التظليل العازل .... العازل المظلل

[ديزب]

اخواني ... مساكم الله بالخير جميعا
قرأت ا و سمعت ان هناك تظليلة عازلة للسيارة فمن لديه خبرة او معلومات عنها فليفيدني ، وهل هي ممنوعة او مسموحة من المرور
اخيرا اذا كان هناك محل مشهور بالقصيم ومتخصص بالتظليل دلوني عليه جزاكم الله خيرا ...

[crash.mad]

السلام عليكم ورحمة الله وبركاته
شركة v.kool هي متخصصة بالتظليل العازل ويعطونك ترخيص للمرور
بس سعرة غالي شوي يعني تظليل جيب كامل ياخذ حوالي 3000 ريال
( حسب ما سمعت ) :p

[لن أمل من العطاء]

v.kool

مثل ما قال اخوي كرااش


انا مظلل منه في سيارتي والله ماتدري عن الشمس هي اشرقت او بعد

عز الظهر كأن الجو مغيم

ضمان 5 سنوات
درجات للون كثيره
مكون من معادن كثيره ويدل على ذلك انه يؤثر على عمل اجهزة الملاحة خاصة بالفي اكس ار
بعض الفروع اذا حصلت على قسيمة مرور بسببه يعطونك كاش من نفس الفرع وبعضهم يروحون يسددون عنك
ميزة سداد المخالفات لا اعلم هل باقي الى الان ام لأ لاني مظلل في العام 2003
يظللوا حتى فتحة السقف

السيارة هوندا اكورد بسعر 1700 ريال الزجاج الامامي والسائق والراكب الامامي شفاف 100%
الخلفية مع الفتحة اثقل شيويه
طبعا اغلى شيء الشفاف 100% وكل مازاد اللون قلت التكلفة


اخوك لن امل من العطاء

[برق الحيا 55]

أنا مظلل سيارتي جيب لكزس في الوكالة بألف وسبعمائة ريـ (1700)ـال مع ضمان خمس سنوات وهي ممتازة جدا ويظللون جميع الجهات بما فيها الامامية والخلفية وتكون الاماميه خفيفيفه ومسموح بها عند المرور وهذا الكلام قبل شهر تقريبا

[لن أمل من العطاء]

أنا مظلل سيارتي جيب لكزس في الوكالة بألف وسبعمائة ريـ (1700)ـال مع ضمان خمس سنوات وهي ممتازة جدا ويظللون جميع الجهات بما فيها الامامية والخلفية وتكون الاماميه خفيفيفه ومسموح بها عند المرور وهذا الكلام قبل شهر تقريبا


حياك الله اخوي


انت ظللت من تظليل ابو جميل اللي في الوكالة

انا والحقيقة لم اجرب تظليل ابو جميل

لكن كقناعة نفسية اعتقد انه الاسوء ليتك جربت في كووول

وتشوف الفرق

عموما مبروك عليك السيارة والتظليل ورزقك الله خيرها وصرف عنك شرها


اخوك

لن امل من العطاء

[الجندي2005]

ياليت صور قبل وبعد ،،،،،،،،،،،،،،،،،،،

[برق الحيا 55]

حياك الله اخوي


انت ظللت من تظليل ابو جميل اللي في الوكالة

انا والحقيقة لم اجرب تظليل ابو جميل

لكن كقناعة نفسية اعتقد انه الاسوء ليتك جربت في كووول

وتشوف الفرق

عموما مبروك عليك السيارة والتظليل ورزقك الله خيرها وصرف عنك شرها


اخوك

لن امل من العطاء

أنا لمأجرب غيرها وهي عندي ممتازة


بارك الله فيك اخوي ( لن أمل من العطاء)

اخوك برق الحيا

[ديزب]

شكرا للجميع على تفاعلهم
وبالنسبة لفي كول ما ادري وين موقعهم وهل له فروع بالقصيم ؟
اكرر الشكر واخص اخي ( لن امل من العطاء) والله يوفق الجميع

[مزاجي فوق]

ما عندي زود كفوو ووفو اهل الخبرهـ

[مدمن فتك]

في كول له فرع بالقصيم ببريده شارع الشاحنات

[no fear 78]

يا خي خل عنك الغالي في نوع من التظليل اسمه Skc هذي النوع ممتاز جدا يعزل و يدوم م تغير لونه ولا ايتشمخ بس على الي اركبلك ما يكون في بقع هوى او التقطيع امخربط و اهم شي بعد التركيب اتخلي السيارة في الشمس حق ينشف الماء الي في التظليل الدرجة المسموحه في دول الخليج

السعوديه 02

[مقام البدر]

السلام عليكم

اللي يبي التظليل الحقيقي بكل ماتحمله هذه الكلمه من معنى
ان بغى شكل وحمايه وعزل صح وجوده وضمان طويل وشغل نظيييييف وامكانات كبيررره وتقنيه حديثه
لحماية جميع اجزاء السياره حتى المكينه واختبارات على الشغل والمواد المستخدمه قبل وبعد التطبيق

لايتعدى (توب شيلد) ويبي يدعي لي بظهر الغيب ان شاء الله

بس فيهم عيب واحد

أن فرعهم بالسعوديه فقط بالدمام

[ابونايف الروقي]

انا في الرياض وقريب من محل زيبارت الي في المروج تظليلهم زين والا شين ؟

[شروكي ربع]

يالربع المصيف يظللون القزازة بعشرة ريال ..

والله ان التظليله ممتازة وتعزل من 40 الى 60 % ..

واذا مسكت المرور ما تتحسف على 3000 او تزيد او تقل ..

ولا تتمخش واذا شلتها ولو بعد سنين تشيلها قطعه واحدة ولا يبقى اي أثر للصمغ ..

انا انصح الجميع بها لجودتها وسعرها الرخيص ..

وانا من 4 سنوات وانا اظلل منها .

[بنزرت]

سلام يا اخوان
انا ماقد جربت تركيب التضليل للحين رغم ان كل سياره اشتريتها مضلله .... بس ودي افهم حاجه وحده ياشباب خاص باللي يشترون السيارات جديده من الوكاله.... وهو مادام انك تحب التضليل ليه ما اشتريت السياره مضلله من الاساس.... مادامك مشتري سياره ودافع فيها الشئ الفلاني ليه ما اخترت سياره مضلله واشترطت ان يكون الزجاج ملون من الاساس ... بعضهم يقول مافي الوكاله سيارات مضلله واقول هذا الكلام ماهو صحيح انت تشتري وتدفع فلوس معنها انت تختار السياره بنفسك اللون وجميع الواصفات اللي تبيها .... يعني تدفع فلوس وتخللي والوكيل يتحكم فيك ويبيعك اللي يبي ؟؟؟؟؟؟ عجيب والله.....واللي مو مصدق يروح بنفسه لموقع جي ام او تويوتا في النت وسلامتكمcreat ur own car

[ديزب]

شكرا لكم جميعا ...
ويا اخ بنزرت على سالفة المثل اللي يقول (فاتت يا ونيان)
المهم التظليل مفيد للسيارة والركاب والمقاعد
واذا صار عازل عاد ما يبي له كلام ...
اكرر شكري للجميع واتمنى لهم التوفيق ...