الباترول 2009 وشريناه ... نبي نصائح وتجهيزات ..

[ابونايف الروقي]

السلام عليكم ورحمة الله ..

الحمد لله شريت باترول سفاري 2 موديل 2009 اللون لولؤي وما ناقصني الا نصائحكم و مشورتكم في بعض الامور الي ما استغني عنكم فيها ..

الاخوان الي عنده نصيحه او اضافه او مشاركة اكون شاكر له جدا جدا..
: ابي اركب كشافات وش الافضل الوكاله وسعرها تقريبا 1500 او الغرابي سعرها عندهم 300 تقريبا ..

: بركب خطوط حقت سوبر سفاري وش تنصحوني فيه .. من ناحية الاصلي ومكان التركيب ..

:بركب بالون وانا متردد عشان الرجه بس البالون يعطي الموتر منظر مشاء الله ..

: مساعدات ويايات .. وش الافضل من ناحية النوع والمقاس ..


اخوكم
ابونايف
p52

[مكشاتي عنيزه]

الله يبارك لك فى موترك ويعطيك خيره ويكفيك شره

[جول قميري]

ما اقول الا الله يعطيك خيرة ويكفيك شره

[ابونايف الروقي]

الله يجزاكم خير اخواني نشوف اطيب منه عندكم انشاء الله ..

[راعي بيشة]

مبروك ألف مبروك يطعمك من خيره ويكفيك شرة


شف تجهيزات قرم للسفاري حلوة جداً هذا رابط الموضوع


http://mekshat.com/vb/showthread.php?t=114667



وهذا في تجهيزات الجيوب ممكن تستفيد منه


http://mekshat.com/vb/showthread.php?t=89865



وتقبل تحياتي

[ابونايف الروقي]

راعي بيشه ما قصرت طال عمرك وشكراعلى مرورك ..

[ابونايف الروقي]

وش وضع البطارية الثانيه ما تضر اليدنمو ؟ ووين يركبونها ؟وكم سعرها ؟

[شمالات نجد]

ما شاء الله تبارك الله

ألف مبروك

الله يعطيك خيره ويكفيك شره

الله يحرسك وياه

سلام

[سوبر VTC]

الله يطعمك من خيره و يكفيك شره
مادري ياخوي كم سعر الموتر
و هل جدة ارخص من الرياض للي يبي يشري جديد اذا عندك علم؟؟؟
بالنسبة للخطوط اللي يجيك لونه اصفر + كتابة سوبر سفاري
يركبونه الشباب على الصالون و الربع و سعره ب200 ريال و هي ممتازة جدا
بالنسبة للبطارية ما عليه خوف الدينمو واجد اللي اعرفهم مركبين بطارية اضافية سواء على باترول او جيب او جمس
اطمئن و لا تخاف
اعرف لك احد الربع مركب بالخلف لكورولا 2002 بطارية تريلات 120 امبير حقت تريلات:d
و له 3 سنوات و الدينمو تمام و لم يخرب
تحياتي

[أبو_خالد]

مبروك وتستاهله

[سوبر VTC]

هذا رابط لتركيب بطارية اضافية طبعا لجيب تويوتا
من اجل وضوح الصورة لك

- طريقة شبك البطاريه الاحتياطيه للسياره بالشرح والصور (http://www.mekshat.com/vb/showthread.php?t=37714)(المترو)


تحياتي

[برق تميم]

عليكم السلام
الف مبروك والله يجعله عونا لك على الطاعه ويبارك لك فيه ما شاء الله تبارك الله

ابشور عليك ولا ألزم

تركيب ياي استرالي عند الرمايه في محطة نفط طريق التخصصي 4 سم الى 200 كيلوا ما ينزل الموتر
الكشافات مركبها انا قبل 3 اسابيع في القصيم عنيزه 180 ريال نفس شد البلد قوة اللمبه 55 واط

http://www.mekshat.com/pix/upload02/images81/mk21015_20081007402.jpg


بطاريه اضافيه ركبتها عند الدفع الرباعي ومعروف شغلهم لكن حارين شوي في السعر محول قوته 400 و3 لمبات 2 في الكبوت 1 في الخلف عند الشنطه وعدد 2 فيش كهرب خط 220

http://www.mekshat.com/pix/upload02/images81/mk21015_20081007396.jpg


http://www.mekshat.com/pix/upload02/images81/mk21015_20081007393.jpg


http://www.mekshat.com/pix/upload02/images81/mk21015_20081007394.jpg


http://www.mekshat.com/pix/upload02/images81/mk21015_20081007395.jpg


التانكي 100 لتر ويجي خلف المرتبه الي ورا طبعا مع تلبيسة الشنطه والطبق وان شاء الله انزل الصور بالكميره

والي تأمر به مستعدين لخدمتك والمشوره والله يوفقنا واياك لكل خير

المعذره الصور لك عليها بالجوال طلعت اصور لك من عند المكتب

[سوبر VTC]

سلمت على الصور اخوي برق تميم
لاهنت
انا ارى ان اللمبة البيضاء 15وات افضل من ناحية الاستهلاك من لمبة هالوجين اوسرام الالمانية55وات
طبعا البيضاء تجي 12فولت و تجي كهرب 220فولت
لكن الهالوجين افضل كانارة و اريح نفسيا من البيضاء
لكنه تستهلك البطارية بمعنى ان البطارية يقل عمره الافتراضي مثلا من سنة و نص الى سنة تقريبا
تحياتي

[سوبر VTC]

كم البطارية اللي عندك؟؟؟؟؟؟
هاذي اخوي برق تميم
مسألة لحساب استهلاك البطارية
طبعا تجمع الوات المستهلك لجميع الاجهزة من لمبات او لابتوت....الخ
لحساب عدد الساعات 10 ضرب ( سعة البطارية امبير\ ساعة ) ..... تقسيم (الواط اللي تستهلكه )
مثل لمبة 55 وات
10*80امبير%55=14.5 ساعة
كلما زاد انبير البطارية كلما كان ذلك افضل لعمر البطارية الافتراضي

[راعي بيشة]

أخي p52

لا تستعجل

لا تسوي إلا الشي العملي بالنسبة لك

هل أنت ممن يطولون في البر

والا خطفات

من هنا يمكن تحديد بعض التجهيزات

[ابونايف الروقي]

مشاء الله تفاعل ممتاز جدااشكر الجميع عليه اشكر كل من بارك لكي علىالسياره واقول لهم انشاء الله نشوف معكم ازين منه واشكر كل من تعب في كتابة رد وكل من قرا الموضوع او الردود ..


اخوكم
ابونايف
P52

[برق تميم]

كم البطارية اللي عندك؟؟؟؟؟؟

هاذي اخوي برق تميم
مسألة لحساب استهلاك البطارية
طبعا تجمع الوات المستهلك لجميع الاجهزة من لمبات او لابتوت....الخ
لحساب عدد الساعات 10 ضرب ( سعة البطارية امبير\ ساعة ) ..... تقسيم (الواط اللي تستهلكه )
مثل لمبة 55 وات
10*80امبير%55=14.5 ساعة

كلما زاد انبير البطارية كلما كان ذلك افضل لعمر البطارية الافتراضي



البطاريه يا سوبر 80 ومشكور على المعلومه بارك الله فيك

[سوبر VTC]

اخوي ابو نايف
ياليت تجيب على السؤال تحت و وش تنصح لاهنت؟



مادري ياخوي كم سعر الموتر
و هل جدة ارخص من الرياض للي يبي يشري جديد اذا عندك علم؟؟؟



اخوي برق تميم
هذه المعلومة الحسابية من اخوي جمعان 22 ماقصر بيض الله وجهه
تحياتي

[D I K T O O R]

انكانك تبي تركب باللون

شف انا جربت الماكسس ابو جمل بس ترى تلعب في الماء يعني معروفه ان مافيها نقشه بس خطوط

والجنوط انكانك تبي تغيرها ربك جنووط oz والله يطلع الموتر حلو ماشاء الله بس جبلنا صور له

[الوايلي...501]

الله يعطيك من خيره وكفيك من شره

[راعي الصفيرا]

اما على البوالين فان الموتر بيطلع سكبه راسلني على الخاص وابشر بكفرات بالون خوات الجدد 2007 نظاااااااااف

[أبو عبدالرحمن 1]

السلام عليكم

الاخ العضو : برق تميم

ممكن سؤال : وين جهزت موترك ووين موقع محل : الدفع الرباعي ؟؟

شكرا لك

[بواسامه]

الله يطعمك من خيره ويكفيك شره
وعلى البركه وانا اخوك

[ابونايف الروقي]

اخوي ابو نايف

ياليت تجيب على السؤال تحت و وش تنصح لاهنت؟


اخوي برق تميم
هذه المعلومة الحسابية من اخوي جمعان 22 ماقصر بيض الله وجهه

تحياتي




هلا اخوي الموتر اخذته 144900 ريال من الحمراني في الرياض ولي 20 يوم دافع قيمتة ..

[ابونايف الروقي]

شباب وين موقع الدفع الرباعي ؟
وايش افضل زينون >>> تراه عليمي ههههههههههههه

وابي تانكي مويه و ش الافضل؟

[برق تميم]

الدفع الرباعي في الرياض ام الحمام هاتف ريان الهندي المخلص في العمل حقيقه 054254569

تانكي المويه افضل شي تاخذ الي عند السنيدي ويجي واقف لاصق بالمرتبه الخلفيه 100 لتر وفيه 80 لتر شف الي يناسبك

[مخطط 2008]

خلة على حالة احسن لك

[المميـز]

الف مبروك الموتر اخوي P52

والله يعطيك خيره ويكفيك شره

[الربذي]

تصدق وناسه كل شهر ركب حاجه صدق تحس انك مغير السياره 0
لكن الكهرب لاتقربه شوري عليك الا عند واحد فاهم مره مره
وربي يعطيك خيره ويكفيك شره 0

[g 4 m 5 c 4]

الله يعطيك خيره ويكيك شره
ولاتركب الا اصلي
واللي يقول البالون يرج ماعنده سالفه
يرج البالون اذا تمسح واخترب
ركب ولا عليك من احد بس شف لك مكان يرصص عدل

[الجندي2005]

الله يعطيك من خيره ويكفيك شره ،،،،،،،،،،،،
نصيحة لالالالالالالالالالالالا تركب بالون

[محسن اليامي]

الف مبروك الموتر اخوي P52

والله يعطيك خيره ويكفيك شره

وختيار موفق الله لايضره

[احلى شين]

السلام عليكم ورحمة الله وبركاته
كيفكم ياالربع حقيقه موضوعكم عجبني
انا معدل على الفتك بعض التعديلات مثل
1-جهاز الايكوم تثبيت قريب من اليد ومخفي بنفس الوقت.
2- محول الكهرباء ونفس الشي مخفي وتشغيله مكان الافياش الملغيه بسب الفئه (SGL ).
3- ماجلان شابت.
4- لمبه خفيه في قاعدة الانتل تبع المجلان.
5- تانكي ماء عادي ابو نجمه واقف 200 لتر.
6- شنطة خلفيه مكان المرتب الاخيره
7- طبق من تصميمي انا .
8- وكرسي البطاريه جاهز لاكن تنقص البطاريه التمديد والتشبيك.
لاكن ماطور الهوا ماثبته لاني ناوي اروح قطر واجيب كرسي الونش من الوكاله لانه جاي شد بلد والوكيل عندنا ردد ياليل.
وانشاءالله اذا سمحلي الوقت اوريكم الصور.

واسف على طول القت عليكم,,,,,

[ابونايف الروقي]

الدفع الرباعي في الرياض ام الحمام هاتف ريان الهندي المخلص في العمل حقيقه 054254569

تانكي المويه افضل شي تاخذ الي عند السنيدي ويجي واقف لاصق بالمرتبه الخلفيه 100 لتر وفيه 80 لتر شف الي يناسبك

تسلم طال عمرك وما قصرت ..

[ابونايف الروقي]

مخطط 2008 : شكرا على مرورك وجزالك الله خير
المميز : تسلم طال عمرك وجزاك الله خير
الربذي : بالعكس اذا ما نفضته من الاول والا بعدين بتكاسل ومانيب مسوي فيه شي
G 4 M 5 C 4 : تسلم على مرورك وجزالك الله خير
الجندي 2005 :تسلم على النصيحه بس البالونوالله روعه
محسن اليامي : جزاك الله خير وماقصرت.

[ابونايف الروقي]

السلام عليكم ورحمة الله وبركاته
كيفكم ياالربع حقيقه موضوعكم عجبني
انا معدل على الفتك بعض التعديلات مثل
1-جهاز الايكوم تثبيت قريب من اليد ومخفي بنفس الوقت.
2- محول الكهرباء ونفس الشي مخفي وتشغيله مكان الافياش الملغيه بسب الفئه (SGL ).
3- ماجلان شابت.
4- لمبه خفيه في قاعدة الانتل تبع المجلان.
5- تانكي ماء عادي ابو نجمه واقف 200 لتر.
6- شنطة خلفيه مكان المرتب الاخيره
7- طبق من تصميمي انا .
8- وكرسي البطاريه جاهز لاكن تنقص البطاريه التمديد والتشبيك.
لاكن ماطور الهوا ماثبته لاني ناوي اروح قطر واجيب كرسي الونش من الوكاله لانه جاي شد بلد والوكيل عندنا ردد ياليل.
وانشاءالله اذا سمحلي الوقت اوريكم الصور.

واسف على طول القت عليكم,,,,,
تسلم اخوي بس بستفسر منك عن بعض الاشياء
وين مركب جهاز الايكوم انت تقول قريب من اليد ؟
محول كهرباء عندي بس مدري وين مكان تركيبه ؟
الشنطة وش طريقتها
الطبق الخلفي من وين شريته ..

لا تحرمنا من مشاركتك طال عمرك ..

شكرا للجميع الي بارك والى رد ..

اخوكم
ابونايف
P52

[ابونايف الروقي]

شباب ابي مشورتكم في امور بسويها مع العلم اني في الرياض ..
1- كفرات بالون 17 ماكسس .مع ترصيص ارضي عند العضيب ..
2-تلبيس الارضيه بلاستيك 5 ملم ......... وين احسن محل يلبس ارضيات ؟
3- تلبيس المراتب مخمل ..........افضل محل يلبس المراتب ؟
4- ماطور ابو جمل 2 بستم .... كم سعره وكيف افرق بين الاصلي والتجاري ؟
5- لمبة كبوت مع فاصل داخل الكبوت .... من يركبها تركيب صح ؟
6-تركيب جهاز محول كهرباء 220 فولت بقوة 400 وات . داخل السياره تحت مرتبة السائق وتمديد تحويلة صغيره عشان الشاحن ... ابي كهربائي مضبوط .؟
6-تانكي موية 80 او 100 لتر ملبس شراع .... وين احصله وايش الافضل وكم سعره ؟
7-درج فوق الثلاجة ومركى في نفس الوقت ...
8-كشافات اماميه من الغرابي 300 ريال ..والا الوكاله 1500 ريال ؟
9-تظليل عازل من زيبارت تقريبا 2000 .... ماني مقتنع فيه بس مدري ؟
10- تلبسية القير والدبل ...
11- تمديد لجهاز الليكوم والجارمن والمحول من البطارية ..
12 تمديد انتل القارمن والايكوم .
13- تركيب القارمن في الدرج الي فوق المسجل .. وين يركبونه ؟

افكر في البطاريه الاضافيه بس مدري مانيب مرتاح ؟

[راعي الرملات]

مبروك ماشاء الله

والله يعطيك من خيره ويكفيك شره

[no fear 78]

الله يعطيك خيره و يكفيك شره عليك بالعافيه

[راعي بيشة]

شباب ابي مشورتكم في امور بسويها مع العلم اني في الرياض ..
1- كفرات بالون 17 ماكسس .مع ترصيص ارضي عند العضيب ..
2-تلبيس الارضيه بلاستيك 5 ملم ......... وين احسن محل يلبس ارضيات ؟
3- تلبيس المراتب مخمل ..........افضل محل يلبس المراتب ؟
4- ماطور ابو جمل 2 بستم .... كم سعره وكيف افرق بين الاصلي والتجاري ؟
5- لمبة كبوت مع فاصل داخل الكبوت .... من يركبها تركيب صح ؟
6-تركيب جهاز محول كهرباء 220 فولت بقوة 400 وات . داخل السياره تحت مرتبة السائق وتمديد تحويلة صغيره عشان الشاحن ... ابي كهربائي مضبوط .؟
6-تانكي موية 80 او 100 لتر ملبس شراع .... وين احصله وايش الافضل وكم سعره ؟
7-درج فوق الثلاجة ومركى في نفس الوقت ...
8-كشافات اماميه من الغرابي 300 ريال ..والا الوكاله 1500 ريال ؟
9-تظليل عازل من زيبارت تقريبا 2000 .... ماني مقتنع فيه بس مدري ؟
10- تلبسية القير والدبل ...
11- تمديد لجهاز الليكوم والجارمن والمحول من البطارية ..
12 تمديد انتل القارمن والايكوم .
13- تركيب القارمن في الدرج الي فوق المسجل .. وين يركبونه ؟

افكر في البطاريه الاضافيه بس مدري مانيب مرتاح ؟
14 - صدام عدة
15- يايات استرالية
16- تلبيسة الشنطة
17- لاتنسى تحط واير ف السيارة " وهذا الأخير ما هوب تجهيز للسيارة بس خلنا نحطه "
0
0
0
0
وحينئذٍ ما عاد ينقصك سوى عزبة الشاي والقهوة والطبخ ، وإن كنت قناص بعض حاجيات القناص كالدربيل واللبس التمويه 000

[مقلع الرمث]

مبروووك الموتر ونعم ماااخترت الله يعطيك من خيره ويكفيك شره

[عبدالله الضويان]

مبروك اخوي والله يعطيك خيره ويكفيك شره

[احلى شين]

السلام عليكم
P52 أخوي ابونايف
من ناحية الايكوم مركبه عند المسجل بس بطريقه خاصه.
ومن ناحية المحول مثبته تحت عند الرجلين وحط له فيش عند يدي في اليسار مع المبه ومن تصميمي.
ومن ناحية الطبق مسويه با الحديد تقريبا نفس الفكرة الي في المحلات بس معدل عليها كم شغله وبنفس الوقت أقصد مادياً بنسبة100%.
وإذا حبيت الصور عطني خبر

[ابونايف الروقي]

ماقصرتو بيض الله وجيهكم جميعا

[راعي ساموده]

الله يعطيك خيره ويكفيك شر ه

[Wolf العتيبي]

الله يعطيك خيره ويكفيك شره


تستاهل يابو نايف دامك حاط ها البيتين






موتري الي ما شريتـه للمرابح *** مـا شريته غيـر ابكرف والدينــه
إن قفيتـه يعجبك نـور المكـابـح *** وان نطحته يعجبك خشمه وعينه


تكرف والدينه وأنت باتم صحه وسلامه أن شاءالله وتركب الموديل الي بعده واطيب منه

[طحنون]

الاخ العزيز p52
مبروك الموتر الجديد
والله يعطيك خيره ويكفيك شره
وماشاء الله على التجهيزات
عندي سؤالين
الاول
بكم طلع عليك الموتر وهل هو من الوكاله او من معرض وكم سعره بالمعرض
واذا حصل اسم المعرض وتلفونه
وسفاري 1 قير تماتيك هل هو متوفر وكم سعره
السؤال الثاني
الونش اللي بتركبه هل هو نفسه شد البلد
او بطريقه شد البلد وكم بيكلف النوعين الاصلي شد البلد والتجاري

.................................................. .......................................
نصيحه مثل ماذكرو الاخوان كفرات البالون لا تركب على موترك اذا تبي موترك يعيش معك ونحافظ عليه
وثانيا
انتبه من التمديدات الكهربائيه وخلك حريص على السلامه اولا
والله يوفقك واذا حصل ترسلي رقم جوالك ابي اكلمك

[اذكر ربك]

احرص وانا اخوك على بنزين 95 افضل للمكينه

لأن بنزين 91 مع الوقت راح تسمع صوت قرقره في المكينه

[دانكن]

السلام عليكمـ ..

اسمع التعديلات .. وشوري عليك لاتركب البالون ابد ابعد عنه .. وعندك العازل الحراري .. حنا مقبلين على شتاء وبرد وقدامك 6 شهور ماتحتاجة وفر دراهمكـ وانا اخوكـ :) ..


1- ياي استرالي خلفي 4 سم وامامي 3 سم من الرماية بطريق التخصصي .
2- الافياش والمحولات واللمبات في الكبوت تحصلها عند الرمايه برضوا .
3- تانكي الموية حق خزان الوادي هو افضل الموجود وعليه ضمان 5 سنوات خذ الـ 145 لتر .
4- ان قدرت تركب فرارات توماتيك تشتغل من نفسها من يوم ماتشبك الدبل تحصلها في القصيم بـ 850 ريال مع التركيب تراها توفر بانزين كانك راعي خطوط والمعروف ان الفتك يصرف بانزين بشكل مو طبيعي .
5- والتلبيسة حقت القير تراها تخرب شكل الديكور بس زينتها المخابي ومكان الكنود .
6- الماطور كان دراهمك واجد تحصل عند الرماية ماطور يركب في الكبوت قوي بس غويلي .
7- رح لحم مسامير الثلاجة عند ابو ابراهيم في صناعية الدائري تراها شغله ضرورية وهذا رقمه : 0554889337
8- الكشافات رح للغرابي بتحصلها بـ 200 ريال .
9- الزنون اللي في الغرابي اغلبه ازرق مو ابيض مثل حق الوكالة . واذا قالك ابيض اسئلة عن درجة اللون بيقولكـ 6000 انحش عنه تراه ازرق وان قالك 4300 تراه ابيض وجربه مع اني ما اعتقد انك تحصل لان الباترول الواطي والعالي شمعه وحده .


هذا اللي جا على بالي وان شاء الله ان كان فيه شي ثاني ان شاء الله ابكتبه ..
هذي اغلبها انا مسويها والباقي ان شاء الله في الطريق ..
وسيارتي جيب سفاري .
واي استفسار حنا حاضرين ..

[SE.3500]

الله يعطيك من خيره ويكفيك شره

[الاداري]

الف مبروك والله يجعله عونا لك على الطاعه ويبارك لك فيه ما شاء الله تبارك الله

[اسير الغضا]

ماشاء الله راعين الباترول نصايح وسنع


مابقاء الا رباطهخاصه بكم علشان تستفيدون من بعض

[أشرس]

ماشاء الله تبارك الله
ويعطيك خيره ويكفيك شره

[ابونايف الروقي]

الاخ العزيز p52
مبروك الموتر الجديد
والله يعطيك خيره ويكفيك شره
وماشاء الله على التجهيزات
عندي سؤالين
الاول
بكم طلع عليك الموتر وهل هو من الوكاله او من معرض وكم سعره بالمعرض
واذا حصل اسم المعرض وتلفونه
وسفاري 1 قير تماتيك هل هو متوفر وكم سعره
السؤال الثاني
الونش اللي بتركبه هل هو نفسه شد البلد
او بطريقه شد البلد وكم بيكلف النوعين الاصلي شد البلد والتجاري

.................................................. .......................................
نصيحه مثل ماذكرو الاخوان كفرات البالون لا تركب على موترك اذا تبي موترك يعيش معك ونحافظ عليه
وثانيا
انتبه من التمديدات الكهربائيه وخلك حريص على السلامه اولا
والله يوفقك واذا حصل ترسلي رقم جوالك ابي اكلمك
الموتر قيمته 144900 ريال ودافع الفلوس من نص رمضان واللون غير متوفر
بالنسبه للونش ماعندي خبر والله

[ابونايف الروقي]

السلام عليكمـ ..

اسمع التعديلات .. وشوري عليك لاتركب البالون ابد ابعد عنه .. وعندك العازل الحراري .. حنا مقبلين على شتاء وبرد وقدامك 6 شهور ماتحتاجة وفر دراهمكـ وانا اخوكـ :) ..


1- ياي استرالي خلفي 4 سم وامامي 3 سم من الرماية بطريق التخصصي .
2- الافياش والمحولات واللمبات في الكبوت تحصلها عند الرمايه برضوا .
3- تانكي الموية حق خزان الوادي هو افضل الموجود وعليه ضمان 5 سنوات خذ الـ 145 لتر .
4- ان قدرت تركب فرارات توماتيك تشتغل من نفسها من يوم ماتشبك الدبل تحصلها في القصيم بـ 850 ريال مع التركيب تراها توفر بانزين كانك راعي خطوط والمعروف ان الفتك يصرف بانزين بشكل مو طبيعي .
5- والتلبيسة حقت القير تراها تخرب شكل الديكور بس زينتها المخابي ومكان الكنود .
6- الماطور كان دراهمك واجد تحصل عند الرماية ماطور يركب في الكبوت قوي بس غويلي .
7- رح لحم مسامير الثلاجة عند ابو ابراهيم في صناعية الدائري تراها شغله ضرورية وهذا رقمه : 0554889337
8- الكشافات رح للغرابي بتحصلها بـ 200 ريال .
9- الزنون اللي في الغرابي اغلبه ازرق مو ابيض مثل حق الوكالة . واذا قالك ابيض اسئلة عن درجة اللون بيقولكـ 6000 انحش عنه تراه ازرق وان قالك 4300 تراه ابيض وجربه مع اني ما اعتقد انك تحصل لان الباترول الواطي والعالي شمعه وحده .


هذا اللي جا على بالي وان شاء الله ان كان فيه شي ثاني ان شاء الله ابكتبه ..
هذي اغلبها انا مسويها والباقي ان شاء الله في الطريق ..
وسيارتي جيب سفاري .
واي استفسار حنا حاضرين ..
ماقرتو شباب كلكم بس بالنسبه لمسامير الثلاجه انا اسمع فيها بس ماعرف عنها شي ؟؟

[روثان]

السلام عليكم..

ماشاء الله تبارك الله كلن دلا بدلوه الله يبارك فيكم
مبروك أخوي الموتر الله يعطيك خيره ويكفيك شره

حقيقة من عام 87 ميلادي بدايتي مع الجيوب حتى تاريخه
ولم افكر في هالتجيهزات سوى عزبة القهوةوالشاهي والطبخ وجالون الماء 30لتر غيره فلا
لأن طلعاتي نص يوم او يوم وليلة وبالربيع المخيم نوفر كل الأغراض

موفقين جميعا أن شاء الله

[دانكن]

بالنسبة للمسامير الثلاجة .. اتصل على الرقم الموجود في ردي فوق .. وهو بيفيدكـ بكل شي ..

[v_t_c_5558]

الله يطعمك خيره ويكفيك شره.....

[إعصار]

الله يبارك لك يالغالي ..

..

بخصوص النصايح ..

الزنون أبعد عنه ياخي والله الي مايجي وكالة يجي ماهو موزون صح .. اما يجيك قوي مره ويؤذي المسلمين ..

وبعد فترة يتغير للأسواء بحكم انه تجاري ..

تانكي الماء .. أنصحك بسوافي .. أو البرية أذا تبي ألمنيوم .. لاتقرب السنيدي شغلهم الله بالخير في التوانك كم واحد يشتكي منهم تهرب ..

أما اذا يغيت ستيل رح لما المواهب شغلهم يبرد كبدك ..

..

بخصوص البطارية سوافي شغلهم مايحتاج وأرخص من الدفع الرباعي بواجد ..

بتلقى الي تبي .. تثبيت محول .. ولمبات .. تمديد أسلاك أيكوم ..

..

بخصوص المساعدات واليايات .. أنا اقول .. غير اليايات بس .. خلى المساعدات لين تفقع ..

تغيرها عند الرماية على شارع التخصيصي عندهم ورشة تبيع المساعدات واليايات وتشغل عندهم على طول ..

[ابونايف الروقي]

شكرا للجميع

كم رقم سوافي او موقعهم

[إعصار]

0505288840

هذا رقم صاحب الورشة ..


الموقع مخرج 18 ..

[ابونايف الروقي]

شباب ركبت كشافات اماميه في الصدام مع فاصل وكتاوت 400 ريال عند العليان
وركبت لمبة كبوت 50 ريال

[سيف الظفير]

الف الف الف الف الف مبروووووووووووك يا الغالي



والله يطعمك من خيره ويكفيك شره

لاتنسـى :

1/ GPS GRMAN 276C

2/ايكوم 2100

3/ واير سحب اصلي ماركة ARB


4/محول كهرباء
(انصح بالذهاب لمحل الرماية بشمال الرياض بحي العقيق على طريق الملك فهد ) عندهم نوعيه

هيتاشـي اليابانية الاصلية

5/عزبة الطبخ والقهوة والشاهي .
(مع الغاز من ماركة بريميوس السويدية)

6/ لمبات بيضاء عدد اربع

مع لمبة كبوت .

7/ تانكي موية 100 لتر

8/ بطارية اضافية من ورشة مشهورة بهذا العمل .

9/ فصل لك فرشة 5*5

في وسطها مربع 1*1

مبطنة من الوسط ومن الجهه السفلية مبكنة بطربال تنزاني

موجودة عند الغرابي في القيصرية عند اهل الخيام.

10/ تلبيسة ارضية بلاستيكية 5ملم انصح بالسماعيل في الغرابي

كذلك تلبيسة المراتب بنوعية جيدة

11/ كشافات اصلية للجيب بالصدام لأن السيارة جديدة وليست للبيع في الوقت الحالي.

12/ اتبعد كل البعد عن البالون ورفع السيارة

13/ معيار هواء اصلي وهو موجود عند الرماية بحي العقيق

بسعر 60 ريال ماركة ARB

ركب ياي استرالي فقط علشان ماينزل عند التحميل


كفرات الجيب رملية ومخصصة للمناطق الوعرة

فلا تتخلص منها بأستبدالها بالبالون


ابتعد كل البعد عن التضليل الحراري لأن سعره غالي ومبالغ فيه 2000 ريال



فيه محل / محمد الشمري شارع المصيف للزينة حراري كوري اصلي بـ 70 ريال للسوبربان

ركبته من بداية الصيف والى الان زي اللوز
:p



** ملاحظة **


والله أعلم



سعر الباترول في جدة ارخص من الرياض


يجب الحرص على الباترول الخليجي (المسعود)

او السعودي البازعي ( النسيم بالرياض )


لأن البازعي صار يورد خليجي

او الجبـر بالشرقية

لأن السفاري2 وكيل الجبر

مثبت سرعه كشافات

وهذا غير موجود في

الحمراني زميل ابو جميل :D:D:D:D

والله يوفق كل اعضاء هذا المنتدى الشامخ

ويرزقهم الله

ويوفقهم ويسدد خطاهم

انه على كل شئ قدير

[ابونايف الروقي]

سيف الظفير وافي طال عمرك وبيض الله وجهك على المشاركة والتفاعل ..

[باترول للأبد]

او الجبـر بالشرقية

لأن السفاري2 وكيل الجبر

مثبت سرعه كشافات

وهذا غير موجود في

الحمراني زميل ابو جميل

أخوي سيف الظفير لاتعطي الجبر أكبرمن حجمه تراه نفس الحمراني بالظبط

ومثبت السرعه موجود عند الأثنين والسفاري 2 عند الجبر نفس الشي بدون كشافات

وتدري وش الفرق ... أن الجبر يجيب السفاري 2 والسوبر بلحيه والحمراني بدون

[سيف الظفير]

انصحك يالغالي بالمرور على السنيدي بالقصيم تراه ممتاز وبتلقى مطلوبك من اغراض البر والسيارات

[سيف الظفير]

أخوي سيف الظفير لاتعطي الجبر أكبرمن حجمه تراه نفس الحمراني بالظبط

ومثبت السرعه موجود عند الأثنين والسفاري 2 عند الجبر نفس الشي بدون كشافات

وتدري وش الفرق ... أن الجبر يجيب السفاري 2 والسوبر بلحيه والحمراني بدون




يالذيب


اللي كتبته نقلته عن موظف بالحمراني

والله اعلم

[دانكن]

صحيح السفاري 2 عند الحمراني فيه مثبت .. :) ..

[حامى الخبرا]

الف مبروك الموتر الجديد وتستاهل كل خير ......تقبل تحياتى وبتوفيق أنشاء الله

[راعي الرود]

تسسانك تبي الشغل الصح

لا تبعد عن سوافي

شغل مزبوط في الكهرب من ناحيه التمديد وهالكلام

وبالنسبه للكشافات نصيحه لوجه الله نصيحه لوجه الله

انحش عن الغرابي والله ماتسوى بكره تحترق عليك الظفيره لا سمح الله بسبب فرق 1200

ركبهن في الوكاله أضمن لك وأريح من شغل الزيود اللي في الغرابي

والتلبيس مالك الا الأسماعيل بالغرابي .. لبس أي شيء إلا الجلد

صحيح انه عملي من ناحيه التنظيف بس ما تقوى تتحمل حرارته بالصيف وبرودته بالشتاء ..

و اما تظليل زيبارت بـ2000 يالله لا تعاقبنا

انا مظلل من محل زينه تظليل حراري كوري

بـ 100 ريال و مرتاح معه لا شموس ولا غثا

مظلل الموتر كامل زيرو ون والقزاز الامامي زيرو زيرو

منها شكل هبال ومنها الشمس ماتجيك

وان شاء الله اني أفدتك

[ابونايف الروقي]

شكرا شباب اشكركم جميعا

بالنسبه للشباب الي اختلفو بين الجبر والحمراني الفرق بس اللحيه في الصدام الامامي فقط ...

وبالنسبه للكشافات بس تركيب التمديدات موجوده من اول في الظفيره بس مجرد تركيب ..

[alkongrs]

الله يطعمك من خيره ويكفيك شره خطوط افضل شي خطوط الوكاله

[ابونايف الروقي]

خطوط السوبرسفاري سالت عنها قيمتها 2700 ريال بدون تركيب .. الظاهراني بهون عنها ههههههههههههه ..

[دانكن]

خطوط السوبر سفاري بـ 300 ريال عند خليجي .. :) .. بس مو الاصليات ..
وخلك على الخط الاحمر ترى منظره زين .. وانا لو بغير خط موتري ركبت الاحمر ..

[ابونايف الروقي]

مشكور دانكن بس صعبه اركب تجاري واتوقع اني بخليه على الخط الاحمر ..

[سيف الظفير]

فيه واحد هنيا مكشات يركب خطوط السوبر بـ 300 ريال مع التركيب

[راعي العشــه]

الله يطعمك خيره ويكفيك شره

[ابونايف الروقي]

الله يجزاك خير راعي العشه .. وعقبال عندك يارب ازين منه

[الصقري2000]

الله يعطيك خيره ويكفيك شره

[ملاحق السيول]

يأخ مبروك والله يطعمك من خيره ويكفيك شره ولا كن ممكن أسإله
*هل تنصح بأن نشتري السفاري2 أو لا
*ماهي مواصفاته يعني إذكر هل يوجد تخشيبه وزينون وغيرها أرجو الرد بأسرع وقت

[الربذي]

يأخ مبروك والله يطعمك من خيره ويكفيك شره ولا كن ممكن أسإله
*هل تنصح بأن نشتري السفاري2 أو لا
*ماهي مواصفاته يعني إذكر هل يوجد تخشيبه وزينون وغيرها أرجو الرد بأسرع وقت
اصبر تبي باذن الله ترخص السيارات 000000000000000000000000000000

[faisal_al_vtc]

الله يعطيك خيره ويكفيك شره

اخوي انت تقول في جده ارخص من الرياض ممكن تقولي كم السعر

وتقبل مروري

[هجراوي]

الف مبروك اخي الكريم .. و ماشاء الله تبارك الله .. اسأل الله ان يعطيك من خيره و يكفيك شره ...

الصراحه اشكر جميع من شارك ايجابا في الموضوع و المشاركه ادناه من اخي سيف من طراز الخمس نجوم فجزاه الله كل خير ...

اخوك يملك سفاري 2006 واضفت خلال ذلك العام تقريبا جميع ما جاء في القائمة (ما عدى 8 - 10 - 11- 12)

باقي الملاحظات مهمة و تنم عن خبره و رأي في مكانه من وجهة نظري كمجرب للسياره لبضع سنوات ...

مع ذلك سأهمس في اذنك بان تبتعد عن البالون وان تبتعد كل البعدعن التعديلات الكهربائية التي تتجاوز تركيب لمبة او مد سلك توصيلة ... بالنسبة لليايات "لم اجربها" و متردد لاني اجد لها في نفسي فائده عند التحميل فعلا ..

تقبل تحياتي ... اخوك / ابو عبد اللطيف ....







الف الف الف الف الف مبروووووووووووك يا الغالي







والله يطعمك من خيره ويكفيك شره


لاتنسـى :


1/ GPS GRMAN 276C


2/ايكوم 2100


3/ واير سحب اصلي ماركة ARB



4/محول كهرباء
(انصح بالذهاب لمحل الرماية بشمال الرياض بحي العقيق على طريق الملك فهد ) عندهم نوعيه


هيتاشـي اليابانية الاصلية


5/عزبة الطبخ والقهوة والشاهي .
(مع الغاز من ماركة بريميوس السويدية)


6/ لمبات بيضاء عدد اربع


مع لمبة كبوت .


7/ تانكي موية 100 لتر


8/ بطارية اضافية من ورشة مشهورة بهذا العمل .


9/ فصل لك فرشة 5*5


في وسطها مربع 1*1


مبطنة من الوسط ومن الجهه السفلية مبكنة بطربال تنزاني


موجودة عند الغرابي في القيصرية عند اهل الخيام.


10/ تلبيسة ارضية بلاستيكية 5ملم انصح بالسماعيل في الغرابي


كذلك تلبيسة المراتب بنوعية جيدة


11/ كشافات اصلية للجيب بالصدام لأن السيارة جديدة وليست للبيع في الوقت الحالي.


12/ اتبعد كل البعد عن البالون ورفع السيارة


13/ معيار هواء اصلي وهو موجود عند الرماية بحي العقيق


بسعر 60 ريال ماركة ARB


ركب ياي استرالي فقط علشان ماينزل عند التحميل



كفرات الجيب رملية ومخصصة للمناطق الوعرة


فلا تتخلص منها بأستبدالها بالبالون



ابتعد كل البعد عن التضليل الحراري لأن سعره غالي ومبالغ فيه 2000 ريال




فيه محل / محمد الشمري شارع المصيف للزينة حراري كوري اصلي بـ 70 ريال للسوبربان


ركبته من بداية الصيف والى الان زي اللوز
:p




** ملاحظة **



والله أعلم




سعر الباترول في جدة ارخص من الرياض



يجب الحرص على الباترول الخليجي (المسعود)


او السعودي البازعي ( النسيم بالرياض )



لأن البازعي صار يورد خليجي


او الجبـر بالشرقية


لأن السفاري2 وكيل الجبر


مثبت سرعه كشافات


وهذا غير موجود في


الحمراني زميل ابو جميل :D:D:D:D


والله يوفق كل اعضاء هذا المنتدى الشامخ


ويرزقهم الله


ويوفقهم ويسدد خطاهم


انه على كل شئ قدير

[الطيب11]

الله يجعله ناصية مباركة ومعونة على الطاعة

[المودع 2008]

الله يعطيك خير ويكفيك شره
وانشاء الله الاخو يفيدونك

[وائل العنزي]

الله يعطيك خير ويكفيك شره

[كثير السؤال]

ماشاء الله تبارك الله

[ابوفارس التاج]

مبر وك ويعطيك من خيره ويكفيك شره وإذا تبي كفرات بالون جديده عندي

[azoozh22]

الله يعطيك خير ويكفيك شره