أصحاب الg M C لا هنتو

[بدرالليالي]

السلام عليكم ورحمة الله وبركاته
هاذا اول أستفساراكتبه في هاذا الموقع الاكثر من رائع
والي احصل فيه تجاوب وتعاون من الاعضاء مع بعض
انا حمد لله مشكلتي بسيطه
عندي جمس 2004 يكتب في الشاشه دايم(الرجاء فحص مؤشر الاطارات) او كلام قريب من هاذا ما اذكره بضبط
وفيه مشكله ثانيه ان امبير البنزيم يلعب يعني مره السياره فاضيه ما فيها بنزين تلقى الامبير مرتفع ومره السياره توك طالع من المحطه تصير لمبة البنزيم مولعه:confused:
مدري وش المشكله بضبط ومابي اروح لمهندسين بربسه:no2: يتعلمون في السياره ويا ليت لو احد ةيعرف احد كويس في صناعية الشفا في جنوب الرياض كويس لمثل هذي المشاكل يعلمني
وجزاكم الله خير

[سوبر VTC]

و عليكم السلام و رحمة الله
هلا و غلا اخوي بدر الليالي
نفس مشاكل الانبير صارت لي
شف الله يسلمك مشكلة ضغط الاطارات شيك على الكفرات ثم افصل البطارية لمدة دقيقة او 10 دقائق وراح يضبط ان شاء الله لان الكمبيوتر يكون احيانا ملخبط فبتالي اذا فصلت الكمبوتر يفرمت من جديد
اذا ما راحت الرسالة افتح السويتش ثم افصل البطارية نص ساعة
اذا ما ضبط افحص كمبيوتر ب100 ريال و يمكن تحصل حساس خربان او فيوز مقطوع ربما
اذكر احد الربع كانت والعة عنده لمبة ال اي بي اس حقت فرامل مانع الانزلاق
صار الخراب من شي تافه جدا
حصل سلك حساس ال اي بي اس اللي راكب على ترس الهوب منقطع وصل السلك و طفت اللمبة
و احيانا تنظف راس الحساس يكون عليه رايش حديد او وسخ و تطفي اللمبة
مشكلة الانبير
امش بالموتر مسافة 5 متر تقريبا ثم امسك فرامل فجاة تقريبا ثلثين الدعسه
اذا تحرك الانبير
تكون العوامة منطلقة من قاعدة الطرمبة طبعا تفك التانكي و تكبس العوامة من جديد و ان شاء الله تضبط
احيانا يكون الخراب من الرصاص حق العوامة متاكل فبتالي يلخبط الانبير و يتضح ذلك في الرابط تحت
طبعا غالبا خراب الانبير يكون من نفس دينمو الانبير اللي بداخل الطبلون و سعر اصلاحه عندنا بالقصيم ب150 ريال و انا سمعت ان اصلاحه بالرياض ب200ريال
هناك ايضا عطل مشابه تماما للانبير و هو ان انبير الزيت حق الجمس يلعب و يتحرك اذا كان الموتر واقف و هذه موجودة بكثرة و انا اولهم :)
ايضا يصلح الدينمو ب150 ريال
لكن انا ما صلحته لانه ما يضر لانه اذا شغلت الموتر و ارتفع الانبير فهذا يدل على ان الزيت يرقا للمكينة و ان العطل من دينمو الانبير

هذا رابطان ارجو ان يفيدانك باذن الله

جميع أعطال طرمبة الجمس.(بالصور) (http://www.mekshat.com/vb/showthread.php?t=149483)

فك طرمبة البنزين؛؛؛؛للجمس......(بالصورررررررررر) (http://www.mekshat.com/vb/showthread.php?t=150274) سوبر VTC


تحياتي لك

[الشقردي911]

اخوي اليوم كانت عندي المبة حقت المكينت معلقة اول ما شغلت السيارة
والمبة حقت الزية كل ما اشغل القها بوجهي
رحت عند كهربائي وسألته قال حط السيارة على السويتش وادعس 10 دعساة
وشغلت راحت المباة المولعه
ارجو اني افدتك وتقبل مروري
وتقبل مروري

[ابو ناصر 1212]

الله يعطيك العافية أخوي سوبر
بصراحة معلومات مهمة جداً
طيب انا عندي مشكلة بسيطة
يطلع لي في شاشة الطبلون للجمس 2003
عند بداية التشغيل
عبارة
يجب أصلاح معزز الفرامل
واتوقع مثل ماذكرت يكون علاجها فصل اصبع البطارية
أو ماهي الطريقة بمثل هذه الحالة
علماً بأن الفرامل مافيها شي نهائياً
وشكر الله لكم

[سوبر VTC]

اخوي اليوم كانت عندي المبة حقت المكينت معلقة اول ما شغلت السيارة
والمبة حقت الزية كل ما اشغل القها بوجهي
رحت عند كهربائي وسألته قال حط السيارة على السويتش وادعس 10 دعساة
وشغلت راحت المباة المولعه
ارجو اني افدتك وتقبل مروري
وتقبل مروري

اخوي الشقردي
هاذي الله يسلمك لمبة شينج==> غير الزيت
مكتوب عندي بالكتالوج اضغط دعسة البنزين الى كامل مداها ثلاث مرات خلال خمس ثواني و السويتش مفتوح
راح تاشر اللمبة للدلالة على تصفير حساس لزوجة الزيت
ثم شغل الموتر و راح تطفا اللمبة

[سوبر VTC]

الله يعطيك العافية أخوي سوبر

بصراحة معلومات مهمة جداً
طيب انا عندي مشكلة بسيطة
يطلع لي في شاشة الطبلون للجمس 2003
عند بداية التشغيل
عبارة
يجب أصلاح معزز الفرامل
واتوقع مثل ماذكرت يكون علاجها فصل اصبع البطارية
أو ماهي الطريقة بمثل هذه الحالة
علماً بأن الفرامل مافيها شي نهائياً
وشكر الله لكم



لاهنت اخوي راعي المعارض
جرب فصل البطارية و ان شاء الله تضبط
و لا تنسى عندك الكتالوج تراه يفيدك باذن الله و اذا مهب عندك حمل الكتاب من هذا الرابط التالي


دليل المستخدم لليكون 2003 -الى 2006 باللغة العربية (http://mekshat.com/vb/showthread.php?t=159032)


انا اخبر احد الربع قبل 4 سنوات معه جمس 2002 و كان اذا مسك فرامل الدعسه عنده تلعب و كانت اللمبة والعة حقت ال اي بي اس
فقام و الغا ال اي بي اس تماما و ذلك بفصل الفيوز
و طفت اللمبة
و لم يصلحه :)
لكن لا اعلم هل المشكلة من حساس ال اي بي اس ام لا؟؟
رح لورشة ثقة او افحص كمبيوتر
احتمال فيوز او كتاوت او حساس
تحياتي

[سوبر VTC]

اخوي راعي المعارض
اقرا الصفحة من 36 الى 39
اقرا الصفحة رقم 77 يسار الصفحة
و 87 يمين الصفحة
اقرا صفحة 88
ايضا صفحة علبة الفيوزات من صفحة 401 الى 408

[asa39]

اخوي سوبر السلام عليكم

وش احسن ورش بالقصيم تنصح بها وثقة

الله يجزاك خير

[سوبر VTC]

اخوي سوبر السلام عليكم

وش احسن ورش بالقصيم تنصح بها وثقة

الله يجزاك خير


هلا اخوي
افضل ورشة و تعاملت انا معهم شخصيا
ورشة العثمان بالتشاليح و اللي يشتغل به اخوان عبد العزيز و سليمان و كلهم يشتغلون بانفسهم
و مكانهم بطريق محلات السكراب اللي قبل مفرق التشاليح
و هم مختصين بالامريكي و التماتيك التويوتا
ياتي بعدهم ورشة الشبيان بطريق خضيرا
تحياتي لك

[asa39]

الله يجزاك خير اخوي سوبر
وهل عندهم كمبيوتر

[سوبر VTC]

الله يجزاك خير اخوي سوبر
وهل عندهم كمبيوتر

لاهنت اخوي
لا اعلم اذا عندهم ام لا لكن هم ما شاء الله متمكنين و شغل ذمة
اما الشيبان عنده كمبيوتر
تحياتي

[ابو منار22]

المشكله بسيطة جداً

وقد يغفل البعض عنها او لايعرفها وهي انه داخل جنط الكفريوجد حساس لضغط الهواء " مدمج مع البلف "
سعره حوالي 100 ريال للحبة الواحدة وهذا الحساس يرسل اشارات للكمبيوترفي حال ان الهواء نقص او انه غير موزون " اي يوجد تفاوت بين نسبة الهواء للكفرات الاربع الاخريات "
واذا تعطل احد هذة الحساسات يعطيك تلك الرساله التي ذكرت

والمشكلة الادهي والامر عند تغيير الكفرات يقولك ابو يمن نغير لك بلوف جديدة " وهو على نيه " ويركب البلف العادي الاسود لأن اغلبهم مايعرفون قيمه هذا الحساس


وعشان تتأكد من وجود الحساس من عدمه قم بتنسيم الكفر الي حد حوالي 10 وشوف هل يعطيك علامه الاطار الصفراء بداخل لوحة الطبلون جرب العملية على كل الكفرات كل كفر على حدة يمكن يكون حساس واحد خربان

اتمنى اخي الكريم ان يكون هذا هو الحل بأذن الله

[بدرالليالي]

شكرا لكل الي ردو وماقصرتو بجرب وبعلمكم ان شاء الله

[asa39]

جزاك الله اخوي سوبر

[ابو ناصر 1212]

اخوي راعي المعارضاقرا الصفحة من 36 الى 39اقرا الصفحة رقم 77 يسار الصفحةو 87 يمين الصفحةاقرا صفحة 88ايضا صفحة علبة الفيوزات من صفحة 401 الى 408

لاهنت أخوي سوبر
تم تحميل الملف وجاري فتح الصفحات
بارك الله فيك وأكثر من أمثالك
ويحق لهذا المنتدى أن يفخر بوجود مثل هؤلاء الأعضاء المميزين بعطائهم.

[sa-z71]

وعليكم السلام ورحمة الله وبركاته

أخوي .. أنا كانت لي تجربه مع طبلون الجمس موديل 2004 كان عداد السرعه طايح على الـ 200
ذهبت لورشة شخص أعرفه .. ودلني على واحد يجيب القطع من إمريكا .. ذهبت له وأخذت القطعه بـ150 وركبتها بـ 250 ريال ... ملاحظه .. لكل عداد قطعه .
ولي الى الآن شهر ولله الحمد تمام .

أي مساعده أنا حاضر .. للجميع

[سيف الظفير]

يالربع هذي المشكلة عندي لها فترة ولا تطفي الحسااااااااس الا اذا عبيت الهواء 45

[g 4 m 5 c 4]

لا هاذي فيوزات تكون علقه ماتروح والبنزين تصليحه بـ 250 يعدل لك الامبير بس

[قايد الجيب]

الله يعينك على الجمووووووووووس والامريكي .....:(