مشكله بالباثفندر 2006 فما فوق

[مضيع نعوله]

المشكله هي تعلق السياره في الرمل الارض المستويه الكفر الخلفي اليمين مع الكفر الامامي يسا ر وونزلنا من الكفرات الثانيه علشان تتسوى لم تفلح الطريقه يدور بووش الى ان يتعلق بطن السياره كل محاولات بدبل الخفيف والثقيل دوون فائده حتى الحفر لها بطن السياره والرفع بالعفريته لم تنجح تمشي شوي وترجع مثل مكانت

ارجو المساعده في حل المشكله وهل تغيير الكفرات الى ارفع ونحف حجم مع العلم اني ركبت كفرات فيرستون اصغر شوي من كفرات الوكاله الامريكيه فرق نص فقط

او رفع السياره

او بيع السياره وهذا شكله راح يحصل لانه رفعت ضغطي مع العلم انه اكثر من سياره بنفس الموقع غرز شوي وطلع زي السلام عليكم وانا نااشب

[شمالات نجد]

أبوي التغرزيه ما تصير على سيارة فيها دبل بالساهل

لازم يكون فيه سبب

صح أن الباث الجديد مهوب مثل بعض الجيوب لكنه يشيل نفسه ومجرب وبإعتراف الأغلبية

يا الكفرات قصيرة أو ما نسمت لها

يا به علة في سيارتك

يا أنك مجرب الموتر في رباضه وهي ما ترحم أطلق جيب

بعدين ليش تقول بتبيعه لا تستعجل والباث ترى داخليته حلوه ومريح ولا يقصر في الرمل

وإن شاء الله الأخوان يفيدونك

وفقك الله والجميع

سلام

[صياد مبتدئ]

السلام عليكم و رحمة الله و بركاته

يا أخي العزيز المشكلة التي وصفتها ليست خاصة بالباث، أية سيارة تتعرض لتغريز الإطار الأمامي و الخلفي تعلق و تدور الإطارات "بوش". السبب في هذه المشكلة هو طريقة عمل الدفرنسات. في هذه الحالة أفضل ما يمكن عمله هو تعطيل دوران الإطارات المغرزة بأي شكل من الأشكال، يمكنك مثلا أن تضع قضيبا من الحديد في فتحة الجنط بحيث يمنع الإطار من الدوران. بهذه الطيقة يدور الإطار الغير مغرز و تخرج السيارة بمشيئة الله. طبعا يجب عمل ذلك في كل من الإطارين الأمامي و الخلفي المغرزين.

[ولد العويني]

مممممممم


والله صعبه لكن الله يعينك ،،

على حسب ما سمعت ان الموت حليو بالبر عاد انت لاتزودها وتروح اماكن خطيره

وان شاء ما جايك شيء

[نمر بن حثلين]

هذي المشكله بسبب عدم وجود دفرنس خلفي يرفع مؤخرة السياره

راجع هذا الموضوع

http://www.mekshat.com/vb/showthread.php?t=60772

[مساير الليل]

آخوي الغالي غير المساعداات الخلفيه إلى مساعدااات أسترااااليه وراح تلاحظ الفرق

[مضيع نعوله]

يعطيكم العافيه والف شكر السياره بالخط مريحه جدااااا لاكن ضاق صدري يوم غرز مع العلم ان المكان مر فيه اكثر من جيب من باترول وشروكي شاص سحبو السياره داق بطنها زي الصوره هذي
http://bar418gan.jeeran.com/5000.jpg



لاكن دون فائده

مشكورين على الردود انا عملت كل شي قبل حطيت لها حجر وشجر ورفعتها بالبالون الى بالشكمان ومشت الى ان طلعت بس بعد اكثر من 4 ساعات

لاكن انا شاك انه من الكفرات الفايرستون وحجمها اصغر ومثل ماذكر الخلفيه نازله شوى

اول شي راح اسويه رفع السياره مساعدات استراليه

وجرب في نفس الموقع الرد لكم

[مواسي الطعوس]

الموتر طبيعي ولا فيه شي , بس الكفرات ماهي مضبوطه , قلت اكثر من مره ان اللي يحب الرمل لازم يركب دنلوب ولاغيره , وشف اهل التطعيس كلهم دنلوب الا المرهمات القويه مره يركبون كفرات كبار .

** المفروض تركب نفس حجم البلد او اكبر لان الموتر نشيط ولا رايح تؤثر فيه بل العكس تفيده في البر والرمل .

** ولا تنسى تنزيل الهواء . ولاتوقف في محل يكون الموتر امامه مرتفع وخلفه مرتفع او مايل يمين او يسار , احيانا نكشت وسيارتنا مثل بعض وتنزيل الهواء مثل بعض وتحصل واحد كل شوي يغرز والثاني مايغرز ابد . بعض الناس مايفكر ابد يحسب الدبل مايغرز يوقف على عماها , مثل اللي مايدعس حتى يصل النفود وبعضهم مايعشق الدبل حتى يغرز . تشوف العجايب من العالم .( وان بغيت قصة باخشب جبناها لك )