مشكلة الصداء في السيارات الامريكيه (النجده ياشباب)

[ssalamoka]

عندي مشكله في سيارة والدي وهو جمس 2008 جاي من امريكا استخدام امريكي والمصيبه الكبري انه مصدي من تحت تخيلو 2008 وفيه صدى لاتسالوني كيف مصدي وهو مديل جديد هذا الي حصل المهم وديته لمحل مشهور من محلات التلميع ومااعجبني شغلهم نهائي المهم يااخوان الي يعرف لي ورشه متخصصه في رشات الصداء يسعفني فيها لاهنتو والف شكر مقدما

[واقعي وعقلاني]

الأمر بسيط ...
أطلع لمحل اسمه العمودي في الصناعيه القديمه بالرياض أذا انت ساكن فيها وخذ منه قار اسود الله يكرمك في علب تلقاها عنده فيه بخاخ وفيه علب خذ العلب أفضل وأطلع على مغسله بستم وخلهم ينظفون الموتر من تحت بعد مايرفعونه وأذا خلصوا تنتظر لك حول ثلث ساعه على الأقل عشان ينشف الماء وبعدها تخلي العامل يرش لك السياره من تحت بأكملها وأهم شي تأكد ان العامل يرشها لأن بعضهم مايرش والله يعينك توديه عند أحد حقين البويه ويرشونه لك وبالتوفيق ...

[جمعان 22]

يقال ان الصدأ مثل السرطان .... يجب ازالته كليا قبل رش طبقة واقية

كيف تتم ازالته ..لا اعلم

ولكني بحثت عن ذلك من قبل ... ورأيت انها مهمة صعبة اذا كان الصدأ منتشر

[ssalamoka]

الله يجزاكم خيرماقصرتو
بس انا ودي بورشه متخصصه تصنفر الصداء وبعدين يرشونه ابي شغل عدل لان السياره تستاهل

[منصور الفايز]

انت رح لورشه عاديه ... وخلهم يصنفرون كل تحت السياره كاااامل ...وخذه منهم ورح للبيت زينه انت ازين
وبعدين خذلك قوطي :) بويه اسود مطفي صغير وفرشه صغيره من محلات بويات السيارات ...واصبغ الموتر من تحت بطريقه محترفه وخذ وقتك ... وخل الموتر واقف لمده يوم على الاقل ... علشان تنشف البويه 100%
وبالتوفيق

وموترك بيصير ما مثله يا خلفهم :)

[ssalamoka]

جزاكم الله خير

[سوبر VTC]

هلا اخوي
و الله يطعمك من خيره و يكفيك شره
افضل حلا
تنضف الصداء بمادة منظفة فلاش+قطن لكن احذر تراه حار يحرق اذا كان في يدك جرح
او
فيه ماده اسئل عنها اسمها أودليش حقت تلميع دلال القهوة
اللي يلمعون به مواصير الشكمان او العادم فقط
بعدين
ترش بوية سوداء
بعضهم يرشونه (قار) زفلت
او انك تحط زيت محروق و انا افضله على البوية و القار طبعا تحط خرقه بوسط الزيت المحروق حق البناشر و تمسح كل الموتر من تحت و تخليه الين ينشف
و ان شاء الله يضبط الموتر
سمعت ان فيه شركات تضع طبقة حماية على اسفل السيارة بس وين الشغل النظيف
بعدين انت مشكلتك مشكلة لان عندكم رطوبة فالله يعينك
افضل حل حط زيت محروق و خله ينشف
تحياتي

[ssalamoka]

الف شكر للجميع

[مجتازالأهوالي]

فيةبخاخ حمايةوعازل مثل حق الوكالة تماماًعند ساكو اذكر قداخذته منهم اسئل احدموظفين قسم السيارات ويفيدك ان شاءللة

[الغامدي 2007]

من المعروف أن أمريكا كثيرة العواصف والأعاصير حتى أن الفيضانات تغطي الشوارع وتغرق السيارات
وحتى ما يخسرون يقومون بتصدير السيارات ويمكن سيارة الوالد غرقت وإلا غريبةمصدية

((((((((((((((وجهة نظر))))))))))))))

[لن أمل من العطاء]

عندك حلين

اما انك تبدأ بالتنظيف بزيت فرامل وفرشة حديد وتصنفر وبعدها ترشه اسود بويه خاصة بالشاص تجدها عند محلات بويه السيارات

الحل الاخر

في شركة التظليل العازل زيبارت لديهم عرض كامل تضليل مع عزل لكامل السيارة منها رش اسفل السيارة بمادة عازلة
بس لازم تشرط عليهم انك تشاهد السيارة بعد التنظيف اي قبل وضع المادة العازلة هذه
لان مثل هالشركات ما تضمن ينظفون او يرشون بدون تنظيف
اخوك

لن امل من العطاء

[السارب]

رح للمغسلة وارفهعا باالبستم ثم رش السيارة من تحت بقاز او ديزل ونزل السيارة لاكن لايجيها ماء بعدها ومع المشاوير والروحات يروح الحلى شوي شوي

[باترول 82]

اقول لاتقلق اخوي بشأن الصدأ انا كان معاي كابرس موديل87 من يوم اخذته اوراق جمرك وهو مصدي من اسفل السياره وداخل الكبوت جلس معي عشر سنوات والحمد لله مافي اي مشكله ومارشيت ولا عملت اي شي

لكن مايمنع انك تاخذ براي الشباب وترش القار او احد المواد المضاده للصدأ اللي شاروا بها الشباب بس انا اقول لاتقلق وعليك بالهون

وللجميع تحياتي