الدبدبه ماربّــعت ولا تسوى العنوه,,,

[الخَـجَـمْ]

يوم الخميس رحت للدبدبة
وانا متوقع اني القاها مربّعه ,,
لكن لقيتها ارض(ن) شهباء
ماكن امطرتها وسميّـه خصوصا المناطق اللي شمال المحطة ,,
وزياده بالحرص سالت بعض الكشاته عن ربيع طريق
الدبيّــه - السفانية وقالوا تراه مايستاهل العنوه

وحبيت انبهكم لاحد يعني للدبدبه ترى ربيع الصمان
ازين منها,,,,,,

[النبراس]

مشكور اخوي الخجم
وما قصرت
اما بالنسبه للصمان اسأل(ن) عنها بس انتضر شوي لما يخف الطين والمياه
يعني على العيد شي خيالي
وتسلم اخوي على التنبيه
ملاحظه :
انت رحت لمواقع كثيره بالدبدبه ولا مكان واحد ؟

[القمعي]

[QUOTE]Originally posted by النبراس
[B]مشكور اخوي الخجم
وما قصرت
اما بالنسبه للصمان اسأل(ن) عنها بس انتضر شوي لما يخف الطين والمياه
يعني على العيد شي خيالي
وتسلم اخوي على التنبيه
ملاحظه :
انت رحت لمواقع كثيره بالدبدبه ولا مكان واحد ؟ :confused: :confused:

[وضح النقا]

~


مشكور أخوي الخَـجَـمْ على التنبيه..


بس وانا اخوك فيه أمر يقعقع في صدري.. أذكر أن ( الحماطيات) جايها وسم أبكر من الصمان ونجد .. ماوصلتوها أو جاك خبر عنها ؟؟؟؟

[الخَـجَـمْ]

الاخوان
النبراس
القمعي
وضح النقا

شكرا على المشاركة,,
وحنا لفينا حول الصداوي يوم الخميس ومالقينا ربيع ,,
وبعدين كان الامر شبه واضح من البدايه لما شفنا محطات البنزين
اللى بالمنطقة مافيها كشاته ولابياعين جائلين خصوصا محطة الدبية
اللى وقت الربيع تصير كنها سوق شعبي هالمرة شفناها شبه خالية,,

بالنسبة للحماطيات ماوصلناها حنا حدودنا كانت حول الصداوي
لكن سالنا بعض الكشاتة والعرب اللى قابلنا وبصراحة ماشجعونا
على تكملة المشوار,,,

وعلى فكرة ترى جنوب طريق النعيريه-الحفر فيه شوي ربيع لكن مايسوى العنوة,,
واذكر يوم الخميس الظهر نزلنا على شرقي الصمان متجهين جنوب من الطريق
جهة خبيرا ومرينا على بعض الفياض اللي حولها ومن ضمنها فيضة خبيرا
ولقينا فيها ربيع لكن مايقارن ابد بربيع جنوب ووسط الصمان,,,,

الخلاصة:
اللي يبي الربيع الزين لايبعد عن جنوب ووسط الصمان
ويحرص على االمناطق اللي شمال غرب نهايه الطريق القديم
(جهة درب المقانيص),,,
من غدير عوجان وظلماء وصولا حتى الحاصبيات,,
اما فياض شمال شرق الصمان ربيعها شوي
والغريب ان المزارع صارت حولها وكثرت الشبوك
والرشاشات المحورية لدرجة اننا كذا مرة دخلنا بوسط المزارع
عن غير قصد,,,

[khaled29619]

السلام عليكم
اخوي الخجم صح كلامك الدبدبه ما هي كلها جايه وسم والامكان التي ما جاه الوسم هي القرعاء والمسناه وكذلك الجبو والرميثان ورمثان وكل ما اتجه الي الغرب اما جنوب الشرق فهو موسوم ورلابيعه طيب ويبشر بالفقع ولاكن راح يتاخر لقطه شوي ومن الاماكن الوسومه نملان الحماطيات وكذلك المنطقه القريبه من خط الخفجي ربيعها لا يوصف ايضا السفانيه والسوده لا تفوتك وانصح بزيارتها وتستاهل العنوه

ارجو اني قد اقدتكم بشيء