الى خبراء رأس بوقميص

[abdullah_st]

السلام عليكم

بصراحة يا شباب البعض يعرف منطقه راس بو قميص ويعرف كيف الصيد ممتاز فيها وماشالله نشوف الشباب ينزلون صور الرحلات وفيها خير ماشالله
لكن الي محيرني اني ذهبت معا الاصدقا 3 ايام في العيد وحاولنا نصيد بكل الطرق الي هي
المد والشكة والحداق بالسنارة وبالخيوط لاكن حصيله الثلاث ايام تقريبا 4 شعريات ومن الحجم الي يرثا له اصغر من كف اليد

السؤال هل في اماكن معينة يكثر فيها الصيد او انه طعم معين يضبط في بوقميص او شالسر انا مادري

طبعن الطعم كان ميد - خثاق - سلس - صدور دجاج

الفزعة يا اهل الخبرة دلونا على اماكن زينة

[عاشق تالا]

وعليكم
السلام
هلا وغلا فيك اخوي

بخصوص راس بو قميص

راحت ايامه...وصار له زمان على الوضع اللي انت شفته

ومحد راح الا ويشتكي ويقول مافي صيد

طبعا افضل طعم الخثاق ومحد يختلف عليه

تصدق قبل 4 الى 3 سنوات
كنا نطلع 5 شباب ومعنا 18 كيلو خثاق
ولمدة 3 ايام ينتهي الطعم وما يخلص الصيد
ونقول ياريت كان الطعم اكثر


لكن الفتره اللي مضت نروح ونرجع واحنا نتحسر على الحال
وكل الطرق جربناها من سنوركل ومد وشكات وسنانير

طبعا انصحك لاتقرب من الراس يعني لو الصيد سيء ففي الراس اسوء

يعني الوضع تغير
انصحك اذا كنت هاوي
وتبي تصيد
عليك بطلعات طراد
هي اللي تبرد قلبك وتحصل صيد وفير

شوف هذا الرابط وتعرف شلون الصيد قبل والان هذا صيد يوم واحد

وطلعنا اضعاف اضعاف
http://www.mekshat.com/vb/showthread.php?t=94429




وربي يوفق الجميع

[abdullah_st]

اشكرك اخوي عاشق تالا على التفاعل في الموضوع اتعبناك معانا

[abdullah_st]

......................

[عاشق الموج]

السلام عليكم

فعلا مثل ما قال اخوي عاشق تالا

صار الصيد فيه شي لا يذكر

لدرجة صرنا ما نصيد ولا حبة سمك

والامر المستغرب منه وجود كثير من الحواقيل تشوفهم بالعين على الشاطئ ينقزون

لكن تجي مثلا تبي شعري او هامور يفتح الله مافي

لكن نقول ان شاءالله يرجع مثل اول بو قميص ويرجع الصيد فيه وفير

تقبل تحياتي

[عاشق بليزر79]

عاشق تا لا كفى وفى

[abdullah_st]

مشكورين شباب على تفاعلكم في الموضوع

[abdullah_st]

؟؟؟؟؟ ؟؟؟؟؟؟