صورتها وهي شبه عارية ........... تصدقون او لا ( توجد صور)

[ابو شكاع]

السلام عليكم ورحمة الله

حياكم الله اخواني

الصراحة ان المكشاتيين متعبين جدا

قولوا وراه

انا اقول لكم

هنا في مكشات اذا بغيت تنزل موضوع يطلع عليه اعضاء وزوار على مستوى عالي تحتاج الى جهد كبير وبحث ورجوع لكتب

مثل طريقة صقر ونقا هشال والسمح والبقية

لكن انا عندي صور

وبحثت بباحث المنتدى عن ما يخص هالصور وما لقيت ........ووقتي ضيق جدا لانه تعرفون الواحد هالأيام من يقوم من النوم على طول للمخيمات لحد وقت النومه بالليل

وجلست فتره طويلة محتار ............. وش لون اقدم مادة مناسبة للأعضاء والقراء الكرام

لكن في الأخير وعقب ما عجزت وانا ابحث عن مادة تناسب هالطرح قلت يا ولد

جب اللي عندك وربعك مهوب مخالفين ان شاء الله

لذلك قررت انزل الصور وبدون اي معلومة ,........................... لاني ما قدرت اوصل لمعلومة ....وبعد لان الصور يستاهلنكم على ما اعتقد

الصور وانا اخوكم .............................. لبيض الطير ام سالم

وانتم طبعا تعرفون ام سالم ................. المشهورة بملهية الرعيان

لقيت لها عش فيه بيض ......جنوب الرس

وبعد يومين لقيت البيض مفقس وفيه فروخ وش زينهن ................

طبعا راح تلاحظون دقة هذا الطير في صنع العش سبحان الله .................

واليكم الصور

هذي الصورة الأولى وفيها العش بوسط رمثة ........

http://www.qosman.com/uploads/00002407/om salem.jpg



والصورة الثانية لنفس العش والبيض ولكن مقربة اكثر

http://www.qosman.com/uploads/00002407/om%20salem%202.jpg


والصورة التالية للفروخ ................... وهنا تلاحظون الفرخ وهو يفتح فمه تقريبا كل 5 ثواني يبحث عن الطعام ............ سبحان الله

http://www.qosman.com/uploads/00002407/om%20salem%203.jpg


وهنا الصورة الأخيره لفروخ ام سالم ................ هذا ما كنت اقصده من العنوان اللي هو ......... شوفوها شبه عارية :) واقصد منه ان الريش حتى الآن ما غطى كامل الجسم فهي فعلا شبه عارية

طبعا واحد من الفروخ واضح والثاني تحت اخوه

http://www.qosman.com/uploads/00002407/om%20salem%205.jpg

سبحان الله .......... لو تشوفون المطر والبَرَد اللي نزل على المنطقة تقولون شلون عاشن



ويا ليت من عنده معلومات يزودنا بها عن ام سالم

وسلامتكم ولاهنتوا

[Bo Rashed]

السلام عليكم ورحمة الله وبركاته

ابو شكاع تسلم على هالصور الجميلة
والواحد نادر انه يشوف مثل هالمنظر لكن الحمد لله اللي تم توثيقه بالصور

وهذي صورة ام سالم

http://www.alsirhan.com/Arabic/images/Hoopoe_Lark_2.jpg

تحياتي

[ابو شكاع]

Bo Rashed

وعليكم السلام ورحمة الله وبركاته

تسسسسسسسسسسسسسسلم على الصورة

فعلا حتى الشبه واحد بين الأم والفروخ

<<<< بلا كلك لا تسذب ههههههههههه

شكرا لك ولاهنت

[الحزم]

ابو شكاع :good:
اشكرك على التفاعل القوي

[ابو شكاع]

اهلا وسهلا بالحزم

شاكر لك مرورك اخوي

والسعادة لي بان اول مشاركاتك تكون من خلال هالموضوع البسيط جدا

ولاهنت

ــــــــــــــــــــــــــــــــــــــــــــــــــ ــــــــــــــــ

على فكره

القراء اكثر من 300

والردود فقط 2 :confused:

وهذا لا يقلل من حق بوراشد والحزم

فلهم الفضل

شكرا لكم

[الرّماي]

انا اقول اللة يعطيك العافية وتري الصور والموضوع شي جديد ولك الشكر
ونبي مثل المواضيع الجيدة

[مولع بالصقور]

سبحاااااان الله
والف شكر على هاذي الصور

[شَعَّـاااال]

السلام عليكم ورحمة الله وبركاته

ابو شكااااااااع تحياتي .

اول شي يعطيك العافيه عرفت تصيدنا .

ثاني شي الفرخ هذا ما سكر فمه ابد جلست ساعه وانا اناظر في الصوره .
:D :D :D :D :D

ثالث شي وانا اخوك ام سالم غير وملهيت الرعيان غير .

يقولون في ام سالم :
فيها ام سالم ما تمل التناشيد .............. يا سرع مبداها وما اسرع مرده .
ام سالم هي الواضحه في الصوره .

اما ملهيت الرعيان فهو نوع اخر منقاره تشوفه صغير جدا وليا فتحته اصبح فمه كنه جحر .

ليا جيته يطير مترين او ثلاثه وينزل ، وتقرب له مره ثانيه ويطير مترين او ثلاثه وينزل

وهكذا الين تبعد وانت ما تدري .

ويبعد الراعي عن غنيماته بدون ما يشعر .

تقبل تحياتي .

[صقر]

ابو شكاع

موضوع رائع وصور أروع... والحقيقة جهد تشكر عليه .... والله انك ذكرتني بالعلماء اللي يدرسون الحيوانات والطيور ويقضون حياتهم في سبيل دراسة نوع من الحيوانات او الطيور....

ومثل ما قال اخوي برد الحماد فهي ليست ملهية الرعيان .... وملهي الرعيان هو (لبد السحاء)

وما شاء الله عليك قاعد تحتريها تبيض;) وتحتري البيض;) لين فقس .... ما شاء الله صرت عالم بالطيور يابو شكاع...

وبارك الله فيك....

[شَعَّـاااال]

[

وما شاء الله عليك قاعد تحتريها تبيض;) وتحتري البيض;) لين فقس ....

هههههههههههههههههههههههههههههههههههه

[الحاتمي]

ابو شكاع
الف شكر على الصور
وعافاك الله
لكن تستغرب سر بقاء هذا الطائروعدم انقراضه على الرغم من ان ام سالم تبني عشها في الارض
وفراخها تعد وجبه محببه للورل وحتى اماكن بناء العش في الاماكن اللتي يعيش فيها الورل وامام فكه
وليس لديها وسيلة دفاع عن فراخها الا التحليق فوق الورل والنضر له وهو يلتهم فراخها وقد رايت هذا المشهد اكثر من مره..
اما في المطر الشديد والبرد فان ام سالم تلجا الى الصخور وتختبي تحتها سبحان الله
نفس طريقة الانسان عندما يلجا لكهف او غار اثناء المطر والبرد....
ماقصرت ابو شكااااااااع

[فـ(الجـوف)ـتى]

تستحق الشكر والله يعطيك العافيه


وسبحان الله 0

[حد السيف]

الاخ ابو شكاع
السلام عليكم ورحمة الله وبركاته
جمل اللة حالك والحمد للة انة ماتوطتهن السيارات اكان هن في خبر ماتا
جهد الحقيقة تشكر علية ونقدر صبرك وانتظارك والعودة مرة اخرى للتصوير وفي اوقات مختلفة اللة يبض وجهك ومشكور يالغالي لاتحافنا بهالنوعية من الصور
ولاتستعجل على رزقك الخير جاي



محبك اخيك
حد السيف:good: :good: :good:

[ابو شكاع]

الرماي


اهلا وسهلا بك اخوي وما قصرت


الشكر لك لمرورك وتعقيبك


ولاهنت يالغالي

[ابو شكاع]

مولع بالصقور


ياهلا ومرحبا


شاكر لك مرورك يالغالي ولاهنت

ــــــــــــــــــــــــــــــــــــــــــــــــــ ـــــــــــــــــــــــــــــــــ

[ابو شكاع]

برد الحماد

مشكوووووووووووور على هذي المعلومات

لكن المتعارف عليه عندنا انه ملهية الرعيان ............... والآن انت تفضلت علينا بالتصحيح

فالشكر كل الشكر لك يالغالي

[ابو شكاع]

((موضوع رائع وصور أروع... والحقيقة جهد تشكر عليه .... والله انك ذكرتني بالعلماء اللي يدرسون الحيوانات والطيور ويقضون حياتهم في سبيل دراسة نوع من الحيوانات او الطيور....))

ايه شايفن لابس كوت وبرنيطه لونهن اخضر .............مثل هذاك اللي يمسك التماسيح

عاد بيني وبينك

كانت التنبؤات اني اكون عالم حشرات

يوم اني صغير

اجلس اشوف العنكبوت .................... واراقب حركاته ........... ما امل

اجلس بس اتأمله

وكنت اجيب الحشره بالظهريه

واحط عليها المكبر ........... واحرقها بحرارة الشمس هههههههههههههههههه

حركات كثيرة كان اخواني يقولون لي اننا كنا نتوقع انك تكون عالم حشرات

او على الأقل هاوي حشرات

بس اخوك طلع هاوي كبسات :(

بعدين تعال

ذاك اليوم انت اللي قايلن لي ان ام سالم هي ملهية الرعيان

وهالحين تقول غير كلامك ذاك اليوم

ياشين اللي يبحلون يابو احمد ههههههههههههه


اشكر لك مرورك الكريم يابو احمد

وكلماتك الجميلة

ولاهنت

سلام عليكم

[ابو شكاع]

برد الحماد

اجل جازت لك تعليقة ابو احمد

خله بس ينزل موضوع وانا اوريه ههههههههههههههههه

تسلم

[ابو شكاع]

الحاتمي

مشكوووووووووور على هالمعلومات

فعلا

غريب جدا ان ما لها اي اساليب دفاعية

وعشها مكشوووووف

تسلم وما قصرت

[ابو شكاع]

حد السيف


هلابك اخوي


كلماتك اسعدتني

والشكر لك ولاهنت

[ابو شكاع]

فـ(الجـوف)ـتى

سقط سهوا


المعذرة يالغالي


1000 شكر لك على مرورك

وتسلم

ولاهنت

[صقر]

ابو شكاع .... هههههههههه

تراني انسحب ما ني قدك الله يعين عليك كان انك تراقب الحشرات وفي الآخر تحرقهن يعني تبي تراقب مواضيعي اللي يجن واللي راحن...

ما عرفك ولا تعرفني تراني منسحب من هالموضوع برمته......

[البوصلة]

اول صورة ثلاث بيضات.
ثاني صورة بيضة وفرخ
ثالث صور ايضاً بيضة وفرخ . يعني المعادلة ناقصة اين ذهبت البيضة او الفرخ ..........!!!
ابو شكاع اعـــترف وين وديت الفرخ او البيضة
الصورة الرابعة : ام سالم وهى تشاهد ابو شكاع وهو يهاجم اطفالها
الصورة الخامسة : لم تضهر بسبب هول المشهد وهو انتحار ام سالم .

[جبل كميت]

الغالي أبو شكاع
ألف شكر وتقدير لك على هالموضوع الرائع
واللي أول مرة أشوفه وفعلا أنا استفدت من هالموضوع الرائع
مجهود ومتابعة وتصوير تشكر عليه

تقبل مني كل الحب والتقدير
أخوك
جبل كميت

[ابو شكاع]

هلا ابو احمد

ايه


تراي اقشر

انتبه

تصدق اني يوم من الأيام سويت مظاهرة مع خكارية بمصر يوم يوقعون اتفاقية كامب ديفد

رافعين قطعة قماش 8 ×2 متر

كاتبين عليها

(شارون مالت عليك يالدبي)

وثانيه كاتبين عليها

(اسرائيل كش عليك كش كش كش كش )


تسلم

لاهنت

ــــــــــــــــــــــــــــــــــــــــــــــــــ ــــــــــــــــــــــــــــــــ

البوصلة

ههههههههههههههههههههههه

الصراحة حللتها صح

بس عاد

هذي الصور اللي طلعت معي

ومن حيث انتحار ام سالم

ان شاء الله انه ما انتحرت ............. ولو الدعوى اي مخلوق ينداس على ملكة انتحر كان كل عربي الحين تلقاه منتحر <<<< لاحظ اني اتكلم كلام كبار هههههههه

تسلم

ولاهنت


ـــــــــــــــــــــــــــــــــــــــــــــــت


جبل كميت اهلا وسهلا بك اخوي

الحمد لله ان الموضوع جاز لك ............. وهذا شي يدخل السرور بقلبي

تسلم

ولاهنت

وانتظر القادم