المساعد الشخصي الرقمي

مشاهدة النسخة كاملة : مهم ..... تكفون .........


ابو شكاع
31/01/2004, 02:21 PM
السلام عليكم ورحمة الله

حياكم الله اخواني

انا باتسر ان شاء الله اذا اراد ربي ابكشت مع شلة لم الصمان

المهم

معنا كناود اثنين

واتجاهنا يبي يكون من القصيم على السريع على ام الجمام ومن هناك نفرق لم الصمان

هذا المخطط له حتى الآن

السؤال

هل نقاط التفتيش يركزون او يمنعون او يضايقون على تواجد انتل الكنوود ؟؟


السؤال الثاني

انامعي انتل اسمه كوميت ......... طوله من 40 ال 50 سم اسود

وخويي معه لارسن الطويل الأسود اللي مهوب اصلي ......اللي قاعدة الربط حقته وسيعه

كنا مره في البر ................ يستقبلني ضعيف جدا وانا نفس الشي

يعني كانت المسافة بيننا تقريبا 4 كلم ولا استقبله اوفر ؟ ويوم كانت المسافة تقريبا 8 كلم ما استقبل ولا برج

مع اني كنت مرتفع على النفود شوي وهو طامن


وتسلمون
حد السيف
31/01/2004, 08:49 PM
السلام عليكم ورحمة الله وبركاته
كل عام وانت بخير
الاخ الغالي ابوشكاع
اصبر وتجيك علوم الكشاتة وخصوصا اللي مرو من تلك الاماكن واللة يعين بس
مع التمنيات لك بقضاء وقت مفيد لك وللمجموعة التي معك



محبك اخيك
حد السيف
نمر بن حثلين
31/01/2004, 09:20 PM
وعليكم السلام ورحمة الله وبركاته

قبل كم يوم في احد نقاط التفتيش بالقصيم طلبو مني انزل الاريل وحمدت ربي انها وقفت على تنزيلة الاريل بدون مصادرة الجهاز

وان كنت ماظن عندك مشكله لان اريلك قصير وما يلفت الانتباه بعكس اريل خويك
لذلك الاحوط لكم نزلو الارايل لحد ما تدخلون للصمان


واما ضعف الارسال مايقاس وخويك طامن ، لازم تكونون على نفس المستوى ومابينكم حواجز مثل جبال او نفد عشان تقدر تحكم وعموما تاكدو من القواعد والكيابل ان مافيها مشكله
وموفقين
ابو شكاع
01/02/2004, 12:21 AM
وعليكم السلام

هلابك اخوي حد السيف

كل عام وانت بخير وصحة وسلامة ........

واشكر لك هذا الشعور

تسسسسسسسسسسسلم

ــــــــــــــــــــــــــــــــــــــــــــــــــ ـــــــــــــــــــــــ

نمر بن حثلين

اسم مركب بطريقة جميلة :)

شكرا لك على هالمعلومات اخوي

وما قصرت

فعلا الاريل اللي معي ميزته انه قصير

وبعدين انا مثبتة بقاعدة من خلف باب السيارة ......... بحث انه في صعوبة في ملاحظته

وانتظر بقية الأخوان

وياليت يعطوني خبر لان الوقت يروح بسرعه

شكرا لكم
صقر
01/02/2004, 09:48 AM
ابو شكاع:

كل عام وانت بخير

انا ودي ان التفتيش يصادرون هالاناتل اللي ما تجيب الا سبع كيلو علشان تطلعون اللي تحت البلاطة وتشرون اناتل صح..... ههههههه

وكل عام وانتم بخير ...
البارق*
04/02/2004, 04:01 AM
الأخ أبو شكاع

في رحلتنا من الرس إلى الصمان نحمد الله لم يطالبنا أحد أو يسألنا عن الجهاز. حتى تفتيش أم الجماجم

مع العلم من مشيت من البيت والأريل على تندة السيارة حتى رجعت

أثناء مروري بالحاصبيات سمعتهم يطالبون الدوريات بسحب الجهاز من أي سيارة تمر

بالنسبة لمشكلة الأريل تأكد من توصيلات السلك بالقاعدة. أو الجهاز

أو مثل ماقال أخوي صقر
ابو شكاع
06/02/2004, 03:41 PM
ابو احمد

ما تحت البلاط الا الدفان هههههههههههههههه

تسلم وما قصرت .................


البارق فعلا

ما واجهنا اي مشكلة في الطريق .........

مشكورين كلكم وما قصرتوا
البارق*
06/02/2004, 11:20 PM
الحمد لله على السلامة


جيتكم يبغالها عشوة بحزوم أم رقيبة :D


قل تم:cool:
ابو شكاع
07/02/2004, 12:36 AM
عاد حزوم ام رقيبة يقولون وش زينه

صايرتن على الكيف

يطول لي بعمرك

عدنا لفينا عليك بمحلك .........

لاهنت

ومشكور يالغالي

وانتظربإذن الله الصور :)