افضل مساعد للباترول

[الوديّ]

السلام عليكم ..عندي جيب نيسان 90 ودي اغير مساعداته اللي قدام ..وابي شروك الله يحفظكم ..في افضل مساعد + السعر + وين احصله

[just1love]

وعليك السلام اخوي
انصحك بمساعدات جبريل إلي تجي لونها ابيض وعرها مناسب جدا \\
وكما يقول المثل اخد الزين ولو عليك الدين ههههههه

[قموص الداهنة]

انصحك بمساعدات شاص مديل 2000 انا مركبها على موتري مثل موترك وممتازه

[مواسي الطعوس]

افضل مساعد (الرانشو) اللي 5 دقات , لكن مارايح تحصله الا تشليح . او عند شخص (وهو حلال عليه الفلوس باي قيمه يعرض عليك خذه )

علما ان قيمته الواحد 350 ريال . والان اللي عنده شي تجده يسام على 500 ريال .

**الثاني / مساعد مرسيدس قوته ممتازه ويمتص المطب شوي .
** الثالث / حق الربع التويوتا .

(المساعد القوي : يذهر رجة الدركسون , ليس فقط مساعد الدركسون )

[الزعـبي]

الصراحه ما ادري بس حق الوكاله توني مركبه شريته بــ 120 الواحد

[اكليل الجبل]

والله انا اسمع ان حق الوكالة افضل شي وكمان حق الشاص يمدحونة .

[أبن حرب]

فيه مساعدات يقال لها ( مساعدات غنام ) ...
ما عندي خلفية لكن سمعت أكثر من واحد
معه باترول يمدحهن ..

[احلى شين]

مثل ما قالك قموص الداهنه
حقت الشاص ال2000 انا مركبهاعلى الفتك والحمدلله ماشفت منها شي على الردميات والنفود والزفلت .
وتركب بدون اي تعديل .

[سفاري6000]

حسب خبرتي ومن كثر ما ركبت انواع المساعدات .

لاتركب إلا حق الوكاله الأصلي , وما راح تتحسف .

حق التايوتا رخيص لاكن عضل ممكن يسبب شعور بالواجهه الأماميه للسياره .

وتقبل مروري .

[..: ابو يوسف :..]

السلام عليكم ورحمة الله وبركاتة

انا اعرف كم واحد كلهم مركبين مساعدات شاص

والسبب لانها تركب على طول من دون اي تعديل وتلحيم

وترها قوية وممتازة وتمتص الرجة بالنفود

وانا عن نفسي ابركبها ان شاء الله

حبيت افيدك

[ابو عطفه]

اخوي فيه حركه يدبل لك المساعد ويحط مساعد مرسدس ومركبه في سيارتي تكلفته تقريبا 500 كل الاثنين واذا مااعجبك انا اعوضك عن الخساره

[الوديّ]

الله يعافيكم جميعا من كل شر كل باسمه ... والله الظاهر ان مساعدات الشاص هي اللي ابركباها بمشيئة الله تعالى ...وشكرا لكم جميعا وما قصرتوا