سؤال لاهل الخبرة عن اليوكن الدينلي

[DARK2]

السلام عليكم ورحمة الله
اخواني الافاضل .. عندي سؤال لاهل الخبرة او من يعرف عن الموضوع ارجوا انة يجاوب علية !!
عندي جمس يوكن دينلي 2005 واغلبكم يعرف انة الدينلي 4*4 يعني نظام تعليق من 0 الى 100 بعدها يفصل الدبل بدون ( جير او ازرار للدبل ) سؤالي انا سمعت وماني متأكد فية البعض يقول فية دينلي من نفس الطراز يجي نظام ازرار يعني مثل التاهو z71 هل هذا الكلام صحيح او لا ؟؟

سؤالي الثاني : هل استطيع تركيب دبل z71 التاهو على الدينلي مع الغاء نظام التعليق السابق فيه ؟؟

[ابوطاقية]

الدنالي مايجي الا Awd وبالنسبه للموديلات الحديثه 2007 و2008 غيروها ازرار
وبنسبه لتركيب ازرار الشغله موب ازرار بس الشغله كمبيوتر قير لازم اعادة برمجه والا تركب كمبيوتر ثاني حق العايدي ابو ازرار

[شروكي ربع]

اللي أعرفه وعلى كلام الوكالة عام 2006 أن كل الدينالي دبل عالحساس ..

متى ما حس الموتر انه يحتاج دبل شبك على طول ..

ولا تقدر تتحكم فيه انت , وهذا في رأيي عيب كبير ..

ولا اعتقد انه بتغيير العمود وتركيب ازرار ينتهي الموضوع , الشغله كبيره وتحتاج ميزانية كبيرة ..

وانصحك خله على وضعه ولا تتعبث فيه , واذا مضايقك مرة بعه واشتر سوبر ..

[لن أمل من العطاء]

لا ياتي من مصانع جي ام الا بدون ازرار

تركيب الازرار متعب جدا ومكلف جدا ولن يضبط بل ستجلس في مشاكل

هذا عيب الدينالي

[ساري 111]

من اكبر عيوب الدينالي مافيه دبل ثقيل !!

[DARK2]

مشكور اخواني على المرور والنصائح الطيبه وبيض الله وجيهكم

[عاشق GM]

عيار الدبل ممتاز ميه بل ميه في الدينالي وما اعتقد بتحتاج لدبل الثقيل دخلت اطعوس انا وشاص حتى راعي الشاص قعد يمدح بموتري وبنسبه لتغيير انا اشوفه شي صعب ومكلف وبتتعب مع الورش ودوختهم ونصبهم ف انصحك خل الموتر وكاله اريحلك ترا المكينه قويه تساعدك بطعوس بعد

[كرملا]

واحد من اخوياي عنده دينالي طالبه من امريكا
ولا هو راعي بر بس يبيه عشان مواصفاته
شال عامود الكردان وصار موتره بدون دبل وفصل الحساس حق دفرنس الدبل بس ولعت لمبت في الطبلون علشان الحساس بس الصراحة الموتر صار خفيف ودزه بشكل خيالي من اقل دعسه يفحط
لآن مكينته أقوى من الدبل العادي

[بدوي جنوبي]

يا شباب لا تخلظون الاوراق

مصنّعين السيارة تميزوا بهالنوع للرفاهية

وضعوا عدة خيارات لانواع من سيارتها ،، وللسائق حرية الاختيار
بين الدبل بالتحكم اليدوي ازرار
والدبل التحكم الالكتروني مثل الدينالي

وعلي العكس يوجد سائقين يفضلون هالنوع من التحكم الالكتروني
بدون تدخل السائق ،،

ومن المغالطه ان نطلق علي الدينالي بوجود هذا العيب

نوع ال Z71 يأتي فل كامل نفس مواصفات الدينالي عدا بعض الاكسسوارات
مثل الشمعات والفيابر الجانبيه

او نووع SLT

عموما هذا لا يعتبر عيب في الدينالي .

تحياتي

[بدوي جنوبي]

اخي DARK2
الدينالي قوي جداااا حتي في الطعوس
تستطيع ان تجعل منه دبل ثقيل بأختيارك في عصا القير
ابتداء من ترس الاخير رقم 1 و 2

اما فكرة تركيب ازرار تحكم ،، ليست مستحيله
اكن تحتاج الي اضافة حساسات واعادة برمجه مثل ما ذكروا الاخوان
وتقد تحصل بعض المشاكل وصعوبة في التركيب

بالنسبه لوجود دينالي ازرار خاص بالدبل اعتقد في مواصفات الاستخدام الامركي
لان عندهم مواصفات اختياريه رائعه جدااا

اكن لم اشاهدها في معارض السيارات .

بالتوفيق

[الشقردي911]

واحد من اخوياي عنده دينالي طالبه من امريكا

ولا هو راعي بر بس يبيه عشان مواصفاته
شال عامود الكردان وصار موتره بدون دبل وفصل الحساس حق دفرنس الدبل بس ولعت لمبت في الطبلون علشان الحساس بس الصراحة الموتر صار خفيف ودزه بشكل خيالي من اقل دعسه يفحط

لآن مكينته أقوى من الدبل العادي

السلام عليكم
مثل ما قال اخوي الموتر يصير فيه عزم موب طبيعي
اخوي عنده اسكاليد 2002 فصل عامود الكردان
يوم جاء يبيعه ركب العامود وسار فيه رجه بسيطة في الموتر
يعني الزبدة خلك على وضعك ازينلك

[DARK2]

اشكر مروركم اخواني .. والنصائح القيمة .. بصراحة انا ماجربتة البر نهائي وعلشان هذا الشي متخوف منة في البر والطعوس .. بصراحة انا متعود على الرنج ومايخفى عليكم قوتة بالبر

[ساري 111]

عيار الدبل ممتاز ميه بل ميه في الدينالي وما اعتقد بتحتاج لدبل الثقيل

دام الموتر ماغرز كلامك على العين والرأس ..
لكن اذا غرز الموتر وحاولت فيه وهو بالخفيف على طول تقب حراره الموتر وحراره زيت القير وتحترق كلاتشات القير بحكم انك تدوس للموتر ولايتحرك كفر بحكم ثقل الرمل على الكفر فالمكينه تعطي بقوه والكفر مايدور ويبقى القير هو الضحيه ..
الخلاصه اي موتر تماتيك اذا غرز لازم اول شي تسويه الدبل الثقيل عشان ماتجمل اقير .. والدينالي يفتقد الثقيل وهذا عيب بالنسببه لراعي البر <<قلت عيب لراعي البر وليس عيب تصنيع
وصارت معي غرز الموتر ولاحولي احد يجرن وقعدت حاول يمين ويسار وابرح وبالنهايه طلع يوم اخذت يومين اوثلاثه خبط القير مع ان الموتر ماشي فوق الميه شوي


وبالنسبه لـ z71 الصالون مهب مثل فخامه الدينالي ولايورده احد من الوكلاء بالسعوديه ولكن يجي استمال امريكي فقط

[ذايب]

السلام عليكم للجميع الموضع