لمـن جرب الاف جي كروزر .. Fj .. يتفضل

[لهذام]

السلام عليكم ورحمة الله وبركاته .. اختصار للموضوع ..
ان شاءلله مقبل على شراء تويوتا اف جي كروزر لكن .. نسأل الله التوفيق اولاً وان يقسم لنا الخير ..
ثم نستشيركم يامن جرب السياره .. بعدة نقاط
1- رساوة الموتر بالخط
2- الراحه
3- سعة المراتب
4- الرؤيا الخلفيه
5- استعمال الموتر فالديره
6- هيكل او بدي الموتر ضعيعف بحيث لاقدر الله في اي حادث بسيط ينعطب

كفانا الله واياكم شر الحوادث وحفظنا اجمعين
والسلام عليكم

[برق الحيا 55]

السلام عليكم ورحمة الله وبركاته .. اختصار للموضوع ..

ان شاءلله مقبل على شراء تويوتا اف جي كروزر لكن .. نسأل الله التوفيق اولاً وان يقسم لنا الخير ..
ثم نستشيركم يامن جرب السياره .. بعدة نقاط
1- رساوة الموتر بالخط
2- الراحه
3- سعة المراتب
4- الرؤيا الخلفيه
5- استعمال الموتر فالديره
6- هيكل او بدي الموتر ضعيعف بحيث لاقدر الله في اي حادث بسيط ينعطب


كفانا الله واياكم شر الحوادث وحفظنا اجمعين
والسلام عليكم



اقترح عليك تستأجر سيارة منها وتجربها او تجرب وحدة مستعمله

اخوك برق الحيا

[ولد العويني]

انا معي الموتر


1- الرساوه

زي اي جيب بعد 140 الله بالخير + القزازه الاماميه شبه عموديه عشان كذا يصدم فيها الهواء ويطلع صوت هواء لكن ما فيه تنسيم

2-الموتر بالنسبه لي اشوفه مريح ولله الحمد

3-المراتب تكفي 4 الى 5 بالراحه لكن عيبه طريقه الركوب وخصوصا الحريم

4- الروية الخلفيه عادي ومافيها عيب بسبب وجود الحاساسات

5- الموتر حلو في الديره وصغير وما تشيل همه في المواقف والزحمه

6- الهيكل مو ضعيف ولا قوي عادي زي اغلب المواتر الحين وترى الاف جي فيه 8 ارباقات وماخذ 5 نجوم بالسلامه يعني الحمد لله تمام


اي استفسار انا حاظر



وكان تبي شوري استاجر وجربه

الخلاصه المووووووووووووووووووووووووووووووووووووووووووووووو ووووتر شبااااااااااااااااااااااابي بحت وبراحتك

[لن أمل من العطاء]

باتلقف انا واقول

استاجر او شوف احد عنده الجيب وجربه

واذا جاز لك

فتوكل على الله

او انظر للبديل الذي يساويه في كل شيء ويتفوق عليه في الشكل وفي حال استخدام العائله

اقصد بذلك تويوتا برادو

لانهم نفس قاعدة العجلات والمحرك والجيربوكس ونظام التعليق



اخوك

لن امل من العطاء

[بوسعود 180]

بصراحه الموتر ماعليه كلام قوه وشكل وراحه بس عيوبه الرؤيه من الزوايا الخلفيه لك عليها وبديه قرطاس بس الشهاده لله الموتر سواقته تطرب

[DMIN]

انا شريت الموتر وخلال اسبوعين بعته عجزت اهضمة ولا بأسيد واذا تحب ادلك على المعرض الذي شراة مني ماعندي مانع اتصل على ابلغك والموتر على ضمانتي بس تراه دف لوك بس موب فل كامل
ومركب له شاشة ومسجل ومأمن تأمين شامل لونه فضي2008 وارد اليحيى في معرض في الشفاء ماعرف اسمه0541848422

[سيف الظفير]

استاجر يالذيب السيارة ولا توكل على الله وخذلك جكسار 8 سلندر الجديد

[لهذام]

الله يجزاكم خير ماقصرتو على الإفاده .. وبالنسبه للإيجار دورت ماحصلت نادرا تلقى
والموتر ان شاءلله انه ممتاز على اغلب الكلام اللي سمعته عنه من اصحابه
لكن بالنسبه للاخ اللي ذكر البدي قرطاس ..
هل المقصد مثله مثل باقي الموتر الجديده ولا انه اخف بزياده
وهل هو اقوى ام البرادو ..؟؟
ورايكم ماهو البديل له .. بشرط ان يكون تويوتا موتر ديره وبر؟؟
وهل فيه فرق بين وارد اليحيى وبين عبداللطيف جميل وحسن جميل؟؟

[aziz2727]

الموتر بشكل عام جيد
وعلى قولة المثل الزين ما يكمل
- خزان البنزين صغير .
- الزوايات تحجب الرؤيا .
- الخفه فيه .
وزي ما قال الاخوان افضل شي تستأجرة وفيه محل تأجير على طريق الملك فهد مقابل الجوازات ان كنت في الرياض او عندك المفتاح والا دوار المطار القديم .
انا اشور عليك تستأجر اول وتشوف نفسك معه تمام توكل على الله والا ما ناسب تكون ما خسرت فلوسك والله يدبرنا واياك على الخير .

[خيال نجد]

انا معي الموتر


1- الرساوه

زي اي جيب بعد 140 الله بالخير + القزازه الاماميه شبه عموديه عشان كذا يصدم فيها الهواء ويطلع صوت هواء لكن ما فيه تنسيم

2-الموتر بالنسبه لي اشوفه مريح ولله الحمد

3-المراتب تكفي 4 الى 5 بالراحه لكن عيبه طريقه الركوب وخصوصا الحريم

4- الروية الخلفيه عادي ومافيها عيب بسبب وجود الحاساسات

5- الموتر حلو في الديره وصغير وما تشيل همه في المواقف والزحمه

6- الهيكل مو ضعيف ولا قوي عادي زي اغلب المواتر الحين وترى الاف جي فيه 8 ارباقات وماخذ 5 نجوم بالسلامه يعني الحمد لله تمام


اي استفسار انا حاظر



وكان تبي شوري استاجر وجربه

الخلاصه المووووووووووووووووووووووووووووووووووووووووووووووو ووووتر شبااااااااااااااااااااااابي بحت وبراحتك


انا معي الموتر وأنا كذالك



1- الرساوه


زي اي جيب بعد 140 الله بالخير + القزازه الاماميه شبه عموديه عشان كذا يصدم فيها الهواء ويطلع صوت هواء لكن ما فيه تنسيم ... صحيح


2-الموتر بالنسبه لي اشوفه مريح ولله الحمد ... جداً


3-المراتب تكفي 4 الى 5 بالراحه لكن عيبه طريقه الركوب وخصوصا الحريم .... صحيح ولكن المراتب الخلفيه للأطفال والخادمه فقط


4- الروية الخلفيه عادي ومافيها عيب بسبب وجود الحاساسات .... أختلف معه فالرأيه الخلفيه الجانبيه هي أكبر عيب


5- الموتر حلو في الديره وصغير وما تشيل همه في المواقف والزحمه صحيح وبقوه ..


وأضيف أنه لا يمكن يغرز أو يتعلق بالبر وممتع جداً


6- الهيكل مو ضعيف ولا قوي عادي زي اغلب المواتر الحين وترى الاف جي فيه 8 ارباقات وماخذ 5 نجوم بالسلامه يعني الحمد لله تمام

... وأنا أشهد صارلي حادث قوي فيه والحمد لله لم أحس بأي ضربه رغم أنها كانت من ناحيتي وقويه



اي استفسار انا حاظر ..وأنا حاظر




والله يوفقك


خيال نجد

[إعصار]

أعرف محل يأجر الموتر ..

أشوفه دايم موقف عندهم ..


أسمه الراجحي ..

على شارع حمزة ..

الوصف ..

أدخل مع مخرج الدائري 26 .. أذا كنت جاي من جهة طريق الخرج خذ يمين ..

أذا كنت جاي من جهة الجسر المعلق خذ يسار ..

بعد ثاني اشارة يجيك على اليمين ..

[خ الفياض]

يكيفي انه تايوتا ومن ناحية البديل عندك البرادو واذا كان ودك ب الباب الواحد لايفوتك برادو باب واحد فله والله فله

[لهذام]

بيض الله وجيهكم ياشباب .. ماقصرتو الله يجزاكم خير
طيب الان ابسئلكم ..
وش افضل الخليجي ولا عبداللطيف جميل ؟؟
واللي عنده سعودي او خليجي يقلط هنا الله لايهينه ويعطينا خبره ؟؟

[كن كن]

اغلب الناس تمدح السيارة والافضل انك تجربها او استاجرها

[برق الليالي]

وازيدك من الشعربيت يالغالي 2009 فيه كمره خلفيه

[-fj-]

السلام عليكم ورحمه الله وبركاته

[طواش]

السيارة جيده ولكن شكلها مش مضبوط بالرغم أني شاريها لي أستخدمها في الرحلات والقنص

[-fj-]

السلام وعليكم ورحمه الله وبركاته
يشرفني ان تكون اول مشاركه لي في المنتديات من منتداكم هذا وبصراحه انا اسمع كثيرا عنه لاكن مايهمكم الليله ابي اجيب اخوي الصغير لجل يعلمني وشلون ارد على المواضيع ونزلها واللي اسمه توقيع ذا ===والله ياهو حوسه====) يعني لاتدققون اعليمي تراا
اما ردي عليك ياخي العزيز :
الموتر شريته ولله الحمد من ثلاث شهور اللون حليبي 2008 وماشوف شيء فيه يعني موتر حق ازقرت وكشتات وقوه
اما البدي تسأل عنه مثل السيارات البقيه بزياده الابرباك امامي وعلى الابواب الخلفيه مظخمه صوت في الشنطه ويحمل على الاقل خمس اشخاص كبار اما الأبواب الخلفيه عجيبه
القير توماتيك وعادي
ونزل منه فئتين الفئه الاولى قيمته بالوكاله 100006 والفئه الثانيه بـ 100018
الفرق بينهم الفئه الثانيه تزيد بـ (هزاز)و(صاجه )حمايه للمكينه تجي بالخارج و(قاعده قلص) او شبك خارجي تحت اللوحه الخلفيه و(الأسبير)ملبس قماش اوجلد )) هذا الفرق بين الفئتين اما الفرق المالي 12000 ريال وكل ابوها قطع اكسسورات تأخذها من الوكاله
ماتكلف عليك 2000 ريال
الموتر اذ كنت تبي تأخذه استأجره وجربه احسن لك
بس فيه شيء ابي اسأل عنه بهالموتر اللي هو (مانع الأنزلاق) وشلون ابي افصله وهل فصلته تضره ولا والتطعيس به على الاتومتك ولا العادي افضل .
وتقبلووا ردي المتأخر.

[طواش]

الاخ fj
خذ هذا الرابط إن شاء الله يفيدك http://fjarabia.com/vb/showthread.php?t=1801

[-fj-]

يعطيك العافيه اخوي طواااش