هل من حل لتفتفت المحرك

[aaa3]

السلام عليكم
كل عام وأنتم بخير
مشكلتي ياشباب في سيارتي البرادو 2005 ستة سرندل عبيتها بنزين ولم أنتبه نوع البنزين حاسبته ومشية وبعد مائة كيلو وقفت
وإذا باالسيارة تتفتف وخصوصا في الرويس
حاولت أشفط البنزيم ولكن اللي مايدخل للتانكي فهل فيه طريقة لسحبه غير الطريقة التقليدية ؟ وما الحل ؟؟؟؟؟

[aaa3]

upup up????????????

[بدوي جنوبي]

عليكم السلام ورحمة الله وبركاته
وكل عام وانت بخير

لا تشفطه ،، اتركة حتي ينتهي
بعدها عبئ بنزين 95 وكل شيئ بيرجع طبيعي

[aaa3]

مشكور أخي بدوي جنوبي
وسوف نتحمل التفتفه حتى ينتهي البنزين

[الدهاس]

اخوي اخاف ان البنزين كان معه شوي ماء يعني المحطه مو نظيفه توانكها
وانا صارت معي بس كنت مستمر على الـ 91 الاخضر حول سنه بعدها جاتني التفتفه وغيرت الى 95 الاحمر وبعد شهر غير البواجي ويا سلام سلم وانت هل المشكله طلعت فجئه لانه قد يكون السبب ماء جاء في التانكي

[g 4 m 5 c 4]

مثل ماقال اخوي الجنوبي اتركه حتى ينتهي وبعدين عبه بنزين 95
وتشيك على البواجي يمكن تكون انتهت

[aaa3]

بالنسبه للبواجي جديده مالها شهر ولم تظهر التفتفه إلابعد ماعبيت البنزين الأخير

[سوبر VTC]

و عيكم السلام و رحمة الله
اخوي يحتمل ان فلتر البنزين موسخ او فيه سدد
تاكد من ذلك
يفضل فحص كمبيوتر ب100ريال
اهم نقطة لا يخدعونك و يقولون تنظيف بخاخات
هذه دعاية و قليل جدا جدا تخرب
تحياتي

[aaa3]

تم تعبية التانكي مرة أخرى من أحد محطات الدريس بنزين 95 وأخذت فيه مشاور لعل التفتفه تزول ولكن للأسف مازالت مستمرة ولنبة التشيك على المحرك مازالت والعه .
وأين يقع فلتر البنزين حق البرادو 2005 الستة سلندر؟

[إعصار]

شيك على صفاي البنزين ..

ممكن يكون هو السبب ..

[cherokee-LS-7]

بالنسبه للتفتفه إمش عليه لين يلصل التانكي للربع حط له شامبو بخاخات حق فورد سعره تقريبا 30ريال ثم إمش عليه إلين يخلص البنزين تماما ثم عبي له بنزين 95 ودعي لي...........................................

[aaa3]

صرحة متخوف من إستخدام الشنبو حق البخاخ فهل أحد جربه؟

[aaa3]

up up up up
:cool: :cool: :cool: :cool:

[مسفر الاكلبي]

الشانبو مدري

بس مشكلتك بسيطه لا تحمل هم

امش عليه وتزين الامور ولا تلعب في موترك بالورش

[aaa3]

عبيت التانكي مرتين والتفتفة مستمرة

[بدوي جنوبي]

غريبه
اخوي عنده باث موديل 2006 صارت معه نفس مشكلتك

بعد انتهاء البنزيم عبئ الاحمر وراحت التفتفه

اذا عندك خلفية بسيطة فك احدى البواجي وشوف اذا كان عليه كربون كثير

بالتوفيق

[بواردي الدلم]

لا تحط شامبو فورد ولا صابون صابونه

خله يفضى وعبه احمر وبيزين

ياشباب ترى هالعلب اللي بالمحطات نصب حطيتها مره بكوريلا خبطت مكينتها

[صافي القلب]

أخواني الأعزاء
بالنسبة لمنظف البخاخات انا مجربة أكثر من مرة صدقوني انة ممتاز للسياره وأفضل نوع حق الفرد يجي مكتوب علية (موتر كرفت) والعلبة لونها أحمر لأني قبل كم سنة كان معي بي ام وكانت بخاخاتها يبيلها تنظيف رحت لواحد من الشباب كهربائي ونظف لي البخاخات بالجهاز ب250 ريال وظبط الموتر وبعد مدة طويلة كان معي شروكي وكان يبي له هو بعد تنظيف والرجال الكهربائي صاحبي كان برى الرياض كلمتة وقال لي أخذ من هذا المنظف وأحط منة في تانكي البنزيم أذا كان في التانكي أقل من الربع بشوي وامسك لي خط لين يقرب يخلص البنزيم بعدين أفلل وسويت زي ماقال لي الرجال ظبطة السياره كأني منظفها عندة على الجهاز
حبيت أني افيدكم بهذه المعلومة ودمتم

[aaa3]

جزاكم الله خير

[محمد6655]

اذا انك غيرت الصفاي حق البنزين ولازان موترك خذ هالنصيحه وهي ماتكلفك شي اذا كان الموتر صوته صافي وهو واقف وتجيه التفتفه اذا عطيته بنزين اوحركت وتزيد كلما زادت السرعه وكنه يبي ينفجر او يطفي وممشاه كنه مقيد ومربوط0000شف البويبينه اللي بجنب البليتين اختبرها اول وتعرف انها عطلانه بطريقه بسيطه فكها وقم بتوصيل سلك بسلكها لانه قصير وحطها على ماص البطاريه ولمس السلك بالكهرب 0000أذا طلع لها صوت طقه بصيطه تراها شغاله وأذا ماطلع لها صوت بتراها محترقه غيرها تراها بـــــ5ريالات وشفط للموتر اذا انه كبليتر واذا انه بخاخ مسه ويصفى100% وادع لي 0000

[(ابو عبدالله)]

نفس المشكله معي برادو 2008 وغيرى البواجي وصفاية البنزين وفلتر الهوا
والاحظ هاالشي وخاصه لما تكون السياره بارده واجي ابي امشي تحصل التفتفه او جيت اوقف عند الاشاره

وللجميع تحياتي