أبي أجهز Gx2008 وش تنصحون

[بن عواد]

الحمد لله شريت جي أكس 2008 قير أوتوماتيك ابي اجهزه بس ماني عارف

[alfars77cc]

حق ايش تبي تجهزه

[بن عواد]

لا هنت أخوي خبرك جاي الربيع وودي أجهز الموتر أبي أرفعه بس ماأعرف وش أركب و أبي اركب له بالون بس وش أحسن نوع مقاس 17 وأبي أغير جنيناته لأن الي عليه موشي الموتر خفيف ويهزه الريح وإذا فيه شي ثاني بعد منكم نستفيد

[سوبر VTC]

الله يطمعك من خيره و يكفيك شره
و تقطعه بالعافي باذن الله :)
ماودك تحط بطارية اضافية + محول كهرب :d
تحياتي

[بن عواد]

الله يطمعك من خيره و يكفيك شره

و تقطعه بالعافي باذن الله :)
ماودك تحط بطارية اضافية + محول كهرب :d

تحياتي

ودي طال عمرك بس كيف الطريقة :confused:

[شامخ ألهيلا]

هلا فيك اخووي ابن عوااد وربي يعطيك خيره ويكفيك شره

اول شي لاتنسى تغلف الارضيات بالبلاستك
ثاني شي مر ورشة السوافي موقعها موجود في المنتدى وركب بطاريه احتياط مع المحول
ثاني شي ركب بالون للياي علشان يرفع الموتر لك وموجود عند الدفع الربااعي
وركب لك ماطور هواء اذا له مكااان
ولاتنسى وانا اخوك الواير والاشتراك والمبااات

وعزبة المكاشيت
وتانكي الماء موجود تانكي يركب خلف المرتبه الثانيه لرحلات

وسلامتك وانا اخوووك

جميع العنااوين في الريااض

[بن عواد]

هلا فيك اخووي ابن عوااد وربي يعطيك خيره ويكفيك شره

اول شي لاتنسى تغلف الارضيات بالبلاستك
ثاني شي مر ورشة السوافي موقعها موجود في المنتدى وركب بطاريه احتياط مع المحول
ثاني شي ركب بالون للياي علشان يرفع الموتر لك وموجود عند الدفع الربااعي
وركب لك ماطور هواء اذا له مكااان
ولاتنسى وانا اخوك الواير والاشتراك والمبااات

وعزبة المكاشيت
وتانكي الماء موجود تانكي يركب خلف المرتبه الثانيه لرحلات

وسلامتك وانا اخوووك

جميع العنااوين في الريااض
لاهنت والله يعطيك العافية

[حمد الأحمد]

لاتركب إلا الي تحتاجه
هذي نصيحتي لك
والله يطعمك من خيرة ويكفيك شرة

[برق الصمان]

السلام عليكم
انا اتفق مع اخوي حمد بانك لاتركب الا الي تحتاجه يعني اذا كنت من رواد البر والكشتات بكثره اهتم باغراض البر اما اذا انت طلعاتك قليله فالنصيحه اهتم بتغليف الارضيات والماده العازله للبودي ورفع الموتر وغيره لاتقرب
اتبع المثل الي يقول ( كثر البربسه تخلخل الموتر )
على العموم الله يعطيك خيره ويكفيك شره

[سوبر VTC]

اخوي ان عواد احد ربعي مركب بطارية اضافية على جيكس 2008 مع تركيب المحول عند كهربائي سعودي ببريدة بس مادري كم كلف ؟؟؟
اذا انت ببريدة اعطيك رقم الكهربائي او اوصف لك الورشة
عموما
لا تنسى سعر دقمة الفورد ب70 ريال
و ضع باعتبارك كلما زاد الانبير كان ذلك افضل و هذا يؤدي الى ان البطارية تعيش فترة اطول
و يفضل ان تكون 95 انبير و طالع
البطارية اللي عندي 120 امبير
و البطارية اللي تعبا ماء تعيش عمر اطول و هذه عن تجربة لي و افضل من الالكترونية

هذا رد لاحد الاخوان




مر الدفع الرباعي في الرياض شغلهم لا يعلى عليه لكن حارين شوي في السعر ريان 0542542569 احجز لك موعد قبل الزحمه



طبعا هذا رد لي رقم (82) على موضوع اخر للمدير مكشات
على هذا الرابط

كيفية تشبيك بطارية إضافية للسيارة (http://www.mekshat.com/vb/showthread.php?t=3472)

و هذا ردي

(صياغة الرد بشكل افضل) :)


بالعكس ونا اخوك كلام الكهربائي غير صحيح اطلاقا و لا عند

سالفة

احد زملائي معه باترول فاكه وكالة م

99 سوبر سفاري و حاط دقمة للبطارية الاضافية و الى يومنا

هذا مافي مشاكل




ايضا عمي معه جمس منذ 9سنوات و لا في أي مشاكل


الوالد الله يحفظه معه جيب منذ 4سنوات و لا في أي مشاكل

اعرف الكثير و الكثير كلهم حاطين دقمة و لا خربت

الدقمة و (الدقمة بحكم انه شغالة مع السويتش على طول اكيد

انه تبي

تصير حارة لانه موصلة للكهرب باستمرار) فاكيد تبي

تحتر بس ما خربت معنا

ايضا واحد مركب دقمة على كورولا2002 منذ ثلاث سنوات

و حاط بطارية 120امبير حقت حراثة:D :D اصغر من حقت

التريلة و لا في أي مشاكل طبعا البطارية كبيرة لان له مأرب

اخرى و حاطه في الشنطة

انا ركبته بالجيب في الخلف 120 امبير و حطيت دقمة ب

70ريال و سلك اردني 16 ملي طوله 4متر و يجي سعودي و

نفس بعض المتر ب8ريال و ترى توصيله قوي لانه يشغل

الجيب من دون البطارية الاساسية هذا اذا بغيت تفحص

جودة السلك و التوصيل و عازل اسود او جرجور المتر ب3

ريال التكلفة الاجمالية تقريبا 120ريال و ترى الشغلة سهلة

مهيب صعبة و انا مركبه بالبيت

و تشري الصفرة حقت راس السلك و انا اشوف ماله داعي

تلحيم راس السلك اذا شغلك نظيف لان هاذي وسوسة من

الشيطان

طبعا كهرب الدقمة تسحب من اقرب سلك طبعا السويتش

مفتوح و تفحص بلمبة الفحص سعره ب15 ريال طبعا هي

على شكل قلم اصفر و راسه زي الابرة و له سلك من الجهة

الاخرى و تراه ممتازه تفيدك في فحص الفيوزات و فحص أي

سلك في الغمارة او عند النور الخلفي او عند المكينة اما

الماص تسحب من البدي

طبعا اذا طفيت السويتش تفصل الدقمة و هي افضل من

الكتاوت لانه يخرب و يحتمي دايم و ماله امان يعني ما تدري

اذا شغال

او خربان بعكس الدقمة اذا فتحت السويتش تسمع صوته

و انت بالغمارة (وهذه ميزة)

طبعا شحن البطارية الاضافية يتم اخذ

الكهرب من نفس البطارية الاساسية لكن تكون الدقمه وسط

بين كهرب البطارية الاساسية و البطارية الاضافية

و كل الاشخاص السابقين لم يضعوا فيوز

لمن اراد الصور ينظر الى الرد في الصفحة السابقة رد رقم

(47) و (48)

و هذا رابط اخر بالصور

http://www.mekshat.com/vb/showthread.php?t=37714

تحياتي:) :)

[الاداري]

الله يطمعك من خيره و يكفيك شره
و تقطعه بالعافي باذن الله

[سوبر VTC]

السلام عليكم
انا اتفق مع اخوي حمد بانك لاتركب الا الي تحتاجه يعني اذا كنت من رواد البر والكشتات بكثره اهتم باغراض البر اما اذا انت طلعاتك قليله فالنصيحه اهتم بتغليف الارضيات والماده العازله للبودي ورفع الموتر وغيره لاتقرب
اتبع المثل الي يقول ( كثر البربسه تخلخل الموتر )
على العموم الله يعطيك خيره ويكفيك شره


و عليكم السلام و رحمة الله
انااحترم و جهة نظرك و احترمها
لكن انا اقول ما دام الرجال شرا الجيب و على ما قال الرجال يبي يستخدم خمس سنين فما فوق ان الله عطانا عمر و سواء كان راعي طلعات بر ام لا ما يمنع انه يكمل الموتر له و للزمن
اقل القليل
اذا لا قدر الله خربت او ضعفت البطارية الاساسية فان البطارية الاضافية تقوم بالواجب
ايضا اذا بغا يكشت مثلا قريب او بعيد فان الموتر يغنيه و يكون غناة له عن الناس و لا يتطلب مواترهم حتى من الاقارب بحكم انه مكمل من كل شي
و الموتر لصار مكمل من كل شي ماله ثمن ابد لا ينباع و لا يشترا و الشي عند الحاجة ماله ثمن ابد
لذلك مدام الله معطيك عمر ونس نفسك بهالدنيا و اكشت و انبسط
و الادمي ما يعيش العمر مرتين
باكر اذا صرت شايب :D تحسف على عمرك اللي فات انك ما تونست
اعرف لك شايب الان كبير بالسن شرا جمس غمارة و نص قبل فترة بسيطة طبعا الموتر مكمل
تخيل ما يجلس بالديرة ابد بتله بالبر يوسع صدره اللهم انه يدخل للديرة عشان اهله
و تحسف على عمره اللي فات
تحياتي

[سوبر VTC]

الاشتراك اهم شي تاخذ اصلي ايطالي يجي 50ملي و يجي 70ملي و اهم شي انه ((خشن)) ==> بمعنى ان اسيامه الداخلي تكون عريضه عشان يكون اقوى للتوصيل
بعكس الكيبل الصيني اسلاكه ناعمة و دقاقة جدا و يحتمي على طول ==> ضعيف اثناء التوصيل
اذا تبي تاخذ صيني لا تاخذ الا ((70 ملي)) لضمان قوة التوصيل انا اخبر المتر ب20ريال
اما الايطالي انا اخذت 50ملي للسيارة و للمزرعة و سعره رخيص جدا ب18ريال للمتر و ميزته عليه طبقتين طبقة صفراء على نفس الاسيام الداخليه و طبقة خارجية اللي هو الربل الاسود
طبعا سعر المساكات حقات الاشتراك الجوز ب10 ريال
انت خذ اي كيبل لكن بشرط ان اسيامه خشنه و ايضا يكون من 50 ملي و طالع
اما الماطور خذ لك ماطور ابو جمل لك و للزمن اللي وكيله الشراع
و شاهد صورته على هذا الرابط


منفاخ عملي ومجرب ... يوجد صور ..... سرهيد (http://www.mekshat.com/vb/showthread.php?t=159185)


طبعا الواير يوجد النايلون و يوجد السلسلة الحديد لكن خذ اصلية و انا استخدم واير 35 ملي
تحياتي