مطلوب طريقة تركيب البطارية الاحتياط بالصور ولاهنتوا يالذيابة

[ابوفهيدان]

اخواني اللي يعرف طريقة تركيب البطارية الاحتياط يفيدنا وياليت لو بالصور

الصراحه قريتها شرح بس بعض القطع ماعرفت شكلها وتعرف الشرح بالكتابة يختلف عن الشرح بالصور

ياليت اللي لهم خبرة يفيدونا ونقدر لهم مجهودهم

[gusoon]

اخواني اللي يعرف طريقة تركيب البطارية الاحتياط يفيدنا وياليت لو بالصور

الصراحه قريتها شرح بس بعض القطع ماعرفت شكلها وتعرف الشرح بالكتابة يختلف عن الشرح بالصور

ياليت اللي لهم خبرة يفيدونا ونقدر لهم مجهودهم


اذا كنت من سكان الرياض الله يحييك
البطاريه مع التركيب 800 ريال
فترة العيد
وبعدها ب 1000 ريال

[كرملا]

هذا الرابط لواحد من الأحباء بالمنتدى العزيز مكشات موضح فيه مطلبك وتقدر تستفيد منه


http://www.mekshat.com/vb/showthread.php?t=37714 (http://www.mekshat.com/vb/showthread.php?t=37714)

[برق تميم]

ابوفهيدان مر الدفع الرباعي في الرياض شغلهم لا يعلى عليه لكن حارين شوي في السعر

ريان 0542542569 احجز لك موعد قبل الزحمه

[سوبر VTC]

اخوي ابو فهيدان
الرابط السابق حق اخوي المترو بالصور
و ان شاء الله انه واضح
طبعا هذا رد لي رقم (82) على موضوع اخر للمدير مكشات
على هذا الرابط

كيفية تشبيك بطارية إضافية للسيارة (http://www.mekshat.com/vb/showthread.php?t=3472)

و هذا ردي

(صياغة الرد بشكل افضل) :)


بالعكس ونا اخوك كلام الكهربائي غير صحيح اطلاقا و لا عند

سالفة

احد زملائي معه باترول فاكه وكالة م

99 سوبر سفاري و حاط دقمة للبطارية الاضافية و الى يومنا

هذا مافي مشاكل




ايضا عمي معه جمس منذ 9سنوات و لا في أي مشاكل


الوالد الله يحفظه معه جيب منذ 4سنوات و لا في أي مشاكل

اعرف الكثير و الكثير كلهم حاطين دقمة و لا خربت

الدقمة و (الدقمة بحكم انه شغالة مع السويتش على طول اكيد

انه تبي

تصير حارة لانه موصلة للكهرب باستمرار) فاكيد تبي

تحتر بس ما خربت معنا

ايضا واحد مركب دقمة على كورولا2002 منذ ثلاث سنوات

و حاط بطارية 120امبير حقت حراثة:D :D اصغر من حقت

التريلة و لا في أي مشاكل طبعا البطارية كبيرة لان له مأرب

اخرى و حاطه في الشنطة

انا ركبته بالجيب في الخلف 120 امبير و حطيت دقمة ب

70ريال و سلك اردني 16 ملي طوله 4متر و يجي سعودي و

نفس بعض المتر ب8ريال و ترى توصيله قوي لانه يشغل

الجيب من دون البطارية الاساسية هذا اذا بغيت تفحص

جودة السلك و التوصيل و عازل اسود او جرجور المتر ب3

ريال التكلفة الاجمالية تقريبا 120ريال و ترى الشغلة سهلة

مهيب صعبة و انا مركبه بالبيت

و تشري الصفرة حقت راس السلك و انا اشوف ماله داعي

تلحيم راس السلك اذا شغلك نظيف لان هاذي وسوسة من

الشيطان

طبعا كهرب الدقمة تسحب من اقرب سلك طبعا السويتش

مفتوح و تفحص بلمبة الفحص سعره ب15 ريال طبعا هي

على شكل قلم اصفر و راسه زي الابرة و له سلك من الجهة

الاخرى و تراه ممتازه تفيدك في فحص الفيوزات و فحص أي

سلك في الغمارة او عند النور الخلفي او عند المكينة اما

الماص تسحب من البدي

طبعا اذا طفيت السويتش تفصل الدقمة و هي افضل من

الكتاوت لانه يخرب و يحتمي دايم و ماله امان يعني ما تدري

اذا شغال

او خربان بعكس الدقمة اذا فتحت السويتش تسمع صوته

و انت بالغمارة (وهذه ميزة)

طبعا شحن البطارية الاضافية يتم اخذ

الكهرب من نفس البطارية الاساسية لكن تكون الدقمه وسط

بين كهرب البطارية الاساسية و البطارية الاضافية

و كل الاشخاص السابقين لم يضعوا فيوز

لمن اراد الصور ينظر الى الرد في الصفحة السابقة رد رقم

(47) و (48)

و هذا رابط اخر بالصور

http://www.mekshat.com/vb/showthread.php?t=37714

تحياتي:) :)

[sameer_1798]

ياهلا بابو فهيدان ياليت لو تمر المواضيع المميزة موجودة موضوعين تتكلم عن تركيب البطارية الاضافية كلهن طيبات بالحيل .

[ابوفهيدان]

مشكورين ياخواني وعزالله كفيتوا ووفيتوا
اخوي سوبر vtc طريقتك ماعليها كلام وانت نورتني والله يبيض وجهك وبرد لكم الخبر لما اركب

[طاش]

مشكور على الشرح المفيد

[سوبر VTC]

مشكورين ياخواني وعزالله كفيتوا ووفيتوا
اخوي سوبر vtc طريقتك ماعليها كلام وانت نورتني والله يبيض وجهك وبرد لكم الخبر لما اركب


اخوي ابو فهيدان
اذا كنت بالقصيم ادلك على كهربائي مختص بتركيب بطارية اضافية
لا تنسى سعر دقمة الفورد ب70 ريال
و ضع باعتبارك كلما زاد الانبير كان ذلك افضل و هذا يؤدي الى ان البطارية تعيش فترة اطول
و يفضل ان تكون 95 انبير و طالع
البطارية اللي عندي 120 امبير
و البطارية اللي تعبا ماء تعيش عمر اطول و هذه عن تجربة لي
و افضل من الالكترونية
تحياتي