الفزعة يالطرقيه اليوم يومكم

[الطيب]

السلام عليكم ورحمة الله وبركاته

بعض أعضاء مكشات طرقيه و يعرفون اكثر الفياض و ربيعها هالسنه ... وابي فزعتهم اليوم ...

اخطط اروح انا و العيال من شقراء الى كم روضة نتمشى فيها و نرجع في نفس اليوم ..

و بصراحة ودي تكون تسوى العنوه ....

افكر اروح لروضة نورة (تقريبا 130 كيلو عن شقرا) افطر فيها ...

بس محتار وين اتغدى ووين اتعشى ؟ ... فكرت في روضة الخفس بس مشكلتها زحمة ..

هل فيه رياض قريبه من شقراء ؟

هل فيه فياض قريبه من روضة نورة يمرها الواحد ؟

انا ما عندي مانع اقطع 300-400 كيلو

أرجوالمساعدة ياخوان ...


:)

[جاروود]

بسم الله الرحمن الرحيم

كان ماعندك مانع تقطع هالمسافات اجل لاتفطر الى في روضة نوره ومن ثم خذها تمشي على الحقاقه باتجاه الشعب والأرض هذي جيده جدا وسهله على السياره يعني مهيب وعره تمش الين تطلع على الشعب ومن ثم القطه لشوكي تراه جيد جدا واتوقع هذي اقل من 300كيلو

او خلو رحلتكم باتجاه مرات بعد ماتتعدون مرات وافطرو في الأحور الي هو وانت متجه باتجاه ضرما قبل مايقطعك البيب على اليمين ارضها جيده جدا ولا تتغدون الا في شعيب شمس

[الطيب]

وعليكم السلام ورحمة الله وبركاته

هلا ولله اخوي جارود و جزاك الله خير على الرد السريع و المعلومات المفيدة جدا

حاولت احضر برنامج الرحله من خلال برنامج OziExplorer كالتالي :

http://www.mekshat.com/pix/upload/images3/Trip.JPG

انا الاحظ من الخريطه اعلاه انه اسهل اروح من نوره لروضة الحقاقه (المؤشر الاحمر الكبير) مباشرة (25 كيلو) و من ثم الى الشوكي ايضا مباشره (11 كيلو) ؟
(يعني بدون المرور على الشعب) ؟
المسافات حسب Ozi Explorer و هي مباشرة.

هل فيه طريق مباشر من نوره الى الحقاقه ؟ و ماذا عن جبال العرمه ؟

هل معلوماتي هذي صحيحه ؟

(على فكرة لو كل واحد قام برحلة يرفق خريطه تبين الطريق اللي مشى عليه كان ممكن يكون افيد)