ما هي احسن كفرات للرمال؟ [الأرشيف]

قناص الجزيرة

02/10/2008, 06:25 PM

السلام عليكم

يا شباب وش احسن الكفرات للرمال؟ بشرط تكون كفرات ماركة معروفة و متعددة الاستخدام و تتحمل الحرارة...... مثلا كفرات بريجستون او دنلوب اللي تجي على الباترول و اللاند.

مابي كفرات ما تصلح لكل شي ....... مثلا البالون تمسك به خط في الظهر في عز الصيف يضرب عليك اقل شي كفرين, ولا كفرات شاهين ما تصلح للديرة .

اتمنى منكم الافادة و شكرا

مجتازالأهوالي

02/10/2008, 06:43 PM

تويو مجربها 100%

passat2.0

02/10/2008, 06:43 PM

وعليكم السلام ورحمة الله وبركاته

من واقع تجربه البرجستن حلو .. بس الهانكوك ازين للرمل وتعطيك شكل الخطوط على الباثفندر

طواش

02/10/2008, 07:48 PM

دنلوب ممتاز والتويو جيده وخفيف بس أنا أفضل الأول

-السنافي-...

03/10/2008, 03:33 AM

الهانكوك معروفه باللين
لا كن اذا مشيت عليه بالازفلت وهي منسمات تتقطع
يبيلك كل فتره تغير.

سلايل كحيلان

03/10/2008, 03:39 AM

عليك بــ ( دنلوب ) وفقك الله

مجتهد***

03/10/2008, 03:51 AM

التويو جيد ما عليه كلام

سوبر VTC

03/10/2008, 04:06 AM

عليك بالهانكوك
لين و لا يفكك الموتر و لاهب عضل
اذا حطيت بالكفرات 20 احيانا تمشي بدون دبل
تحياتي

الحرفي..

03/10/2008, 04:56 AM

غير البالون لاتدور في الرمل وفي الحصى 100%
وماكسس أم جمل

الجندي2005

03/10/2008, 06:06 AM

انا جربت الهانكوك نقشية رمليه روووووووووووووووعة ،،،،،،،،،،،

شامخ ألهيلا

03/10/2008, 06:20 AM

دنلوب

او هانكوك

لكل الطرق والرمال والجباال والثلج لو تبي

الكوسه

03/10/2008, 07:00 AM

الدانلوب متعدد الاستخدام لاكن غالي

والهانكوك رملي وخفيف ويصلح للخط ويعيش على حسب استخدامك

والماكسس زين

ذيب طي

03/10/2008, 12:35 PM

الـــهــــانـــــكـــــــوك بدون منازع في الرمال

اسئل مجرب;)

المميـز

03/10/2008, 01:29 PM

بالنسبه لي متعامل مع كفرات فايـــــــــــرستــــــــــــــــــون

اكثر من سنتين ولا شفت منها اي سوء ولله الحمد

فهي مريحه بالردميات مقارنةً بالدانلوب فكانت الدانلوب بالردميه ياااااااابسه جدا

والفايرستون مريح جدا بالنفود لو تحط بالكفرات 30 والدبل الصغير تتمشى بالنفود

هذا الكلام من واقع تجربتي للكفرات

ابوصنهل

03/10/2008, 02:28 PM

هنكوك غيره لاتدور .. ممتازة وارخص من الثانيات على ما اعتقد ..
الله يوفقك ..
فمان الله .

قناص الجزيرة

03/10/2008, 04:07 PM

السلام عليكم

ما قصرتوا يا شباب

انا بصراحة مجرب البريجستون و الدنلوب و اميل للبريجستون اكثر

اما بالنسبة للهانكوك, قالوا الاخوان انه ممتاز لكن مدري هل عمره طويل وهل هو متعدد الاستخدام بحيث اقدر امشي به على مناطق صخرية بحكم ليونته؟

جربت البريجستون على اماكن رملية و اماكن فيها الحصى مثل السكاكين و كلها ماشي تمام

بس طبعا حبيت اخذ رايكم و يا ليت اللي عنده اضافات اخرى يفيدنا لعل الفائدة تعم

شكرا

مواسي الطعوس

04/10/2008, 03:34 AM

ياخوي حدد حجم الجنط ؟؟ وحدد الكفر نحيف او عريض ؟؟؟

** اذاهو 16 وعريض مافيه غير الدنلوب سواء 265 /70 او 265 / 75 او 275 / 70

واذا هو نحيف فعليك بكفر الحوض موديل 99 وتحت . 2000 وفوق مايصلح ابد ,(وهو شاهين والدنلوب نفسه زين لكن اصلب شوي ) لكن مايصلح مع الجنط العريض لانه يمكن ينشق مع الجنب .

** يوم اقول حدد : الماركه من الكفرات احيانا تناسب مع حجم جنط ولا تصلح مع جنط اخر . واحيانا حجم الكفر اذا اختلف تغير , مثلا : السفاري 2001 وتحت البلد برجستون 265 والسفاري 2002 وفوق صار حجمه 275 , الاول قاسي ولا بريال والثاني ممتاز مره عند الاول , الاول من جربه عاف البرجستون والثاني من جربه مدح البرجستون .
والسلام

عاشق النوق

04/10/2008, 03:43 AM

لا تدور غير الهانكوك

عبد الله صلاح

04/10/2008, 05:58 AM

الدنلوب الرملي مقاس 225 خفيف ولين المشكلة انه غالي , او
البالون الماكسس 8 كاندس .
من خلال تجربتي بالكفرات افضل ما مر علي .

الفتكاوي

05/10/2008, 01:37 AM

الدومونيتر يمدحونه كل حقين النفووود لين مره

محسن اليامي

05/10/2008, 01:44 AM

ميشلان جربته سنتين ماشاءالله

بس غالي شوووي

سهم VTC

05/10/2008, 02:07 AM

عليك برجستون..

ولا سومو تومو

6670

05/10/2008, 04:54 AM

أنصحك يالغالي بالهانكوك:
لين ويفرش مع التنسيم وزين في الخطوط بس في الأماكن الصخريه ماينبغى.
وتقبل مروري.

ابن فديغم

05/10/2008, 05:10 AM

من خلال تجربتي لاكثر من ثلاث سنوات عليك بالدنلوب او الشاهين الي نفس النقشه 245/85 ممتاز جدا بالمناطق الصخريه والرمليه كذلك مع الخط حلوووو.لكن بالمناطق الصخريه لا ينقص هواه طبعا جنوطي برازيليه..واسمع الشباب كثير يمدحون الهانكوك بالنفود...وااااسف على الاطاله.

قناص الجزيرة

05/10/2008, 01:19 PM

ياخوي حدد حجم الجنط ؟؟ وحدد الكفر نحيف او عريض ؟؟؟

على الاكستيرا. و كذلك سيارات اخرى جنوطها 16 و 17

أنصحك يالغالي بالهانكوك:
لين ويفرش مع التنسيم وزين في الخطوط بس في الأماكن الصخريه ماينبغى

هذي مشكلة الهانكوك فاعتقد انه خارج المناسفة لكونه غير متعدد الاستخدام

قناص الجزيرة

06/10/2008, 04:41 PM

السلام عليكم

انا كنت محتار بين الدنلوب و البريجستون لكن اغلبية الشباب هنا صوتوا لصالح الدنلوب

معروف ان اللاند يجي عليه دنلوب و الباترول يجي عليه بريجستون, فهل يفرق؟

و ارجوا منكم توضيح اي نوع من كل كفر, مثلا الدنلوب اي نقشة , يعني لا تقولون نقشة رملية او زي كذا لاني ما اعرف بالحيل ..... فياليت يا تحطون صورة او رقم الطراز عشان اعرفه بالضبط.

شاكر لكم و اسف على الاطالة

crash.mad

06/10/2008, 05:05 PM

حسب متطلباتك بنظري أزين شيء دانلوب ( غذا أنت راعي بر على خفيف )
وإذا أنت راعي بر بلحيل خذ هانكوك

تقبل مروري

صياد وعلووول

06/10/2008, 07:38 PM

السلام عليكم

تصحيح لبعض المعلومات عن الدنلوب الرملي (يشبه كفرات ماكسس)

انا من تجربتي لدنلوب الرملي (مهوب كلام الناس ) افضل كفرات
للــــــ جحر .

وهي افضل كفرات جربتها بالرملة وكذالك ... ( للـــحرة )

بس بشرط .......... تنزل هواء الكفرات الي 20 تقريبا

ان شاء الله افدتكم

.أبوعبدالرحمن

07/10/2008, 12:45 AM

عن تجربتني اشوف على الجنط 15 اليوكوهاما في الدرجة الاولى ومن ثم الدنلوب

وبالنسبة الجنط 16 اشوف ان الدنلوب الدرجة الاولى

وبالنسبة للجنط 17 اشوف ان اليوكوهاما سيء للغاية في الرمل ولكن روعة على الزفلت ويعيبه بس انه يزلق في الحر

مقام البدر

07/10/2008, 03:02 AM

السلام عليكم
الدنلوب نسم الهواء الى 15 - 20 يصير ممشاه على النفود مثل الزفلت بغض النظر عن نوع سيارتك
بس برى النفود بالنسبه لي ومن واقع تجربه لاتركبه حتى لو يجيك هديه

اما الهانكوك فعز الله انه بالنفود تقل بدوي حافي يركض ورا جربوع وين ماوطيت به يمشي

وبالخط مريييييح جداً بس لاينزل هواه مثل ماذكروا الأخوان وخاصة لامسكت به خط طويل

انا مجرب هالنوعين على عدة سيارات وهذا اللي اعرفه

قناص الجزيرة

07/10/2008, 03:36 PM

السلام عليكم

يا شباب بصراحة انا احترت مع هالكفرات

يبدو ان الكل اجمع على الدنلوب لانه هو الوحيد الممتاز للرمال الصخور في نفس الوقت

يبقى لدينا مسألة اي نوع من الدنلوب؟

انا بحط لكم صور الدنلوب اللي تجي شد بلد على اللاند و رقم النوع

هذا DUNLOP GRANTREK TG35

http://www.euroratas.lt/galery/_euroratas/padangos/dunlop/vasarines/visureigiams/grandtrek_tg_35_d.jpg

وهذا DUNLOP GRANDTREK AT21

http://www.tirerack.com/tires/BigPic.jsp?sidewall=Blackwall&tireMake=Dunlop&tireModel=Grandtrek+AT21&partnum=67SR6AT21&vehicleSearch=false&fromCompare1=yes&place=14

بصراحة متشابهات ولا اعرف الفرق بينهم , اتمنى منكم الافادة

وهذا ايضا بريجستون اللي يجي على الباترول الجديد

http://www.bridgestone.com.au/lib/images/treads/threequarter/Dueler_HT_840.jpg

اعتذر اني ما قدرت احط صورة مباشرة للكفر الثاني لكن اتمنى يكون واضح

انتظر ردودك

شكرا

الجوال1

07/10/2008, 09:22 PM

انت شكلك تبغى الدنلوب الله يوفقك بس تراه من الجنب طري وسهل انه ينشق

g 4 m 5 c 4

07/10/2008, 10:20 PM

والله من واقع تجربه البالون امسك عليه خطوط كل اسبوع وماشكيت منه ممتاز والله ياذيب

قناص الجزيرة

17/10/2008, 12:30 PM

السلام عليكم

اخواني اللي رشحوا الدنلوب, هل من الممكن تحطون صورته؟ لاني رحت للمحلات و لقيت اكثر من نقشة و احترت. اذا مهوب واحد من الصور اللي حطيت (tg35 او At21 ) ارجوا تحطون صورته.

شكرا

اسير الغضا

17/10/2008, 01:01 PM

اما انا ياشنبات

مركب بكسرتيهانكوك
ومرتاح بالبر ماتوهز
وبالديره مريحات
لاكن عيبهن الوحيد العمر القصير

تحياتي واحترامي لجميع المشاركين

..: ابو يوسف :..

17/10/2008, 01:04 PM

السلام عليكم ورحمة الله وبركاتة

افضل شي دانلوب

يليه هانكوك

هذي بالنسبة للي يبي يستخدم بر وديرة

وابشر بالصورة ابحطها لك اليوم ان شاء الله

ابصور كفر موتري ابشر وترا مقاس الجنط عندي 16

طبعاً الموتر مايحتاج باترول

وشكراً

الشاهين2004

18/10/2008, 09:44 AM

انا سيارتي لاند كروزر واستخدم ميشلان من اكثر من ست سنوات وكل سنتين ابيع القديم على محلات الكفرات واركب نفس الكفرات جديده وممتازه بالرمل وبالخط

أبو محمود 70

18/10/2008, 09:57 AM

بالنسبة للرمل احسن كفرات مجربينها ومشهورة عالمياً هى (ميشلان) وتصلح للارض الوعرة ايضاً ويكون الميشلان الفرنساوى الاصلى
مشكور

سالم غانم

18/10/2008, 10:15 AM

تبي الراي عندك ميشلان ويكوهاما جرب وادعلي وفيه نوعين ناعم وخشن الخشن للوعر يجيك الكفر قاسي ومطبه قوي والناعم للخطوط و الرمل وترا كل شركه تصنع انواع ومقاسات وانا لاحضت بميشلان العمر وقلت البناشر ويكوهاما مثل بس الافضليه لميشلان .
( شف عندك اكثر الشركات ماتركب الا يكوهاما يوفر ويخدم ) وبتوفيق

سندهم

18/10/2008, 10:16 AM

كفرات شاهين ممتازة كد ركبتهن على الشاص ورحت للربع الخالي بهن لينات مرة بس بالخط أملهن هواء

http://www6.0zz0.com/2008/10/18/07/705343833.jpg
رافعات الموتر وهن نصبة بس عندك بالديرة او بالخط عبهن هواء لاينزل عن (35 )

عاشق الهدد051

11/02/2009, 11:41 AM

لا تدور غير الدنلوب

عاشق الهدد051

11/02/2009, 11:50 AM

خذ الدنلوب اللي تجي على الشاص الخليجي

ابو كرك

11/02/2009, 01:41 PM

بالـــــــــــــــــــــــــــــــــــــــــــــــ ـــــــــــون

ابوجمل
ماكسس
900
وريح موترك
وان البالون بالصيف خطر كلام غير صحيح
اي كفر مع الحراره الزائده يمكن يبنشر
انا وغيري من الشباب طول عمرنا مانركب الابوالين والحمدلله ماشي الحال

عاشق القمرة

11/02/2009, 02:26 PM

البرجستون ممتاز

أذا كان موترك نيسان باترول جنط16 عليك بالبرجستون 275/70 450 ريال وريح بالك وعلى فكره .. في الرمل البرجستون نسم هواه من 15-20 شي ثاني ..

عاشق GM

11/02/2009, 02:31 PM

ميشلان ولاكنهم غاليين ولاكن ركب وانسى موضوع الكفرات وبعدهم العزيزات هم الهانكوك

دانكن

11/02/2009, 04:58 PM

دنلوب

ماشاء الله كلام ثاني .. :) ..

عضو مكشاتي

11/02/2009, 05:16 PM

هانكوك نقشة شاهين 8 غاط 285/45

mjd

11/02/2009, 05:17 PM

دانلوب شد البلد

شاص2006

11/02/2009, 08:31 PM

عليك بالدنلوب..........

مدرس بالغصب

12/02/2009, 01:26 AM

حسب علمي ان الافضل على الاطلاق هو (ميشلان) بس انه غالى

ابوحمد666

12/02/2009, 03:35 AM

1-ميشلان بس غالي شوي لكن لوتحسبها يعيش اكثر من غيره بكثير ولكن يجب عليك ان تشتريه من الوكاله لانه فيه اماراتي وايراني؟؟؟ وخذ الكندي او الامريكي اما الفرنسي فلااااايقربك حتى من الوكاله
2-دنالوب هنكوك وغيره كويسه ولكن اذا تبقى نص عمره فتوقع البنشره في اي وقت
3-برجستون معاد برجستون حق عام 1415 فهو تغير واذا انت راعي سفر اطرح بالك للسيارات الجديده المبنشره على الطريق؟؟؟
4- اما البالون فا اول مره اسمع بالون يصلخ(اللي اذا كان مغشوش تاريخه)اذا لقيت بلون صالخ دز لي مسج خل اشوفه واصور معه,,,
اتمنى ان اكون قد افدتك اخوي

هلي سدير

12/02/2009, 04:31 AM

عليك بالهانكوك جربتها في النفود وفي الوعر والخطوط وماشية ومن زمان وهي مركبة ولا قالت شي

بردوق صندقان

12/02/2009, 04:41 AM

ميشيلان وان مغمض اهم شي تكون الصناعه اوربي هج عن الامريكي والصيني لأنهم وسط

رعي البران

17/02/2009, 07:35 PM

اخوي عليك بادانلوب مجربها مريحه وبارمل ما عليها كلام

والهانكوك انا ركبتهن شهرين وجدعتهن قاسيات جدا وبالرمل ثقال ولاتقدر تتحكم بالسياره \\

لكن الدانلوب ممتاز وعندك بالون لكن اختار ابو جمل ماكسس هذا الاصلي

لكن نصيحتي دانلوب بالرمل ماعليه كلام

دوج 115

17/02/2009, 08:06 PM

يا شباب القود فاير ممتاز وهو يعتبر من احسن انواع الكفرات وبالخط راسي مره وحتى بالنفود ممتاز

كبسولة2

17/02/2009, 11:16 PM

أترك ماقيل لك وعليك بالماكسس ممتاااااازات جداً جداً جداً من واقع أستخدام للجيوب والجمسات لأكثر من 7 سنوات

مقاس 265 / 70 / 17 في الرمل والوعر والأسفلت