مشكلة في الدبل ...

[اكليل الجبل]

السلام عليكم ورحمة الله وبركاتة

وكل عام وجميع المكشاتيين بخير وصحة وسلامة واعادة الله علينا وعليكم باليمن والبركات ..

اخواني مابطول عليكم اليوم كنا كاشتين وطعست بالجيب طبعاً ربع باترول 99 ولما شبكت الدبل تفاجأت باصوت في الدبل زي الطق طق في الدبل الثقيل والخفيف والصوت قوي بالحيل وغريب يعني تقول حديد يطق بحديد .. مادري كيف اوصف لكم المهم اللي عندة خلفية لايبخل علينا الله يعطيكم العافية . والى اللقاء .

[أبوعمران]

سلمكـ ربي عندك جنزير الدبل يبيله تغيير :)

الله يعينك ويسهل امرك

[خالد الحريص]

حياك الله اخوي وهذا جنزير الدبل والله يعينك اخوي

[المنتريال]

عليك السلام ورحمة الله وبركاته
ان كان الصوت مع الزر على الموتر يزيد فاعندك الجنزير اما تقصره اوتغيره

[عطاب]

و عليكم السلام
هذا يأخوي بندر هذا جنزير الدبل
يمكن يكلفك عليك 700 ريال

[اكليل الجبل]

الله لايهينكم ويعطيكم العافية .

طيب وش طريقة تغيير الجنزير اب يكون عندي خلفية عشان اتفلسف على الميكانيكيين تخبرون والله اذا شافو الواحد مهو داري وش السالفة ينصبون علية ...

[سوبر VTC]

هذا الله يسلمك
جنزير الدبل
قيمته تقريبا بالتشاليح مع التركيب 1000 ريال
مع الرجيع طبعا
طبعا اللي يخربه الاستخدام السيئ خصوصا عند شبك الدبل الثقيل
لانك اذا متلت الموتر فجاة و هذا اللي يضره و دست مع الايام يتمدد الجنزير و يرتخي
بس دور لك واحد نظيف بالحيل او على ما قال على الضمان
طبعا فيه ناس يشدون الجنزير شوي و يضبط
لكن الافضل تغيره
تحياتي

[اكليل الجبل]

طيب السؤال ماهي مراحل تغيير الجنزير وماهي طريقة فكة وتركيبة . فقط للمعلومية .

وشكرا لكم جميعاً والله لايهينكم .

[سوبر VTC]

هلا اخوي بندر
الله يسلمك اكثر ربعي معهم صالون و سلق سواء مواتر قديمة او حديثة
طبعا هم يغيرونه عند تشاليح مختصين بقطع الباترول
طبعا هم من ربعهم :)
و مثل ما قلت لك تقريبا من 900 الى 1000
مع شغل اليد
و لا اعلم كيفية فكه و تركيبه
للاسف
تحياتي لك

[جيب الربع]

بسيط فيه ورشه تصلحه يكلفك بس 400 ريال مع الشغل يد وكثير الناس الى صلحو عندهم وتمام

[اكليل الجبل]

طيب وين موقع الورشة اخوي جيب ربع ..... وتراني من سكان تبوك .