مشورتكم بالفورتشنر ياللي جربتوه ... [الأرشيف]

مشاهدة النسخة كاملة : مشورتكم بالفورتشنر ياللي جربتوه ...

ابوسعود 561

03/10/2008, 02:54 PM

السلام عليكم

وكل عام وانتم بخير

يااخوان عندي جي اكس ار اببيعه وناوي اشتري فورتشنر وابي نصيحتكم ومشورتكم ياللي جربتوه هو يصلح والا لا وايهن احسن 4 سلندر والا 6 سلندر من ناحية الاستخدام وصرفية البنزين والبيع مستقبلاً

وياليت اللي جربوا هالموتر يردون ويقولون لنا رايهم فيه من ناحية الراحة بالسفر وتماسك السياره والهرقله والدبل واذا فيه عيوب يقولون لنا عنها ,,,

وكل عام وانتم بخير

في امان الله ...

ابوسعود 561

04/10/2008, 12:37 AM

وينكم ياراعين الفورتشنر ..!!!

alse7es

04/10/2008, 02:17 AM

الموتر بطل أنا معاي 4 سلندر بس الأفضل 6سلندر والصرفيه متقاربه
وأنصحك بـ6 سلندر

مواسي الطعوس

04/10/2008, 03:44 AM

اثنين من ربعي معهم : قلت لهم هو زين والا وشالسالفه ؟؟؟

قالو شفناه مع العالم قلنا نجربه مستعمل شوي ولا هو مخسر , لكن الله لايحدك عليه ماهو موتر , ( الاخيره اجابتهم ) والله اهم كلهم يدورون مواتر وهو ماله شهرين معهم . يقولون زين للي اول مره يشتري جيب ولا يدري وش الجيوب .

** تبي نصيحتي لاتتعدى : البرادوا والفاندر

رحال حائل0

04/10/2008, 04:11 AM

والله معاي واحد 4 اسرندل قير عادي والله ماهو بطال بس انا تحسفت لو انة اتوماتيك وأرى انك تاخذ 6 اسرندل تماتيك
والله يوفقك

سهم VTC

04/10/2008, 05:29 AM

انا لا اعلم عن هذا الموتر الاشيء وحاد..

واحد من الاقارب شرا له واحد له سنه <<<طبعا فاكه وكاله..

والحين يدور له موتر..

AMAZ

04/10/2008, 05:55 AM

اخونا مواس الطعوس نصحك بالبرادو والله انه عطاك العلم لكن احب اقولك زيادة علم خذا vx روعه . لانه فيه مواصفات عن gx ويمكن الان تقول مابي المواصفات لكن بعدين تندم يوم كل ما تبي ميزه ولا تلاقاه وتقول ياليتني ....

Abu Saad

04/10/2008, 05:57 AM

شخصيا لم اجربه .
زميلي في العمل فك له واحد وكالة 2007 وباعة قبل 4 شهور .
قلت ليه ؟ قال ضيق ورفيع بزود .(وجهة نظره هو).
عموما ارى ان سياراتك الحالية مناسبة جدا.
وبالتوفيق

K 7 E L A N

04/10/2008, 06:08 AM

كانك تبي راحة مركب : فهو مركب هايلكس

كانك تبي هايلكس دفرنسين : خذ لك 4 سلدر >> يعني فااشل الــ4سلدر

نصيحه خذ لك 6 سلدر

واحد من الشباب ماله 6 شهور شاري فورشنر 6 سلندر نص فل بــ 102

واللحين وده يبيعه ويشتري براادو عشاان مافيه راحة مركب

والله يعين ان شاء الله

تحياتي,,

mntf13

04/10/2008, 06:14 AM

حياك الله اخوي ..

انا انقل لك تجربتي مع الفورتشنر V6 الموتر حلو من ناحية العزم , السعة , الرساوة ( لانة دفع رباعي مستمر الى 80 كلم وفيه قير دبل خفيف و ثقيل ) وفيه دفلوك , الشكل ..

اما المساوئ <<<< مدري صح او خطأ :)

يفتقر ( متعوب عليها ) للفخامة .
وتانكي البنزين صغير ..
تنسيم الهواء من النوافذ <<<< مشكلة في تيوتا كلها حتى الافلون ..

هذا الي عندي ..

ملاحظة : هذه وجهت نظري في الموتر واي استفسار انا حاضر ..

ابو لين .

شمالات نجد

04/10/2008, 10:48 AM

والله إن كانك بتقارنه باللاندكروزر فموترك أصرف خصوصاً إن كانه قير عادي لأن التماتيك في الجكسار من 2007 وتحت أربع نمر ولا يمدحونه

الفورتشنر سيارة ما عليها كلام لكن لا تقرب 4 سلندر ومن أهم عيوبها صغر تانكي البنزين 65 لتر تقريباً وهي سيارة عائلية شبابية اقتصادية تمشيك ما بين 400 - 450 (سته سلندر)

أنتظر موديل 2009 لأنه تم تغيير عدة أشياء من أهمها:-

مخارج التكييف أصبحت في السقف للصف الثاني والصف الثالث

المطب تم تعديله يعني إذا شريت الموتر ما يحتاج تغير كفرات مثل 2008 وتحت

تم تغيير الشكل الخارجي وأصبح أفضل في رأيي

الجنط أصبح 17

احتمال ينزل بأنظمة ثبات متعددة وتراكشن كنترول بالإضافة إلى الدف لوك الموجود مسبقاً

==============================================

أنا جربت الموتر مدة 4 شهور تقريباً موديل 2008 قير تماتيك فاكه وكاله ما خليت مكان ما رحت له ولا أقول فيه إلا كل خير.. وبعته وأنا عجل ماشي 10 ألف ولا طاح فيه إلا 7 آلاف ريال والحين مع واحد من الجماعة ومبسوط منه

لكني أول ما شريته قمت بتغيير كفراته البرجستون لأنها قاسية جداً ولا تنفع في الرمل واستبدلتها بدنلوب وتغير علي مطب الموتر واجد وصار يتمشى في الرمل

وترى قير 6 سلندر التماتيك خمس سرعات وبه مثبت سرعة وعدادات رياضية ليزر

وأنا حالياً مثلك محتار أطق لي فورتشنر 2009 أو أضغط على نفسي وآخذ باترول سفاري2 قير عادي

وهذي بعض الصور للموديل الجديد أثناء عرضه وسمعت أنه وصلنا واحتمال بالكثير أسبوع وتبدأ تشوفه في الشوارع

http://meem79.googlepages.com/AAAAAFFFFF.jpg

http://meem79.googlepages.com/AAAAAFFFFF1.jpg

http://meem79.googlepages.com/AAAAAFFFFF2.jpg

http://meem79.googlepages.com/AAAAAFFFFF3.jpg

http://meem79.googlepages.com/9999999ab394as0rqlxhtgqeyggv9.jpg

http://meem79.googlepages.com/AAAAAFFFFF4.jpg

http://meem79.googlepages.com/AAAAAFFFFF5.jpg

الله ييسر أمورك ويوفقك بالسيارة الزينه

ولا تنسى تستخير

سلام

الحسن القاضي

07/10/2008, 01:36 PM

أنا معي 6 سلندر 2008 والموتر بطل .
ويكفيك (الدف لوك) وقوته 4000 سي سي.
لكن لاتشتري 4 سلندر...

على قد الحال

07/10/2008, 01:56 PM

السلام عليكم

سقته مرة و ما عجبني تحس إنه خفيف جدا كأنك تسوق وانيت

النوخذة الأحسائي

07/10/2008, 02:01 PM

خذا العلم من بو عزام والحسن القاضي ورح لرابطة الفورتشنر في منتدى تويوتا وراح تلقى الله يسرك .. 2009 اطلق

والله معي الجيب ما عليه ولله الحمد وبعض الملاحظات البسيطة التي لا تضر في نظري القاصر

محمد بن سعيد

07/10/2008, 05:32 PM

ما شاء الله تبارك الله انا بالنسبة لي ثاني مرة اجرب جيوب كان معي جي اكس آر مدة اسبوع قير تماتيك اول شيء ثقيل في الممشى والقومة لكن الفورتشنر ما شاء الله تبارك الله خفة نفس في الطريق وفي البر لكن انا اقول لك ادخل منتدى الفورتشنر في منتديات تويوتا العربية وستحصل ما تريد إن شاء الله

مواسي الطعوس

07/10/2008, 06:41 PM

السلام عليكم

سقته مرة و ما عجبني تحس إنه خفيف جدا كأنك تسوق وانيت
***********************************

*****************************

ماجبت جديد هو (هايلوكس مصندق) لكن تم تغيير اللون الداخلي العنابي .

** سبب انتشاره رخص سعره مقارنه بسيارات تويوتا . والا 90 % من اللي اشتروه مايمدحونه .

** والدليل على ان العالم خراااااااااااااص : اكثر مبيعاته 4 سرندل , فيه احد يشتري جيب 4 سرندل .

شمالات نجد

08/10/2008, 03:48 AM

الاكستيرا والباثفندر = نفارا ولا ضره

الهمر اتش تو والسوبربان = سييرا ولا ضره

:)

سلام

Abu Saad

08/10/2008, 01:14 PM

الاكستيرا والباثفندر = نفارا ولا ضره

الهمر اتش تو والسوبربان = سييرا ولا ضره

:)

سلام

ابوعزام مافيه مقارنة
النفارا 4 سلندر . 162 حصان .
والاكستيرا والباث 6 سلندر 270 حصان .

مواسي الطعوس

08/10/2008, 01:41 PM

وانت تقارن الهايلوكس بالسييرا جميع اللي ساقوه مخرعهم راحه وقوه وسعه ...................الخ

والنفارا اللي ساقوها بالامارات (التجارب) يقولون خيال (الدبل) راحه ومواصفات : تماتيك /مثبت / سي دي / تخشيبه/دفلوك /سعه/.....................الخ .

** هذه سيارات كل واحد يحب يمتلكها ويفخر بها ماهي مثل الهايلكس قطعة ظهر .

** ولعلمك النافارا اكثر وانيت اخذ جوائز في دول العالم وتم اختيارها في كثير من دول العالم كافضل ونيت .واكثرها مبيعا .

sayaf

08/10/2008, 03:14 PM

انا عاجبني الموتر سياره عائلية ثلاث مرايب شكل الموتر حلو ودفع رباعي بمعنى الكلمه

وسيارة رياضيه خفيفه نفس من قوة المكينه مشاء الله

المشكله في الخامه المصنوع منها الطبلون تحس انها رديئه لكن تحس الموتر جامد متماسك

يعني انس شي اسمه هرقله

والتنسيم الهواء اذا مشيت فوق 160

وسعره 2008 با 109000 ريال الفل كامل

شمالات نجد

09/10/2008, 01:18 PM

أبو سعد ما جبنا طاري المحرك والقوة بس عشان تعرف أن الهمر سييرا مصندق والاكستيرا نفارا مصندق فقط لاغير

أخوي مواسي إذا ما أعجبك الموتر لا تجلس تذمه ترى فيه حقه مثل باقي المواتر والرجاجيل يقارنونه بالبرادو والباجيرو.

والهايلكس في الشارع والبر أكثر ما شفنا هو وين باقي المواتر اللي تنافسه

لازم يا أخوان نفكر بعقل بعيد عن التعصب والعنصرية

سلام

النوخذة الأحسائي

09/10/2008, 01:26 PM

شمالات نجد

09/10/2008, 02:04 PM

الاكستيرا والباثفندر = نفارا ولا ضره

الهمر اتش تو والسوبربان = سييرا ولا ضره

:)

سلام

تصحيح للمعلومات السابقة

يجدر الذكر أيضاً أن الهمر H3 إيسوزو دي ماكس مصندق، والسوبر بان سلفارادو مصندق، والباث فايندر وكذلك نيسان إكستيرا هما نيسان نافارا مصندق.

إلا أن الفورتشنر ليس تماماً هايلكس مصندق، حيث أن قاعدة عجلاته أقصر بكثير من الهايلكس، وتعليقه الخلفي يايات وليس سست ودفعه رباعي مستمر. بينما الهمر والإكستيرا تعليقهما سست مثل شقيقيهما الونيت والإكستيرا دفع خلفي أيضاً مثل شقيقه النافارا، والسوبر بان يشترك مع السلفارادو تماماً في قاعدة العجلات الطويلة.

سلام

.أبوعبدالرحمن

09/10/2008, 02:15 PM

السيارة ما عليها كلام

خالي معه واحد يمدحه ويقول انه ماهوب على شكله خفيف ونشيط

طبعا معه 6 سلندر تماتيك

النوخذة الأحسائي

09/10/2008, 02:18 PM

بعدي يابو عزام ولا يهون الصفيان ..

ال6 سلندر ما عليه كلام وال4 سلندر انحش منه .. وكلن له عيوب أقصد جميييييع السيارات..

الوهاج

09/10/2008, 03:00 PM

راي فيه انه مترفع جداً وغير واسع
مما قد يسبب سهولة الانقلاب لا سمح الله

النوخذة الأحسائي

09/10/2008, 03:05 PM

راي فيه انه مترفع جداً وغير واسع
مما قد يسبب سهولة الانقلاب لا سمح الله
أظن البراد أرفع ؟؟ !!

وبالنسبة للوسع من ركب لا رأى فقط ,,

أنا رحت بالجيب من الحسا-الرياض-القصيم-حائل-المدينة-مكة-الشفا-الدوادمي-الرياض-الحسا .. ماشاء الله عليه حنا 6 أشخاص 2-2-2 هكذا الركاب وتراهم شنبات مهب بزارين بس انهم حليلين مهم متان إلا محاتسيك بو فهد هو المتين :)

الوسع جدا جدا مقبول ,,

شمالات نجد

10/10/2008, 04:13 AM

راي فيه انه مترفع جداً وغير واسع
مما قد يسبب سهولة الانقلاب لا سمح الله

السعه مثل الباجيرو والبرادو

والإنقلاب الحافظ الله وأنا أخوك

http://www9.0zz0.com/2008/09/25/20/689471642.jpg (http://www.0zz0.com/)