من مر علية هذا العطل بالاندكروزر لايبخل علينا......!

[ري ق 801]

السلام عليكم ورحمة الله وبركاته
أخواني فجئة وبدون سابق أنذار جميع العددات(بنزين ــحرارة_ سرعة_زيت المكينةــ البطاريةـ) بالأظافة إلى جميع قزاز الأبواب توقفة عن العمل
فتحة الكبوت ولاحظة أن كمبرشر المكيف يخرج من رائحة حرق وباين علية أثار حرق ( لون أسود)
المهم فصلت سلك الكمبرشر وفكية الظفيرة الأمامية وتتبعتها سلك سلك وأصلحت كل سلك أحس أنه مهتري لكن لم أصلح المشكلة طبعا الفيوز جميعها صالحة

[براونق]

انا كان معي جيب 2001 تويوتا فصلت العدادات والدرايش والخلل طلع فيوز

تاكد منهن والله يعينك

[شامخ ألهيلا]

اخوي شيك على الفيووز الي عند الرجوول ولي في الكبووت

واذا مانفع عندي لك ورشه متخصصه في الكهرباء والفحص بالكمبيوتر اذا انت بالريااض

[مسفر الاكلبي]

شيٌك على قاعدة الفيوز احيان تنحرق القاعده وما يبين من برى


وخاصه فيوز العدادات

[خ الفياض]

الفيوزات مثل ما قالوا الاخوان
ولا شف لك كهربائي مجرم

[الكايف2]

مثل ماقالوا الربع الفيوزات

[ري ق 801]

الله يعطيك العافية ياشباب والمشكلة طلعة بالفيوز إلي عند الرجول أعزكم الله لاكن نظريا" مايبين أنه محروق غير بالجهاز (اللمبة)

[بواسامه]

هلا اخوي
الاهم انه عندك مشكله في كلتش الكمبرسور للمكيف والاحتراق دليل ان عمود الكمبرسور يرج
وراح ترجع لك المشكله ثانيه ومره ويحترق لذا نصيحتي غير الكمبرسور كله
لانها صارت معي ولا سمعت كلام الكهربائي

[فتى الوادي]

إذا انت في الرياض .. دخل سيراتك في البازعي ... وأبشر بالخير .

[مواسي الطعوس]

لاتتعدى صاحب الرد رقم (3) صاحب الجكس . مافيه عله مامرت عليه . ما شاء الله عليه خبير . كل ماجاء خراب قال انا صلحتها بكذا , او تراها ماتكلف الاكذا .

[مزاجي فوق]

ههههههههههههه يا مواس

الله لا يلومه الجيب اذا خرب خرب واشين شئ فيه الكهرب

[شامخ ألهيلا]

ههههههههه

حتى هناء لاحقني ويرد على كلامي لاحوول ولا قوة الا بالله

ياخي وانا اخذ منك فلووس اصلح سياراااتي فيها وللمعلوميه اكثر من سياره جربتها تايوتا ونيسان

ولا عشااني اكره النيسان كرهتني معه لاحووول

وتذكر دعاء ياليت تقووله داايم ((اللهم اني اعوذ بك من ان احقد او احسد ))

سلالالالالام

[مواسي الطعوس]

ههههههههههههه يا مواس

الله لا يلومه الجيب اذا خرب خرب واشين شئ فيه الكهرب
***************************************
******************************
************************

صدقت .

**
لكن الرجال امدحه اقول المفروض ينادون عليه عند اي خراب للاند . مثل ماينادون اهل الامريكي اخونا (لن امل من العطاء ) او ينادون (سوبر فتك) وزعل لو اسبه وش يبي يصير ؟؟؟؟

** مادري من متى وانا وراه ؟؟؟؟؟؟ يمكن كل ما اقول شي يحسبني اقصده . لو انا اقصده حددت الرقم مثل الرد السابق , مايحتمل غيره .

** الحمد لله ما اكره احد .في هذا المنتدى . واذا كنت تكره النيسان الله يكثر امثالك .