك وارفسله على اي طريق وانا اقترح عليك الطريق اللي تخلي وراك كبري البحرين وامش طبلونك يعني حد الموتر وشف سرعتك على القارمن لان عدادك ما يشتغل (مفصول) وشف اذا قطع السرعة تكون كم مكن يكون المشكلة بالعداد

[هاوي قصيده]

بيض الله وجهك ياراعي الصفيرا ابزين اللي قلت

والله يكتب مافيه الخير

[منصور الفايز]

اهلا وسهلا اخوي توم

طيب سؤال

اقدر اني اخليه مايفصل على 180 ؟

<<تقل جاز له الوضع :)

فيه :)
الرياض : عند محل 4500 اسأل عن ابو عبدالله وقلوه يحطلك فاصل لان اذا ما حطيت فاصل راح تولع لمبة المكينه وما تستخدمه الا للحاجه بس :) ( وتصلحه على المزاج يعني يمكن يصرفك يا بعدي )

القصيم: برياض الخبرا عند الفلبيني اللي يركب مثبت السرعه ....

وبالتوفيق

[هاوي قصيده]

توم توم

بيض الله وجهك يابعدي